اخواني اعضاء الزعيم ,,, لاحظوا معي من الموسم الماضي الى الموسم الحالي اذا لعبنا بهالتشكيلة يكون زعيمنا ما هو في يومه وانا اقولكم ليش ,, تعال ناخذ لاعب تلو الاخر
اولا طارق التايب : اللاعب هذا خطير ولا يختلف عليه اثنان لكن مع احترامي للجميع طاريق التايب ما يقدر يلعب مباراة كاملة ,,, دققوا النظر معي في كل مباراة كاملة يلعبها طارق اول نص ساعة ما شاء الله لياقة عالية وبعد كذا ما نشوف طارق يمسك لاعب او يلتحم مع اي لاعب منافس في منطقة النص ,والفريق المنافس المدافعين خصوصا يجدوا راحة كبيرة في ايصال الكرة الى المهاجمين ليس هذا فقط بل ومساندتهم كثيرا في الهجمات .
ثانيا ياسر القحطاني : نلاحظ كثيرا ياسر يسلم نفسة للمدافعين بوقوفه بين كماشتي قلبي الدفاع وهذا اكبر سبب يبطل الهجمات الهلالية وهو سهولة مسك المهاجمين , كلنا لاحظ ان ياسر عندما يعود الى المنتصف ويستلم الكورة يكون خطير جدا وفي احيان كثيرة يصنع اهداف جميلة وكذلك عندما ياخذ اطراف الملعب تجده خطير جدا فلماذا تحاصر نفسك بين المدافعين وانصح ياسر كذلك بالالتحام مع المدافع الذي يستلم الكرة ولا يدع له فرصة لتسليمها بالطريقة الصحيحة للاعبي المنتصف او رفع الكرة الى المهاجمين .
ثالثا ليلو : ما يعيبه هو الاحتفاظ الكثير بالكرة مما يبطل الهجمات الهلالية ويقلل من فعاليتها
رابعا سلطان البرقان والله ايام باكيتا كنت جيد اما حاليا صراحة ما تنفع ,,, تمريرات خاطئة ,, التحام مع اللاعبين خاطئ ويجيب فاولات كثير على الهلال , اتمنى تراجع حساباتك
بصراحة الاربع لاعبين كانوا هم اساس الخسارة الهلالية واقولها بكل شفافية حتى لو كبرت الاسماء اتمنى من المدرب عدم اشراك التايب الا في شوط واحد حتى يصبح اكثر فعالية والايعاز الى المهاجمين بالالتحام على الكرة على مدافعين المنافس لاني بالامس لقطات كثيرة الاحظ تمريرة من مدافعين الاهلي للاعبي الوسط ينسحب فيها اربعه هلاليين ( ياسر وليلو والتايب والبرقان )طيب كم اللي بقى ؟؟؟!!!
حنا ما نبي اكتمال اسماء بدون اكتمال لياقة وروح الكل لاحظ بالامس لما دخل فهد مبارك زادت فعالية الهلال لانه لاعب بلا اسم لكن لياقة عالية وروح في المعب ما شاء الله علية وسلمولي على نواف العابد والدوسري

البرقان اذا سمعت اسمه اقول هو الواسطه بعينه وعلمه


الله يعين على هالاعبين

الله يعين لو نستمر هكذا

إخواني الاعزاء والله ثم والله ثم والله انا السبب في تدهور الهلال هي الادارة ولا غير الإدارة يتحمل ذلك .



تقبلو فائق التحية والتقدير ،،،،،،،،،

موضوعك جميل وتحليل مجنوووووووووووون
انت ذيب
بس البرقان ما ادري ليش مقتنعين فيه احس الواسطه تلعب دورها
تحياتي لك ويعطيك العافيه

ارجو تثبيت هالموضوع

انا اطالب بفهد مبارك اساسي ويكون بديله طارق التايب والتشكيلة كالتالي وشوفو مين يهزمنا
الدعيع ( حارس مرمى )
نامي والمفرج وتفاريس والزوري( الخثران)

عمر الغامدي خالد عزيز

فهد مبارك (خلف المهاجمين )
الشلهوب ( تبديل مراكز يمين ويسار )
ياسر ليلو