((موول)) مجمع تجاري ضخم بأسم الزعيم بالرياض ......... - نادي الهلال السعودي - شبكة الزعيم

عبير الروضه · #1 03/01/2008, 05:24 PM

تحيه للجميع وهاردلك الهزيمه امس بدخل في صلب

الموضوع وانا جالسه افكر قبل شوي بفكره استثماريه للهلال طبعاً لاني احب المولات والتسوق

دخلت براسي فكرة ان يكون فيه مووول ضخم بأسم االزعيم ويملكه الهلال بالرياض ياليت والله

مشروووووع ناجح بكل المقايس وانتم شايفين المولات كيف دخلها يعني اذا كان بموقع حلو وتصميم

روعه مراح يقل دخله عن عشرات الملاين ويمكن فوق 50 مليون صدقوني هالفكره روعه ياليت

الاخوان بالاستثمار بالهلال يتنبهون لهالشي والاخوان بموبايلي وربي احس شي حلو يكون بأسم

الزعيم لانه رايح ينجح ولان اكثر البنات يحبون الهلال .......

عبير الروضه · #2 03/01/2008, 05:39 PM

وين الردود ؟؟؟!! بجد احبطتوني !!!

طاط أناهلالي · #3 03/01/2008, 05:39 PM

طيب المول عوائل ولا شباب ولا يوم كذا ويوم كذا ؟

hatome · #4 03/01/2008, 05:39 PM

بس بشرط مايكون الدخول للعوائل فقط
يعطون العزاب فرصة يدخل بشرط يكون هلالي

عبير الروضه · #5 03/01/2008, 05:43 PM

إقتباس

الرسالة الأصلية كتبت بواسطة hatome


	بس بشرط مايكون الدخول للعوائل فقط يعطون العزاب فرصة يدخل بشرط يكون هلالي

إقتباس


	طاط أناهلالي طيب المول عوائل ولا شباب ولا يوم كذا ويوم كذا ؟

لاتخافون الدخول للعوائل والعزاب يعني مول مفتوح للجميع ..

الشلهوب10 وبس · #6 03/01/2008, 05:43 PM

والله فكره حلوه مره....بس الحين خليهم يسون محل خاص بالزعيم يعني كل المحل ازرق وابيض وكلها اغراض هلاليه وصور واشياء هلاليه......بعدين يفكرون في المولات........

ناصر 2004 · #7 03/01/2008, 05:45 PM

إقتباس

الرسالة الأصلية كتبت بواسطة hatome


	بس بشرط مايكون الدخول للعوائل فقط يعطون العزاب فرصة يدخل بشرط يكون هلالي

ههههههههههههههههههههههههههههه

التميمي 1111 · #8 03/01/2008, 05:47 PM

إقتباس


	طيب المول عوائل ولا شباب ولا يوم كذا ويوم كذا ؟

ههههههههههههههههههههههههه الله يرجكــ..

الظاهر انه فريق كوره موب فريق تجاري الله يحييك أختي

فااارس العنزي · #9 03/01/2008, 05:49 PM

عـــــبـــيــر انتي نــفــذي الـــمـــول ونوعـــــدك حنا بلفر داخل المــــول الهلالي للفجر لا بعد يمكن ننام فيه

عـــزوز3000 · #10 03/01/2008, 05:49 PM

وش نبي بالمول واذا جينا ندخل قالوا ممنوع الشباب بس حريم اقول فكره غير هذي بس

طيار هلالي · #11 03/01/2008, 05:51 PM

حنا وين وأنتم وين

عبير الروضه · #12 03/01/2008, 05:56 PM

إقتباس

الرسالة الأصلية كتبت بواسطة الهلالل


	فكره فاشله ولو الود ودي كان قضيت على كل مشجعات الزعيم لانهم فشلونا وفضحونا بين الانديه الثانيه وصارو يتطنزون علينا فيكم الله لايبيكم اسمحولي على الرد القاسي لكن هالسالفه جابت لي الضغط

والله يخارجنا منك ومن اشكالك الي عقولها حجر وش فيها المرأه لما تميل لنادي في بيتها ومعززه ومكرمه ويكون بعلمك يالي تستحي من مشجعات الهلال لانك ماعندك ثقه بنفسك والجنس الناعم ماشجع الهلال الا لانه نادي يملك الاخلاق قبل الرياضه والزعيم لايتشرف بتشجيع امثالك ممن يحاربون حقوق المرأه ...

طاط أناهلالي · #13 03/01/2008, 05:57 PM

إقتباس

الرسالة الأصلية كتبت بواسطة الهلالل


	فكره فاشله ولو الود ودي كان قضيت على كل مشجعات الزعيم لانهم فشلونا وفضحونا بين الانديه الثانيه وصارو يتطنزون علينا فيكم الله لايبيكم اسمحولي على الرد القاسي لكن هالسالفه جابت لي الضغط

يارجال النساء جزء من المجتمع ومانسمح لك باهالكلام

عبير الروضه · #14 03/01/2008, 05:59 PM

إقتباس

الرسالة الأصلية كتبت بواسطة التميمي 1111


	ههههههههههههههههههههههههه الله يرجكــ.. الظاهر انه فريق كوره موب فريق تجاري الله يحييك أختي

فريق كوره ؟؟؟ انا قلت استثمار ودخل للنادي وياليت تشوف الانديه العالميه وكيف عندها استثمارات في جميع المجالات والا بعد قول الهلال فريق كوره وش دخل موبايلي ترعى النادي وهي اتصالات هذا يسمونه استثمار لزيادة دخل النادي وماله علاقه بنشاط النادي ؟؟؟ شكل تفكير الاستثمار عندك صفر %

باسكن روبنز · #15 03/01/2008, 06:01 PM

والله فكررة حلووووة ...

وبنكون ديمقراطييين وبنخلي حتى النصراويين والاتحاديين يدخلوونه بس بفلووس << نذله

وبنفتح كافي شووب خاص لمشجعات الهلال << احلمي ههههههههه

بس الله فكرة مش بطالة ...

الهلالل << ليه تفكيرك محدوود ؟؟؟