#1  
قديم 03/01/2008, 07:02 AM
زعيــم متواصــل
تاريخ التسجيل: 10/01/2007
مشاركات: 58
@@ تـكـفـى وطـلـبـتـك ويـرحـم والـديـك يـا ابـو سـلـطـان @@

ملاحظة // المطبلين للمفرج (أطلبهم) و (أرجو) منهم عدم الرد على موضوعي اذا كان بيزعلهم .

لاعبين الهلال اليوم كلهم من ياسر الى الدعيع كانوا سيئين جدا جدا .

واستثني منهم اثنين وهم (المرشدي) و (نامي) .

بتقولون ليش ؟؟

بقولكم / اللاعب اللي يلعب في غير مركزه اذا كنت عاقل لايمكن ان تحكم على مستواه مهما كان سيئ .

(كوزمين) مدرب ممتاز وذكي جدا لكن فلسفته الزايده في تغيير المراكز هي نقطته السلبيه الوحيده .

مباراة اليوم (عيب) اللي شفناه وصار فيها .

مالك معاذ يسوي زي كل مايسويه في جميع مبارياته مع الهلال وبنفس الطريقه .
ويلعب مع الاتحاد والنصر والشباب ومايسوي ولا ربع اللي يسويه معانا لــيــش ؟؟

لانه يلاقي قدامه (مدافعين) تقدر تطلق عليهم مدافعين .

تفاريس / مستواه كان سيئ جدا .

المفرج / اقسم بالله ياناس ان تكوينه الجسماني وطريقة ركضته وحركاته لاتدل على انه لاعب كرة قدم نهائيا .

تكفون قارنوا بين ركضته وركضة تفاريس او حتى المرشدي او وليد عبد ربه او هوساوي او المنتشري وبتلاحظون شي عجيب .

في مباراة البارح لمس الكوره بيده مرتين ووحده منهم بلنتي واااااضح لكن ربنا ستر وماشافها خليل .

لاحظتوا رفعة ليلو له لما ضربها براسه ضربه ماتصير حتى وهو متعمد ماتجي .

لاعب كان مشترك في جميع الاهداف الثلاثه .

الهدف الاول قاعد يناظر في مالك وهو يطقها براسه ومخلي محترفهم وراه بمترين .

بتقولون تفاريس كاسر التسلل بقولكم صادقين لكن كيف مدافع متمكن ما ينتبه لخويه وين مكانه اذا كان كاسر التسلل مايخلي المهاجم وراه بمترين . لانه يقدر يضبط مصيدة التسلل بالبعد بسنتيمترات عن المهاجم .

الهدف الثاني مالك يعدي من تفاريس بحكم سرعته ووجود مساحه له واستغلها ويجيه المفرج يركض جنبه والكوره بينه وبينها ربع متر مايبغالها انبرش عالكوره انت اقرب لها (وهذا اللي قاله ابويعقوب بتحليله) لكن المفرج لان تكوينه مو تكوين لاعب كرة قدم من المستحيل انه ينبرش انبراشه سليمه عالكوره ومن سابع المستحيلات بعد لانه بيجيب بلنتي اليم كالعاده .

الهدف الثالث مالك يسوي بالمرشدي زي ماسوا لتفاريس لسرعته ومهارته ووجود مساحه ويجي على خط المرمى ويجي المفرج يسكر عليه برجل عالخط والثانيه من ورا الخط يبي يقفل عليه الركنيه ؟! يعني يحده على منطقة ال18 وهذا اللي سواه مالك وجا منه الهدف الثالث .

يعني اللاعب مشترك في جميع الاهداف .

بتقولون طلع كورتين خطيره ؟؟

بقولكم / الكوره الاولى كانت زي الرفعه وجايه لافه وواضح انها مو حول خط المرمى وجا المفرج وطلع لها براسه وبغى يجيبها بس ربي ستر وطلعها ركنيه ولا اقسم بالله لو خلاها كان هو نفسه راح ياخذها بنفسه ومحد حوله !!

انفرادة معاذ عليه اللي قطعها هذي اول كورة انفراد اشوفها يقطعها بشكل سليم من خمس سنوات راحت !!

يعني ترا الصدف تحصل !!

ولا تخيلوا لو بعد مالك عدا وجاب هدف وش بيصير فينا ؟!!

المفرج سبب وااااضح لمشكلة دفاع الهلال !

فيه لقطه جات على الرياضية السعودية بالمباراه كانت هجمه علينا من جهة نامي ونامي كان متقدم والكوره راحت تقريبا لمالك وكان تفاريس يركض لمالك يبي يغطيه والمفرج راح يركض لمالك وهو شايف تفاريس رايح له ومخلي مهاجم الاهلي البرازيلي . وكان تفاريس يأشر له يقوله خلك مع الثاني ورجع بعد مااشر له تفاريس !!

مسكين تفاريس مايدري هو يحسن مستواه ولا يحسن مستوى غيره !

الملاحظ الجيد بيلاحظ ان تفاريس لايعتمد ولايثق في المفرج نهااااااااااائيا .

انا طول السنوات السابقه عمري كله مافكرت اكتب عن المفرج وكل مره اقول المفرج ماراح يبقى . المفرج بيطلع . المفرج بيعتزل . المفرج بيجمدونه . ولكن ماصار ولا راح يصير اللي نتمناه .

انا من اشد المعارضين للدخول في صفقة هوساوي ولكن بعد هالمباراة دعيت ان ربي يتمم هالصفقه ويجي .

ووقتها ماراح يخلون لاعب الملايين احتياط وبيزحلقون المفرج بطريقة محترمه !

ابو سلطان تكفى طلبتك فكنا منه ومن واسطته .

انا ادري ان مو انت واسطته لانه اساسي من قبل ترأس النادي .

لكن تكفى خربها وجمده واطرد واسطته مانبيه لاهو ولا دعمه دامه بيذلنا بدعمه ويخلينا نلعب اشباه اللاعبين !!

والله العظيم تعبت من هاللاعب خلاص ماعاد اتحمل وجوده في التشكيله .

ياناس لاتدورون سبب مشكلة الدفاع ولا شي .

والله هو سبب نكبة الدفاع والله .

يا ابوسلطان لو انك مقتنع بمستواه ماقلت لنا بعد مباراة الوحدة الاماراتي ماعاد راح تشوفونه وفعلا اول مباراه بعدها ماشفناه . ولكن رجع بعدها .

لو انك مقتنع ماكان همك الجمهور وكان خليته يلعب اساسي بالمبارها اللي بعدها ولا قلت ماراح تشوفونه !

لكن واسطته قوووييييه ومطبلينه اللي يفكرونا ننتقد اللاعب لشخصه برضوا كثير .

علشان كذا لازم تكون حازم بقرارك جهة هاللاعب وتريحنا .

وانت يابو سلطان واضح انك مليت من رئاسة النادي والدليل غيابك المستمر عن النادي وعدم وجودك في اهم مبارياته .

والتخبطات اللي صايره من الموسم اللي راح الى هالموسم .

لكن الله يعجل بنهاية هالموسم ويمسك الرئاسة رئيس نشيط ومتحمس للعمل .

اعذروني اخواني على عدم ترتيب الموضوع بشكل احسن من كذا .

لكن والله مالي خلق ولا لي مزاج اصلح فيه شي لان المباراة رافعه ضغطي بقوووه .


( قفله )

@ موضة البيانات عن التحكيم عامله عمايلها . ولابد ان تمنع لكي تقف المهازل @


@ هلالي متعالي @
اضافة رد مع اقتباس
  #2  
قديم 03/01/2008, 07:08 AM
زعيــم جديــد
تاريخ التسجيل: 15/01/2007
مشاركات: 32
لقد اسمعت لو ناديت حيا
بس ادارتنا في سبات عميييييييييييييييييييييييييييييق
اضافة رد مع اقتباس
  #3  
قديم 03/01/2008, 07:20 AM
الصورة الرمزية الخاصة بـ e.a.g.l.e
زعيــم مميــز
تاريخ التسجيل: 25/10/2004
المكان: jeddah
مشاركات: 1,958
اسمع يالحبيييب لااتحط حرتك كلها بلااعب واااحد الهجووم طيب ليش مايسجل الاهدااااف ؟؟؟

الهدف الاول تفاريس كسر التسلل ولا غطى اللاعب اللي جنبه يعني لاهو اللي سوى مصيده ولا هو اللي غطى

انكسرت المصيده طيب غطي والله مايعدي ذاك البرميل البرازيلي من تفاريس

بس تصرف غريب بعدين اذا المفرج اخطا دفااعا شووف الفريق من فيييه

لاعبينا كل ابووهم ناقزين في ذا الاولبمي الله لايبارك فيييه

واذا قعدت تحط حرتك بالمفرج بكرة بيرووح ومادري من تلقى شماعه لاخسرت ؟؟

لازم تشوف اسبااب الخساااره بشكل وااقعي وحقييقي عشان اللي مريحيين هذولي الشلهووب ويااسر

هذوولي مادري لمين يلعبوووون يفكروون بشي ثااني وهم في الملعب ...

واتفق معااك التحكييم امس كان مربوووش وخايف من الانتقااادات الاهلاااوية ........

لعبوها صح وخوفووه عشان كذا يبيلنا حكم مايعرف عربي ولا عليه من فااز ومن خسر ومن كتب عنه ومن انتقده

يحكم مباراته ويمسك البااااب

بس السبب الحقيقي اللاعبين يدربهم المدرب ويوم يفهمون على بعض ويفهمون خططه ويبدعوون معااه

يجوونك ركض المنتخب الاولبمي ويلااا عطنااا

الظهير الايسر والجناح الايمن وخلاانا بدون اجنحه ولا اظهرة مثل طيير متنف

المدرب توهق من يحط ظهير ايسر الخثران بعد اصيب يعني توهقناااا صح ........

بس اخووي لاتحط حرتك بالمفرج لحااله فيه كثير مقصرين لكن ماهم باينين على الخارطه اذا المفرج اخطأ

امس ... فهو ابدع مباريات كثيرة وامس كان افضل السيئين ومن رايي افضل حتى من تيفا اللي امس ماهو طبيعي

احسه كان مرتفعه حراارته وهو يلعب ... ماهو راااسي زي اووول ......

يعني امس كان الاطرااف عندناا مفتوووووحه مرررررررررة اركض يامعاااذ وياامسعد وخذ رااحتك

وطبيعي بينكب الدفاع اذا جوهم من الطرف ...........

تحياااتي لك ........

اخر تعديل كان بواسطة » e.a.g.l.e في يوم » 03/01/2008 عند الساعة » 07:45 AM
اضافة رد مع اقتباس
  #4  
قديم 03/01/2008, 07:37 AM
زعيــم نشيــط
تاريخ التسجيل: 30/09/2007
مشاركات: 908
خلهاااااا على الله نتحمل لين ينتهي الموسم هذااااااا
وان شاء الله الرئيس وشلته يمسكون الباب
ويرجع لنا هلال زمااااااااااااااااااااااااااااااااااااااااان
اضافة رد مع اقتباس
  #5  
قديم 03/01/2008, 07:43 AM
زعيــم فعــال
تاريخ التسجيل: 07/06/2007
مشاركات: 308
يا رجال ابو سلطان اللى انت تطلبة هو سبب بلاوي الهلال كلها لو يروح ويترك الهلال احسن بواااجد وبيريحنا
اضافة رد مع اقتباس
  #6  
قديم 03/01/2008, 07:47 AM
زعيــم فعــال
تاريخ التسجيل: 23/06/2007
مشاركات: 305
النادي ام كلة يبي توظيب
اسو مبرات لعبها الهلال هي اما الأهلي
مافيه الا المبارك
وليلو مادري ليه صاير مع يمين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اضافة رد مع اقتباس
  #7  
قديم 03/01/2008, 07:58 AM
زعيــم نشيــط
تاريخ التسجيل: 10/01/2004
المكان: العاصمة الرياض
مشاركات: 675
ياخوي وش قاعد تقول

حاط الخساره كلها عن المفرج وتقول نامي والمرشدي احسن لاعبين بالمباراه

اذكر ربك شكلك ماشفت المباراه

والهدف الثاني ياابو الشباب من السبب فيه مين أول واحد انسحب وخلى مالك يدخل على قلوب الدفاع وجه لوجه

تدري من مين من نامي اللي تقول عنه احسن لاعب

وهدف درب الزلق مين اللي واقف يتفرج على مالك وطاح زلق فضحنا ووهق خوياه تدري مين المرشدي اللي تقول

احسن لاعب لانه مالعب بمركزه

كلامك غير منطقي وتطلب من ابو سلطان يطرد المفرج الا ابو سلطان ماوده يستقيل ويريحنا ويكمل جلسته بباريس
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:29 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube