04/01/2008, 08:35 PM
|
زعيــم فعــال | | تاريخ التسجيل: 10/11/2006
مشاركات: 399
| |
صراحه المدرب ممتاز تكتيكيا رائع رائع وانتم قلتوا الكلام هذا بعد ما فزنا على النصر بثلاثه وبعد ما فزنا على الوطني خمسه والقادسيه 4
قيسوا كم مباراة لعبها الهلال بوجود المدرب وكم خسارة بمعنى الخسارة هي ثلاث خساير ولو تلاحظون الخساير كلها ماعدا مباراة الاهلي الاخيره كان تكتيكه عالي وعالي جدا بس المدرب هو اللي ضيع ضربه الجزاء وهو اللي ترك مطر يتمشى لين جاب الهدف وهو اللي اذا وصلت الكوره له لازم يجيب هدف خرافي وهو اللي قال للاداره تعاقدوا مع اللاعبين ذولا وهو اللي ينسق لاعبين ممتازين ........؟؟؟؟؟؟
في مسألة تنسيق اللاعبين انا اعرف ان المدرب هو الذي يضع اللاعبين المنسقين ..... صح
لكن الادارة ترجع اللاعبين منسقين وتشيل لاعبين عشان اللاعب هذا جايبه فلان وهذا ولد خالته في النادي وهذا ولد عمه مسئول في النادي وهذا يطلب واسطات عشان يبقى في النادي وهذا .. وهذا ..
بقولك شي عن المدرب جميع مباريات الزعيم الوديه كان يلعب بالمرشدي وتيفا في الدفاع وااذا جت مباراة رسميه يلعب المفرج ....... ليش ....... وغيره وغيره
ازيدك من الشعر بيت في المباريات اللي في تونس كان يلعب مره بالغنام ومره بالزوري وفجأة وبدون سابق انذار يصير المرشدي ظهير ايسر ...؟؟؟
ياخي المدرب رائع رائع وماهو عشان خسر تكتيك في مباراة + لاعبين كانوا مستهترين الى ابعد درجه نقول عنه مدرب فاشل صحيح انه جبان وخواف وحذر الى درجه عاليه بس انا اقول مع استمرار المدرب واستقراره ياخي الانديه الاوربيه تستمر مع المدرب سنتان بعدها ينظرون هل فاد الفريق ام لا انتم يا جماهير الزعيم مع الخيل ياشقراء ان فاز والله حطيتوه احسن مدرب في العالم وان خسر وماله يد في الخساره قلتوا لا هذا افشل مدرب مر على الهلال ولكم في بسيرو موعضه
يا شباب تذكرون باكيتا اليس هو من حصل مع الهلال على خمس بطولات متتاليه اليس هو من كان يلعب بخطه دفاعيه ولكن انظر نهاية المباراة وكم يخرج الهلال فائزا اليس هو من هزم الاهلي بالاربعه والاتحاد كذلك وازيدك من الشعر بيت كم كان مع باكيتا من اجنبي 2 فقط ومع ذلك كانوا افضل الاجانب في الدوري وكم خرج لنا من موهبه شابه كانت مدفونه قبل باكيتا ولكن خرجت ورأت النور في عهد باكيتا لماذا لانه كان يطبق قاعده البقاء للافضل
اتركوا المدرب وشأنه واهتموا بالنادي ورئيس النادي اللي قاعد في لندن وناديه يحارب على صدارة الدوري والنادي اداريا ضايع واللاعبين نفسيتهم متدهوره ............. دمتم بود |