إقتباس الرسالة الأصلية كتبت بواسطة مولع بالهلال هلا بو طلال>> في هذه اللحظة عبدول يعدل شخصيته كيفك يالشايب ياللي يعرف لاعبي لوس أنجلوس كلهم ما أرسلك خالديني رسالة والا غيره >> في هذه اللحظة عبدول يعدل شخصيته بصراحة لا أعرف ما هو السر من هذا الموضوع هل تريد أن توضح للناس أنك محبوب تراي أغار الغريب إن خالي من الهم ما يرسلك والا لو إنك اللي بالي بالك كان أرسل >> في هذه اللحظة عبدول يعدل شخصيته المهم فكرة الموضوع جميلة وأعتقد التواصل بين الأعضاء ومعرفة الوجيه الطيبة مثلك وشرواك هي الفائدة الأهم التي نجنيها من عالم منتديات الإنترنت . أبو طلال ما زين صندوقي الوارد هو رسالة كانت قادمة من صندوق الصادر لديك >> في هذه اللحظة عبدول يعدل شخصيته كان مضمونها التالي : بصراحة أبو طلال ما أدري وش كنت تبي والمشكلة إني ما كنت أعرفك والمشكلة الأكبر أنها في شهر رمضان قلت يا حوّل هالضعيف شاف يوزري أخضر يحسبني أقدر أحل وأربط >> في هذه اللحظة عبدول يعدل شخصيته لكن تدري وش كان عنوانها : 4- حافظ ابراهيم وهذي الله يسلمك كانت وقت المسابقة وحنا عارفين الإجابة ومجاوبين فإستنتجت أنك كنت واثق من قدرتنا على حصد البطولة وإلتهام العشرة آلاف فكنت تريد إقتسام الكعكعة معنا . برايفت : يا عبد الوهاب والله تعذب الشماغ معك لو الشماغ يتكلم كان قال فكني من شرك الله لا يخليك لعبه بيدي نرجع لموضوعنا أبو طلال إن شاء الله أن رسالتك تلك لن أمسحها لأتذكرك دائماً لأن مضمون الرسالة من أجمل م رأيت . ختاماً المشاغب وعبيط وش رايكم بأحمد شوقي شكراً بو طلال على الموضوع وليتك دايم بإجازة . طلال: ورده فارس: ورده أبوهم: ورده أمهم: الله يحفظهم لك بدون ورده (( علشان ما ننذبح ))

هلا وغلا ومرحبتين كبار باخوي متعب ... الحسنة الوحيده اللى تحسب لعبدالوهاب انه عرفني عليك ..
والرسالة واضحه اخوي متعب وهيــ ( لحظه : هوبا يعدل شماغه )
هوبا مايرسلي ... بس عذره على لسانه .. والحمد الله ان الكذب ببلاش والا كان تشوفه يشحد
( وفي هذه اللحظه : هوبا يعدل شماغة )

تذكرت ذيك الرساله والحمد الله انك متذكرها .. علشان تعرف اني قلباً وقالباً معكم في تلك المرحله من المسابقة (( عاد ماعزموتي ولا شرههتني بخمسمسه من الجائزه ) خصوصا ان الإجابة صحيحه .. بس وش اقول وانت خويك هوبا ( وفي هذة اللحظه : هوبا يعدل شماغه )

ولاتقطع اخوي متعب ... ومرة ثانية حاول تحط الشخص المناسب في المكان المناسب .. ( وفي هذه اللحظه : هوبا يعدل شماغه ) شكله يمشي وبمخباته كوايه ونشاء

شرفني حضورك ومرورك يالغالي

إقتباس الرسالة الأصلية كتبت بواسطة ابو طـــــلال سلم طيب ... ... طيب لاتسلم شارك بالموضوع !!؟!؟ على الاقل قل شكرا وانت طالع ... طس الله لايردك ولاشرفني حضورك ولا مرورك يالدغه << مزح برزح قبل مااضغط بثواني تراجعت .. بقولك شرفني حضورك ومرورك بس لاتتعودلها تدخل وماتسلم وتطلع وماتقول مع السلامه

يؤ يؤ يؤ

زعلان علي

السلام عليكم

كيف حال أبو طلال ؟

كيف حال طلال ؟

فارس لا موب كيف حاله مالي شغل بوه

حبيت أشكرك على الموضوع الرائع جدا

اللي أروع شيئا

هاه ؟

رضيتا ؟

إقتباس الرسالة الأصلية كتبت بواسطة ابو طـــــلال اخوكم الصغير ابو طلال

لا والله احس انك شايب
ههههههههههههه

تبيني افضحك
وش الرسالة اللي ارسلتها لي يوم انك تحشني
على واحد من مواضيعي
هههههههههههههههه
مسوي ان اخلاقك حلوووة
ماشاء الله عليك
امزززززززززح معك
والله يوفقك

الله الله عليك يا ابو طلال ..

بصراحه انا ما دخلت ألا لقافتن فيني ماهي صاحيه ...

حبيت أشوف هالرسايل اللي ما جاني منها شي

ودام انها وقفت على حذف وتحرير ونقل خلاص هونت ما ابيها ..

بس أنت متأكد أن هذي هي الرسايل كلها ...؟؟؟ ما نسيت شي ؟؟
------------------------------------------

رساله خاصه لأبو طلال : (( انت كبير يا الغالي على حرصك برد المعروف لمن ذكرك بالخير ... وكبير بثقتك بنفسك على طرح رسائلك الخاصه .. " تمنيت فيها رقم وألا شي " وإلى الأمام بتواجدك وبرسائلك ))

إقتباس الرسالة الأصلية كتبت بواسطة خالي من الهم مما سبق يتضح أن الموضوع موجه لمعرفي بشكل غير مباشر أبوك يالشهره كل هذي غيره حتى إنتي ياريري إتبعتي التيار. الزبده بقولكم شيء والله ما اكذب واسمعي يالهنوووف بما إنك من أكثر عشاق الاسطوره سامي وفاء . البارح الأعضاء التاليه أسمائهم . أبو طلال / مولع بالهلال / مواصل من عام الفيل /الدنيا بلو /ماجد مقبل. تهجموا تهجم واضح على الأسطوره سامي الجابر ولم ينشب لهم بالحياه الا الكاتب صالح الهويريني وعبدووول . وعندما اثبتنا لهم بالحجج الدامغه احقية سامي بلقب الاسطوره اصبحوا يحورون المواضيع لذلك انا مثل سامي اسطوره بتقولون كيف بقولكم كيف. سامي دائما محارب من أعداء النجاح والغوغائين وأنا كذلك لذلك تكلموا كما يحلو لكم فتكفيني شهادتي في نفسي اعتبروه غرور اعتبروه الي تعتبرونه . برايفت مولع بالهلال . الشماغ وشماغي انشاء الله احرقه وش محرق رزك إنت كما يقول الهويرني ومره ثانيه إذا بتناقش أبو ريمان لا تسوي فيها مدير على راسي وتأكد إني ما راح أغير شخصيتي. برايفت ابو طلال. ليه مطلعت الرسائل الي بالي بالك وثانيا ياليت تقول سر إتصال آخر اليل البارح الي خلاك تنقز وتهرب من الاستراحه. برايفت سلطان المشاغب. فديت يومك وبس وخل الحساد يتكلمو ورده ورده ورده . أبو طلال مالي تعليق على موضوعك إلا أنه محاوله للشهره وياناس شوفوني (أحبك يامروح ورده)

هلا ومرحبا هوبا ... ( فريان تو ) اخبارك يابطل .... ننتظر موضوعك عن النجم الاسطورةعلى احر من الجمر .. تشوقنا ياخي .. لي اسبوع مانمت انتظر هالموضوع وحملة ( أنا استغلكم )

بعدين تبي تصارح احد لاتصارحه عندي .. فيه رسايل خاصه .. مااحب اصير كووبري

وبالنسبة للرسايل طلعتها .. وماعندي خربطه وشي ينخش ..

يالله عاد امزح ....... اشهد عليه يابو مقبل .. امزح ... ( اجل يقولي ليه ترد علي بقوه .. وعن رده يقولي .. امزح يابو طلال ) اشوى انك راكب ورى .. بغيت اريوس عليك من القهر

تبقى حبيب وعزيز وغالي .. يامروح .. ( امزح )
ولاتحرمنا عن حضورك ومرورك يامعفن ( امزح )

وانصحك لاتشتغل في شركة ( مهايط كومبني ) وهذي ورده لعيونك ( ورده )

إقتباس الرسالة الأصلية كتبت بواسطة (((أخلاق سامي))) اه اه اه يابو طلال جعل طلال يطلع اطيب منك ومني الله يخليك لعيالك ولنا ان شاء الله والله ومبسطت امبساطه مدري وش اقول شوي واصيح في الاخير اقول في امان الله

هلابك والله مشعل... والله تستاهل اكثر من هالكلام .. صحيح بعمرك صغير لكن باخلاقك كبير
وننتظر منك ابداع اكثر .. وحضور اكثر .. وشكرا على الدعوه الجميله
شرفني حضورك ومرورك

إقتباس الرسالة الأصلية كتبت بواسطة الـمـشـاغـب هلا وغلا أبو طلال ورده أها .. أثره ذا الموضوع ورده ورده والله يالغلا .. أمانة ً أقولها .. والحمد لله اللي جات فرصة أني أقول هالكلام .. أنا عضو زوووووول سوداني 200% من ناحية الرسائل الخاصة .. قسم بالله مشوار أقعد أرسل ودي أرسل لكل الأعضاء .. بس والله ما أقدر .. طبيعتي كذا كاره الرسايل الخاصة تقصيري مو معك بس .. تقصيري مع الكل .. وأحب أعتذر لكل عضو وعضوة قصرت معهم بالرسائل وسحبت عليهم والله كل يوم أقول بأرد عليه ويمر اليوم بعد اليوم حتى أقول خلاص ما له داعي أرد أكيد نسى الرسالة ..!! والله أحاول دايماً أرد على الرسايل وأضغط على نفسي .. لأني مثل ما قلت ما أحب الرسايل الخاصة إلا إذا كان فيه شي مهم .. وحتى هالشي المهم يا كثر ما أشيل فكرة الرسالة وأؤجلها ..!! أما عاد رسايل التهنئة والسؤال عن الغايبين عن المنتدى .. من زمان ما أرسلت لأحد .. يمكن رسالة أو رسالتين أرسلتها أسأل ..!! لأني أخاف أرسل لأحد .. وما أرسل للثانين .. فأريّح راسي وأقول أني أسأل عليهم بدون ما أرسل ..!! يشهد الله أن الكثير لهم معزة وقدر كبير في قلبي وأنت منهم يا أبو طلال .. وأني أتمنى أتواصل معهم بالخاص لكن مدري أحس أني صدق زووول ويا كثر الأعضاء اللي كانوا يرسلون لي .. والحين ما عاد يرسلون لي .. ان شاء الله ما يكون أحد شايل بخاطره ..!! أتمنى أنكم تعذروني .. وحقكم علي جميع ..!! أبوطلال ورده موضوعك حلو كثير وزين أنه خلاني أقول هالكلام اللي من زمان ودي أقوله وما لقيت فرصة ..!! كبيرة؟؟؟؟ لا تعليق يا أبو طلال أخلاق سامي عضو من أطيب الأعضاء .. لا عدمناه ورده كفووو الغدير أثره مجرم وحنا ما ندري؟ أبو صقر .. متميز في تواصله مع الأعضاء .. الله يعطيه الصحة والعافية ورده أنا قايل من زمان أنها رجالة أجل غلا تهاوشك؟ كان علمتني أجيب فيها خاطرة جرح يشكي شكله من اللي زعلوا مني .. يحسبه تغلي ما يدري أني عجاز اسفين محمد وحقك علي يا معفن ..!! فمان الكريم بو طلووو ... برسل لك هاليومين رسالة عشان ما تقول قاطع <<< شوفوا وشلون أنا صادق؟ قلت أبرسل الرسالة بهاليومين مع أن الرسالة ما تكلف 5 دقايق .. بس من الكسل صرت أفكر بيومين

هلا وغلا سلطان
حضورك ومرورك واقتباساتك وتعليقك يدل على جمال المعنى وسمو الملتقى ( وشلولخ ) ورده
ابدعت فاأطربت فأحسنت فأ( وانت ماشي )
وراك هاليومين مخربها .. وهذا وانت توك ناصحني ...
ولو .. يبيلنا اجتماع طاريء ( مغلق ) لتصحيح بعض الامور والمفاهيم
تحياتي للي قاطع رسايله .. وردوده .. وحتى مواضيعه !! ك م - ل ك - م ا ن ز ل ت - م و ض و ع ؟؟
ننتظره
شرفني حضورك ومرورك

إقتباس الرسالة الأصلية كتبت بواسطة فرصه ضايعه ياهلا والله بشيخ مجلسنا ... يالله حيه ورده,, موضوعك حرك شي بالأعضاء وخلاهم يرجعون يفتحون رسايلهم الخاصه بيشوفون من اللي قد تذكرهم بيوم من الأيام اعترف أني مقصره بقوة بحق الأعضاء والعضوات والله أني اسعد برسايلهم وتواصلهم ياعساي ماانحرم صدق أني نحيسه من تالي أفرح باللي يوصل لي ولا أفكر أفرح غيري قبل والله كنت قبل متواصله أكثر من كذا بس الشكوى لله يمكن الأعضاء ماشاء الله زادوا وصرنا مانحب نرسل لأحد وأحد ننساه وهو يستاهل بالنسبه لتهاني العيد في الأعياد غالباً أكون مسافرة ومانيب لم النت يمكن بعيد الفطر اللي فات أول مرة أجرب أرسل تهنئه وكنت مجهزتها وحافظتها عندي عشان لاجيت ارسلها ولاها ماتاخذ وقت معي وأرسلت لكذا عضو وعضوة وأكيد أني نسيت أعضاء واجد بس وقتي مايسمح لي ماكان معي غير ساعه وحاولت ارسل لأكثر عدد ممكن من الأعضاء والظاهر أنه ماوصلك شي منهن فاعذرني .. بجد والله منحرجه منك ,, اللي اذكره كان بينا رساله وحده بس بموضوع اسدح صورتك وأنت صغير << راحت تراجع الرسايل يعني أشوى فيه شي مني على الأقل تهنئه المولود اعتقد لاهنأت بنفس الموضوع يكون كافي بالنسبه لنا ولا تبينا نهنئك بالجهتين الزواله تمشي بعروقنا وأنا أختك زين مننا نرد على المواضيع من تالي والله حتى المواضيع بس اقراها واطلع << بعض المرات أحس أني عاله على المجلس في ختام ردي حبيت اشكر كل من راسلني سواء هناني ولا نصحني ولا قدم لي خدمه ورده ياعساي ماانحرم منكم يارب والله بعضهم يحرجوني بكرمهم وماعندي غير الدعاء لهم أن الله يوفقهم ويسعدهم ويخليهم لعين ترجيهم ورده تسلم لنا يابو طلو على هالموضوع اللي قدم لنا فرصه الشكر لناس تستحق وأولهم أنت ياكبير تقبل ردي المتواضع والمتأخر ,,, سلاااااااااااااااااام ,,

هلا والله ومسهلا بصاحبة اجمل موضوع وانتي والله لها ... وتستاهلين هاللقب والفوز فيه

وتراني مانسيت رسالتك وانا في بداياتي المنتدائيه << المنتدى يعني .. يوم انزل موضوع ( اسدح صورتك ) وتقديم المساعده لي في تصغير حجم الصور ...
راعي الطيب ماانساه وانا اخوك .. لو ماجت الفرصه لذكره
والتهنئة وصلت من كل الاعضاء جزاهم الله خير .. بصراحه احرجوني بطيبهم .. سواء بالخاصه أو بالموضوع اللى كان عن المولود واللى نزله الحبيب إلى قلبي خالي من الهم .. كلكم والله ماقصرتوا
وجعلني اردها لكم باافراحكم ...
شرفني حضورك ومرورك

إقتباس الرسالة الأصلية كتبت بواسطة إنســـــــــان هلالي مـوضوع ممتع وفكرة حلوة .. عاداتك .. أنا لو بسوي زيك الظاهر إيقاف نهائي الا اقول .. الحين ادارة المنتدى تقدر تدخل على الخاص حقي ؟! سلام

حضورك الممتع وتعليقك الأروع اخوي
وتسلم يالغالي
وليه ايقاف نهائي ؟؟ افاا
مدري انت تسألني تستفسر او تسأل تستفز المشرفين او تصفية حسابات او تتأكد من شي .. او وشو تراني على نياتي
عموما بجاوب : والله ماادري هم يدخلون او لا
شرفني حضورك ومرورك

إقتباس الرسالة الأصلية كتبت بواسطة عاشـ تشيلسي ـق

شكرا للمرور

إقتباس الرسالة الأصلية كتبت بواسطة Mr.GoaL اهلين ريان ماحد يقدر يشوف رسائلك الخاصه غيرك الله سبحانه وتعالى ثم انت

شكرا للمرور الثاني اخوي تركي

إقتباس الرسالة الأصلية كتبت بواسطة الـمـشـاغـب صدق والله؟؟ طيب تركي .. معليش أبيك تجاوبني بصراحة .. وبدون ما تستخدم صلاحياتك وتحرر ردي أو تحذفه .. من وين وصلتك رسالتي الخاصة اللي أنا أرسلتها لأحد الأعضاء في فترة مسابقة رمضان؟ أقصد الرسالة اللي أنا أرسلتها لأحدى الأخوات بخصوص المسابقة .. واللي أنت قمت بعرضها في مكان آخر لا أريد ذكره .!! رسالتي الخاصة عرضتها أنت .. ولا يوجد إلا أحد خيارين : إما أن العضوة هي من قامت بإرسالها لك ..!! ... ولكنها أنكرت لي ذلك وبشدة ..! وإما أن الرسائل الخاصة يستطيع الدخول إليها من لديه الصلاحية .. وهذا ما أنكرته أنت .. ولكن هناك من المشرفين من أخبرني أن خاصية الكشف عن الرسائل موجودة ..!! أين الحقيقة الآن؟ من حقي أن أسأل .. فالرسالة الخاصة تخصني أنا .. وأنت من عرضها دون أخذ الإذن مني وأنت المسؤول ..!! ليس لدي مانع من الكشف عن اسم العضوة .. فأنا أثق بها ثقة كبيرة لأنها أخت عزيزة ولا أظن أن أخلاقها تسمح لها بأن ترسل لك برسالتي الخاصة والتي ليس فيها سر سوى طريقتنا في لعب مباريات المسابقة الرمضانية بعد سؤالها لي عن الطريقة ..!! أتمنى الشفافية في الرد أو التجاهل على الأقل دون استخدام الصلاحيات وحذف هذا الرد ..!! هلا بك يا بعد خشتي يا ماجد يا لبى قلبك يا أبو مقبل يا داهية .. مشكلتك ما تمشي عليك المقالب كان عندي يوزر وحبيت أستهبل عليك فيه بس للأسف طلعت ذكي من زمان ما سجلت بيوزرات الله لا يحرمني منك يا ماجد أبو طلال معليش اعذرنا على الرد

شكرا للمرور الثاني اخوي سلطان

إقتباس الرسالة الأصلية كتبت بواسطة iq1399 ابو طلال انسان راقي يجبرك انك تقدره وتحترمه .

حضورك الراقي اخوي .. ويطولي عمرك ويسعدك يارب

عاجز عن شكرك يالغالي

شرفني حضورك ومرورك

-
يعطيك العافيه ياأبو طــلال ..
.


Mr.GoaL

ياحبني لك بس ..

إقتباس الرسالة الأصلية كتبت بواسطة Mr.GoaL واحقاقا للحق انا ماعطي احد انذار الا بعد ماشوفه يستحقه بشكل نهائي ومهما كانت معرفتي فيه وعلاقتي مايمنعني اني اعطيه انذار طالما انه خالف فاكيد يستحق العقوبه

تذكرت لي موقف صار لي معك ..ا المفروض بعد هالموقف اكرهك ..
بس وربي من زود غـلاك نسيته .. وإذا هي قويه ذاكرتك راح تذكر ..
كنت انظلمت انا فيـه من زود القراده
" تطبيق مستر قول للقوانين " .. رحت ضحيتها انا ..
.
واذا ما تذكرت تقدر تراجع البروفايل حقـي ،
.
.