ياناس شوفولنا حل بـــ الخطوط الخلفيه بالهلال أستغرب كل صراحه حينما يخطىء الخلوق المفرج ينهبلون العالم أما تفاريس فعادي إخط على كيفك بحياتي ماشفت أحد ينتقد تفاريس ياناس فسم بالله تفاريس السنه خربه مستواه شيييين ودايم ينكب ومانشوف أحد يتكلم الجميع سكوت تفاريس انت اجنبي عادي إغلط أنا إقتراحي إنه يسفر تفاريس ويجاب هوساوي ويمسك الدفاع المرشدي وهوساوي و ينسق كل من نواف المفرج الياس العنقري البرقان الهليل وطبعا اتمنى إنه يعتزل الدعيع قبل مانتمنى إنه ينسق يادعيع ندري إنك أفضل لاعب بتاريخ آسيا لاكن إعتزل خلاص راح وقتك مب معقوله تاخذ ووقت غيرك إعتزل من اجل مصلحة الفريق إعتزل من أجل مصلحة الرجل الذي يحترق في الإحتياط الشمري إعتزل من أجل مصلحة إبن اخيك الحارس الذي نتمنى أن يسير على خطاك بدر الدعيع إعتزل لكي يبقى حبك في قلوبنا ولتبقى أسطوره هلاليله سعوديه خالصه بكل صراحه مستوى الدعيع الحالي لا يؤهله اللعب مع الزعيم وأتمنى الإعتماد بكل مانستطيع على لاعبين الأولمبي والشباب فالفئات السنيه بالنادي قويه لأبعد الحدود بقيادة وجه السعد كبير الهلاليين بندر بن محمد لاكن حينما يصعدون هاؤلاء الشباب يجدون الللاعبين راعين الواسطات آخذين اماكنهم الذين هم أحق بها فلو اتينا للأولمبي لوجدنا بدر الدعيع حسن خيرات أحمد الفريدي وغيرهم الكثيري ولو اتينا للشباب لوجدنا رائد الصويلح وأيضا نواف العابد الأسطوره القادمه بإذن الله وغيرهم الكثير ولو اتينا للناشئين نجد المهاجم مبارك البيشي (ياسر القحطاني القادم) السعيد القحطاني وغيرهم الكثير فنجوم الزعيم أكثر من قطرات المطر ولاكن أين الذي يعطيهم الفرصه وأتمنى من كل قلبي أن يستقيل محمد بن فيصل ندري يابو سلطان إنك عملت وسويت كل الي عليك وأتيت بخمس بطولات لاكن اعتقد إن أربع سنوات كافيه وماتعودنا رئيس بالزعيم يقعد كل هذه المده أنت قدمت كل الي عندك وما عندك جديد خلاص إستقيل وخل واحد آخر يمسك النادي وبإذن الله يكون نفس كفائة الزعيم وأخيرا وليس آخرا الله يستر على الدوري شكله إتحادي |
والله عجيبة من خسارة مباراة واحدة تبغى تنسق نص اللاعبين ... وينك ماقلت الكلام هذا في المباريات اللي فاز فيها الفريق.. إذا كان كل ماخسرنا راح نطالب بإبعاد لاعبين وتنسيقهم على كذا ماراح يكفينا ألف لاعب.. مزيدا من العقلانية لو سمحت.. |
يعمي هاذي مشكلة المبزرة اذا مسكوا كيبورد بعد هزيمة الهلال انت وش تحس فيه بالظبط لاعب قاعد يعطيك 3 مواسم كل ماعنده ومخلص للفنيلة اللي يلعبها وياما وياما خلصك من اهداف محققه وماأعاد لدفاع الهلال هيبته الا هو تجي انت عشان مباراة وحدة تطالب ان الهلال يرحله وين مهب منطق ذا انا معك انه كان سيء اليوم لكن منب قايس ادائه كله على المباراة هاذي والله عيب عليك ولاتصير على الريحة |
اقول كيف الحال |
إقتباس:
|
للاسف من يوم شوفتك تتكلم على الدعيع غسلت يدي هااااااااردلك والله يسامحك |
أقول وش رايك يكنسلون الفريق الأول كلوهـ ويلعبون فريق الشباب العابد والبيشي والحارس السديري ويلقطون من الناشئين بعد يجيبون عبد العزيز السلطان والبيشي الثاني وباقي الشله مهوب أزين أقول رح كمل نومتك اليوم خميس مابوهـ مدرسه ولا رح ساعد أبوك بالمزرعه وسق النخل |
تفاريس نعرف مستواه الحقيقي بس مخرج 17 مخرج حقيقي ومراقب مهاجمين فقط |
بعد كل مباراة ينهزم فيها الهلال يطلع ذا البزران ومسوين حنا الي فاهمين يا بوي طير الدعيع متراجع مستواه من كم مباراه متراجع فقط أما تفاريس بطل |
أقول شوف كرة السلة أفضل |
إقتباس:
فأكره أن اكون له مجيبا يزيدو سفاهه وأزيد حلما كعود زاده الإحراق طيبا |
إقتباس:
والله كتمته ياخي أقول بس ررح سوأللي قلتلك لا يجيك أكثر |
أخي كاتب الموضوع إن كنت هاوي للكتابة فأقولها لك ( أنت المفروض من سيتم تنسيقه من المنتدى ) فلا تتطاول على أي هلالي وموضوعك يدل على عدم روحك الرياضية وأيضاً يدل على سخافتك التي تمثلك وحدك |
إقتباس:
|
حتى الآن لم يأتي رد في صلب الموضوع وانا اترفع عن الرد على الأطفال اتمنى أن من يرد يرد على الموضوع ولا يتطرق لشيء آخر |
الوقت المعتمد في المنتدى بتوقيت جرينتش +3.
الوقت الان » 08:36 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd