جولة في صندوقي الخاص للرسائل الواردة ( اللى ودة يشوف اسراري يدخل )<< مخربها
بسم الله الرحمن الرحيم
اعضاء منتدى الزعيم الكرام .. تحية طيبة وبعد
=========================== انتهت الرسميات من هنا ..
سلمكم الله ... فتحت اليوم صندوق الرسائل الخاصة الوارد .. قعدت اقلب .. يمين .. يسار .. فوق تحت ..
كم اسم شفته قدامي .. كم عضوا كلف على عمره وتذكرني سواء برمضان .. أو بعيد .. او حتى بولادة فارس .. كلهم يباركون ويهنون ... سرحت شوي ... فكرت !!
وش مصلحة هالناس تهنيني .. وتبارك لي .. او حتى تهتم في ارسال هالرسائل لي .. خصوصا إن الناس .. او اغلب الناس مو فاضيه حتى لنفسها ..
بس يمكن من حسن حظي ان ربي محبب فيني خلقة او بمعنى اصح ( علشان مااحد يزعل ) مصخر لي عباده .. او بتعبير اصح وادق .. مصخر لي الطيب من خلقه .. وهذي كانت دعوة الوالده لي دائما وأبدا والحمد الله .. مااصادف الا الطيب ... ولا يشاركني هالشعور الا طيب ...
اسامي جدا طيبه .. ورائعه .. وجدتها في صندوق الوارد ...
من ظمن الأسامي اللى تحبني وتهتم في مواصلتي دائما في الرسائل هو العضو ( إدارة الاشراف )
دائما يرسلي بطاقات تهاني .. مره ( نقل موضوع ) ومره ( إغلاق موضوع ) ومره ( تحرير مشاركه ) ومره ( حذف مشاركة ) <<<<<< متواصل دائما معي هالعضو .. ياحبيل خشيشته
طبعا لااعترض هنا عن النقل والحذف .. الشيوخ ابخص .. والإدارة لها منتدى للشكاوي والملاحظات
اقصد في هذه الموضوع الرسائل الجميله والصادقه من قلوب يملاءها الحب والطيبه والشهامه
مرات اخوك تنتظر منه رساله عيد .. او تهنئه والله ماتجيك الا بعزر <<< يعني بطاعونها << يعني بالملعونه واختها << يعني ( دبروني تورطت )
اخرها واحد قبل شوي .. ارسلي رساله .. يسبني فيها .. أو كنه غلط علي .. ارسلت له رساله ( شكرا ) رد علي ( والله احرجتني واتمنى تقبل اسفي ) << بطل والله هالولد بطل واحييه
وحده مره ارسلت لي رساله وفي رابط لموضوعها .. ودعتني لزيارة الموضوع والتعليق عليه .. دخلت الموضوع .. وبصراحه مااعجبني .. وماجاملتها .. قلت لها رائي بصراحه !!وبعد هالسالفة تخيل هالبنت تكون اول شخصي يعايدني !! ورساله بعد بالعيد الثاني معايده .. وحتى بولادة فارس باركت لي .!!... كبيره والله يـــا يالعنود ..... ؟ والله يخليك لأهلك .. ويشرفني اكون اخ لإنسانه طيبها سبق حرفها
عضو اخر ... في هالمنتدى ماشفت مثل اخلاقه وطيبته وحسن تربيته .. من خلال ردوده ومشاركاته ( مو قصور بالجميع لاحشى ).. بس من خلال احتكاكي فيه ومتابعة اسلوبه من بعيد
عمره مامرت مناسبه الا والقى رساله منه !!
والله محتفظ برسايله لانها تستاهل الحفظ ... في الرسائل مهذب .. وفي دروده ومشاركاته اكثر تهذيب
لايرجي من وراي شي .... لكن وش تقول براعي الطيب !! مااقول إلا الله يجمل حاله ويخليه لاهله ...... أخلاق سامي .. الله يبارك باللى رباك وخلاك تقدر الكبير وتحترمه .. ويطول بعمره وترد له الجميل ...
إقتباس
مبــروك ماجاك يالداشر
8888 الغدير الازرق .. طلال .... رغم غيابه وشغله مانساني ... اخترت لكم اقل جمله ... هالولد على كثر ماهو مؤدب .. ورقيق .. وهاديء بالمنتدى .. إلا انه مجرم بالرسائل الخاصه والماسينجر .. بس احبه رغم اجرامه ولعانته
ماتتصور كثر فرحتي برسالتك طلال خصوصا انك لك فتره غايب .. برضه محتفظ فيها .. يالهيس
عضو جميل جدا ... احترمه جدا .. مواضيعه تعجبني جدا .. على قل مااحتك فيه إلا انه شخص مهم في قسم المجلس العام ...
مااعرفه ولايعرفني ... يرسلي رساله يبارك لي بفارس .. وبالعيد يعايديني برساله ... يمكن عند الناس بسيطه وضغطه زر .. لكن يعلم الله انها عندي كبيره حيل ...
شفته بااحد المواضيع وقلت له : دايم تسبقني في كل شي .. قال لو انك اصغر مني ماسبقتك !! ابو صقر على راسي انت ورسايلك وردك .. وحضورك .. وكلك على بعضك .. كذا تربينا .. ونبي نربي عيالنا على الفرق بين الكبير والصغير ... مو الواحد ندفدفه علشان يعرف عاجز عن كل كلمات الشكر اخوي فيصل
عضوه رائعه .. علقت على برايفت لها ... وكان تعليقي شوي فيه قسوه ... ارسلت هي رساله تستفسر عن كلامي ؟؟!! .... هي جابت تكرن .. وانا جبت صعايده .. وتكافخنا لين ماكل واحد بلع العافيه ....
بالأخير ....... اجد رساله جميله صادقه .. فيها اعتذار ... رغم اني شاركت بالغلط وبنسبة كبيره .. مثل هالعضوه .. وش تقولها ؟؟ شكرا ؟؟ شويه ماتكفي ....,, خلوقه !! برضه ماتكفي ..... متسامحه !! شويه عليها ..... بس ماعندي غير هالكلمات اللى قلتها .. شكرا .. وخلوقه .. ومتسامحه .. وأكثر بعد غلا روحي ...... ربي يسلم روحك ويحفظها .. دمتي بخير وعافيه اختي
ملك الهلال ............ الف شكر وربي يحفظك يالغالي كل الفن هلالي ....... الف شكر وربي يحفظك يالغالي جون تيري 26 ...... الف شكر وربي يحفظك يالغالي ريري هكتور ......... الف شكر وربي يحفظك يالغاليه فياض ................. الف شكر وربي يحفظك يالغالي عبد المحسن ........ الف شكر وربي يحفظك يالغالي مشاكس ............. الف الف مليون شكرا وربي يحفظك يالغالي ( الف الف .. مثل ماقلتها لي بالرساله ) بريماكس ............ الف شكر وربي يحفظك يالغالي some one ..... الف شكر وربي يحفظك يالغالي ...... رغم اني مقصر معك لكن غالبني بالطيب والله
وفي الأخير ................... واحد مزين صندوقي الوارد برسايلة وحضوره ...
واحد من أول ماشاركت وهو متواصل معي .. رغم قصوري الكبير .. إلا انه احسن الظن فيني ومانساني لا بعيد .. ولا برمضان .. ولا بتهئة مشاركة ... وحتى دعوته لي بموقع اخر ...
رسايله كلها تهاني .. وتحفيز ... ودعوه !!!
وانا عمري ماارسلت له رساله حتى شكر ..........
والله احبك في الله يامحمد ........ جرح يشكي ........ ياكثر طيبك ... وياكثر تقصيري ... ذبحتني بالطيب ياراعي الطيب ......... ومسكين ياللى ماعنده محمد ....... محررررروم جرح يشكي ........ كم كلمة شكر تكفيك ؟؟ من هنا .. لين تبوك ؟؟؟ لا ابعد من تبوك بكثير .. ولاتكفي ...
شكرا لك يامحمد على تواصلك .. وطيبتك .. واخلاقك .. وكرمك ..
واللى وده يشوف التكانه والثقل والرزانه يشوفها بمحمد ...
اسماء كثيره ماقد شفت لهم رسايل لكن احبهم طبعا .. مثل ماجد مقبل .. والزلابه صاحب الاضواء خالي من الهم .. ( الفريان رقم 2 ) ماتلقاه الا عند التصوير والكاميرات كثيرين والله .. مواصل .. المشاغب ...وغيرهم بس مايراسلوني .. وانا اتكلم هنا عن الرسائل فقط
مستر قول (Mr.GoaL) ارسلي مره رساله يقول : عزيزي ابو طلال .. لقد تلقيت انذاراً؟؟!!
صاكني باانذار ويقول عزيزي !!
ومره ارسلي يقول : لاتتعودلها !!! قلت له : سم سم سم ... سم سم سم .. سم
السلطاني : مشرف منتدى الجمهور الهلالي
ومشرف روم الزعيم في البالتوك : ارسلي رساله بعد موضوع لي في قسم الجمهور .. ( لاتسألوني عن الموضوع ) <<< مايتكلم عن سامي ابد
اول مارد علي وقبل مايسلم قال : وش ذا الكلام يابو طلال <<<<< المهم حذف الموضوع:
d
نرجع لمحور حديثنا ......................
شخص ماتعرفه .... او ماسبق لك معرفته ........ ولايبي منك شي ....... لقيته يرسلك رساله يهنيك .. او يبارك لك .. او حتى يسأل عنك ....... لابد انك تقوله شكرا .... التواصل شي حلو ... معادن الناس تشوفها بعينك ... من خلال ردودهم .. تصرفاتهم .. رسايلهم ومحتوياتها ....
كل من ارسلي رسالة .. أي رساله تذكرني فيها .. اقوله شكرا والله ماتكفيك
وكل شخص غلطت عليه ورغم ذالك اعتذر ... اقوله .. شكرا الف .. وهذا من طيبك وحسن ذاتك
الرسائل الخاصه مو ظروري تكون للاستخدام الخاطيء .. ممكن نستخدمها للتهاني .. للإستفسارات .. للمعايدات .. لأي استخدام راقي وجميل
على فكرة فيه اسامي كثيره ماذكرتها ... محذوفه في البريد .. ولايقلون عن ماذكرتهم قدرا وقيمه .. ومعزه .......
وحده مره ارسلت لي رساله وفي رابط لموضوعها .. ودعتني لزيارة الموضوع والتعليق عليه .. دخلت الموضوع .. وبصراحه مااعجبني .. وماجاملتها .. قلت لها رائي بصراحه !!وبعد هالسالفة تخيل هالبنت تكون اول شخصي يعايدني !! ورساله بعد بالعيد الثاني معايده .. وحتى بولادة فارس باركت لي .!!... كبيره والله يـــا يالعنود ..... ؟ والله يخليك لأهلك .. ويشرفني اكون اخ لإنسانه طيبها سبق حرفها
هههههههههههههههههههه ,, اتذكره هذا اول موضوع لي ,,,
اصلا انصدمت يوم شفت ردك ( لحد يروح يدوره بايخ ترى )
تصدق ياابو طلال كانت بالي فكرة الرسايل انزل عنها موضوع
حياكـ الله أخوي أبوطلال , أعترف اني مقصر جدا بحق جميع أعضاء المجلس العام , ومن هذا المكان أطلب منهم ان لا يأخذوا بي بتقصيري , والله يديم السعادة ! وإن كانت تدل على شئ , فأعتقد أنه على نقاء القلوب !
حياكـ الله أخوي أبوطلال , أعترف اني مقصر جدا بحق جميع أعضاء المجلس العام , ومن هذا المكان أطلب منهم ان لا يأخذوا بي بتقصيري , والله يديم السعادة ! وإن كانت تدل على شئ , فأعتقد أنه على نقاء القلوب !
يعطيك العافية
الله يحييك اخوي .. وهلابك والله
كلنا مقصرين ... علشان هالسبب لابد ان نشكر الواصلين ... ماكلفوا اعمارهم لانهم فاضين .. او لمصلحة .. يمكن مشغولين اكثر منا .. بس زي ماقلت .. واصلين
والله يديم على الجميع السعاده يارب ... ووجودك في هالمنتدى اكبر تواصل نبيه يالغالي
شرفني حضورك ومرورك
السلطاني : مشرف منتدى الجمهور الهلالي ومشرف روم الزعيم في البالتوك : ارسلي رساله بعد موضوع لي في قسم الجمهور .. ( لاتسألوني عن الموضوع ) <<< مايتكلم عن سامي ابد
أذكر ذاك الموضوع أنا ما حبيت أرد علشان ما نتهاوش تبي الصراحة زين إنه حذفه
أنا استفدت من الرسايل الخاصة لكن أكثر شي استفدته هو الإعتذار من الأعضاء إللي غلطت عليهم
وأكثر رسايل أكرهها هي رسايل إدارة الإشراف يا كثرها عندي إللي يبي منها يقولي وأنا حاضر
مسويلها مجلد خاص
د. خالد ؟؟ هذا وانت دكتور تفوت عليك هالكلمة ؟؟؟ شلون ترسلي رسالة وارد !! اكيد اذا ارسلت لي تصير وارد ؟؟ يعني شرايك ؟؟ عمرك سمعت احد يرسل رسالة صادر ؟!
ابطيت يادختور وماوصلني شي ... شكلها تزحف هالرساله زحف ... عجل عليها
يعطيك الف عافيه
شرفني حضورك ومرورك
د. خالد ؟؟ هذا وانت دكتور تفوت عليك هالكلمة ؟؟؟ شلون ترسلي رسالة وارد !! اكيد اذا ارسلت لي تصير وارد ؟؟ يعني شرايك ؟؟ عمرك سمعت احد يرسل رسالة صادر ؟! ابطيت يادختور وماوصلني شي ... شكلها تزحف هالرساله زحف ... عجل عليها يعطيك الف عافيه شرفني حضورك ومرورك
ابو طلال ...
تحسب عليك هالكلمة ....
وارد = وارجع .. وانتكسوا الى الوراءو << ابوك ي اللغة
أذكر ذاك الموضوع أنا ما حبيت أرد علشان ما نتهاوش تبي الصراحة زين إنه حذفه
أنا استفدت من الرسايل الخاصة لكن أكثر شي استفدته هو الإعتذار من الأعضاء إللي غلطت عليهم
وأكثر رسايل أكرهها هي رسايل إدارة الإشراف يا كثرها عندي إللي يبي منها يقولي وأنا حاضر
مسويلها مجلد خاص
عوافي أخوي أبوطلال
ذاك الموضوع مدري وين اختفي ؟؟ شكلهم شاتوه لمنتدى العالمي
الله يعافيك اخوي هلالي 88
شرفني حضورك ومرورك
اريد أن انوه أن المعزه لاتنحصر على من ذكرت اسمائهم في هذا الموضوع ... والكل عارف قدره ومكانته ... لكن الموضوع وكما هو واضح يتحدث عن الرسالة الوارده .. يعني حتى رسايل الجوال لااحد يذلني فيها ... وإن شالله لها موضوع ثاني خاص
وهذا الموضوع مو تلميح لأحد انه يرسلي ... أو يتذكرني .. أو يشكرني .. أو يمدحني .. لا والله
هالموضوع فقط للتعبير عن امتناني وشكري لكل شخص ارسلي رسالة تهنئة ومباركه .. أو حتى سؤال عني ... واللى وده يرسلي الله يحييه .. وناسه تلقى رسايل واردة
الهدف الثاني .. التواصل .. وتصفية القلوب ... والتسامح .. واستخدام الرسائل الخاصة للاهداف النبيلة والجميله .. ومااكثرها ..
نبداء مع اللى فشلتها ....... واحرجتني بالطيب .. كما تدين تدان .. امحق
إقتباس
الرسالة الأصلية كتبت بواسطة ^ العنود ^
هلا ابو طلال ,,
هههههههههههههههههههه ,, اتذكره هذا اول موضوع لي ,,,
اصلا انصدمت يوم شفت ردك ( لحد يروح يدوره بايخ ترى )
تصدق ياابو طلال كانت بالي فكرة الرسايل انزل عنها موضوع
يلا بدور لي فكره ثانيه ,,,
ابو طلال الله يسعدك على الموضوع الفله ,,
الأولي دائما .. حتى في الرد على المواضيع .. ماشاء الله عليك
وهالمره بغير السياسه في الرد على أول رد بصفحة خاصه ..
كل تعليق ..راح ارد عليه بصفحة خاصه .... لأنكم تستاهلون .. وخلها تاخذ وقت .. عادي .. ياما اخذت وقتكم في ارسال رسائل لي .... وهذا تعبير بسيط عن الشكر والإمتنان للجميع وخصوصا اللى كلفوا على انفسهم وارسلوا لي .....
يالله ان تحييه ياخي تبي تكب العشاء انت خخخخخخخخخخ في صندوق الرسايل
اما بخصوص تهنئيتك اتوقع اني هنئتك في المسن ؟؟؟
اما رسايل الاعضاء فان دلت على شيء فانها تدل على طيبتهم
وتلاحم <-- يمديك خخخخخ ابناء المجلس ..!!
عوااااااااااااااف يبو طلال ..!!
هلابك يسلم ... ومليون غلا ... انت ماترسلي إلا تدور قطة .. او مضيع مفاتيح
مايجي منك قصور ... عزيز وغالي والله ...
وكتبت ان الموضوع فقط للرسائل في وارد المنتدى ... يعني تراني ماالمح لك
وانت عارف قدرك يالذيب
شرفني حضورك ومرورك
موضوعك يا ابو طلال يشرح الصدر في فكرته وجرئته واسلوب طرحه ،،،
إقتباس
مستر قول (Mr.GoaL) ارسلي مره رساله يقول : عزيزي ابو طلال .. لقد تلقيت انذاراً؟؟!!
صاكني باانذار ويقول عزيزي !!
والله انه رجل راقي وفق مبدأ " الخلاف لا يفسد للود قضيه " ولكن الشهادة لله ان الأخ mR.gOAl ورغم عدم وجود معرفة شخصية الا انني لاحظت انه رجل تحترم ديناميكيته وتفانيه في عمله عطفا على بعض المواقف التي جمعتني به في المنتدى وشخصيا انا من الأشخاص الذي أحترم الأسلوب التالي : لقد مزقتك شر ممزقك فشكرا لك !!!
لا جديد اخوي ابو طلال فكما تعودنا معك التميز وروح الدعابة الراقية
صحيح يا ابو طلال كم عمرك ؟؟؟ دائما ما أجد في ردودك بعض المؤشرات التي توحي بأنك في مقتبل العمر من 40 عام وصاعد !!!
لا ادري ليش بعض الاحيان احس ان اسئلتي مستفزة !!!
صحيح ابشر يا ابو طلال فقد احرجتنا بموضوعك وواجبنا تجاهك ان نزاحم الأخوة في بريدك الخاص وبحثت عن اقرب مناسبة تكون مدعاه لهذه الرسالة فوجدتها في شهر رمضان القادم 1428 هـ بأذن الله واذا كان لنا عمر ...
جولة في صندوقي الخاص للرسائل الواردة ( اللى ودة يشوف اسراري يدخل )<< مخربها 
او بمعنى اصح ( علشان مااحد يزعل ) مصخر لي عباده .. او بتعبير اصح وادق .. مصخر لي الطيب من خلقه .. وهذي كانت دعوة الوالده لي دائما وأبدا والحمد الله .. مااصادف الا الطيب ... ولا يشاركني هالشعور الا طيب ...
<< بطل والله هالولد بطل واحييه 
ابو صقر على راسي انت ورسايلك وردك .. وحضورك .. وكلك على بعضك .. كذا تربينا .. ونبي نربي عيالنا على الفرق بين الكبير والصغير ... مو الواحد ندفدفه علشان يعرف 
!!! قلت له : سم سم سم ... سم سم سم .. سم 
الوضع المتطور
