سلام

كالعاده
بعد كل مباراة لازم يحطون حرتهم في لاعب معين
واليوم جت على نامي

اقسم بالله فيه جماهير ماتدري وش يبون

يوم كان فيه ياسر الياس قالوا فاشل عشانه انسحب مرتين
وبعده جا العبدالسلام واخطا كم من خطا بحكم انه توه صغير وما يملك من الخبره اي شي وقالوا مانبيه
والاداره بعد كذا جابو العنقري ومثل اللي قبله اخطا كم من خطا وقالوا مانبيه
واليوم نامي عشانه اخطا كم من خطا خلاص فاشل ومانبيه

والله خوفي بكرا الاداره يجيبون زامبروتا ويخطي مره وتقولون فاشل ومانبيه

ادري اكثر الجماهير يبون واحد مثل الدوخي
لكن الدوخي للي يذكرونه في بداياته مع الزعيم كان اقل عطاء بكثير من نامي او العبدالسلام او غيره
لكن الزعيم وجماهيره على وقته صبروا عليه حتى صار افضل ظهير ايمن مر على الكره السعوديه


وبالنسبه لمباراة اليوم ماشوف انه نامي بس اللي اخطا اليوم
كل اللاعبين اخطوا

واولهم تفاريس اللي كل الاهداف من جهته

وياسر اللي ماشفناه ابد والمرشدي اللي واقف وهو يشوف الدب اللي مايقوى يمشي وهو يجيب الهدف الثاني وغيره وغيره

اليوم مافيه احد لعب الا التايب والمفرج
ولاتحطون حيلكم على لاعب واحد بس

تحياتي

مشكووور على مرووورك اخوي