صباح ومساء الورد والياسمين على الجميع

ندخل في صلب الموضوع مباشرة

أنه في يوم أمس السبت 26 / 12 / 1428هـ حبيت ادخل وأرد على ردود بعض الأعضاء في موضوعي وأيضآ بأرد على بعض المواضيع الرايقة ... والجميلة

أدخلت اسم المستخدم وكلمة السر ... والا يقول :- ضف وجهك :bigeek:

أفاااااااااا ... وش صاير واطالع والا البودي قارد واقف عند مدخل منتديات شبكة الزعيم ...؟

يالغالي ابي ادخل للصالة الملكية / المجلس العام

البودي قارد :- وين بطاقة العضوية ( اسم المستخدم + كلمة السر )

قلت :- والله العظيم أني مدخلها صح ...؟

البودي قارد :- تستخف دمك أنت وخشتك:upset: ... دخلها صح ... وبتدخل على طووووووول .

قلت :- يا أبن الحلال دخلتها مرتين وثلاثة وعشرة ... وما فيه فايدة :wallbash:

البودي قارد :- طيب يمكن يكون فيه زحمة وما عاد توجد كراسي فاضيه ... أنتظر شوي الين يفضى كرسي ... الا على فكرة كم سرعة DSL عندك .

قلت :- زحمة ... أيه ... طليت على الضيوف ... والا ما شاء الله صاكين حول 5000 ضيف:clap: ...؟

وبعدين تعال وش دخل السرعة ... فيه ناس على الهاتف العادي وماشية معهم صح ...
وش معنا أنـــا :upset:

البودي قارد :- شف يا الشبن ... اذا السرعة عندك مهيب من 1 ميغا وما فوق تراك بتبطي تنتظر:nono:

قلت :- أوف وما ينفع طيب واسطة :d

البودي قارد :- مادام أني على ها الباب لا انت ولاغيرك من سرعات أبو نعيلة يدخل:bangin: ... الا وقت يكون ما فيه ذروة ... يعني بالعربي مافيه زحمة على شبكة الزعيم .

قلت :- طيب ممكن أحد لاعب بيوزري هيك والا هيك:naughty:

البودي قارد :- مستحيل وأنـــا متسند على ها الباب :taz:

قلت :- أجل ما لي الا انتظر الين يلهون بعض ألأعضاء في الغداء والا القيلولة الظهرية أو السبات العميق بالليل:beer:. وأدخل وما عاد أطلع أبد ... وبا أخلي كمبيوتري شغال حتى ولو طلعت برى البيت ... ما بدهااااش:rotflmao:
( بس لا يكونون مسوين مثل ها الشيء ) ... رحــــنــــا فـــيــــهـــا :lamo:

البودي قارد :- خلاص عرفنا أنثبر أنت و وجهك .

ضحكت بوجهه وقلت :- ليه خشتي مهيب حلوة ... طيب ...أنا أدري لأن حب الشباب مالية خشيشتي:wink: .

أخ يا القهر:wallbash: من أمس السبت على اليوم الأحد وقت أذان المغرب ... يا الله اني طالبك وقت أذان وطاعة رحمنا أنك تسهل دخولي لشبكة الزعيم ... والا أن ها العملاق ( البودي قارد ) ... يتلطف ويحن علي ويخليني أدخل ...بس لو أكتب كلمتين أعتذر فيها لأخواني الأعضاء على التأخير بردودي عليهم ... يارب :angelnot:.

ــــــــــــــــــــــــــــــــــــــــــــــــ

ملاحظة صغينونة :-

أتمنى زيادة الكراسي للشبكة حتى يستوعب الأعضاء والضيوف ... بصراحة تعقدت من محاولاتي للدخول وماقدرت ... ويمكن فيه غيري بعد... مرو... بها الحالة ... والله من وراء القصد

وعليكم السلام ورحمة الله وبركاته ,

حياكـ الله أخوي جاج :d !

الحمد لله ( البودي قارد ) حافظ شخصيتي مايطلب مني شئ !
إلا أذا مسحت البيانات :d
بس بما أنكـ خبرتنا بموضوع الزحمة ! فأعتقد ما فيه مسح بيانات بعد اليوم :d !

يعطيك العافية على الموضوع الرائع

الرسالة الأصلية كتبت بواسطة غلاهم وماخذه حلاهم (مشاركة 7398900) ياحليل البدي قارد الي انت شفته اجل انا كأني اكلم جدار لين ماشكيت ان هكر داخل جهازي وقاعد يهبل فيني :d وبعدين يمكن ماوده يشوف خشتك خاصتا وانت تقول فيك حبوب الشيخوخه:d اقصد الشباب

الرسالة الأصلية كتبت بواسطة غلاهم وماخذه حلاهم (مشاركة 7398900) [COLOR=purple] اجل صار المجلس العام الصاله الملكيه :d وحنا اهل الصاله :d خوش مسمى ينطبق علينا :d يالله مرسي يمرسك ويرفسك عالموضوع

الرسالة الأصلية كتبت بواسطة طارق (مشاركة 7399045) يمكنك مضيع و لفيت مع اللفه اللي قبل منتدى الزعيم :d المشكلة مهب بالكراسي المشكلة بناس ممدة عصاقيلها ماخذه أكثر من كرسي ملاحظة أخيرة : البودي قادر تعني الحارس الشخصي أما البواب فهو سيكيورتي :laugh:

الرسالة الأصلية كتبت بواسطة **sniper** (مشاركة 7399056) كيف حال البودي قارد !!

الرسالة الأصلية كتبت بواسطة S K Y (مشاركة 7399066) ياهلا والله وغلا بـ JAJ ،، وانا اقول وش الزحمه اللي برا والازعاج كنهم ( زقرت ) بيدخلون الفيصليه بالقوه تصدق عاد انا صار لي هالموقـف ،، دخلت بالمعرف والباسوورد وقال لي غلط يؤؤ طيب انا متأكد مليون في الميه دايركت دخلت من جهاز ثاني ونفس المشكله ،، والله قفلت الدنيا بوجهي قلت الحين يبيلي يوزر جديد وانتظر ياحياتي لين يجيك التفعيل نمت وانا ضايق صدري كأن جوالي مسروق ،، دخلت من بكرا وكل شي زي الحلاوه أعتقد المشكله من نفس الفورم مو من الكونكشن لأن ذاك الوقت كنت ادخل مواقع مزحومه وسريع الكونكشن معي عوافي اخــوي وكأنك داري اني طفشان داخل طالع ادور واحد يكتب موضوع ههههه

الرسالة الأصلية كتبت بواسطة ماجد مقبل (مشاركة 7404874) هلا وغلا اخوي جاج ...:clap: والحمد لله على سلامة الدخول ... حقيقة شعور انك ماتدخل المنتدى بيوزك عذااب والاشد قهراً اذا خلصت المحولات الخمس :razz: يعني انتظر ربع ساعة لين ما يعطونك فرصة اخرى بس الحمد لله لي مدة والشبكة ماشيه معي زي الحلاوة s60s الله لا يغير علينا :smilie47: تسم جاج والله يعطيك العافية ,,, دمت بخير ,,,

الرسالة الأصلية كتبت بواسطة الفيروسه الزرقاء (مشاركة 7414754) لوووول هـ البودي قارد شفته :bigeek::d جاني قبل يومين وقالي وين بطاقتك :yes:! مجرد ماوريته بطاقتي :bigeek: اقصد دخلت اسمي وباس ووردي ع طول دخلني ماقالي فشلت المحاولة :d.

الرسالة الأصلية كتبت بواسطة الفيروسه الزرقاء (مشاركة 7414754) صــــن كيو يـ الغالي .

الرسالة الأصلية كتبت بواسطة ][the best][ (مشاركة 7415381) وعليكم السلام ورحمة الله وبركاته , حياكـ الله أخوي جاج :d ! الحمد لله ( البودي قارد ) حافظ شخصيتي مايطلب مني شئ ! إلا أذا مسحت البيانات :d بس بما أنكـ خبرتنا بموضوع الزحمة ! فأعتقد ما فيه مسح بيانات بعد اليوم :d ! يعطيك العافية على الموضوع الرائع

الرسالة الأصلية كتبت بواسطة عــــ الهلالي ــارف (مشاركة 7415563) جاج الغالي لي رجعه لك ... بس ماادري متى ...!!!

الرسالة الأصلية كتبت بواسطة بنت فهد (مشاركة 7415953) جبتها وربي من يوم السبت وانا ادخل اسم العضو وكلمة المرور يقول انتظر 15 دقيقه انتظرت ولا دخل جا يوم الاحد ونفس الحكايه انتظر 15 دقيقه جيت لبيت خوالي ودخلت من جهاز بنت عبد الله ودخل بس استغربت البلى من جهازي ولا من الموقع وحتى اني قلت لاحد الاعضاء حالتي وتصيرله تقبل مروري

الرسالة الأصلية كتبت بواسطة الزعيم20الهلال (مشاركة 7417016) صباح الخير

الرسالة الأصلية كتبت بواسطة هلالي ودمي سامي (مشاركة 7417287) اخاف الوقت اللي دخلت فيه عوايل