السلام عليكم
هارد لكم يا زعماء الخساره وان شاء الله تكون هذي درس لنا وان شاء الله نستفيد منها في باقي الدوري ..
المواضيع كثيره وكل واحد يتكلم ويسب في الاعب الي ما يبيه ..
واحد يقول سرحوا ياسر و واحد يقول اطردوا ليلو والثاني يقول برى يا مرشدي !!
يعني الدعوه سايبه !!
والشي هذا ماهو مستغرب وما هو شي جديد لان هذا حال جماهيرنا بعد كل خساره !!
واتحدى اي واحد ينكر ذا الحقيقه !!
بعيداً عن احداث مباراة اليوم ..
محمد بن فيصل صرح انه لن يترك النادي الي في حالة طلب الجمهور الشي هذا ..
والي اشوفه ويشوفه الكل ان الجمهور (انبح) صوته وهو يطالب بالرحيل !!
طارق التويجري ,,
عادل البطي ,,
عبدالرحمن البابطين ,,
خالد المعمر ,,
وغيرهم من الكفائات العاليه تركوا النادي في ظروف غير معروفه وظروف غامضه وكل هذا في عهد محمد بن فيصل !!
هذا ابسط مثال على ان الادراه (ارتجاليه) والقرارات فيها (انفراديه) !!
انا ما سبيتك يا محمد بن فيصل ولا غلطت عليك !!
لاكن اتوقع ان تصرفاتك وسفرياتك وروحاتك وجياتك في وسط الدوري تدل على ادراتك الواعيه !!
على العموم انا (مليت) من كثر ما اتكلم عن هذا الموضوع لاكن وش اسوي ..
هذا الهلال الي اعتبره جزء مني واحرص عليه مثل ما احرص على نفسي ويمكن اكثر ..
اتمنى انك سمعت وقريت وفهمت واستوعبت كلامي وكلام الجمهور ..
والحين يا ليتك توفي بوعدك !!
ولا تحسب ان الكلام هذا نتيجة خسارة اليوم ..
بالعكس الكلام هذا ملينا من كثر ما نردده !!
ولا لا يا زعماء !!
على العموم هذي مباراة وراحت بخيرها وشرها ..
لاكن انا بس ابيكم تقرون الابيات هذي الي تعبر عن الحال ..
أنا الزعيم وصرت دون الزعامة
ألعب بليا روح والحق ينقال
...
رئيسنا فينا قليل اهتمامه
دايم مسافر مادري وش هي الحال
...
ليته حريص وكلنا باحترامه
ماكان يهزمنا قليلين الأفعال
(( القصيده مقتبسه من قناة الزعيم ))
ساميو 722