|
مشــــــــــــــــــــــــــــــــــــ100%ــــــــــــــــــــــــــــــــكله الهلال في جمهوره السلام عليكم اخواني اعضاء المنتدى تدرون وش مشكله الهلال هي بعض الجماهير اللي بصراحه ما يهمها مصلحه الفريق بقدر ما يهمها ان لاعبها المفضل ما احد يتكلم عليه وانا اعطيكم امثله : جمهور ياسر الكاسر: اهم ما عند هذا الجمهور ان ياسر يسجل هدف مو اي هدف لا لازم هدف مثل هدف البلياردو او هدف بالكعب او انه يسحب كم سحبه اما فائده الفريق فلا يهمهم ابدا واللي ما يصدقني روح شوفهم متجمعين في موقعه .حتى ياسر صار يهتم لهم صار حتى لعبه كله سيء كعبات مقطوعه وسحبات بعد ما يسحب بواحد الثاني يقطعها منه يعني ما في فايده من سحبته وإلا قدام الباب يبي يجيب هدف خرافي .واللي يقول افضل لاعب اسيوي ترى لو انه في القادسيه الى الحين كان ما رشح للمنتخب واستمر على راس الهجوم السعودي وهو ما رشح للاسيويه الا بسبب انه في الهلال ونقاطه من مباريات الهلال في الاسيويه هي اللي خلته يتفوق على نشات اكرم . بسأل سؤال واحد لجمهور ياسر : ما فائده الهلال من ياسر من يوم انتقل اليه الى الان؟ جمهور البرنس طارق : اول شيء اقول صدق يوسف الثنيان يوم قال جمهور الهلال جب له لاعب يدي كعبات يشوفونه احسن لاعب اما فائدته للفريق فلا يهمهم . اوكيه طارق لاعب مهاري بس الفريق ما يستفيد منه الا اول 30 دقيقه ثم من بعدها لانرى طارق بسبب كبر العمر ولياقته ما تساعده . بعدين شوفوا طارق مع ليبيا في البطوله العربيه الاخيره كيف حماسه وشفوا طارق مع الهلال كيف حماسه فرق كبير بعدين جمهور طارق اهم ما عندهم طارق يدق كعب او يباصي باص عيون انا ابغى اعرف لو مباصه العيون مفيده كان سواهها الاعبين الكبار في العالم بكثره زي ما يسويها طارق بس بالعقل اصلا المدافع اللي قدامك حاط عيونه على الكوره مو على راسك علشان يشوف انت عيونك وين . بعدين من يوم جاء طارق التايب ومستوى الشلهوب في انحدار ما سألتوا نفسكم ليه ؟ جمهور التمياط : للاسف جمهور ابو بندر يعلمون ان الاعب انتهاء ومازالوا يعيشون في عام 2000 ونحن الان عام 2008 يعني عقولهم متوقفه منذو ذالك التاريخ . يا ناس الاعب كان يساوم ناديه وهو اللي ابرزه وابرز اخوانه صفوق ومحمد من قبله . يعني اعتزل يا تمياط وريحنا جمهور تفاريس : يمكن انكم تذكرون اول ما جاء تفاريس اطلقت عليه الجماهير لقب تضاريس بسبب انهم ما اعجبو بلعبه بسبب انه سهل المرور من ناحيته وبعد ان استمر فتره وتحسن مستواه اطلقت عليه الجماهير لقب صخره الدفاع وانا اعلمكم كيف تحسن مستواه صار اي ركنيه يتقدم وبسبب طول قامته صار يجيب بعض الاهداف وطارت بعض الجماهير في العجه وبعدين كثير من الاهداف سببها تفاريس والجمهور يعلقها على المفرج انا لا اقول المفرج لاعب رائع لكن في بعض الاحيان يكون هو اللي ماسك الدفاع لوحده وهنا اذا جاء هدف حملوه كامل الخطأ ونسوا انه كان يغطي خانه تفاريس المتقدم . واخيرا انا عارف بيجي الف واحد بيقول لي يامندس=======> أعرفوا ان اللي قال لي يا مندس مو من جمهور الهلال هذا من جمهور الاعبين اعلاه |
يعطيك الف عافيه فيه الصواب وفيه الخطاء من وجهت نظري واحترام كلامك |
يارجال عساك سالم هالنماذج اعمارهم تحت 20 ابي تسحب وتعطيني كعب وابيك مزيون رجع ايام بندر بن محمد بس قسم كنت اتابع المباراه وواثق من فريق وراه من يقدر الجمهور ايام سامي وبندر بن محمد ايام من تلعب وتشتغل لعشقها وليس لارضاء الجمهور واتباع رغباتهم |
ماهو الخطا يا سامي تحياتي |
سنيكرز شكرا لك |
شكرا أخوي لازم نكون جمهور الفريق الواحد |
اولا : انت شجاع بهذا الموضوع سيأتيك من الطفوليين الكثير ((الله يكون في عونك )) ثانيا : أنا معك في بعض وبعض لا ,,, أرا أن تفاريس افضل مدافع في الهلال ولو الله ثم طارق لما فزنا في جميع المباريات ’’’ اما ياسر فانا معك في كل حرف ذكرته ,,, الف شكر .... |
الله يعطيك العافية |
يعني أنت الفنان ما بقى لاعب ما ذميته ...!!!! ياسر لم يكن السئ الوحيد في المباراة ...و لذلك لماذا تحملها عليه ...!!! التايب كان وحيدا في الوسط و كان هو الوحيد الي يتحرك و الباقيين ينتظرون الكوره ...!!!! أما عن نواف فمساومته للهلال طبيعيه لأنها هذه مهنته ونحن في زمن الإحتراف ...أما عن مستواه فلا تعليق ... أما عن تفاريس ... شكلك ما تعرف كوره.. تفاريس من أفضل لاعبين الدفاع إلي مروا في السعوديه هو يخطأ ..نعم .. و لكن في كل المباريات التي يلعبها مع الهلال يلعب بقتاليه و روح و هذه ميزه الهلال قلبي دفاعه تفاريس و المفرج دائما يلعبون بروح و قتاليه ...و كل واحد يغطي على الثاني ... . . . . |
اول شئ الله يعطيك العافيه ولا يمكن اني اقدر اعلق على كلامك عين العقل فعلاً فيه من الجماهير من يأتي لاجل ياسر وفيه من لاجل طارق وفيه من لاجل ...................... الخ وهذا اللي خرب الهلال ناس تبي طارق يسحب وكعبات وناس تبي ياسر بالاستعراضات وناس ما تدري من اللي يلعب ضده الهلال اصلاً ولكن الشكوى لله وحده بعدين كونك تقول تفاريس اعتقد ان تفاريس لا يمكن اننا نوجه له اللوم لاعب يلعب ويصيب في راسه وينزف دم ومع ذلك يلعب ولا يمكن انه يغادر الملعب او المستطيل الاخضر طارق التايب نجم يضع المهاجم امام المرمى ولكن كثره الاصابات ابعدته عن الهلال اما ياسر ااااااااااه اااااااااااه يا ياسر تتعبني يا ياسر مهاري هداف قناص لكن ؟؟؟؟؟؟؟؟؟؟؟؟؟؟؟؟؟؟ ما ادري ما يصيبه في بعض المباريات اتمنى مراجعه حساباتك ياسر وشكرا تقبل مروري وتسلم على هالموضوع يا مبدع |
مشكووووور.!!! |
إقتباس:
|
إقتباس:
|
انا معك بكل اللي قلته بخصوص ياسر ،، وأخيراً الجماهير بدت تنتبه لفريقها اكثر من اللاعبين ،، وسؤالك عن ياسر في محله ،، ياسر من يوم جاء للهلال ماقدم ولا شي للهلال إلى الآن ،، واللي يخالف هالكلام جاهل ،، ياسر لعب 4 نهائيات ماسجل ولا هدف ولا له اي اثر ،، وكلامك صحيح اخوي مناحي السادس عشر ،، وحنا بالمقام الاول تهمنا مصلحة نادي الهلال ،، يعطيك العافيه اخوي ،، |
جمهور التمياط : للاسف جمهور ابو بندر يعلمون ان الاعب انتهاء ومازالوا يعيشون في عام 2000 ونحن الان عام 2008 يعني عقولهم متوقفه منذو ذالك التاريخ . يا ناس الاعب كان يساوم ناديه وهو اللي ابرزه وابرز اخوانه صفوق ومحمد من قبله . يعني اعتزل يا تمياط وريحنا أوااااافقك في هذي يعطيك العااافيه |
| الوقت المعتمد في المنتدى بتوقيت جرينتش +3.
الوقت الان » 07:45 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd