نادي الهلال السعودي - شبكة الزعيم - الموقع الرسمي
الصفحة رقم 3 من 11 12 3 45 »
عرض 60 مشاركات من هذا الموضوع في صفحة مستقلة

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى المجلس العام (http://vb.alhilal.com/f1/)
-   -   جولة في صندوقي الخاص للرسائل الواردة ( اللى ودة يشوف اسراري يدخل )<< مخربها (http://vb.alhilal.com/t514849.html)

ابو طـــــلال 03/01/2008 04:26 AM
إقتباس:
الرسالة الأصلية كتبت بواسطة ][the best][ (مشاركة 7355194)
وعليكم السلام ورحمة الله وبركـاته ,

حياكـ الله أخوي أبوطلال ,
أعترف اني مقصر جدا بحق جميع أعضاء المجلس العام ,
ومن هذا المكان أطلب منهم ان لا يأخذوا بي بتقصيري ,
والله يديم السعادة !
وإن كانت تدل على شئ ,
فأعتقد أنه على نقاء القلوب !


يعطيك العافية

الله يحييك اخوي .. وهلابك والله
كلنا مقصرين ... علشان هالسبب لابد ان نشكر الواصلين ... ماكلفوا اعمارهم لانهم فاضين .. او لمصلحة .. يمكن مشغولين اكثر منا .. بس زي ماقلت .. واصلين :yes:
والله يديم على الجميع السعاده يارب ... ووجودك في هالمنتدى اكبر تواصل نبيه يالغالي s13s
شرفني حضورك ومرورك

ابو طـــــلال 03/01/2008 04:30 AM
إقتباس:
الرسالة الأصلية كتبت بواسطة abo sager (مشاركة 7355199)
اقسم بالله إني ضعت..!

أحرجتني يا رجل..!

والله إني أقل من انك تذكرني بموضوع لك..!

هذا على الرغم من تقصيرنا الكبير معك أخي العزيز..

وصدقني يكفي أن الله رزقك قلبا أبيض وطاهرا
هذا ما سمعنا عنك من قبل.. وهذا ما شهدناه..!



أذكر أحد الأعضاء عندما أخبرني عن معادن الأعضاء.. قال لي:
أبو طلال.. رجل رجل رجل..!

والله كررها ثلاث مرات..!!

وأنا أشهد أنك رجل رجل رجل..!
كريم..
وأصيل..!





أنت في غنى عن شهادتي..
وعن شهادة غيري.!





لك مني كل الشكر..

وكل التحايا.. التي تليق بك :)

هلا والله وغلا .. بالغالي فيصل ...
ماعليك زود اخوي .. من طيبك والله وشهادة اعتز فيها
قليل اللى قلته ... ومهما قلت لن اوفيك حقك ... علشان كذا ماني متعبك ولاني متعب القراء ..
شرفني حضورك ومرورك

ابو طـــــلال 03/01/2008 04:36 AM
إقتباس:
الرسالة الأصلية كتبت بواسطة leo messi (مشاركة 7355253)
هلا والله ابو طلال

يالله ان تحييه ياخي تبي تكب العشاء انت خخخخخخخخخخ في صندوق الرسايل


اما بخصوص تهنئيتك اتوقع اني هنئتك في المسن ؟؟؟

اما رسايل الاعضاء فان دلت على شيء فانها تدل على طيبتهم

وتلاحم <-- يمديك خخخخخ ابناء المجلس ..!!


عوااااااااااااااف يبو طلال ..!!
هلابك يسلم ... ومليون غلا ... انت ماترسلي إلا تدور قطة .. او مضيع مفاتيح :razz:
مايجي منك قصور ... عزيز وغالي والله ... s60s
وكتبت ان الموضوع فقط للرسائل في وارد المنتدى ... :d يعني تراني ماالمح لك :yes:
وانت عارف قدرك يالذيب
شرفني حضورك ومرورك

ابو طـــــلال 03/01/2008 04:40 AM
إقتباس:
الرسالة الأصلية كتبت بواسطة Hilali88 (مشاركة 7355261)
أذكر ذاك الموضوع أنا ما حبيت أرد علشان ما نتهاوش :d
تبي الصراحة زين إنه حذفه :d


أنا استفدت من الرسايل الخاصة لكن أكثر شي استفدته هو الإعتذار من الأعضاء إللي غلطت عليهم :yes:
وأكثر رسايل أكرهها هي رسايل إدارة الإشراف يا كثرها عندي :dإللي يبي منها يقولي وأنا حاضر :d
مسويلها مجلد خاص :d


عوافي أخوي أبوطلال s60s
ذاك الموضوع مدري وين اختفي ؟؟ شكلهم شاتوه لمنتدى العالمي :d
الله يعافيك اخوي هلالي 88
شرفني حضورك ومرورك

ابو طـــــلال 03/01/2008 04:43 AM
إقتباس:
الرسالة الأصلية كتبت بواسطة DR.KHALID (مشاركة 7355390)
اصبر برسل لك رسالة وارد :razz:
د. خالد ؟؟ هذا وانت دكتور تفوت عليك هالكلمة ؟؟؟ شلون ترسلي رسالة وارد !! اكيد اذا ارسلت لي تصير وارد ؟؟ يعني شرايك ؟؟ عمرك سمعت احد يرسل رسالة صادر ؟!:d
ابطيت يادختور وماوصلني شي ... شكلها تزحف هالرساله زحف ... عجل عليها :wallbash:
يعطيك الف عافيه
شرفني حضورك ومرورك

ماجد النعيمي 03/01/2008 04:47 AM
هلا وغلا ابو طلال ,,


ماشاء الله عليك حبوب واخلاق , ,


وش ذا الزين يا أبو طلال , ,


بس تراك نسيتني :upset:


ارسلت لك رابط الفلم :d


اهم شئ انك شفته , وماخليت طلال يشوفه معكـ :d


الله لايحرمنا منكـ يالغالي ورده

مع تحيات :-


وليد القحطاني (المظلوم) :cry:

ابو طـــــلال 03/01/2008 04:48 AM
إقتباس:
الرسالة الأصلية كتبت بواسطة هلالي من ارض اليمن (مشاركة 7355422)


هاهاهاهاهاهاهاهاهاهاهاهااهاهاهاهاهاهاه

موضوعك يا ابو طلال يشرح الصدر في فكرته وجرئته واسلوب طرحه ،،،





والله انه رجل راقي وفق مبدأ " الخلاف لا يفسد للود قضيه " ولكن الشهادة لله ان الأخ mR.gOAl ورغم عدم وجود معرفة شخصية الا انني لاحظت انه رجل تحترم ديناميكيته وتفانيه في عمله عطفا على بعض المواقف التي جمعتني به في المنتدى وشخصيا انا من الأشخاص الذي أحترم الأسلوب التالي : لقد مزقتك شر ممزقك فشكرا لك !!!


لا جديد اخوي ابو طلال فكما تعودنا معك التميز وروح الدعابة الراقية


صحيح يا ابو طلال كم عمرك ؟؟؟ دائما ما أجد في ردودك بعض المؤشرات التي توحي بأنك في مقتبل العمر من 40 عام وصاعد !!!

لا ادري ليش بعض الاحيان احس ان اسئلتي مستفزة !!!


صحيح ابشر يا ابو طلال فقد احرجتنا بموضوعك وواجبنا تجاهك ان نزاحم الأخوة في بريدك الخاص وبحثت عن اقرب مناسبة تكون مدعاه لهذه الرسالة فوجدتها في شهر رمضان القادم 1428 هـ بأذن الله واذا كان لنا عمر ...


بارك الله فيك والله يعطيك العافيه
وش هاالضحكه هلالي ؟؟ ها ها ها ها ها !!!؟؟:d حسبتك بتكتب اخر الضحكه ( بايخه ) وتفشلني ...:wallbash: بس شكلها ضحكه صدقيه اشوي :clap:

الله يشرح صدرك ويسهل دربك وامرك ... حضورك اروع مافي الموضوع ..
واذا تبحث عن مناسبة .. انا بكرا عيد ميلادي ( عادل إمام بفلم .. السفاره في العماره ):razz:
بس حلوة مقتبل العمر .. واربعين !! ريحتني شوي :surprised:
لاتزاحمني بصندوق الرسائل ... بس لاتحرمني من شوفتك بالمنتدى .. ولا من مواضيعك اخوي
شرفني حضورك ومرورك

ابو طـــــلال 03/01/2008 04:51 AM
إقتباس:
الرسالة الأصلية كتبت بواسطة مواصل من عام 1413هـ (مشاركة 7355485)
ماش مو أنت أبوطلال اللي نعرفه :d
من صرت تنسق مواضيعك ، وأنا شاك فيك :d


خلنا من الرسايل هذي
نبغا نشوف رسايل الخرفنه :d
طلعها :d
وش تبي جاي عندي يابو ثلاثه :razz:
والخرفه لاتدورها عندي .. تلقاها عند بالي بالك ... :d:d
شرفني حضورك ومرورك

ابو طـــــلال 03/01/2008 04:56 AM
إقتباس:
الرسالة الأصلية كتبت بواسطة الغدير الازرق (مشاركة 7355828)
قووووووووول هلالي بالدقيقة 55 << إدارة نقل المباريات :d:d

جااايك يابوطلال انت وموضوعك اللي مدري وش يبي :d

............................................................

اهلن وسهلن بوخيي أبوطلال يااااااااخي أحبك يامرووح s45s

أبوطلال يالشين تصدق إني كنت اتوقع إني أنا الوحيد اللي إدارة الأشراف

تراسله باستمرار بدون انقطاع :d:d

ياااخي انحرجت معهم يراسلوني وانا مقاطعهم :d:d




انشهد إنك محبوووب بس بعض الأحيان تزودها حبتين وودي امزعك :d:d

لالاجد يابوطلال الصرااااحة إنك اخو وعزيز ويعلم الله إني اعتبرك بمثل مقام أبوووي :razz:

وياحظ المجلس العام بواااحد مثل أبوطلال المفروض يحطوونك نائب للعمدة صدى الأمس

وإلا يقيلون صدى ويحطونك بداله :d:d

والله يخليلك الوالدة ( مزنة ) ويطول بعمرها ورده




احرجتني يابوطلو أحس ودي اصيح بس الشكوى لله مافي دموع :d

أبوطلال تستاهل يالداشر كل خير .. أحسن كلمة قلتها فيني إنك قلت إني رقيق s96s

حسيت إني أنافس أبوصقر والسامي بالرقة :dead:

وانا كمااان أحبك يابوطلال عااد افهمها زي ماتبي تفهمها :d:razz:


موضوع رااائع ومدري وش يبي يستحق التثبيت << مايجامل :laugh:

أبوطلال قواااك الله ياغالي .. دائماً تتحفنا بمواضيعك اللي مدري وش تبي

ويصاحبها ردود مدري وش تبي :stoned:

واعذرني على رداءة الرد من المصدر .. والهلال مازاال منصك بـ3 وسرى الليل يابو3 :upset:

ودمت بوود .
يالغدير نقشبندي :d

شرفني حضورك ومرورك يالكمخه .... واكثر شي سرني في حضورك بثارتك ... :d

تمزعني !!! واحللات من عطاك كم ركبة خلاك تغيب عن المتوسطه شهر من تأثير الاصابة :upset:... وسيدا على المستشفى .. عيادة المسالك :d ياكنيهر
قنيبص ...... شرفني حضورك ومرورك

ابو طـــــلال 03/01/2008 04:59 AM
إقتباس:
الرسالة الأصلية كتبت بواسطة skroo (مشاركة 7355959)
السلام عليكم

اكيد ما احد ارسلك ويبارك لك الا لانك تستاهل
والله يديم المحبة بينكم ان شاء الله :)

والشيء بالشيء يذكر , مستر قول ( تركي ) شخص محترم وله تقدير
وترانا نسميه بمنتدى الاستشاريين تركي الكبير <===== كب العشاء :d
الله يستر لا يجي تركي ويقرا ردي ويصكني باند :p

s45s mr.goal s45s

وعليكم السلام ...
اتمنى اني اكون استاهل دزت رسالة منهم ... وامين ربي يديم المحبه
تركي الكبير!! ....... اجل منهو الصغير ؟؟؟ لاسماك الله كاب العشى .. كبه والقدر مليان :d
شرفني حضورك ومرورك

ابو طـــــلال 03/01/2008 05:05 AM
إقتباس:
الرسالة الأصلية كتبت بواسطة Mr.GoaL (مشاركة 7358178)
اهلين ابوطلال افندي

المره الاول ماني متذكر الانذار اللي ارسلته لك بس اكيد انك تستاهل , واحقاقا للحق انا ماعطي احد انذار الا بعد ماشوفه يستحقه بشكل نهائي ومهما كانت معرفتي فيه وعلاقتي مايمنعني اني اعطيه انذار طالما انه خالف فاكيد يستحق العقوبه

اما المره الثانيه كمل للاعضاء ليش ارسلت لك:d

وعلى طارئ الرسائل الخاصه فيه رساله وصلتن من احد الاعضاء كلما تذكرتها اضحك بشكل غير طبيعي

هذا عضو جديد ماعنده ولامشاركه ارسل لي رساله يبي يغير اسمه انا مابغيت ارده واقوله انت ماعندك مشاركات وماتستحق التغيير خفت اني احطمه فقلت له الاسم موجود طبعا كان يبي اسم هلالي ثرمداء
الرجال شافني اعتذرت منه باسلوب حلو فصار مثل اللي صاحبه عسل ولحسه كله

رد علي وقال ابي هلالي ثرمداوي وقلت خلني اعتذر منه مرة ثانيه بعد خصوصا اني اعرف ان هالعضو مميز وكان ودي يشاركنا لاني شفت له مشاركات بموقع ثاني فقلت له الاسم موجود مسبقا يالغالي

رد علي وقال ابي هلالي من ثرمداء ورديت عليه وقلت الاسم موجود ايضا وهو فعلا ماهو موجود بس الادارة موقفه التغيير بشكل نهائي

عاد شكله زهق مني ورد علي وقال غير لي الاسم الى ( هلالي ماهوب من ثرمداء ابدا ):d

غيرت له الاسم وضحكت معه شوي وبعدين رجعنا اسمه للاسم اللي يبيه

وهالعضو كل ماتذكرت وش رسالته اضحك ضحك

عموما الرسائل اللي تجي للمشرف احيانا تضحك واحيانا يقول المشرف يامن شراله من حلاله عله

فمان الله ابوطلال وشكرا لك ادري اني شطحت بالموضوع بس غصب عنك تقبلها والا ترى بتجيك الرساله الثالثه:d
ولو تسولف واجد ياخوي ... خلصت الصفحة كلها على سوالفك ؟؟ :razz:
ليتني ماقلت لك تعال وشرفنا ...... المعازيم تضايقوا :d
بس تدري عاد ... لك في موضوعي .. خمس صفحات ... قل اللى تبي ... برضه انت راعي الأوله s13s
شرفني حضورك ومرورك

ابو طـــــلال 03/01/2008 05:07 AM
إقتباس:
الرسالة الأصلية كتبت بواسطة ملـــــ الهلال ــــك (مشاركة 7358425)
تسلـملي يا أبو تـلال.. :d

هلا والله وغلا
سلمت يالغالي
شرفني حضورك ومرورك

ابو طـــــلال 03/01/2008 05:08 AM
إقتباس:
الرسالة الأصلية كتبت بواسطة بريماكس!! (مشاركة 7358664)

هلا والله باخي الغالي .. ابوطـلال :)

احرجتني ياباشا :stoned:

وياخي كل يوم ابضيفك بس امي قايله لاتكلم كبـارين :pimp: > امزح s43s

يعلم الله اني أحبك واحب الجميع ، :hug:
وبالاخص جرح يشكي لانه والله سباااق وماني اجامله لكن والله كفو ويابعدي انت يامحمد s45s
ويعلم الله ان لك معزه خاصه يابومشاري ياخلفهم انت ورده

وآخر اجتماع للشباب الاخير والله يراسلني ومحرصني على الحضور لكن والله الظروف ولا والله
يشرفني الحضور s9s.

وانا الخاص مافيه شئ واللي يبي الباسورد ماعندي مانع لان كله تباريك لاغير :smilewink

يعطيكم العـافيه يارب ،

وتقبلوا تحيـات اخوكم : ابوياسـر ورده

هلابك والله ابو ياسر ... وغلا
انت بس لاتقطع وتغيب عنا .. وابد راضين .. لاترسل لاحد شي خاصه :d
شرفني حضورك ومرورك

ابو طـــــلال 03/01/2008 05:12 AM
إقتباس:
الرسالة الأصلية كتبت بواسطة عبـدالمحسـن (مشاركة 7358935)
طاح قلبي..حسبتك قلت وش في الرساله
<::x مايخرفن أبد مع أبو طلال:d

أقول أبو طلال
مافيه رسايل من اللي بالي بالك..؟:d
هلا عبد المحسن ومرحبتين ...

مافي بالى إلا كل خير .. انت وش اللى في بالك :razz:<<< الكره بملعبك :yes:
شرفني حضورك ومرورك



===================== ستوب ...

اقف عند هذه الحد ....... وراجع إن شالله من جديد مع بقية الردود والمشاركات اللى شرفتني كثير

عتيبي بلا حدود 03/01/2008 08:05 AM
حتى انا يابوطلال مقصر في حقك بس انشى الله اهنيك في كل مناسبه


الوقت المعتمد في المنتدى بتوقيت جرينتش +3.
الوقت الان » 05:43 AM.
الصفحة رقم 3 من 11 12 3 45 »
عرض 60 مشاركات من هذا الموضوع في صفحة مستقلة

Powered by: vBulletin Version 3.8.7
Copyright ©2000 - 2025, Jelsoft Enterprises Ltd