نادي الهلال السعودي - شبكة الزعيم - الموقع الرسمي

هلا والله بالزعماء

مباراة وانتهت بخيرها وبشرها ولكن

وش الصح في نظركم الصح نبقى ساكتين مثل مايبي البعض على أخطاء قاتلة وعلى لاعبين منتهين

والا الصح نصفق ونقول ماعليه تعودنا على التسدح عند المرمى ولاهي غريبة على دفاعنا

نعم كل فريق يهزم وكل فريق تضيع منه نقاط ولافيه فريق مايخسر والكورة تعتمد على ثقافة

تفوز اليوم بكرة يمكن تهزم يعني شي عادي الخسارة وطبيعية لكن اللي مهو عادي تدرون وشهو

اللي مهو عادي هالدفاع اللي في كل مره يقابل هجوم وخاصة مالك ينقلب رأساً على عقب

مافيه ثقه ولا فيه سيطرة على الاعصاب وكأن مالك مارادونا زمانه

والله الهدف الثالث كشف بعض اللاعبين واللي أغلاطهم في المباريات مكلفة جداً للفريق

لابد نبين المشكلة ولابد للمشكلة من حل

الدوري يعتمد على النقاط والنقاط تعني لا للتفريط إذا تبي الحصول على البطولة

الدوري يبي لاعبين متجددين مهو لاعبين مكانك سر

الدوري يبي تواجد كل الطاقات من رئيس لبواب لدعم الفريق ومن ثم الجماهير واللي ماقصرت

الدوري يبي قتالية وروح أختفت عند البعض وللأسف

الدوري يبي إحساس بالمسؤلية من قبل بعض للاعبين اللي إبداعهم خفت وأخاف ينتهي

الدوري يبي وقفة جادة وحازمة للإدارة والتعامل مع كل خطأ ومحاسبة المقصر على تقصيره

مباراة اليوم انتهت والحقيقة الأهلي يستاهل الفوز والأهلي فريق كبيركماهو الهلال

لكن أتمنى تكون هالمباراة جرس تنبيه لماهو قادم فالقادم صعب وصعب جداً

وأنتم تعرفون لو يلعب الهلال مع فريق مدرسة أنقلب هالفريق لمنتخب البرازيل

وماظنيت أن فيه أحد مايدري أن الفوز على الهلال بطولة بحد ذاته عند جميع الفرق.

أتمنى نصفق للي يستاهل وماندافع عن المخطي لأن هذا هو اللي ذبحنا

وفي النهاية

الخسارة واردة في كل مباراة ولكن نتمنى أن لاتكون مثل هذه الخسارة

ويارب تكون بداية تصحيح وصحوة نحو كسب الدوري

تحياتي لكم