جولة في صندوقي الخاص للرسائل الواردة ( اللى ودة يشوف اسراري يدخل )<< مخربها - صفحة رقم 4 - نادي الهلال السعودي - شبكة الزعيم

dal3_uae · #46 03/01/2008, 10:08 AM

فضايح ... خخخخخخخخ

موضوع حلو الصراحه ...

بس توقعت انك بتحط صورة .... بس ما عليه

إقتباس


	عضوه رائعه .. علقت على برايفت لها ... وكان تعليقي شوي فيه قسوه ... ارسلت هي رساله تستفسر عن كلامي ؟؟!! .... هي جابت تكرن .. وانا جبت صعايده .. وتكافخنا لين ماكل واحد بلع العافيه .... بالأخير ....... اجد رساله جميله صادقه .. فيها اعتذار ... رغم اني شاركت بالغلط وبنسبة كبيره .. مثل هالعضوه .. وش تقولها ؟؟ شكرا ؟؟ شويه ماتكفي ....,, خلوقه !! برضه ماتكفي ..... متسامحه !! شويه عليها ..... بس ماعندي غير هالكلمات اللى قلتها .. شكرا .. وخلوقه .. ومتسامحه .. وأكثر بعد

who is this ???
I think it's me ... or what ??

thanks a lot

ورده

الهلالي دائماً · #47 03/01/2008, 10:34 AM

هلا وغلا اخوي ابو طلال ( قلب )

وصراحة احسد على افكارك الجهنمية واسلوبك السلس

وبصراحة احرجتني وظلمتني

أنا ماارسلك افا يذا العلم ووين راحت رسايل حبنا الاول ورده لايكون مسحتها

عاد انت يابو طلال خلاص الحمد لله ضمناك وصار الجوال يفي باغرض يمكن من شان هيك

قلت رسايل حبنا الاول >>> مصمم على حبنا الاول

ونرجع لمحو حديثنا

انا صندوق الرسايل فيه الف رسالة 900 منها بيني وبين فياض وسأل بلد الوليد

اما الميه الباقية فهي موزعة بين تهاني وافرح وشتشتة في الخاص

ورسئل لجنة الاشراف

وكل ما وصلت 1000 امسح آخر عشرة رسايل

عاد الصدق مرات كثيرة انصدم برسايل من بعض الاعضاء تجعنلي احس اني مقصر بقوة

خاصة عضو ما بينك وبينه معرفة وتلقاه يهنيك ويتواصل معك ورده

والصد اني اي عضو يتواصل معي اسجل اسمه في ملف خاص في المستندات والملف

فيه الكثي من الاسماء والى الان احتفظ باسماء ناس قديمن اسعدوني بتواصلهم في يوم من الايام ورده

والصدق ودي يوم انزل موضوع واكتب اسمائهم واعطيهم ورود ورده

ويمكن هذا بيكون في حفل اعتزالي

اطرف رسالة جاتني من عضو يقول : ابي يحطون تحت اسم مثلك اديب المنتدى ما ابي زعيم جديد

رديت عليه قلت شد حيلك وان شاء الله بيحطون لك المشرفين احسن اسم

ارسلي بعدها رسالة مباشرة وقال ما فهمت عليك دق على جوالي بسرعة وسدح رقمه

انا حسيت انه مقلب فلذلك رديت عليه قلت ما معي رصيد

المهم بعد اخذ وعطى طلع حبيب قلبي المشاغب وده يسوي فيني مقلب

وكان هذا الكلام قبل ما احبه

اقصد قبل ما اعرفه ( قلب )

احس اني طولت عليك ابو طلو

بس شسوي احبك حييييييييييييييل ورده

وكل عام وصندوق رسايلك بخير

فتك بعافية ,,,

كاريزمـا · #48 03/01/2008, 10:47 AM

هلا والله باابو فارس

يالله ان تحييه وتخلي له غاليه

ماشاء الله ياابو طلال كلمة حق من يوم دخلت للمنتدى شعلة نشاط

حتى مواضيعك تنزل عفويه وخفيفه وشوف كيف مرغوبه للأعضاء

لو يكفيك موضوع الصور ماشاء الله تبارك الله اذكر اتابعه قبل اسجل

لو اني معكم تسان متهوره وحاطه صورة أمي ههههههههه

مير ربك ستر

الله يهديني لا تحمست شينه

فاصل اعلاني :
عزيزي البردان : الفروه نعمة من الله فحافظ عليها تقيك شر النزلات البرديه

>> وش تحسين فيه ياريري ،،، >> والله البرد كامشني كمش

نرجع للموضوع وخزيااه

بجد ابو طلال ماشاء الله عليك انت متواصل تقريباً مع غالبية الأعضاء بردودك تحسسهم

بالعلاقه الابويه الحنونه

تعليقاتك وردودك شربات مثل شربات الفرح حقات المصاريا خفيفه >> كل ذا تبي توصف لك انك خفيف دم

إقتباس


	والزلابه صاحب الاضواء خالي من الهم .. ( الفريان رقم 2 ) ماتلقاه الا عند التصوير والكاميرات

هههههههههههههههههههههههههههههههههههههههه

هههههههههههههههههههههههه

لا لا مو معقوله ههههههههههههه

الله يعين الفريان عدد ماقطعوه ياحضه أحس ماعليه ذنوب لو مايجيه الا تطنزي بوه

[QUOTE]من ظمن الأسامي اللى تحبني وتهتم في مواصلتي دائما في الرسائل هو العضو ( إدارة الاشراف )

[/QUOTE]
هي الوحيده اللي احسها واصله

ماتقطع أبد

وصول

الله يعافيك ياابو طلال على الموضوع المميز كعادتك الأسبوعيه

وان رشحوك افضل عضو صوتي وصوت حمولتي لك

>> تحسبها انتخابات البلديه

طولت بالرد ماشاء اله العذر والسموحه ابو طلو فتك بعافيه

leader-imf · #49 03/01/2008, 11:56 AM

السلام عليكم ..

كل سنه وانت ومن يعز عليك بألف خير ..

موضوع متعوب عليه
بصراحه الرسائل احس انها صعبه
ودي ارسل بس الخوف من سوء الظن

ترسل لواحد يقول هذا وش عنده مرسلي
من متى المعرفه ولا مسوي نفسه يمون
ولا وش يبي ممكن ارسل بس للضروره

لاكن بعد الردود الي شفتها في موضوعك هذا
اعتقد غيرت الفكره الي عندي ..

بس تبي الصراحه يستاهلون الاخوان
كلهم مو رسائل إلا لو اقدر موضوع
لكل عضو و أنت اولهم

وبصراحه واحد من الاعضاء وهو
مواصل من عام الفيل كنت ابي
ارسله رساله وانشغلت وبصراحه
متندم اني ما ارسلتله وقتها ..

يعطيك العافيه ابو طلال ..

تحياتي ..

ابو طـــــلال · #50 03/01/2008, 12:30 PM

إقتباس

الرسالة الأصلية كتبت بواسطة كل الفن هلالي


	ابو طلال انت عمدتنا وعزوتنا وحقك علينا اننا نسأل عن أحوالك ونعايدك كل يوم مو كل مناسبة وانا واحد من اللي يفخرون ويعتزون بوجودك بيننا ولو منت نشمي وتستاهل كل الحب الوفاء والاحترام ماوجدت صندوق الوارد عندك مليان مليان ورب البيت انك تستحق اكثر من رسالة تهنئة او معايدة ونتمنى لك قراءه ممتعة دائماً في رسائلنا والله يديم المحبة بينا جميعاً والله يخلي لك طلال وفارس وسلمني على فارس بالذات سميي تقبل خالص التحية يابعدهم ورده وفي امان الله ورده

هلابفارس ... الفنان التشكيلي .. واشكيلك

في قسم المجلس العام

المبدع دائما في تنسيقه ... يطلع الموضوع من فارس ماودك إلا تاكله .. من زين شكله

الله لايحرمنا إبداعك المتميز .. ولاتميزك المبدع .. <<< كلهن واحد .. وكلهن لك فيهن نصيب الاسد

وكل الكلام اللى قلته .. ارده لك وازوده بــهالــ ( ورده )

شرفني حضورك ومرورك

ابو طـــــلال · #51 03/01/2008, 12:34 PM

إقتباس

الرسالة الأصلية كتبت بواسطة AL BRENS-14


	بعد ما حللة الموضوع تحليل وطلعت فصيلة من +O يعني افضل موضوع قمت في زيارة ابو طــــــــــ فارس ــلال ((((مرات اخوك تنتظر منه رساله عيد .. او تهنئه والله ماتجيك الا بعزر <<< يعني بطاعونها << يعني بالملعونه واختها << يعني ( دبروني تورطت )))) (( دقينا عليك وربي دقينا )) وطبعا اللي ما قلت اساميهم >> اللي انا منهم طبعا هؤلاء من طبقة VIP صح واعتقد اني سويت اللي تبي

اجل ساحب عليهم ... وانت مطيح هناك

واعتقد اني مافهمت وش تقصد باللى ابي !! شين بالاملاء .. والتعبير .. والقواعد ..

عموما كيمو ... عطني كول وفهمني .. لااخليهم يعطونك ابرة مثل فارس

شرفني حضورك ومرورك

ابو طـــــلال · #52 03/01/2008, 12:36 PM

إقتباس

الرسالة الأصلية كتبت بواسطة مالديني and كاكا


	مشكووووووور

العفووو يابعدي >>>>>>>> 88888 يعني هاللى فوق تقول داخل بقالة ومحاسب على قارورة مويه وطالع

ابو طـــــلال · #53 03/01/2008, 12:43 PM

إقتباس

الرسالة الأصلية كتبت بواسطة جرح يشكي


	ابو طلال والله العظيك اخجلتني .. انت اكبرنا ولزوم نحترمك .. يعلم الله ان لك معزه ومقدار في القلب كنت اتمنى ان تكون بدايتي مثل بدايتك في المجلس يا بو طلال ... من اول موضوع وانت داخل القلب على طول سيدا بدون احم احم .. وبدون درب درب يا ولد .. ابو طلال تتذكر اول رسالة ارسلتها لك ايام موضوع السدح " اسسسسسسسسسسدح اسدح صورتك وانت صغير " هذي هي الرساله ابو طلال طول عمرك وافي ... وافي ... وافي ... اعجز وانا اقول وافي تقبل اعذب وارق التحايا الممزوجة بـ دين اود دين اود خخخخخخخخخخخخخخخخخخخخخـ جرح ابن يشكي ابو طلال يعلم الله اني احبك فيه ...

يقولون مدح الرجال بوجه ( مذمه )

لكن مالي حيله إلا اطقها بوجهك وعبر منتدى الزعيم وبموضوع عام ...

لأنك اولا تستاهل .. وثانيا نتعلم منك معنى الأخوه .. والصداقه ... والوفاء ... ومراسلة شخص ماتعني التقليل من قدرك .. بالعكس .. مثل مابعض الاعضاء متصورين .. او فاهمين انه الرساله تسبب علامات استفهام لدى المتلقى ... !! مثل : وش يبي .. وبدا يمون .. وياشين اللى يحتك ؟؟ ومن هالوسوسه ... الواحد يسوي اللى عليه والباقي على ربه ...

منك نتعلم محمد .. وانا اول من راح يستفيد من هالدرس المجاني اللى قدمته اخوي

لذالك شكرا لك .. والله لايحرمنا من هالوجه السمح
شرفني حضورك ومرورك

ابو طـــــلال · #54 03/01/2008, 12:46 PM

إقتباس

الرسالة الأصلية كتبت بواسطة ...SoMe OnE...


	,,, ,, , ابو طـلال لـ اهل المكارم نبضات يفوح عطرها مثلما شذى الورد انتَ بـ صدقكـَ وبـ روحكَـ الاخويه تجبر الجميع على اكتساب معرفتكـَ ايها النقي ,, اتشرف دوما بـ ان اكون في محيط تسكنه نفحات العبير في احرفكَـ الصادقه مامِن شيء سوى انه واجب نقوم به فـ انتَ تستحق الحب واكثر ,, لكَـ مني جُل التحايا والامنيات دوما بـ دوام التوفيق ,, **** كن بخير ...SoMe OnE...

اتشرف دائما بوجودك في اي موضوع لي ...

فما بالك تجيني رسالة خاصه منك ... اعطيتها من وقتك وجهدك واهتمامك الكثير ( بالنسبة لي )

الف شكر مره ثانيه بعد المليون

شرفني حضورك ومروك

ابو طـــــلال · #55 03/01/2008, 12:47 PM

إقتباس

الرسالة الأصلية كتبت بواسطة هلالي في مانع


	الله اناا ما رسلت بس ان شاء الله نرســل.!!!

مو شرط ترسل ... واهم شي نشوفك ولاتحرمنا من حضورك الجميل يالغالي

شرفني حضورك ومرورك

ابو طـــــلال · #56 03/01/2008, 12:49 PM

إقتباس

الرسالة الأصلية كتبت بواسطة سكب الهلال


	العذر والسموحة لأبو طــلال ولجميع الأعضاء والله إني مقصر اعذرووووووووونا

مسموح ياللى تعذر ....... مسموح لو ماتعذرت .....

وماجاء منك قصور ... وعساك دوم طيب وبصحة وعافية يارب
لاتحرمنا بس من شوفتك بالمنتدى
شرفني حضورك ومرورك

ابو طـــــلال · #57 03/01/2008, 12:54 PM

إقتباس

الرسالة الأصلية كتبت بواسطة شـــذى


	أكاد أُجزم أن معرف أبو طلال سيُحفر في ذاكرة الجميع .. لطيبته وسموه وجمال روحه وقفشاته المحببة للنفس .. << وتفلته في التنسيق من تالي أبو طلال .. أسأل الله أن تكون ممن أحبهم فتنادى أهل السماء بذلك .. ونادوا أهل الأرض بمحبته .. دمت بالخير وفيه . ورده

مدري وش تقولين شذى .. انتي وفلسفتك .. عسى مهيب شتايم مفخخه

انتي اثرتي علينا ... ماجد مقبل صار يقول كلمات مدري من وين يجيبها .. وفياض يقول ( بوح ) !! في رد على احد مواضيعك ..

. وخالي من الهم وده يتفلسف بس تخونه اصابعه .,. خبرك عنده اربع اصابع ناقصه باليد الوحده

وعلى طاري الحفر .. كلامك شهادة اعتز فيها اختي والله يديم علينا هالجو الأخوي الرائع والله يسعدك دنيا واخره
شرفني حضورك ومرورك

ابو طـــــلال · #58 03/01/2008, 12:57 PM

إقتباس

الرسالة الأصلية كتبت بواسطة @الالماسه الهلاليه@


	حط اسمي حط اسمي ابرسل لك رساله لا تفشلن

لا خليها بموضوعي الثاني بنزله قريب .. بس مهيب عن الرسائل ... ابشكر كل شخص يرسل لي صورته

من هالحين استعدي وطلعي شنطة المكياج من الدولاب ... الموضوع بيكون فيه تنافس كبير

شرفني حضورك ومرورك

ابو طـــــلال · #59 03/01/2008, 01:01 PM

إقتباس

الرسالة الأصلية كتبت بواسطة G o L d E s T


	قهر ليتي مرسل لك عشان تكتب اسمي والله إني مقصر وما أستحي على وجهي معك ومع غيرك على أنه تجين فترات ما عندي شي وأفتح صفحة الماسنجر واحط خدي على يدي احتري أحد يسولف معي إلا إني أنسى أرسل رسايل خاصة سواء تهنئة أو معايدة أو غيرها لكني برسايل الجول واصل حتى بعيد الأضحى جتني رسالة من كم عضو ودي إني رديت عليهم بس رجعت من الحج متأخر وقلت راحت علي موضوعك رائع يذكرنا بضرورة التواصل بين الأعضاء عاد تصدق مرسلين لي رسالتين وحدة من إشراف المجلس والثانية من العالمية قلت والله ما أمسحها عشان أقول للناس تراي مشبك يوزر أخضر لا أحد يقرب مني

ياخوي انا ماقد شفت لك رد الا وتقول قهر ... ؟!! تسعين بالميه من تعليقاتك لابد تجيب كلمة قهر ..!
انت وين عايش ؟؟ في بغداد !!

سيارة اخوي لوحتها ( ق هـ ر ) تصلح لك ؟!

التواصل مطلوب بيننا .. مو شرط بالرسائل .. بأي وسيلة .. المهم مثل مااجتمعنا على خير .. مانفترق بعد عمر طويل إن شاء الله .. إلا على خير وذكرى جميله
شرفني حضورك ومرورك

ابو طـــــلال · #60 03/01/2008, 01:06 PM

إقتباس

الرسالة الأصلية كتبت بواسطة أبوشلاخ الهلالي


	هلابكـ أخوي العزيز أبو طلال .. أبو طلال الأب الروحي لمنتدى المجلس العام .. عمت صباحاً أذا كان للمجلس عنوان فعنوانه أبو طلال أنت من تحي المجلس بمواضيعكـ .. أبو طلال أعذرني بس والله أن ودي أرسل رسائل لكل أعضاء المجلس .. لاكن ما أعرف لاني أول ما أدخل على ارسال رسالة خاصة للعضو .. اتلخبط وما أقدر أجمع الكلام .. بالنسبة للوارد أغلبها يكون من الذين يرتدون اللون الأخضر .. فقط رسالة واحدة أرسلها لي أحد الأعضاء كان مضمونها .. أبو طلال تقبل مروري ..!!

هلا وغلا بأخيي ابو شلاخ ... عزيز وغالي هاليوزر وراعيه
بالنسبة للرساله انا مثلك والله .. اتعيجز أولا .. ثانيا ... كنت مثل بقية الاعضاء يوسوس لي ابليس ..

وكل تفكيري يروح :.. اخاف يفهمني غلط .. اخاف تفهمني غلط .. اخاف يحسبني او تحسبني اتلصق او احتك ...

لاتحرمني من حضورك الدائم اخوي والف شكر
شرفني حضورك ومرورك