#1  
قديم 02/01/2008, 10:38 AM
الصورة الرمزية الخاصة بـ LBa your heart
عضو سابق بلجنة الفيديو والصوتيات
تاريخ التسجيل: 13/09/2005
المكان: تعبت أدور بالوجيه انساان يفهم لا حكيت
مشاركات: 4,928
Post ..[ شاعر المليون 2 ].. " فيديو ، جوال ، صوت ، صور ، تقرير " .. [ الحلقة الثانية ] ..



السلام عليكم ورحمة الله وبركاته

صباح الخير أو مساء الخير ..
هانحن نعود لكم بتغطية الحلقة الثانية من شاعر المليون للموسم الثاني ..
التي ظهرت أجمل من الحلقة الاولى بشعرائها المميزين ..
وتأهل من الحلقة الاولى :

صالح آل مانعة المري -- دولة قطر
بدر سعد السبيعي -- المملكة العربية السعودية
لينظموا إلى الشعراء " بدر الظاهري الحربي و " بندر المحيا العتيبي "
ونتمنى لهم التوفيق ..*


شارك في هذي الحلقة الشعراء :
خالد محمد العتيبي(السعودية)
خلف المشعان العنزي(السعودية)
خلفان الحارثي(عمان)
ناصر اللويش(السعودية)
راشد البلوي (السعودية)
ناصر العازمي (الكويت)
نزهان الشمري(سوريا)
هزاع بن عبدالله(الإمارات)

وتأهل منهم : "خلف المشعان العنزي" و "هزاع بن عبدالله"
وخرج من المسابقه الشاعر: ناصر اللويش وباقي الشعراء سيتكفل الجمهور من خلف الشاشات
التصويت لهم لتحديد مصيرهم ببقاء اثنين من الشعراء ..


1- خالد محمد العتيبي.

][ الفديــو ][

][ بصـيغة جـوال ][
][ صـوت][


2- خلف مشعان العنزي.

][ الفديــو ][
][ بصـيغة جـوال ][
][ صـوت][

3- خلفان الحـارثي.

][ الفديــو ][

][ بصـيغة جـوال ][

][ صـوت][


4- راشــد الـبلـوي.

][ الفديــو ][

][ بصـيغة جـوال ][

][ صـوت][


5- نـاصر اللويـش.

][ الفديــو ][

][ بصـيغة جـوال ][

][ صـوت][

6- نـزهان الشـمري .

][ الفـديـو ][

][ بصـيغة جـوال ][
][ صــوت ][


7- نــاصر العـازمـي.

][ الفـديـو ][

][ بصـيغة جـوال ][
][ صــوت ][


8- هـزاع بن عبـد الله.

][ الفـديـو ][

][ بصـيغة جـوال ][
][ صــوت ][




معلومات عن بعض الشعراء :


الشاعر خالد محمد العتيبي: رجل تربوي من سكان المنطقة الشرقيه ، لهديوان صوتي اسماهـ
( قدح ) ، خالد صاحب قلم شاعري وحس مرهف ، يملك قلم يخاطب بهالقلوب والعقول من خلال
قصائدهـ ، سمي بـ شاعر الرسول ، كتب اغلى قصائدهـ كما يقولفي النبي عليه افضل الصلاة واتم
المرسلين .يقول في قصيدة الرسول عليه افضل الصلاة واتم التسليم ..


يذكرني رحيلك مجلس باق على حله......مداهيل الرجال اللي تنومسنا مواطيها
هنا سليت سيفي وفي الثارين من سله...... هنا علقت رمح يطعن الجوزا ويطفيها
هنا ساقيت غصن من غلا كنا تحت ظله......نسولف بالغنى يا بايع الدنيا وشاريها .

القصيدة بـ أداءالمنشد سمير البشيري أضـغط هـنا




خلف مشعان العنزي
صاحب قاعده جماهيريه كبيره ، من اكثرالمرشحين لـ المراحل المتقدمه ، صاحب ذائقة شاعريه رائعه
، استخدام الكلماتوالمصطلحات البسيطه السلسه من مزايا شاعرنا .قصيدة لـ الشاعر خلف المشعان "


صدر الشمالي

"وش هقوتك ياساير الصدر لا ضاق...........هو ينفعه لاقلت خلك شمالي
لو القصايد كلها مجامل اذواق...........ماطاح دمع ولاتذكرت غالي
عيني تراوغ دمعها وسط الاحدااااق...........واخاف اغمضها يطرزقبالي
لا حدها زفره ولا ردها اشهاق...........الله يخرب بيت ابو طيب فالي
جرحٍ خفيف وجرح ساطي بالاعماق...........وجر حيهد اقصاي وانخى خوالي
كل مااختصرت الوقت يضربني طراق...........واارجع واعيد حساب وقتٍ مضالي
ماجيت ابشكيلك سواليف عشاق...........ولا جيت امثل دور شاعر مثالي
مشتاق إيوالله وانا اخوك مشتاق........... لو ما اتصالك كان جاك اتصالي
شف كيف جفني للسهر كنه رواق...........مبعد عن العالم وجالس لحالي
المشكله ياساير الصدر لا ضاق...........ماينفعه لا قلت خلك شمالي



يحليله .. دن حجيله … / … دن حجيله .. يحليله
يحليله .. دن حجيله … / … مدري وشلون التالي
قبل البدو تقصدها … / … وطرت علي الليــله
ماعرف وش تاليها … / … لكنــها ..... في باااالي
عارف هو اللي عارف ... / ... والا مطر بعديله
يبو قظاظه بيضا..../ ....ماعيبتشمـــــالي
هالحزن ماهو دايم .../ ... لو جاب لي كل حــيله
ربك يبي يفرجها …/... لكن ....!! .. بونّسحاااالي
وازعج لهم بالحنده … / .. صكــولها يجـــهيله
مال الزمن ( ياحصه ) .. / .. مامال غير عقااالي
كيدِ لهم .. بغني ... / ... ياناقض الجـــديله
والله لعمّـر سـلّــم ../ ..وارقى ع الضـــلع العالي
وارجع على موالي ... دِنْ دِنْ .. دَنّ حجيــله
باكر تشيب عيوني.. / . وأقولها .. لعـــيالي


*كثير من الأعضاء لايعلم ما معنى دن حجيله فإن دنح جيلة تقال للطفل الذي يلبّس (الحجل )
و ( الحجيل ) تصغير لكلمة حجل ...كانوا في السابق يضعون في أرجل الطفل حجول أظنها من فضة
فإذامشى الطفل ( دنّت ) ورنّت الحجول وأظهرت صوتاً فيقولونله (( ياحليله دن حجيلة)) تدليعاً
لهذاالطفل.




راشدالبلوي :شاعر بارع في الوصف ، يستطيع ان يوصل الكلمات إلى القلوب .

وجد حالي كل ماهب ريحـا مـن تبـوك..........استقر بجـوف مغليـك والدنيـا خـراب
كنها مرسول خطه قلم عشقـك في تبـوك..........كل ماهبـت عليـه تقـل صفحـة كتـاب
يوك لامني ذكرتـك وانـا ماقلـت يـوك..........غير مره يوم اكلمـكواكثـرت العتـاب
يامهربة الهوى ما نرمى حولـك شكـوك..........وانت تدرك جمرك القلب وحدوده هضـا
بمير جاوزته بهيبـه تقـل هيبـة ملـوك..........كل ماقدمـت خطـوةتفتـح بـاب بـاب
صرت تأمرني على اللي تبي واقـول دوك..........يوم غيرك منتسب فـي محبتـه انتسـاب
مانبي منه مشهاده على حسـن السلـوك.......... لو تروح اكمال ورسوبيامـال الذهـاب
استمع لي وان تكلمت قـل لافـض فـوك ..........لني اشبه بالمطر من مرازيـم السحـاب
لا تحاقر صغر سني تـرى عقلـي دروك..........عرف رجلا شاف بالوقت لين الراس شاب
ليت يوخذ فالمحاكم على مثلـك صكـوك.......... لابتليت انسانواقفيـت طاولـك العقـاب
العقـاب انـك تحبـه كـذا ولا الحقـوك..........حكم قاضي عشق حكمه مثل فصل الخطاب




ناصرالدويش :

يكفي هذاالنص ان يبين لنا شاعرية ناصر ...!!

سجل على مر الزمنيا شقايا..........واكتب على صدري معذب وهوحي
اللي جهل بالحب سبّب عنايا.......... ببديله المكنون ويفهم بلاغي
جاني يقول اليوم خذني بقايا..........وان مابقابي شي خذني ولا شي
يا نورعيني دوك كل الخفايا..........حبك حياتي ياغلا وأكثرشوي
تحرقني الرمضا ، وأزود الخطايا..........في دنيتي يازين رمشك لي الفي
شربت حبك مير ما اروى ضمايا..........ولو أشربك بضماك ياشربة المي
ولوينقطع وصلك لفتني المنايا..........وأصبح شهيدك في زماني وأناحي




خلفان الثاني

حقيقة ..!! اندهشنا بـ شعر ابناء سلطنة عُمان ..!! ، قد يكون الاعلام تجاهل او لم يعطي الشعر العُماني حقة من التغطيه ، لكن هنافي شاعر المليون ابهرنا بـ الشعر العُماني ، شاعرنا خلفان اكبر دليل !!

بامان الله ، مادام المنافي ماتردّ أنسان..........ابارْحَل والجَِرحْ مِلح ٍ يجرّ أذيال أخشابي
ذكَرْت فْ مرّةٍ جيتك أنا.. والثال ثالشيطان..........حَرثْت بصَدْرك الطاهر وقلت ابليس أغوى بي
بعَدْها قلت لك إنْك كبِرْتي ، داخل الفستان..........وإنّك ما انخلقتي إلاّ عِطِر مسكون بِثْيَابي
وقلتي لْكل أصحابك ، لثَم في شِفّتي رمّان..........وانّه اعتاد في لحظة بلوغي يَسِْرق أعنابي
أناراحل عشان أني كرهْت السِجْن .. والسَجّان..........كرَهْت إللي يجي لحظة هدوء ، ويطِرقْ أبوابي
أخاف آلَدّ أعدائي يجي وآخِْذه بالأحضان..........أخاف إن طال في وجهي المسا ينقال .. إرهابي
عشان إن الزمن يضحَك ، قَبِل لايفِرك الأسنان..........تعلّكْت السوالف في فمي لين أنكسَر نابي
ودام أن المطَر ما يعشق إلا أبعَد الوديان..........باشيل القَحْط للمنفى على الله تنْبِت أعشابي
وبارسِمْ باكر فْ كرّاستي وابعْثِر الألوان..........وبافتح كلْ شبابيك النهار وألمَح غْيابي
لوإنّي قلت للمنفى .. أنا يا هالوطن بردان.......... أكيدأنه يدفّيني .. بَعَد ما يحِْرق أعصابي
نَعَم لكن أنا راحِل بلا ِوجْهَه ،وَلا عنوان..........يا انا يا الدهر يقتلني أو انّهحيل .. يحيا بي
مدينه ما تعِزّ إلا ِولاد فْلانه وْعلان..........حرام فْ يوم أعبِدْها ولو ساعه بمحرابي
أناما قد خَلَقْني رَبّي الأعلى ، ضعيف لْسان..........َولاعمري رضيت الذلّ لاجل الذلّ يرضى بي
مدينه ما بها الا بَعَض أمواتٍ وأكفان.......... عليها الفاتحه ، الفاتحه في روح أحبابي




وفي الاخير..
نشكر العضو المعروف نتياً ! غير البشر !
ورده

من خلف الكواليس :من ذكاء أحد الاعضاء كان يبحث معلومات عن الشاعر خلفان الحارثي بقوقل
وجلس ربع ساعه وهو يبحث فأستغرب لان الشاعر خلفان معروف بالمنتديات
من قوة الذكاء عنده كتب في قوقل خلف وليس خلفان ..


كان معكم في الاعداد والفديو : فارس الزعيم!! وكلي هلالي وجرح يشكي
في التصميم: A S D
ولا أنسى أن أبارك لأخوي فارس الزعيم!! على ترقيته إلى مشرف التغطيات والفديو,,

لمن يجد صعوبه في التحميل :


شـرح بـرنامج Internet Download Manager :: لإستكمـال التحميـل وأخذ السرعة كاملة من المزود


سوف يتم أكمال صيغ الجوال قريباً

[/COLOR][/SIZE]
اضافة رد مع اقتباس
  #2  
قديم 02/01/2008, 10:40 AM
الصورة الرمزية الخاصة بـ leo messi
زعيــم مميــز
تاريخ التسجيل: 05/11/2006
المكان: تـحـت المكـيـف ..!!
مشاركات: 4,991
Talking

هلا والله سالم ..!!

اولا يعطيك العافية انت وكل اللي ساعدوك بهالموضوع وعلى الجهد الكبير والتعب
اللي تعبتوه من اجل ان الموضوع يطلع بهالصورة الحلوة ..!!


عيني عليكم بارده .. تفوووووووووووووووووووووو بسم الله عليكم



اما بخصوص الحلقة بصراحه واقولها بكل اسف ان البرنامج بداء يفقد مصداقيته
بشكل كبيييييير وخصوصا بعد حلقة الامس والتي اجحفت بحق المبدع الشاعر

خالد العتيبي الذي قدم واحده من اجمل القصائد واقواها على الاطلاق بشهادة جميع
من شاهد الحلقة ..!!

اعتقد ان البرنام واااضح ان الهدف منه ماااادي بحت ..!! لأنهم يعرفون لو خلو الشاعر
الاماراتي رغم ان قصيدته جميله جدا الا انها لاتقارن بقصيدة خالد العتيبي للتصويت
ماضنتي بيتأهل ..!!


خلف يستاهل التأهل ايضاً ..!!

اما اللجنه بصراحه ماعندهم الا الدجه :


بدر صفوووق : فألــك الحـلاق خخخخخخخخخخخخخخخ
جايك الفراعنه اصبر بس خخخخخخ


المريخي : ياعالم مع احترامي له غثه وبقوة لا ويقول لخلف ( ياخلف ابن كلثوم )
مسوي ينكت حاولت ابي اضحك ماااااش بغا يجيني شد عضلي جبت دريل وقلت لولد
عمي حفر ببطني كودني اضحك بس مآآآآآآش ..!!


العميمي والدكتور : والله ماتدري وش يبون بالضبط بصراحه اللجنه من جنبها مع
احترامي لهم ..!! كأشخاااص على العين والراس ..!! لكن كـ نقاد ماعندهم الا الدجه ..!!
وصراحه لمنا ياسر التويجري السنه اللي راحت يوم يسفهم ولا انتظر رائهم والله انه
معاه حق ..!!

حمد السعيد : ع الاقل يعتبر افضلهم ماقول الا الله يشفي ولدك ويلبسه لباس الصحه
والعافية ..!!



بس اطلق شيء بالبرنامج امس اريام خخخخخخخخخخخخخ




ياعالم انتوا شايفين الاغراء اللي شفته نعنبو ابليسها شفااااف خخخخخخخخخخخ




الاسبوع الجاي ترقبوا الحلقة وترقبوا الفرعووووووووون ابو فااااارس عاد ابو فارس
معروف اللي في قلبه على لسانه .. وشف بتحصل اللجنه يتحاشونه مهم ناقين يشمّّت فيهم خلق الله ..!!

اما لو مااهلوه بتشوف الجن يخمسون بالمسرح يلعبون طاق طاقيه على راس الدكتور
وبدر صفوق والمريخي خخخخخخخخ


ابو فارس ( قلب مخترقته تريله )





عواااااااااااااااافي







.

اخر تعديل كان بواسطة » leo messi في يوم » 02/01/2008 عند الساعة » 11:53 AM
اضافة رد مع اقتباس
  #3  
قديم 02/01/2008, 10:40 AM
زعيــم مميــز
تاريخ التسجيل: 05/05/2005
المكان: R ! y a d h
مشاركات: 2,831
الله يعطيك العافيه

_________

الله يعافينا

حلقة بدأت قبل ان تبداء ... عرفنا ان خالد العتيبي وخلف المشعان هما الاحق بـ التاهل .. الا ان ...

الا ان اللجنة عادة لـ عادتها القديمه .. اولاً تقديم الاماراتي لـ حفظ ماء وجه المنظمين .. ثانياً لـ الكسب المادي المتوقع .. حيث ستكون استمرارية خالد العتيبي في البرنامج ستكون بـ التصويت ..!!

الغريب والمضحك والمبكي في نفس الوقت ان اكثر شاعر نال من الثناء والمدح هو خالد العتيبي ، بس المخرج عاوز هيك ..!!

بدأت الحلقة بـ مشكلة استمرت 5 دقائق " الصوت له صدى مزعج .." بعدها اختفت المشكله .

* من الاحداث الجميلة اللي مرت علينا وقت التسجيل .. خالد " فارس الزعيم !! " ترقى لـ مرتبه مشرف الفيديو والتغطيات ، وقد وعد الزملاء والاصدقاء بـ وليمة دسمه << ورطه خخخخخخخخخخ .

إقتباس
من خلف الكواليس :من ذكاء أحد الاعضاء كان يبحث معلومات عن الشاعر خلفان الحارثي بقوقل
وجلس ربع ساعه وهو يبحث فأستغرب لان الشاعر خلفان معروف بالمنتديات
من قوة الذكاء عنده كتب في قوقل خلف وليس خلفان ..

ومن ذكاء الثاني يبحث بنفس الاسم " خلف " ههههههههههههههههههههههههههههههههههههه



سالم + خالد + فيصل =

اعتذار لـ الاخوه الاعضاء

ما نقدر نعرض مقطع اغنية اريام .. " حرام "

تقبلوا ارق واطيب الاماني بـ دوام التوفيق << مدري كيف طلعت منه

اخر تعديل كان بواسطة » جرح يشكي في يوم » 02/01/2008 عند الساعة » 02:56 PM
اضافة رد مع اقتباس
  #4  
قديم 02/01/2008, 10:41 AM
زعيــم مميــز
تاريخ التسجيل: 13/11/2006
المكان: ๑ دآر كسِاهآ بآلعِز قآيدهِآ *
مشاركات: 4,738
جهد تشكرون عليه

ما شاء الله عليكم والله ...

ودايما من الاحسن للأحسن

ويعطيكم العافيه ...

بالنسبه للحلقة ..

اول شي برمس عن دارين ... ( قلب )
>>>>>>> ما احبها لكن ضحكتها تجنن

حسين العامري ... كالعاده ... زين ... ومستواه جيد

هادي ... مب عايبني ابداااااااااا

ومن الشعراء ...

عيبني الشاعر
خلف المشعان ... كان مبدع صراحه

والشاعر الثاني

خالد العتيبي ... رووووووووعه .... قصيدته في قمة الجمال

والشاعر الثالث

الاماراتي ...
هزاع عبدالله ... يستاهل التأهل ... وقصيدتة رووووووووووووعه والله

أما البقية شفت بدايتهم بس ... وما عيبوني ... وفريت على قناة mbc وطالعت عرس الدم


والحلقه بشكل عام ... باااااااااااااااااااااااايخه مب في المستوى المطلوب ...
في وجهة نظريه لعدم تواجد الشيخ ابوخالد الله يحفظه (((((((( مليووووووووووووووووون قلب )))))))))

××××××××××××××××××××××××××××××××××

××××××××××××××××××××××××××××××××


جرح \ كلي \ اسد

يعطيكم العافيه
واصلو على هذا النهج

وتحيااااااااااااااتي لكم :

دلوووووووووووعة الامارات
ورده
اضافة رد مع اقتباس
  #5  
قديم 02/01/2008, 10:48 AM
موقوف
تاريخ التسجيل: 29/04/2006
مشاركات: 1,854
الله يعطيك ألف عايفه على هذا التألق ولكن أمانة ظلم خالد العتيبي ولا أدري أرى أن اللجنه لم تعد كما كانت خالد شاعر ألقى قصيده عن ألف من حيث الموضوع والإلقاء وآخرتها يضعونه في قائمة التصويت خالد يقول قصيده عن الرسول صلى الله عليه وسلم قصيده تسوى البرنامج كله والله من خلال موضوعها ولكن؟؟؟
خالد يستحق التأهل دون تصويت ولكن؟؟؟

كلي هلالي /جرح يشكي الله يوفقكم ويعطيكم العافيه أنتوا والأخ غير البشر ورده .
اضافة رد مع اقتباس
  #6  
قديم 02/01/2008, 10:49 AM
عضو استشاري سابق للمجلس العام
تاريخ التسجيل: 25/05/2005
مشاركات: 4,563

وعليكم السلام ورحمة الله ,,

يا هلا وسهلا كلي هلالي , وكل عام وأنت بخير ,,

ما شاء الله , مجهود وعمل جبار تستحقون الشكر عيه , ومقاطع

للشعراء بصيغة وصورة نقية , وكـ العادة أنتظرنا الحلقة الثانية وإبدع فيها خالد العتيبي

بقصيدته الجميلة عن رسول الله .. والجميع أبدع وبالتوفيق لهم ,,

/
كل الشكر للأخوان في لجنة الفيديو لـ فارس الزعيم!! وكلي هلالي وجرح يشكي

ولـ التصميمات:
A S D .. فـرقة متعاونة ومميزة بجهدهم المثمر ,,


/

الله يعطيكم العافية ..,,

دمتم بخير , ورده ,
اضافة رد مع اقتباس
  #7  
قديم 02/01/2008, 10:49 AM
زعيــم مميــز
تاريخ التسجيل: 16/07/2007
المكان: حالمـه وأبعاد تفكيري خيال ..
مشاركات: 2,108
ماشاء الله مجهود طيب منكم

الله يعافيكم وماقصرتوا

اللي يفوته على التلفزيون يحصله عندكم ..

تغطيه مميزه ..

فارس الزعيم!! وكلي هلالي وجرح يشكي

في التصميم: A S D


الف شكر لكم على جهودكم وبالتوفيق ..
اضافة رد مع اقتباس
  #8  
قديم 02/01/2008, 11:15 AM
زعيــم مميــز
تاريخ التسجيل: 13/04/2007
مشاركات: 2,139
ماشاء الله

جهد مميز وإطلالة جديدة مختــلفة ومتطورة
الحلقة الثانية تابعت اول شاعرين وماكملت
ما اقدر اقيم..
لكن اتمنى يغيرون اللجنة
خاصة تركي وبدر مايعرفون من النقد إلا إسمه ..
والشعر الحقيقي للأسف ماله مكان بسبب التحيز ..

إقتباس
فارس الزعيم!! وكلي هلالي وجرح يشكي

إقتباس
في التصميم: A S D

يعطيكم العافية على تغطية البرنامج بجمالية رائعة
وبمجهود متميز وملفت..
دمتم على طاعة الله
أختكم
اضافة رد مع اقتباس
  #9  
قديم 02/01/2008, 11:28 AM
زعيــم متألــق
تاريخ التسجيل: 08/02/2005
المكان: السعودية / الكامب نو
مشاركات: 1,187
ماشاء الله يالغالين ابداع وتميز نحسد عليه هنا ،،،

إقتباس
يعطيك ألف عايفه على هذا التألق ولكن أمانة ظلم خالد العتيبي ولا أدري أرى أن اللجنه لم تعد كما كانت خالد شاعر ألقى قصيده عن ألف من حيث الموضوع والإلقاء وآخرتها يضعونه في قائمة التصويت خالد يقول قصيده عن الرسول صلى الله عليه وسلم قصيده تسوى البرنامج كله والله من خلال موضوعها ولكن؟؟؟
خالد يستحق التأهل دون تصويت ولكن؟؟؟

ولكن يبوووووون فلوووووووس الجماعه على دون قصووور في باقي الشعراء لكن اسم خالد وسمعته كشاعر بتخلي التصويت يزيد عليه وبالتالي فلوووووس أكثر خصوصا في ظل تواضع الاسماء الاخرى اعلاميا عالاقل ،،،

والله الله في الحلقة القادمة خصوصا [ ابوفارس " ناصر الفراعنه " شاعر الثقلييين ، عقاب الربع ]

وطبعا كل التوفيق لشعراء السعودية بغض النظر عن القبيلة نبي الفايز سعودي ،،،
اضافة رد مع اقتباس
  #10  
قديم 02/01/2008, 11:29 AM
زعيــم مميــز
تاريخ التسجيل: 08/04/2006
المكان: عــــــ سبيـــــــــــــلـ ــابر
مشاركات: 1,948
مشاء الله عليك موضوع (( يستحق التثبيت ))

موضوعك شامل . ومختصر

وانا اهنيك على اسلوبك في طرح الموضع

....

مع والله كانت امنياتي ان العتيب يتأهل دو التصويت لكن الله ما اراد

تقبل مروري اخوك ::. ريان .::

سي يو
اضافة رد مع اقتباس
  #11  
قديم 02/01/2008, 11:48 AM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,234
ماشاءالله تبارك الله

الله يعطيكم العافيه

والله ما شفت الحلقه البارح .. فالله يسعدكم الحين نحمل ونشوف

ولاهنتوا نبي مقطع اريام وهي تغني ونبي نشوف الشفاف..


سلاااااااااااااااام
اضافة رد مع اقتباس
  #12  
قديم 02/01/2008, 12:31 PM
الصورة الرمزية الخاصة بـ ڪـيــف الـζــآل ؟
زعيــم مميــز
تاريخ التسجيل: 03/11/2005
مشاركات: 5,656
وعليكم السلام ورحمة الله وبركاته ,

يعطيك العافية اخوي كلي هلالي على الجهود المبذولة ,
ولاننسى فارس الزعيم !! و جرح يشكي و A S D
كفيتوا ووفيتوا يعطيكم العافية
اضافة رد مع اقتباس
  #13  
قديم 02/01/2008, 12:44 PM
الصورة الرمزية الخاصة بـ مدريدي جداً
زعيــم مميــز
تاريخ التسجيل: 15/05/2005
المكان: !!! I Dont Know Yet
مشاركات: 2,307
مجهود جبار تستحقون الشكر عليه...

للأسف الظلم موجود في المسابقة و أكبر دليل عدم إنصاف خالد العتيبي...

يعطيك العافية...



تحياتـــ ي ـــــــ
اضافة رد مع اقتباس
  #14  
قديم 02/01/2008, 12:54 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
يعطيكم ربي الف عافيه .. ماقصرتوا ..

خلف ابدع اليوم .. ويعجبني اللي يتحدى ويكون قد التحدي ..
كنت انتظر قصيدته من يوم اعلن التحدي على كسب البيرق ..
وفعلاً كان نجم الحلقة اليوم .. ابدع وامتع ..


هزاع ابدع في قصيدته .. وما كنت متوقع منه اللي شفناه اليوم ..

الدويش اللي يسمع قصيدته يقول وشلون تأهل من ضمن الـ 48 ؟؟

بدر صفوق .. اراءه حلوه وتعليقاته ..
بس لو ما يقرأها قراءة .. يكون احسن .. لان اذا سمعت تعليقه ..
تحس انه جالس يقرأ نص قدامه .. يعني بعض المفردات يقدر يعوضها باللي اسهل منها ..
على العكس من غسان وسلطان .. اللي واضح انهم يعلقون على بعض النقاط ..
كرموز في الورقة اللي عندهم ويتكلمون من انفسهم .. بكذا يكون الرأي اسهل للمستمع ..

اما تركي المريخي ..
قسم بالله من العام وهو فاقع مرارتي ..
لا انتقاد لا اراء .. ما ادري وش وضعه باللجنة ؟؟
تحس انه جالس تكملة عدد ؟؟ ياليت المسعودي موجود وانت اللي طالع ..
قسم بالله ياهو من جنبها بقووووووه ..



الفراعنه الاسبوع الجاي .. اخيراً .
اضافة رد مع اقتباس
  #15  
قديم 02/01/2008, 01:18 PM
الصورة الرمزية الخاصة بـ الفهد
عضو سابق بلجنة الفيديو والصوتيات
تاريخ التسجيل: 19/10/2004
المكان: ورا البراحه
مشاركات: 3,561
إقتباس
كان معكم في الاعداد والفديو : فارس الزعيم!! وكلي هلالي وجرح يشكي
في التصميم: A S D

يعطيكم الف الف الف عافيه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:15 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube