خليني اتكلم ... خليني اعبر .... يا الله ما اروعك - نادي الهلال السعودي - شبكة الزعيم

الهلالي 11 · #1 13/01/2008, 09:58 AM

صباح الخير جميعا

صباح الهلال والمان الاثنين فازم وامتعو امس

نخش بالموضوع

الدوري الانجليزي كل جولة يثبت انه الافضل

والاحلى ان المان كل جولة يصير افضل وافضل

والاروع ان عندنا واحد اسمه $$كرستيانو رونالدو$$

وش هالاعب ... بالله من وين جاي
والله مساكين اللي ما عندهم كرستيانو

يا الربع تونا بنص الدوري شوفو كم جاب هدف!!!
الى الان بس بالدوري جايب 16 هدف ومتصدر ترتيب الهدافين وتونا بالجولة 22 !!

ومباراة النيوكاسل ما شاء الله حتى فيردناند جايب قول وش بقى

والله ما أقول الا الله يعين الهلال على كرستيانو والمان

والله يا الدفاع انواع التسديح
احس ان كرستيانو بيفتح شوارع جديدة عشان يخفف زحمة الرياض
ما وده يصير الطريق زحمه وهو رايح للمطار

من جد الله يستر على هلالنا

انا اضمن لكم من الان انه بياخذ كل جوائز السنة ذي
افضل لاعب في اوروبا والعالم وهداف اوروبا الاول غير الجوائز الثانية

جائزة 2007 ما نبيها اصلا رقم 8 احلى من 7

قفلة:
اتمنى واتحرى بكل شوق مقابلة المان للميلان بالتشامبيونز
حتى ياخذ كرستيانو بالثأر ومن أمام كاكا

ملاحظة: انا من مؤيدين الميلان لكن موب قدام مانشستر

الله يخليلنا الهلال ومانشستر

sword · #2 13/01/2008, 10:39 AM

مبروك للمان السداسية المذهلة على الرغم اني كملت المباراة و انا زعلان لأنه الحكم ألغى هدف سليم 100% لأوين لكن المان يستحق المباراة بجدارة ...

و بإذن الله بندفنكم يا مانياوية في درة الملاعب الإثنين القادم نياهاهاهاهاها ว) ...

مهند20 · #3 15/01/2008, 12:44 AM

إقتباس

الرسالة الأصلية كتبت بواسطة sword


	مبروك للمان السداسية المذهلة على الرغم اني كملت المباراة و انا زعلان لأنه الحكم ألغى هدف سليم 100% لأوين لكن المان يستحق المباراة بجدارة ... و بإذن الله بندفنكم يا مانياوية في درة الملاعب الإثنين القادم نياهاهاهاهاها ว) ...

؟؟؟؟؟؟؟؟؟؟؟؟؟

ياخي نايم انت 3 بلنتيات ما حسبت للمان تناظر لهدف !!!!

C a P i T a N O · #4 13/01/2008, 10:54 AM

مبروك وفعلاُ مبروك سته مو سهله على فريق كبير

مثل نيوكاستل

وسلملي على يدينك

بس ميلان NO PLAY

5Faya · #5 13/01/2008, 04:35 PM

يعطيك العافية اخوي على الموضوع ..

فعلا كريستيانو أتوقع إنه إنهبل أمس ..

ياخي يسوي أشياء غريبه .. الله يستر بس على هلالنا .. !!

والله إني حاس بمعاناة المفرج وخوفه من كريستيانو ..

أتمنى بصراحه مقابلة ميلان هالسنه .. للثأر .. وأتمنى مقابلته والمان بكامل لاعبيه ..

وبالنسبة لاخوي مالديني and كاكا .. كريستيانو هو الي سجل الهدف الأول للمان في الأولدترافورد ..

ويبقى الميلان كبير ..

تقبلوا تحياتي ..

My car · #6 13/01/2008, 04:47 PM

كرستيانو .. لا يختلـف عليه اثنيـن ..لا عب مهاري والسدحة عنده زي السلام عليكم

بس الفريـق اللي يعتمـد على لاعب واحد مهوب فريـق .. ,.,

مبروك الفـوز والصـدارة . ,.

الهلالي 11 · #7 13/01/2008, 05:04 PM

إقتباس

الرسالة الأصلية كتبت بواسطة My car


	كرستيانو .. لا يختلـف عليه اثنيـن ..لا عب مهاري والسدحة عنده زي السلام عليكم بس الفريـق اللي يعتمـد على لاعب واحد مهوب فريـق .. ,., مبروك الفـوز والصـدارة . ,.

مشكورين جميعا على المرور والدفاع المدني

اسف قصدي المرور والردود

ما رح اعلق على ردود اخواني الميلانية لكن باقول مرة ثانية
اتمنى نتقابل مرة ثانية هالموسم ونشوف وش يصير

هلا وغلا اخوي ماي كار وش جايبك هنا رح شغل سيارتك

سالتك سؤال بمنتدى السيارات والى الحين مطنشني

اخوي ماي كار المان يفوز ويبدع مع وبدون كرستيانو
لكن كرستيانو زي التايب بالهلال انت فاهم قصدي

المان كله نجوم لكن يظل لسحر كرستيانو طعم خاص

تحيواتي للجميع

N ALRASH · #8 13/01/2008, 06:06 PM

السااااااااااااحر كريستيانو رووووناااااااااااااااااااااااااااااالدووووووووووووووو

هـلالي ارسنالي · #9 13/01/2008, 06:28 PM

والله كرستيانو موهبة غير معقولة و الله يعين الهلال منه بس ..

ـيا ـها ـجري · #10 14/01/2008, 03:21 PM

السنة هذي مبدع كريستيان بشكل مو طبيعي..

اتمنى انه يحصد عدد من الجوائز المستحقه له..

طيار هلالي · #11 14/01/2008, 04:23 PM

المان فريقي المفضل لكن الله يستر على الزعيم بس

ياهلاليين تكفون لا تتحدون كريستيانو رونالدو والله مو ناقصين نتيجة تاريخية خخخ

قولوا للمفرج الله يجزاه خير لا يتحدى هالمهبول ترى مالك معاذ هيين

@ الزعـ totti ـيم @ · #12 15/01/2008, 01:05 AM

ياااا اخي العزيز انت تتكلم عن من ياترى انهو كريستاينو وليسى غيره .

انا من اشد المعجبين فيه صراحه لاعبمن كوكب اخر لاعب من العمالقه .

دامت محبتكم مادامتو على وجه هذهي الارض.

اخوك الزعـ توتي ــــيم

B52* · #13 15/01/2008, 09:17 AM

إقتباس

الرسالة الأصلية كتبت بواسطة الهلالي 11


	[CENTER]صباح الخير جميعا قفلة: اتمنى واتحرى بكل شوق مقابلة المان للميلان بالتشامبيونز حتى ياخذ كرستيانو بالثأر ومن أمام كاكا الله يخليلنا الهلال ومانشستر

اتوقعها راح تكونها كبيره وراح يكون الرد قاسي