لماذا ياجماهير الهلال؟؟؟؟!!!!
 

{.. السلام عليكم .. كيفكم ..؟؟
هارد لك لنا كهلاليين..
صراحة لعبهم آمس مدري وش يبي تحس كآنهم فريق صغير يلعب قدام فريق كبير..
المهم موب هذا اللي أبي اتكلم فيه !!
وانا وخواتي مندمجين نشوف المباراة واتوقع بعد الهدف الأول للأهلي الله لايعيده .. اذ فجأة أشوف لكم
ذاك الورع اللي كأنه جاي من الشارع
أول شي قال كلمة كلنا انصدمنا فتحنا عيوننا كذا ( :bigeek: )
اشوى ان ابوي موب معنا..
لا واللي زاد وغطى انه سوى حركة قليلة أدب ..
تصوروا ولد أختي عمره ( 5 سنوات ) يقول لامه : يمه وش ذا يسوي ؟؟؟؟
بالله وش نقول له ...؟؟
من جد حسيت بعض الجماهير عليهم آلفاظ وحركات سوقيه .. أدري أن أغلب الشباب صاروا كذا
بس ليه الأخلاق وصلت لهدرجة من الاسفاف والابتذال
من هو قدوتنا في هالشي ؟؟؟؟؟
عشان مباراة وهدف نقول له كذا !!!!!!!!!!!!!!
صراحة شي يقرف في ذيك اللحظة ،، تمنيت الأهلي يفوز .. مع إني أدري ان عند كل الأندية فيه جماهير كذا ..
بس احنا مسلمين ولازم علينا ان أخلاقنا تكون عالية وبعيدة عن كل هالأمور اللي ماراح تزيد الا من سيئاتهم ..
أتمنى من كل واحد قبل مايقول شي يدري انه بينكتب في صحيفة أعماله فوين يحبها تنكتب في اليمين وإلا الشمال ؟؟..

تذكر/
عندما تسب مسلما قول الرسول صلى الله عليه وسلم : ( سباب المسلم فسوق وقتاله كفر ) "صحيح البخاري"

ولازم ان كل واحد ينظر لأخلاقه قبل كل شي .. لانه كما قال الرسول صلى الله عليه وسلم : ( إن من خياركم أحسنكم أخلاقا ) "صحيح البخاري"

ولا أزكي نفسي على أحد إنما أنا بشر فان أصبت فمن الله وإن أخطأت فمن نفسي والشيطان ..

تحيتي للجماهير العقلاء فقط :) ..}