إقتباس الرسالة الأصلية كتبت بواسطة عبدالعزيز00 انا اتكفل بمحل دهن عود واخلي المفرج يستلمه ويفكنا

عبدالعزيز ,, تدري وش قمة الغباء ,, أن واحد يسمع كلامـك
ياخي عجباً لأمثالك ياخي ما لقيت الا المفرج علشانه ملتزم ولحية ,,
مير ما أقول الا ,,,

يزيد سفاهةً وأزيد حلمــاً *** (( كعود )) زاده الإحـراق طيـبـا

إقتباس الرسالة الأصلية كتبت بواسطة ابو بندر 22 والله انا مأيدك يا عبير .. وترى الاهلي مسويها بجدة بشارع التحليه ومأجر مجمع كامل لمحلات تجاري بس بدون مايحط اسم النادي عليه .. علشان الكل يدخل .

شي حلو يكون فيه مجمع لكن الي ابغاه مجمع يشار له بالبنان لان الهلال صاحب الاولويه بكل شي وماهي مشكله يكون مو اسمه الزعيم عشان الكل يدخل اهم شي مصلحة الزعيم

إقتباس الرسالة الأصلية كتبت بواسطة ميلنستا الزعيم لا سوق ولايحزنون لان الاسواق معروف وش يصير فيها من معكسات وغيره وشايف معظم الردود ما اهتمت بالفكرة ولكن اهتمت بندخل احنا الشباب ولا لا؟ والهلال ماهو ناقص الله لايبلانا ونقعد بعدين في حسرة البطولات

وش هالتفكير الضيق ... يعني كل اصحاب المجمعات ياكلون حرام هم غير مسؤولين عن شباب غير متربين يتسكعون هذا النقص من اهلهم وتربيتهم المشكله دايم ناخذ الموضوع من منظار ضيق ..

إقتباس الرسالة الأصلية كتبت بواسطة m1234 مع إحترامي لك موضوع ماله داعي ميولك ماطلع إلا بفكرة مجمع يلعن أم التفاهه الظاهر ما تعرفين الهلال بس تسمعين به من كثر ما تروحين أسواق

لاتعليق احي فكرك النـــــــــــــــــــــــــــاضج

إقتباس الرسالة الأصلية كتبت بواسطة mr3bهلالي فكره راااائعه وياليت يفكرون فيها شوفو نادي شلسي عنده محلات كل هذا يصب بمصلحة النااادي ان شاء الله اقتراحك يوصل للمسؤلين اشكرك على الفكرة

مشكور على تواجدك واوافقك الرأي فيما قلته

هذا المشروع نفذ في الامارات على ما اعتقد لنادي الوحده الاماراتي ...

لكن تنفيذه هنا صعب ...

اتمنى تنفيذه بشرط ان يكون مخصص للاغراض الرجاليه ...فقط لاغير ...وتقدم فيه خدمات ترفيهيه اخرى
مطاعم ومقاهي وغيرها ...

اعتقد ان الاسواق النسائيه منتشره في كل مكان وليس هناك داعي للزياده ..

بدل المولات والخاربيط نقدر نستثمر أشياء كثيره غيرهااااا وحده منها ....................... شاليهات , كوفي شوب , بلياردو , إنترنت , أنديه رياضيه (لياقه) والكثير ولا تنسون إنا بعصر السرعه الحين وشكرا

إقتباس الرسالة الأصلية كتبت بواسطة عبير الروضه والله يخارجنا منك ومن اشكالك الي عقولها حجر وش فيها المرأه لما تميل لنادي في بيتها ومعززه ومكرمه ويكون بعلمك يالي تستحي من مشجعات الهلال لانك ماعندك ثقه بنفسك والجنس الناعم ماشجع الهلال الا لانه نادي يملك الاخلاق قبل الرياضه والزعيم لايتشرف بتشجيع امثالك ممن يحاربون حقوق المرأه ...

دخلنا بالسياسة .. هع هع <<< يغير الموضوع .. كلن على همه سرى ..!!

انا معك اختي عبير والله فكره ممتازه وان شاء الله تتظبق ويفتحون سينما داخل المول

الله يعطيكي العافيه اختي بعدين وربي معاها حق

ليش الانديه الاوربيه لها مولات و تبيع منتجات الفريق من ملابس و خلافه وكلها عليها علامة الفريق اصلا من المفروض تكون في نفس مقر النادي معرض خاص بكل اشياء الزعيم من ملابس و خلافه وربي مشروع رآآآآيق

وصدقوني راح يتم تنفيذ هالفكره (( اذا )) تم تخصيص الانديه السعوديه <<<< اي هين وش تشتهي

الحين لو لاعب مثل الشلهوب وقع على كذا فانيله او علم ويتم بيعها ويكون دخلها للنادي شوفو كم راح يدخل للنادي بس حنا معروف عنا الكسل والعجز للاسف الشديد

انا مع فكرة الاخت 1000%

المشروع ناجح ولكن المشكلة تكمن في راس المال

خلاصصصصصصصصصص اناا اول واحد من بيستأجر فيه خخخخخخخخخخخخ

فكرة أكثر من رائعه

والله فكرة روووعة بس لو تنفذ . قبل شهر ونصف كنت في زيارة لمدينة ابو ظبي وشفت مول بصراحة فظيع
(الوحدة مول) بجنب النادي الوحدة الامارتي ودخلتة والله شي خيالي طبعا هو ملك نادي الوحدة مسوينو إستثمار وهذا هو الصح والي لازم يصير ومشكككورة أختي على الفكرة الحلوة