مظلوم مظلوم مظلوم

فهد المبارك يا عالم لو كان بنادي ثاني كان شفناه من نجوم الكرة السعوديه
اللاعب تعرفه من طريقة استلامه وتسليمه للكوره وتعرف الي ماعنده الا طقها والحقها

والله حرام يا ناس لاعب بهذه الموهبه يدفن بالاحتياط اللاعبين في سن فهد المبارك يحترقون لاثبات انفسهم يعطونك داخل الملعب شعلة نشاط

عكس اللاعبين الي ضامنين الاساسي ماعنده دافع اذا كان ضامن الاساسي

المواهب تدفن على الاحتياط الهلالي
وين فيصل الجمعان وين احمد الحربي ووو كثار غيرهم
كلهم نجوم لعبو بالمنتخب الالومبي انتهو على مقاعد البدلاء بالهلال
ومصير فهد المبارك والكلثم نفسهم

رونالدو افضل لاعب بالعالم اكثر من مره ركن بالاحتياط فتره طويله لان مستواه منخفض
سامي جلس بالاحتياط يوسف جلس بالاحتياط
للاعبين الموجودين الحين افضل منهم ؟
وإذا انتقدناهم صرنا مندسين او صغار سن

الدعيع من السنة الي راحت ومستواه مهزوز وما يطمن ورغم هذا اساسي << مافيه منافس له

المفرج مباراة يبدع وعشر دون المستوى وإذا ابدع شفنا مواضيع المديح تنكب عليه وكانه اسطوره وصلنا اننا نتلهف ابداع المفرج عشان نقنع انفسنا انه لاعب مفيد
الشلهوب الموسم هذا كله دون المستوى ورغم هذا اساسي

التمياط وحسبي الله على الي دمروك وشوهو تاريخك الكبير اصابة نواف نفس اصابة الاسطورة الهولندي فان باستن وهي اصابة خطيره تستحيل معها عودة اللاعب وهي سبب اعتزال فان باستن رغم انه كان في عز فنه ولعبه لان اللاعب عنده فكر احترافي وحب تكون له ذكريات حلوه في ذاكرة الجمهور وما يهدم الي بناه وحتى الانديه ما راح تستقبل لان الانديه عندهم ماتعترف باسم اللاعب تعطيني اعطيك =
لكن عندنا كابرنا على نواف وانه بيرجع وعطوه وقت توه راجع من اصابه وضاع تاريخه وضيع الهلال معه

الهلال امس متاخر ومحتاج لاعب سريع ونشيط المدرب ينزل التمياط وماكمل 5 دقايق ويصاب من كوره ميته واحتكاك خفيف يطلع نواف ويحرج فيها المدرب في وقت هو محتاج لتغييرات
يلعب فهد المبارك ويتحرك الوسط الهلالي ويتسبب بضربة جزاء وراح تشوفون المباراة الجايه احتياط < قمة الاحباط

النامي اول ما جا استبشرنا خير فيه لكن الظاهر طبق من عاشر القوم اربعين يوما صار منهم

ياسر قتلناه بالاعلام وبالنفخ وياخوفي يتم النفخ فيه الين ينفجر وينتهي
ياسر ضحية يا ناس من تركي المقيرن الى رئيس النادي الى موبايلي والاعلام مثل الكعكه الي كل واحد يحاول ياخذ نصيبه منها حتى تنتهي

اوهمو ياسر بانه اللاعب الاسطوري وبان اندية العالم تتمناه وهو يرفضها وللاسف الجمهور مشترك بالجرم الي يحصل لياسر
ياسر يضيع << تفداك مليون بطوله ونسو (( رحم الله من أهدى إلي عيوبي ))

وشفنا نتايجها وقارنو مستوى ياسر قبل انتقاله للهلال وبعد انتقاله

بندر بن محمد اتمنى رجعتك للرئاسه في اقرب وقت

كلامك 100%

وأنا معك في كل شئ كتبته

والله في الهلال لاعبين أناظر فيهم أقول والله حرام في نادي مثل الهلال وبدون ذكر أسماء والجمهور واعي

أنا أول مره أشوف مدافع بطئ ويلعب دائماً أساسي والله ياناس حرام هذا مايصير وفيه لعيبة حاجزين مكانهم أساسين

وحتى وهم بأقل مستوياتهم الفنية والهلال هو المتضرر الأول والأخير.

زعيم عرعر

ايه من جد الكلثم وين راح مصاب ولا وش فيه ؟؟

و المبارك و الله فناااااااان ماشاء الله عليه

المفروض يكوووون اساسي بدل الشلهوب على الاقل لين مايرجع لمستواه

بصراحه عاجبني كثير فهد المبارك هذا

والله
فهد المبارك من اول مادخل المباراة
وان المستوى تحسن
بس يد وحده ماتصفق!!!!!!!!!!
وعن الحربي والفريدي والكلثم والشباب الباقين
لو تسأل الادارة الهلاليه
يقولون لك تكتيك مدرب
اي تكتيك هذا!!!!!!!

والصويلح متى ترجع وتمسك ليلو الاحتياط

موضوع رائع و واعي . . .

لكن للأسف . . .

موجه لجمهور غير واعي

للاسف الهلال فريق تدخل فية المحسوبيات والواسطات بشكل كبير

اقول الله يعيد ايام الهلال بالخير

ايام ماكانوا يلبعون لانهم يحبون الكورة مو لانهم يبحثون عن الشهرة او المال
اة يا ثنيان وياسامي ويا تيماوي وابواثنين وخميس
كانت كوكبة لا تقهر لكن الان مستويات في تذبذب وروح الفريق اصبحت انهزامية للاسف

والسبب في الوضع الحالي واحد اخاف اقولة وامنع من الكتابة لانة كل شي ممنوع هنا والهدف ليش التجريح وانما النقد البناء الذي يهدف الى التصحيح

واحر قلبي بس على هلال اول اللى يبكيني اذا انهزم لانهم كانوا يلعبون بحماس
لكن والله بالامس ضحكت كثير ليس كرها في الهلال ولا استهزاء وانما من حر مافي قلبي على هذا الفريق المتهالك

وان شاء الله خير

عين العقل..

موضوع رائع ولكن مين يسمعك وياقلب لاتحزن

بصراحه المفترض يكون مكان الشلهوب

المبارك
ولكن هلال البارحة

كلامك
انا اتمنى ان يااااسر يقعد في الاحتياط كم مباراة عشاااااان يحس