انا اعتقد نا سعر التذكرة مناسب جدا .....

..... الرجال الحين يفكر في مباراة الاعتزال و انت فاضي لسعر التذكرة .....
اللع يوفقك يا ابو عبدالله .!!

سامي ماله دخل .. موبايلي اعطوا سمي مبلغ وقدره .. والباقي من عوائد الجمهور لهم إعلانات ، تذاكر ................الخ .

حاظرين حاظرين لو حطوها في برلين

ياحبيبي ياكابتن يافاهم

سعر التذاكر تاخذه الشركة الراعية للمهرجان اللي هي موبايلي وسامي ماله دخل

ثانيا اعتزال يوسف ومع انه كان احتياطي فالنسيا الا انه كان ب30 ريال

والحين بيجي المان يونايتد اقوى فرق العالم حاليا بلاعبيه الاساسين ومستكثرين عليه 40 ريال

اذا كان مامعك فلوس اجلس في بيتكم وقر لان فيه جماهير ماراح يلقون مكان

وماطاح من النجوم اخف للسماء

كـلامـك صحيح ..لكن مسالهـ الـ 40 ريال فيهت ناس بيقطعـون مسافات مهوب متعيجزين على دفـع 40 ...

بس الدراسـهـ هذي المشكلـهـ ع العموم انا ابحضـر والله يوفق الجميـع

المشكله بتكون بوقت اختبارات

يالغالي

صحيح ان سعر التذكره غاليه (شوي)

لكن ماله داعي نتكلم بهالامور

وبخصوص سالفه ان الملعب مو ممتلي غلطان يالحبيب

ترا عشاق سامي مو من الرياض ولا المملكه

فيه جماهير كبيره بتحضر من انحاء المملكه وحتى من الخارج

ولاتنسى ان شعبيه سامي تسوى انديه بكبرها

وحفل الاعتزال بيحظر الجمهور و70 الف مدرج بيمتلي

وبرا يمكن يكون دبل الي جوا

الله يهديك بس

لاتربط سعر التذكره بالاختبارات

الاختبارات راح تكون بعد ب5 ايام يعني الي يشوفك يقول هال 5 ايام كلها مذاكره 24 ساعه بدت توقف

والحين سامي خدمنا سنين وسنين

نقعد نقول سعر التذكره غاليه وكلام ماله معنى



الله يهديك بس..!


ولاتزعل من كلامي ورده

بالنسبه للوقت ما يقدر يغيره لانه تقرر مع مانشستر على اليوم والوقت

وبالنسبه للتذكره اعتقد 40 ما يعتبر سعر تعجيزي


تحياتي // زعيم بأخلاقي

إقتباس الرسالة الأصلية كتبت بواسطة "العشق الهلالي" تتكلم بالعقل انت هناك شركة راعية للاحتفال صارفة ملايين وايضا ما نشسنر يونايتد اخذ على الاقل 5 ملايين ريال ولو كانت التذكرة ب 40 ريال تقريبا بيكون الدخل 3 ملايين ريال غير الامور الاخرى انت فكر زين بتتاكد ان سامي ضغط على الشركة عشان يكون السعر بهذا الشكل والا لو انا مكانها ما راح اخلي الدخول باقل من 70 ريال لانه مهرجان مرة في العمر وهناك مناسبات لا يمكن ان تعوض اضافة لان الاحتفال سيكون فيه فقرات ممتازة كان بودي ان يكون المبلغ اكبر حتى يصرف اكثر على المهرجان

كفيت ووفيـــــــــــــــــــــــــــــــــــــت
وكل شي يرخص لعيووون ساميووو

الوقت مو مناسب لو يأخرونها للاربعاء كان افضل بس ما باليد حيله اما بالنسبه للسعر لو كن 30 ريال افضل

إقتباس الرسالة الأصلية كتبت بواسطة "العشق الهلالي" تتكلم بالعقل انت هناك شركة راعية للاحتفال صارفة ملايين وايضا ما نشسنر يونايتد اخذ على الاقل 5 ملايين ريال ولو كانت التذكرة ب 40 ريال تقريبا بيكون الدخل 3 ملايين ريال غير الامور الاخرى انت فكر زين بتتاكد ان سامي ضغط على الشركة عشان يكون السعر بهذا الشكل والا لو انا مكانها ما راح اخلي الدخول باقل من 70 ريال لانه مهرجان مرة في العمر وهناك مناسبات لا يمكن ان تعوض اضافة لان الاحتفال سيكون فيه فقرات ممتازة كان بودي ان يكون المبلغ اكبر حتى يصرف اكثر على المهرجان

و زد عليها لو كانت ببلاش
شوف المتطفلين والهمج

سعر التذكرة أشوف إنه مناسب ويعتبر جيد لأغلب الفئات إذا أخذنا بالاعتبار إن سعر التذكرة سبق وان طرحت بنفس القيمة في اعتزال يوسف الثنيان <<-- يالبى قلبه

المشكلة في السوق السودا يعني حاول تشتري التذكرة أول ماتنزل في نقاط البيع .

وغير كذا .. مثل ماقال أغلب الاخوان هذي مباراة لإنسان أسعدنا في أوقات ومناسبات لازالت عالقة في أذهان الجميع.

يكفيني نهائي الشباب الشهير

وغير كذا تقدر تحتفظ بالتذكرة كذكرى عزيزة <--- ترى مكتوب فيها مانشستر :$ ولايهون سامي والهلال

الاختلاف في تفضيل اللقاء على الاختبارات .. بالنسبة لطلاب المدارس أتوقع فيه إمكانية للحضور

أما بالنسبة لطلبة الجامعات .. كل واحد يرتب وضعه من الان .. اللي عنده اختبار في اليوم الثاني للاعتزال ( معذور

واللي يبيني ابلغ سامي باعتذاره يوصله بإذن الله

وفكونا الله يرحم والديكم من هالمواضيع اللي تحبط

والله اني متحمس للمباراة من يوم حدد الموعد .. ومن كثر مواضيعكم اللي تنتقد الاسعار والوقت

أحس اني بديت انسى <---- شاااايب


الله الله بالحضور .. وكرموا نجمكم .. وبعدين ترى اللي جايين مانشستر يعني نبيهم يعرفون إنه سامي مهوب حيّ الله .


للكل