الأخ منتج الثمامة:

المباراة انتهت نتيجة طبيعة بفوز الأهلي .!!!!! عفوا ياأخي الفاضل هذه النتيجة غير طبيعية والطبيعي هو فوز الهلال على الأهلي وليس العكس ..... ولكن مبروك للأهلي وفي هذه المباراة قدم مباراة كبيرة وحب يفوز ودخل الملعب هدفه على بطل آسيا وفريق يمثل آسيا في المونديال ... يعني ودهم يفوزا على فريق عالمي وتحقق لهم مرادهم...

واذا كان في الأهلي سبعة نجوم في المنتخب عندنا ثمانية والتاسع محترف في انجلترا..

مستوى غير مشرف من نجوم عالميين ( نجوم الزعيم )


------------------
ياكايــــدهم ياســـامي

السلام عليكم
الخسارة طبيعية بس المستوى موطبيعى واللاعبين موطبيعين والمدرب موطبيعى والأدارة موطبيعية هذا الى يزعل مافى روح ولاتكتيك ولامدرب هل نتحمل نحن الجماهير أغلاط الأدارة والمدرب هم وضعوا لهذا الشى لخدمة الهلال وليس لتدمير الهلال
وشكرا لكم

هلا فيك منتجع الثمامه
انا سبق ان كتبت كلام كثير عن مباراة الاهلي وياليتك تشوفه بس المشكله ان ادارة الموقع حذفته لانه كان هناك احد الاعضاء الاعزاء ابدا رأيه عن المدرب والجهاز الفني والاداري الهلالي وشوي كان الموضوع قاسي وانا رديت عليه بس للاسف مثل ماقلتلك الاداراه حذفته

انا ما راح اردد الكلام ولكن بأختصاااااار

احنا لازم نخدع انفسنا ونقول زهقنا من الفوز كل فوز نبي نبي نذوق طعم الهزيمه ولو مره واحده على الاقل

بصرااااحه كلامك ان الهلال كان بينهي المباراة نهايه غير طبيعيه

اتوقع انك ماشفت الا دقيقه وحده وهي مراوغه النزهااان داخل منطقة الجزاء عندما راوغ الاعب واعااااقه المدافع وكانت هناك ضربه جزاء صحيحه مئه بالمئه شكلك انقهرت من الحكم وكنت متوقع ان الهلال كل هجماته مثل كذا

اخوي بذكرك بأشياء مهمه بالمباراة امس

عبيد اضاع انفرادتين امام العتيبي
عبيد اضاع كره بالعارضه
عبيد اضاع كره براسه بعدما كان المرمى خالي بعد تعدي الكره العتيبي

الى الحين انا عديت لك هجمات عبيد بس
ما قلتلك هجمات المشعل الخطره هو وايا السويد
والكل شاف شلوووون المهاجمين الاهلاويين كانوا يلعبون بكل حريه

اذا كان الهلال مقدم مستوى وانهزم عادي جدا
ولكن الهلال امس كأنه يقول تعال وسجل
بصراحه امس غير نواف والعتيبي ما فيه احد قدم مستوى


وبالنسبه لكلامك لتكتيك المدرب بالشوط الاول ممتاز
وش ذا التكتيك اللي اخلي كل هجمتين للاهلي تكون احداها خطره وبعدين ممكن تقولي وين هجمات الهلال بالشوط الهلال (ابي هجمه صح مو تسديده من نص الملعب )

والله كل هذا الكلام من القهر اللي في قلبي على مستوى الهلال امس

وبصراحه انا يوم انتهت المباراه والله قلت زين ان الحكم ما حسب ضربه جزاااء للهلال لان بصراااحه امس الهلال ما يستاااهل الفوز ولا حتى التعادل

وزين جات الهزيمه في ذا الوقت ولاجات بالمربع الذهبي او في كاس ولي العهد (خروج المغلوب)

اذا الاداره الهلاليه ما شافت حل للمدرب بيكون حال الهلال اسوأ واسوأ

عاشق نواف ما قصرت اخوي علي التحليل بس نسيت تتكلم عن الشوط الثاني يقول العب اتحسن في نظري العب ما تحسن علي عرقله النزهان اتحسن العب الشلهوب الدوخي منصور الكاتو مانجوت هم في وادي المباراه في وادي
الكاتو اذا محد عطاه الكره رفع يده واذا عطوه الكوره راحت منه صفق بي ايده الثنتين ومنصور امس ضيف شرف يناضر الكوره وين تروح وعلي اي شي يرفع يده يعترض وبس ما نجوت اذين ما فيه لايقته يلف الملعب رايح جاي والشلهوب والدوخي كانهم انغرو تكبرو علي العب حال العيبه ما يسر وعندي سئال وين عيال المطرف اعتقد انهم اصرف من الي كان موجودين بكثير حتي في الاحتياط ما هم موجودين
مشجع الثمامه انت زعلان علي ضربه الجزاء
الاهلي امس لو كان محظوظ لخرج الهلال من هزيمه تاريخيه لان ينساه اي لاعب هلالي مدي التاريخ

------------------
اذا لعب الهلال خبروني فأن العب منبعه الهلال

السلام عليكم .
الهزيمه عاديه الهلال لم يكن في مستواه فيه ارتباك شديد في خط الدفاع احمد الدوخي امس لم يقدم اي شيء واستخدم حيلة العاجز الخشونه . الاهلي اضاع الكثير من الفرص الهلال تحسن في الشوط الثاني البلنتي ماتبي كلام .
شفتو فرحت الاهلي بالفوز على الهلال كم انت عظيم يازعيم عند الفوز والهزيمه .

------------------
عاش الهلال وعاشو مشجعينه

[email protected]

تحياتي للجميع ...
انتهت مباراة الهلال والاهلي نهايه طبيعيه جدا وكاد الهلال انه ينهيها نهايه غير طبيعيه لو كان حكم المباراه في وعيه...
ورغم هذا طلع علينا من يحلل وينتقد ويسب ويشتم في ادارة الكره , والللاعبين , والمدرب .
ليش الهلال منزل من السماء ما ينهزم كرة القدم فيها فوز , وخساره , ولا يمكن انك تفوز والى الابد ,لابد وان تخسر حتى تفوز , الاهلي فاز بالمباراه لانه كان يحتاج للفوز أكثر من الهلال شيء طبيعي .
لاعبي الاهلي قدمو مستوى جيد ولهذا السبب فازو .
مدرب الهلال لعب الشوط الاول بتكتيت معقول وكان الاهلي مسيطر على المباراه وخرج بالتعادل.
في الشوط الثاني تقدم الاهلي بهدف وبعدها غير المدرب من طريقته وشفنا كيف استلم الهلال زمام المباراه.

الحكم ما احتسب ضربة جزاء واضحه وضوح الشمس في رابعة النهار؟؟؟؟؟؟؟؟؟
المباراه انتهت عاديه ولا يبيلها انتقاد ولاغيره .
للاهلي سبعة لاعبين في المنتخب ما هي غريبه انه يفوز على الهلال ...لا والمباراه في جده وبفارق هدف شيء طبيعي جدا جدا .



------------------
هلال التحدي شب ضوه وجاب الكاس
.............على صك خمسين السنه ولعت ناره
وبشب ضوي بالثمامه على الاطعاس
...............وجماهير الازرق من على النار سماره

i was really angry.
but after reading your messege, i'm feeling alot better.
you are right
al-hilal is a team like all the teams.
losing and winning is a part of the fun
salaaaaaaaaaaaaaaam
but i am maghooor shway

يعطيك العافيه يا حبيبي انت
بس ان اقول ان السبب هو انه اول مره ينهزم الهلال بعد افتتح المنتدى وكلنا يبي يصير ناقد كبير ( بعض الاعضاء ) لكن ما نقول الا ان جمهور الهلال واعي الا فيما ندر من ؟؟

ليت كل الاعضاء مثلك

------------------
مصــــــدر موثـــــوق

الأخ منتجع الثمامه
السلام عليكم
انا في الحقيقة اخالفك الراي خصوصا في الشوط الأول فقد انقذ العتيبي الهلال من هزيمة كبيرة وكذلك كلن مهاجمي الأهلي في برج نحسهم
وسط الهلال كان ضائع والدفاع كان مشتت
والكاتو كان كعزولا
بالنسة للتغييرات فالأول خاطيء والثاني والثالث ممتاز ولكن بعد فوات الآوان خصوصا نزول الثنيان كان متأخر جدا جدا
فالهزيمة يتحملها كلمبويس اولا ثم بعض اللاعبين ثانيا الذين ليسوا في مستواهم وكأنهم يلعبون لأول مرة مع بعضهم
عموما مستوى الهلال في انحدار من مباراة لأخرى منذ ان غادر بلاتشي واتمنى ان يأتي المدرب الجديد على وجه السرعه حتى ينقذ ما يمكن انقاذه


------------------
الزعيم+العالمي+اسطورة الكرة الآسيوية+نادي القرن الآسيوي+منبع النجوم+قاهر الخصوم= الهلال السعودي

يا هلاليين صحيح انكم طماعين , خلوكم قنوعين , الدوري ومعروف من بياخذه مسبقا ومالاجراآت الاخيره الا خير دليل رايح رايح طيب قوه رايح..

بالنسبه للاهلي تخيلو وضع الاهلي مهزوم وش بيصير؟؟؟
لا المدرب ولا اللاعبين يتحملون اي شيء.

وفي النهايه منهو مدرب الهلال ميرسلاف ولا بيزفيتش ( ياصعب اسم الاخير).
نواف 1/0 نتيجه جدا مقبوله.
شقراوي هلالي عندكم في شقرا انجليزي ياااحلاوه.
الموج 2000 ضايع والا ماهو ضايع النتيجه وش هي 1/0.
وللجميع المستوى يمكن يكون غير مقبول بس في النهايه النتيجه تنبلع.

شكرا لكم..............

------------------
هلال التحدي شب ضوه وجاب الكاس
.............على صك خمسين السنه ولعت ناره
وبشب ضوي بالثمامه على الاطعاس
...............وجماهير الازرق من على النار سماره