|
باقي شوي ونطب نلعب؟؟؟؟؟؟؟؟؟ السسلام عليكم ورحمة الله وبركاته: قبل كل شي حبيت اشكر كل من ساهم في بناء المنتدى من المصممين الى الاعضاء واقولهم احلا منتدى لاحلى نادي كفيتوا ووفيتوا والى الامام وانا مسجل من فترة بس توها تجيني الجرأة اني اكتب موضوع وانشا الله يكون موضوع بتطلعات منتداكم وهو عتاب حار من قلبي لكل الاعضاء(غصبن علي فيه استثنائات) ولي عوده بعد قليل |
هل تعلم ان منتدى الزعيم كان يشار اليه بالبنان (مهبوله بنان) لتكاتف اعضائه ولو لاسمح الله ان اختلف منهم اثنان وهاذا يحصل حتى بين الاشقاء تجدهم يأخذون الموضوع فيما بينهم الى ان(يلحس واحد منهم مخ الثاني)وليس كما يحصل الان انا الصواب وغيري على خطأ واريد ان اذكر بعض النقاط اتمنى ان تقرأ بتمعن وخاصة صغار السن اللذين (يسمعون بالهلال ولا كد شافوه) 1:نبدأ برئيس النادي للاسف قرأت اكثر من موضوع تتهم سعود بن تركي بالخيانة وانه (دخيل على النادي)ولقد اتى ليزعزع كيان الزعيم الا يذكر هاؤلاء (الكفيشين) كم انتظرنا رئيسا يملأ كرسينا الشاغر واتى هاذا الرئيس وبكل شجاعة ورأس النادي في لحظات كان الكل يخاف فيها من سقوط الهلال 2:فهد المصيبيح اريد ان اسأل كل اللذين انتقدوا فهد هل (فطمتكم امهاتكم) عندما كان فهد لاعبا هل تعلمون عن اخلاقه شيئا هل تعلمون كم كان يبكي لخسارة الهلال واليوم اصبح (يمشي النادي على كيفه) وهل امرهم بالانتظام بالتمارين يسمى تحكما؟ان كان هاذا هو القصد ياليت جميع من في النادي (يمشيه على كيفه) هل لانه يوقظهم لصلاة الفجر ليت كل النادي يتحكمون من الرأيس الى بوابيه. 3:حسين المسعري خصوصا هاذا اللاعب لا اقبل اي رد على الموضوع يكون فيه اعتراض على اي كلمة بحق هاذا اللاعب: هل تعلمون ايها (الهلاليون اسما فقططططط)ان نادي الهلال مر عليه احد عشر مدربا وجميعهم وضعوا حسين المسعري ضمن القائمة الاساسية هل انتم تفهمون بالكرة وتقرئون المباريات افضل من احد عشر مدربا؟؟؟ ولقد سألت المدرب بلاتشي عن طريق احد الاداريين لماذا يلعب حسين المسعري اساسيا ؟ قال:حسين المسعري احسن لاعب تكتيي في نادي الهلال وافضل لاعب سعودي ان لم يكن عربي ينتشر بالملعب بدون كرة. (الحين بيطلع واحد بيقول بلاتشي نصاب ) 4:محمد النزهان كلنا نذكر اول مباراتان لعبهمامحمد النزهان ونذكر كيف كان مستواه واليوم نرا مستوا مغاير بكل صراحة محمد النزهان مستواه يتطور بسرعة الصاروخ رغم انه ظهير ايمن ويلعب الان بخانة الظهير الايسر(شلل الفريق الهلالي) رغم كره وتجريح الجماهير له بأسوء الالفاظ وسبه وشتمه في كل مباراة تصوروا ماذا سيكون محمد النزهان لو وقف معه الجمهور ولو لمدة شهرين فقط!!!!!!! 5:سامي الجابر لا اقول سوا لو حملك كل مشجع هلالي على راسه وجال بك العالم لما ردوا جميلك في هدفك الثاني هدف التعادل في نهائي 1418ه. =================================================== واخيرا ايها الدخلاء على منتدى الزعيم (من مبزرة وغير هلاليين)سعود بن تركي دخيل:eek: !!!محمد النزهان وحسين المسعري واسطات:eek: !!!!سامي الجابر متعالي على الكرة:eek: !!!!!!!!!!!! ======================== وخميس العويران اللذي تحركت له جميع الايادي الهلالية واحتظنته وصرفت له راتب فترة الايقاف ودخلوا في كل المتاهات من اجل رفع الايقاف عنه.وا أسفاه على دموع انهمرت ليتك رأيت فرحتنا حينما رفع الايقاف عنك كأنه قد رفع عنا. ثم اتى بكل (عبط)وعض كل يد بيضاء امتدت له من اعضاء الشرف و الجماهير :bluesky: اصبح مسكين ضعيف يدور شي ياكله فيصل ابوثنين اللذي اقام الدنيا واقعدها والكل يعرف المثل القائل (لسانك حصانك ان صنته صانك وان خنته خانك)جنيت على نفسك يافيصل ولا يوجد شيء اسمه (من ورا خشمه)انت لاعب زيك زي غيرك عاجبك والا هاذا الهلال كلهم اخوه ولا يوجد بينهم اخ اكبر او اب آمر ولو رجعت الى اللذين وقفوا ورائك للاحظت انهم هم اللذين استغلوك كمسمار جحا لانهاء مصالحهم الشخصية. خاتمة:لايروقكم محمد النزهان ولا حسين المسعري ولاسامي الجابر لماذا لاتلعبون عوضا عنهم؟؟؟؟؟؟؟؟ تطالبون بفيقوبدلا من سامي وروبرتو كارلوس بدلا من النزهان وديفيدز بدلا من المسعري لن ترفض الادارة طلبكم ولاكن بشرط!!!!!!!!!!!!!ان تتكرموا فضلا لاامرا وتحصلوا على بطاقة العضوية فقط واتحدا اي منكم يامن تطالبون وتطالبون بحمل بطاقة العضوية. وآآآسف على الاطالة :sleep: |
طربوش تعظيم سلام . تسلم على هذا الكلام . كلام صحيح 100 100 وينك من زمان ننتظر منك المزيد |
طربوش كلامك يوسع الصدر بس بصراحه حسين المسعري احسن لاعب عربي ينتشر بدون كره هذي((((( قويه)))))) |
لا ماطولت كلامك حلو وواقعي ولكن لاترفع ضغطك ولاتعصب ترى الشباب ينتقدون ويمدحون في نفس الوقت اي لاعب يخطي يجه حقه من الانتقاد وذلك لحثه لتطوير مستواه والاعب الذي يبدع يمدح لحثه للمحافظه على مستواه وذلك لجرصهم على زعيمنا فالجماهير لاتطلب الاالافضل اما عن النزهان انه ظهير ايمن فهذا شيء معروف ولكن لماذا اصرار الاداره والمدربين وضعه في الايسر وعدم استقطاب ظهير ايسر وانها هذه المشكله التي عاصرها الزعيم مده ليست بقصيره هذا وشكرا على موضوعك الرائع المطربش |
ماشا الله صباحي الشباب .الزعيم الابن: تسلم ومشكور على الاطراء بس ياليت اجسر :D عاشق الفن اليوسفي: فن يوسفي والا برتقالي حبيتك عشان ابو يعقوب وكلامك كله صح وانا غلط بس فسرلي 11مدرب وهو اساسي وانا اسويلك حفل (اعتزال زي حق ماجد) yas2002: الله يخليك بس انتم امدحوا النزهان لو مجامله وانا اتقطع من الفرحه |
مشكرور اخوي على طرحك العقلاني وانا معك فيما تقوله ولاكن اعتقد من يهاجم سامي لايعرف الكره ويقرأ الصحف الاخرى بكثره وصدقها سامي مثل ماقلت اخوي لن نستطيع ان نوفيه حقه مهما عملنا والنزهان والمسعري يضلون من خريجي الهلال ومخلصين للشعار ليس مثل غيرهم من انكر كل ماعمل له وقد ذكرت اسمه في موضوعك |
تسلم ياطربوش .. بالبسك غترة وعقال ؟؟؟؟؟؟؟؟ تقديراً لك ولكلامك الرائع اللي توني كاتبة موضوع يدور في نفس المحور تقريباً ولو قريت كلامك قبل كان اكتفيت بالرد ؟؟ لكن هذي فاتت ... وعلى فكرة إذا فيها توزيع مراكز في الملعب للجمهور .. وين تهقا .. أنفع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وبعدين ودي أعرف ... ليه التردد وأنت تملك مثل هالفكر والعقلانية .... تحية مضاعفة من المملكة .. لك يا طربوش " ماش اسمك ؟؟؟؟؟؟؟؟؟؟؟؟ " مع احترامي ؟؟؟ |
| الوقت المعتمد في المنتدى بتوقيت جرينتش +3.
الوقت الان » 10:28 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd