|
جولة في صندوقي الخاص للرسائل الواردة ( اللى ودة يشوف اسراري يدخل )<< مخربها بسم الله الرحمن الرحيم اعضاء منتدى الزعيم الكرام .. تحية طيبة وبعد =========================== انتهت الرسميات من هنا .. :razz: سلمكم الله ... فتحت اليوم صندوق الرسائل الخاصة الوارد .. قعدت اقلب .. يمين .. يسار .. فوق تحت .. كم اسم شفته قدامي .. كم عضوا كلف على عمره وتذكرني سواء برمضان .. أو بعيد .. او حتى بولادة فارس .. كلهم يباركون ويهنون ... سرحت شوي ... فكرت !! وش مصلحة هالناس تهنيني .. وتبارك لي .. او حتى تهتم في ارسال هالرسائل لي .. خصوصا إن الناس .. او اغلب الناس مو فاضيه حتى لنفسها .. بس يمكن من حسن حظي ان ربي محبب فيني خلقة :d او بمعنى اصح ( علشان مااحد يزعل ) مصخر لي عباده .. او بتعبير اصح وادق .. مصخر لي الطيب من خلقه .. وهذي كانت دعوة الوالده لي دائما وأبدا والحمد الله .. مااصادف الا الطيب ... ولا يشاركني هالشعور الا طيب ... اسامي جدا طيبه .. ورائعه .. وجدتها في صندوق الوارد ... من ظمن الأسامي اللى تحبني وتهتم في مواصلتي دائما في الرسائل هو العضو ( إدارة الاشراف ):d دائما يرسلي بطاقات تهاني .. مره ( نقل موضوع ) ومره ( إغلاق موضوع ) ومره ( تحرير مشاركه ) ومره ( حذف مشاركة ) :razz: <<<<<< متواصل دائما معي هالعضو .. ياحبيل خشيشته :clapping: طبعا لااعترض هنا عن النقل والحذف .. الشيوخ ابخص .. والإدارة لها منتدى للشكاوي والملاحظات اقصد في هذه الموضوع الرسائل الجميله والصادقه من قلوب يملاءها الحب والطيبه والشهامه مرات اخوك تنتظر منه رساله عيد .. او تهنئه والله ماتجيك الا بعزر <<< يعني بطاعونها << يعني بالملعونه واختها << يعني ( دبروني تورطت ) :upset: صندوق الوارد يؤكد لي سلامة فطرة شبابنا ... وطيبتهم ... وخلقهم الرفيعه .. وتسامحهم اخرها واحد قبل شوي .. ارسلي رساله .. يسبني فيها .. أو كنه غلط علي .. ارسلت له رساله ( شكرا ) رد علي ( والله احرجتني واتمنى تقبل اسفي ) s13s << بطل والله هالولد بطل واحييه وحده مره ارسلت لي رساله وفي رابط لموضوعها .. ودعتني لزيارة الموضوع والتعليق عليه .. دخلت الموضوع .. وبصراحه مااعجبني .. وماجاملتها .. قلت لها رائي بصراحه !!وبعد هالسالفة تخيل هالبنت تكون اول شخصي يعايدني !! ورساله بعد بالعيد الثاني معايده .. وحتى بولادة فارس باركت لي .!!... كبيره والله يـــا يالعنود ..... ؟ والله يخليك لأهلك .. ويشرفني اكون اخ لإنسانه طيبها سبق حرفها s13s عضو اخر ... في هالمنتدى ماشفت مثل اخلاقه وطيبته وحسن تربيته .. من خلال ردوده ومشاركاته ( مو قصور بالجميع لاحشى ).. بس من خلال احتكاكي فيه ومتابعة اسلوبه من بعيد عمره مامرت مناسبه الا والقى رساله منه !! والله محتفظ برسايله لانها تستاهل الحفظ ... في الرسائل مهذب .. وفي دروده ومشاركاته اكثر تهذيب لايرجي من وراي شي .... لكن وش تقول براعي الطيب !! مااقول إلا الله يجمل حاله ويخليه لاهله ...... أخلاق سامي .. الله يبارك باللى رباك وخلاك تقدر الكبير وتحترمه .. ويطول بعمره وترد له الجميل ... إقتباس:
الغدير الازرق .. طلال .... رغم غيابه وشغله مانساني ... :d اخترت لكم اقل جمله ... هالولد على كثر ماهو مؤدب .. ورقيق .. وهاديء بالمنتدى .. إلا انه مجرم بالرسائل الخاصه والماسينجر .. بس احبه رغم اجرامه ولعانته :razz: ماتتصور كثر فرحتي برسالتك طلال خصوصا انك لك فتره غايب .. برضه محتفظ فيها .. يالهيس :d عضو جميل جدا ... احترمه جدا .. مواضيعه تعجبني جدا .. على قل مااحتك فيه إلا انه شخص مهم في قسم المجلس العام ... مااعرفه ولايعرفني ... يرسلي رساله يبارك لي بفارس .. وبالعيد يعايديني برساله ... يمكن عند الناس بسيطه وضغطه زر .. لكن يعلم الله انها عندي كبيره حيل ...:yes: شفته بااحد المواضيع وقلت له : دايم تسبقني في كل شي .. قال لو انك اصغر مني ماسبقتك !!s60s ابو صقر على راسي انت ورسايلك وردك .. وحضورك .. وكلك على بعضك .. كذا تربينا .. ونبي نربي عيالنا على الفرق بين الكبير والصغير ... مو الواحد ندفدفه علشان يعرف :d عاجز عن كل كلمات الشكر اخوي فيصل عضوه رائعه .. علقت على برايفت لها ... وكان تعليقي شوي فيه قسوه ... ارسلت هي رساله تستفسر عن كلامي ؟؟!! .... هي جابت تكرن .. وانا جبت صعايده :d.. وتكافخنا لين ماكل واحد بلع العافيه ....:razz: بالأخير ....... اجد رساله جميله صادقه .. فيها اعتذار ... رغم اني شاركت بالغلط وبنسبة كبيره .. مثل هالعضوه .. وش تقولها ؟؟ شكرا ؟؟ شويه ماتكفي ....,, خلوقه !! برضه ماتكفي ..... متسامحه !! شويه عليها ..... بس ماعندي غير هالكلمات اللى قلتها .. شكرا .. وخلوقه .. ومتسامحه .. وأكثر بعد:yes: غلا روحي ...... ربي يسلم روحك ويحفظها .. دمتي بخير وعافيه اختي ملك الهلال ............ الف شكر وربي يحفظك يالغالي كل الفن هلالي ....... الف شكر وربي يحفظك يالغالي جون تيري 26 ...... الف شكر وربي يحفظك يالغالي ريري هكتور ......... الف شكر وربي يحفظك يالغاليه فياض ................. الف شكر وربي يحفظك يالغالي عبد المحسن ........ الف شكر وربي يحفظك يالغالي مشاكس ............. الف الف مليون شكرا وربي يحفظك يالغالي ( الف الف .. مثل ماقلتها لي بالرساله ) بريماكس ............ الف شكر وربي يحفظك يالغالي some one ..... الف شكر وربي يحفظك يالغالي ...... رغم اني مقصر معك لكن غالبني بالطيب والله وفي الأخير ................... واحد مزين صندوقي الوارد برسايلة وحضوره ... واحد من أول ماشاركت وهو متواصل معي .. رغم قصوري الكبير .. إلا انه احسن الظن فيني ومانساني لا بعيد .. ولا برمضان .. ولا بتهئة مشاركة ... وحتى دعوته لي بموقع اخر ... رسايله كلها تهاني .. وتحفيز ... ودعوه !!! وانا عمري ماارسلت له رساله حتى شكر ..........:wallbash: والله احبك في الله يامحمد ........ جرح يشكي ........ ياكثر طيبك ... وياكثر تقصيري ... ذبحتني بالطيب ياراعي الطيب ......... ومسكين ياللى ماعنده محمد ....... محررررروم :yes: جرح يشكي ........ كم كلمة شكر تكفيك ؟؟ من هنا .. لين تبوك ؟؟؟ لا ابعد من تبوك بكثير .. ولاتكفي ... :yes: شكرا لك يامحمد على تواصلك .. وطيبتك .. واخلاقك .. وكرمك .. واللى وده يشوف التكانه والثقل والرزانه يشوفها بمحمد ... s60s اسماء كثيره ماقد شفت لهم رسايل لكن احبهم طبعا .. مثل ماجد مقبل .. والزلابه صاحب الاضواء خالي من الهم .. ( الفريان رقم 2 ) ماتلقاه الا عند التصوير والكاميرات :d كثيرين والله .. مواصل .. المشاغب ...وغيرهم بس مايراسلوني .. وانا اتكلم هنا عن الرسائل فقط مستر قول (Mr.GoaL) ارسلي مره رساله يقول : عزيزي ابو طلال .. لقد تلقيت انذاراً؟؟!!:razz: صاكني باانذار ويقول عزيزي !! ومره ارسلي يقول : لاتتعودلها :nono: !!! قلت له : سم سم سم ... سم سم سم .. سم :bigeek::wallbash: السلطاني : مشرف منتدى الجمهور الهلالي ومشرف روم الزعيم في البالتوك : ارسلي رساله بعد موضوع لي في قسم الجمهور .. :d ( لاتسألوني عن الموضوع ) :razz: <<< مايتكلم عن سامي ابد :nono: اول مارد علي وقبل مايسلم قال : وش ذا الكلام يابو طلال :upset: <<<<< المهم حذف الموضوع: d نرجع لمحور حديثنا ...................... s13s شخص ماتعرفه .... او ماسبق لك معرفته ........ ولايبي منك شي ....... لقيته يرسلك رساله يهنيك .. او يبارك لك .. او حتى يسأل عنك ....... لابد انك تقوله شكرا .... التواصل شي حلو ... معادن الناس تشوفها بعينك ... من خلال ردودهم .. تصرفاتهم .. رسايلهم ومحتوياتها .... كل من ارسلي رسالة .. أي رساله تذكرني فيها .. اقوله شكرا والله ماتكفيك وكل شخص غلطت عليه ورغم ذالك اعتذر ... اقوله .. شكرا الف .. وهذا من طيبك وحسن ذاتك الرسائل الخاصه مو ظروري تكون للاستخدام الخاطيء .. ممكن نستخدمها للتهاني .. للإستفسارات .. للمعايدات .. لأي استخدام راقي وجميل على فكرة فيه اسامي كثيره ماذكرتها ... محذوفه في البريد .. ولايقلون عن ماذكرتهم قدرا وقيمه .. ومعزه .......s13s شكرا لكم واعتذر عن الإطاله ..... اخوكم الصغير ابو طلال |
هلا ابو طلال ,, إقتباس:
هههههههههههههههههههه ,, اتذكره هذا اول موضوع لي ,,, اصلا انصدمت يوم شفت ردك :bigeek::razz: ( لحد يروح يدوره بايخ ترى ) :d تصدق ياابو طلال كانت بالي فكرة الرسايل انزل عنها موضوع :stoned: يلا بدور لي فكره ثانيه ,,, :d ابو طلال الله يسعدك على الموضوع الفله ,, s13s |
وعليكم السلام ورحمة الله وبركـاته , حياكـ الله أخوي أبوطلال , أعترف اني مقصر جدا بحق جميع أعضاء المجلس العام , ومن هذا المكان أطلب منهم ان لا يأخذوا بي بتقصيري , والله يديم السعادة ! وإن كانت تدل على شئ , فأعتقد أنه على نقاء القلوب ! يعطيك العافية |
اقسم بالله إني ضعت..! أحرجتني يا رجل..! والله إني أقل من انك تذكرني بموضوع لك..! هذا على الرغم من تقصيرنا الكبير معك أخي العزيز.. وصدقني يكفي أن الله رزقك قلبا أبيض وطاهرا هذا ما سمعنا عنك من قبل.. وهذا ما شهدناه..! أذكر أحد الأعضاء عندما أخبرني عن معادن الأعضاء.. قال لي: أبو طلال.. رجل رجل رجل..! والله كررها ثلاث مرات..!! وأنا أشهد أنك رجل رجل رجل..! كريم.. وأصيل..! أنت في غنى عن شهادتي.. وعن شهادة غيري.! لك مني كل الشكر.. وكل التحايا.. التي تليق بك :) |
هلا والله ابو طلال يالله ان تحييه ياخي تبي تكب العشاء انت خخخخخخخخخخ في صندوق الرسايل اما بخصوص تهنئيتك اتوقع اني هنئتك في المسن ؟؟؟ اما رسايل الاعضاء فان دلت على شيء فانها تدل على طيبتهم وتلاحم <-- يمديك خخخخخ ابناء المجلس ..!! عوااااااااااااااف يبو طلال ..!! |
إقتباس:
تبي الصراحة زين إنه حذفه :d أنا استفدت من الرسايل الخاصة لكن أكثر شي استفدته هو الإعتذار من الأعضاء إللي غلطت عليهم :yes: وأكثر رسايل أكرهها هي رسايل إدارة الإشراف يا كثرها عندي :dإللي يبي منها يقولي وأنا حاضر :d مسويلها مجلد خاص :d عوافي أخوي أبوطلال s60s |
اصبر برسل لك رسالة وارد :razz: |
هاهاهاهاهاهاهاهاهاهاهاهااهاهاهاهاهاهاه موضوعك يا ابو طلال يشرح الصدر في فكرته وجرئته واسلوب طرحه ،،، إقتباس:
لا جديد اخوي ابو طلال فكما تعودنا معك التميز وروح الدعابة الراقية صحيح يا ابو طلال كم عمرك ؟؟؟ دائما ما أجد في ردودك بعض المؤشرات التي توحي بأنك في مقتبل العمر من 40 عام وصاعد !!! لا ادري ليش بعض الاحيان احس ان اسئلتي مستفزة !!! صحيح ابشر يا ابو طلال فقد احرجتنا بموضوعك وواجبنا تجاهك ان نزاحم الأخوة في بريدك الخاص وبحثت عن اقرب مناسبة تكون مدعاه لهذه الرسالة فوجدتها في شهر رمضان القادم 1428 هـ بأذن الله واذا كان لنا عمر ... بارك الله فيك والله يعطيك العافيه |
ماش مو أنت أبوطلال اللي نعرفه :d من صرت تنسق مواضيعك ، وأنا شاك فيك :d خلنا من الرسايل هذي نبغا نشوف رسايل الخرفنه :d طلعها :d |
قووووووووول هلالي بالدقيقة 55 << إدارة نقل المباريات :d:d جااايك يابوطلال انت وموضوعك اللي مدري وش يبي :d ............................................................ اهلن وسهلن بوخيي أبوطلال يااااااااخي أحبك يامرووح s45s أبوطلال يالشين تصدق إني كنت اتوقع إني أنا الوحيد اللي إدارة الأشراف تراسله باستمرار بدون انقطاع :d:d ياااخي انحرجت معهم يراسلوني وانا مقاطعهم :d:d إقتباس:
انشهد إنك محبوووب بس بعض الأحيان تزودها حبتين وودي امزعك :d:d لالاجد يابوطلال الصرااااحة إنك اخو وعزيز ويعلم الله إني اعتبرك بمثل مقام أبوووي :razz: وياحظ المجلس العام بواااحد مثل أبوطلال المفروض يحطوونك نائب للعمدة صدى الأمس وإلا يقيلون صدى ويحطونك بداله :d:d والله يخليلك الوالدة ( مزنة ) ويطول بعمرها ورده إقتباس:
احرجتني يابوطلو أحس ودي اصيح بس الشكوى لله مافي دموع :d أبوطلال تستاهل يالداشر كل خير .. أحسن كلمة قلتها فيني إنك قلت إني رقيق s96s حسيت إني أنافس أبوصقر والسامي بالرقة :dead: وانا كمااان أحبك يابوطلال عااد افهمها زي ماتبي تفهمها :d:razz: موضوع رااائع ومدري وش يبي يستحق التثبيت << مايجامل :laugh: أبوطلال قواااك الله ياغالي .. دائماً تتحفنا بمواضيعك اللي مدري وش تبي ويصاحبها ردود مدري وش تبي :stoned: واعذرني على رداءة الرد من المصدر .. والهلال مازاال منصك بـ3 وسرى الليل يابو3 :upset: ودمت بوود . |
السلام عليكم اكيد ما احد ارسلك ويبارك لك الا لانك تستاهل والله يديم المحبة بينكم ان شاء الله :) والشيء بالشيء يذكر , مستر قول ( تركي ) شخص محترم وله تقدير وترانا نسميه بمنتدى الاستشاريين تركي الكبير <===== كب العشاء :d الله يستر لا يجي تركي ويقرا ردي ويصكني باند :p s45s mr.goal s45s |
إقتباس:
المره الاول ماني متذكر الانذار اللي ارسلته لك بس اكيد انك تستاهل , واحقاقا للحق انا ماعطي احد انذار الا بعد ماشوفه يستحقه بشكل نهائي ومهما كانت معرفتي فيه وعلاقتي مايمنعني اني اعطيه انذار طالما انه خالف فاكيد يستحق العقوبه اما المره الثانيه كمل للاعضاء ليش ارسلت لك:d وعلى طارئ الرسائل الخاصه فيه رساله وصلتن من احد الاعضاء كلما تذكرتها اضحك بشكل غير طبيعي هذا عضو جديد ماعنده ولامشاركه ارسل لي رساله يبي يغير اسمه انا مابغيت ارده واقوله انت ماعندك مشاركات وماتستحق التغيير خفت اني احطمه فقلت له الاسم موجود طبعا كان يبي اسم هلالي ثرمداء الرجال شافني اعتذرت منه باسلوب حلو فصار مثل اللي صاحبه عسل ولحسه كله رد علي وقال ابي هلالي ثرمداوي وقلت خلني اعتذر منه مرة ثانيه بعد خصوصا اني اعرف ان هالعضو مميز وكان ودي يشاركنا لاني شفت له مشاركات بموقع ثاني فقلت له الاسم موجود مسبقا يالغالي رد علي وقال ابي هلالي من ثرمداء ورديت عليه وقلت الاسم موجود ايضا وهو فعلا ماهو موجود بس الادارة موقفه التغيير بشكل نهائي عاد شكله زهق مني ورد علي وقال غير لي الاسم الى ( هلالي ماهوب من ثرمداء ابدا ):d غيرت له الاسم وضحكت معه شوي وبعدين رجعنا اسمه للاسم اللي يبيه وهالعضو كل ماتذكرت وش رسالته اضحك ضحك عموما الرسائل اللي تجي للمشرف احيانا تضحك واحيانا يقول المشرف يامن شراله من حلاله عله فمان الله ابوطلال وشكرا لك ادري اني شطحت بالموضوع بس غصب عنك تقبلها والا ترى بتجيك الرساله الثالثه:d |
إقتباس:
|
هلا والله باخي الغالي .. ابوطـلال :) احرجتني ياباشا :stoned: وياخي كل يوم ابضيفك بس امي قايله لاتكلم كبـارين :pimp: > امزح s43s يعلم الله اني أحبك واحب الجميع ، :hug: وبالاخص جرح يشكي لانه والله سباااق وماني اجامله لكن والله كفو ويابعدي انت يامحمد s45s ويعلم الله ان لك معزه خاصه يابومشاري ياخلفهم انت ورده وآخر اجتماع للشباب الاخير والله يراسلني ومحرصني على الحضور لكن والله الظروف ولا والله يشرفني الحضور s9s. وانا الخاص مافيه شئ واللي يبي الباسورد ماعندي مانع لان كله تباريك لاغير :smilewink يعطيكم العـافيه يارب ، وتقبلوا تحيـات اخوكم : ابوياسـر ورده |
إقتباس:
<::x مايخرفن أبد مع أبو طلال:d أقول أبو طلال مافيه رسايل من اللي بالي بالك..؟:d |
| الوقت المعتمد في المنتدى بتوقيت جرينتش +3.
الوقت الان » 01:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd