ريح راسك .. ملخص المواضيع من اليوم ولمدة 3 ايام ملخص المواضيع والمشاركات لمدة ثلاثة ايام : 1- الادارة فاشلة ولازم تستقيل . 2- الرئيس مدري وين الله حاطه وقاعد يلعب في النادي وكانه املاك خاصه . 3- سبب الهزيمة سفر الرئيس وياسر الى انجلترا وفشل صفقة ياسر . 4- دفاع الهلال شوربه والمفرج والمرشدي لعد نشوفهم في النادي .. وعطوا تفاريس خروج نهائي .. وبسرعه وقعوا مع هوساوي عشان ينقذنا منهم . 5- التايب فاشل واستعراضي على حساب النادي وماعمره خدم الفريق في المباريات المهمه ولو يلغون عقده افضل . 6- التمياط ازين انه اصيب عشان نفتك منه (الله يقومه بالسلامه) . 7- الشلهوب لازم يريحونه ويلعبون نواف العابد . 8- ياسر ليتك قبلت عرض مانشيستر وافتكينا منك .. وجائزة احسن لاعب اسيوي اخذتها مجامله ومالك هو اللي يستحقها وهو اللي يستحق الاحتراف في اوربا . 9- اي احد بيجيب طاري الحكم بيجيه على راسه لان اللاعبين فاشلين . 10- تريقه واستهزاء بمعظم لاعبي الفريق بجميع الاشكال والالفاظ . وصراحه هنا يجي دور ادارة المنتدى في الحفاظ على رقي الطرح وعدم فتح الباب على مصراعيه لكل من هب ودب لشرشحة الفريق واللاعبين ومواضيع مكرره وماصخه وارجو من ادارة المنتدى مدام وضعت حوار مفتوح عن اللقاء او غيرة من اللقاءات ان تتركز اي مشاركة عن اللقاء في هذا الحوار , والمسالة ليست تكمميم افواه .. ولكن نحتاج ان نكون مختلفين عن منتديات الاندية الاخرى كما نحن مختلفين عنهم كاندية . |
11- موضوع فاشل |
إقتباس:
|
لا لا مشاء الله عليك كاتب مميز 8- ياسر ليتك قبلت عرض مانشيستر وافتكينا منك .. وجائزة احسن لاعب اسيوي اخذتها مجامله ومالك هو اللي يستحقها وهو اللي يستحق الاحتراف في اوربا . وبكره تقول يالبا قلبك يا ياسر التمياط ازين انه اصيب عشان نفتك منه ترى ايجابياته اكثر من سلبياته |
هلالي مدريدي - مهايطي شكرا على مروركم بس شكلكم ماكملتوا قراءة الموضوع انا ضد كل ماهو مذكور في النقاط العشر وللاسف هي الموجوده في كل المواضيع في النتدى الان |
11 - كلامك صحيح وللأسف أتمنى يجي اليوم الي ننسى فيه سفاهة الرأي والانحطاطات في الردود . |
صادق في كل كلامك |
هلالي مدريدي - مهايطي شكرا على مروركم بس شكلكم ماكملتوا قراءة الموضوع انا ضد كل ماهو مذكور في النقاط العشر وللاسف هي الموجوده في كل المواضيع في المنتدى الان |
الله يعطيك العافية أخوي ياسر999 على الكلام الجميل والأكثر من رائع . |
والله الظاهر انك مقيل |
شكرا لك ولا نقول إلا حسبنا الله ونعم الوكيل |
الوقت المعتمد في المنتدى بتوقيت جرينتش +3.
الوقت الان » 06:51 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd