أنا آسف على هذا العنوان لكن ما دفعني إلى كتابة الموضوع مرارتي الشديدة بعد أن إكتشفت إنه إنقص علي بعد أن إشتريت الحقيبه

اللي دفعت فيها ماقيمته 500 ريال سعودي اللي تساوي نصف مكافئتي الجامعيه اللي هي أصلا مقطوعه بسبب إنخفاض الـ GPA

المهم : بعد مارحت لمحلات المتجر الوطني عشان أشتري الحقيبة اللي ماكنت مقتنع بشرائها كامله لأن ما كنت أبي غير القميص لكن بعد ما قريت

التالي وهذا الكلام مقبس نصا من موضوع (تـــوضــيــح : بخصوص حقيبة (أنا أحبكم) وعلاقتها بالنجم المحتفى به) اللي تمت كتابته بواسطة اليوزر الجديد أنا أحبكم وهذا رابط الموضوع

تـــوضــيــح : بخصوص حقيبة (أنا أحبكم) وعلاقتها بالنجم المحتفى به

إقتباس فيما يخص سعر الحقيبة وانزعاج البعض من أرتفاعه, فنوضح للجميع لتوضيح لماذا 500 ريال للحقيبه : الذكرى التي ستحملها الحقيبة , وفرصه لمحبي سامي لأقتناء هذه الحقيبه ومحتوياتها كتذكار يدوم معهم يخص نجمهم الأسطوره . محتويات الحقيبه تم مراعاة أن تتميز بالجودة العاليه و خصوصية المناسبه في مقابل سعر مقعول , وللتوضيح : الـ (تي شيرت) صمم خصيصا لهذه المباراه الخاصه , ويحمل رقم الكابتن سامي واسمه وهو نفس الطقم اللذي سيرتديه فريق الهلال ضد مانشستر فقط , وتم تصنيعه بطريقة الترانسفير , ويعتبر درجة 3 من 5 بالنسبه لدرجات التصنيع , وللتوضيح طقم الهلال اللذي يستخدمه في الدوري يعتبر درجة 2/5 على درجات التصنيع , وطقم ريال مدريد يعتبر درجة 1/5 . الطقم والحقيبه والكاب الشتوي والشال تم تصنعيهم في مصانع اديداس ويعتبرون درجة 2/5 , والقلم والكوب الحافظ للحراره وميدالية المفاتيح تم تصينعها في الصين , والدفتر والديفيدي تم صناعتهم في دبي . جميع محتويات الحقيبه نالت على رضى من اطلع عليها واقتنائها حتى الآن .

أولا أستغرب من توزيعها عبر محلات المتجر الوطني وهي التي تتبع عضو شرف الإتحاد ال شيخ المشهور بكرهه وعدائه للهلال

ثانيا بالنسبه كون الحقيبه تذكار لمحبين سامي تذكرنا بنجمنا القدير ما في خلاف على هالنقطة

بس ليش يقولون إن إن الحقيبة والكاب والكاب الشتوي والشال تم تصنيعهم في مصانع اديداس ولا بعد يقولون إنهم يعتبرون درجه 2/5 وهي أصلا سوق الجملة وأبو ريالين يزينون أحسن منهم

وشلون من أدييداس وهي أصلا ما عليها شعار أديداس . على هنود

والله العظيم شنطه مغبره حتي مايبون يكلفون نفسهم يغلفونها بكيس بلاستيك شفاف ؟؟؟ ونوعيتها عاديه جدا إلى درجة أن السحاب حق جيبها لك عليه شوي مهب يفتح ويصك بسهوله يعني عالق

وعلى فكرة تراني نبشت المحل اللي رحت له نبش يعني فتشت بكل الشنط اللي عنده وكلها نفس المشكله والشال والكاب الشتوي عادي جدا وأقل من عادي والكاب المهب شتوي ( الكبوس ) تقول حق فلبن

يعي بالعربي غير الفنيله مافي شي يسوى بالشنطه وحتى الفنيله بديت أشك فيها بعد ماشفت الأشياء اللي معاها

ياخي أقسم بالله لو يقلون جابينها من الهند وبي نبيعها ب 500 لعيون بو عبدالله كان نشتريها وحن نرقص بعد

أما يقولون أديداس ودبي والصين ليييش؟؟؟؟

بالله مهب حرام عليهم يقولون أديداس وهي مهب أديداس

على الأقل إذا بغو يقصون علينا مره ثانيه و يقولون أديداس يحطون الشعار على الاقل عشان نصدق

بالأخير أتمنى نكون أكثر مصادقيه بمثل هذه الأمور خاصة إذا عرفنا إن أرباح الحقيبة راح تاصل إلى 3 ملايين ريال سعودي بحسب إن هناك 6 آلاف حقيبة تم تصنيعها

وهذا رد لأحد الأعضاء وجدته بنفس الموضوع حق التوضيح بشأن الحقيبه يحكي نفس معانتي وهو مقتبس نصا من مشاركة العضو المحترم الذئب الازرق

إقتباس هلا وغلا بالجميع خلونا نكون متفقين من البداية على مبدأ , ألا وهو ان كل شئ لعيون سامي يرخص ... انا اشكر كل القائمين على هذي الفكرة , ولكن عندي عتب كبير عندما شريت الحقيبة اليوم , كنت اتوقع ان تكون جودة التيشيرت و الشال على الاقل عالية وتتناسب مع السعر . ولكن بصراحة انصدمت بسوء الجودة عموما على محتويات الحقيبة يعلم الله اني اقول هالكلام للقائمين على الفكرة وانا مصدوم لية حرام عليكم تخربوها بالاخير وتخلون سامي بهذا الموقف مع جمهورة يعني لو كانت الشنطة وما فيها من محتويات ذات جودة عالية اقول 500 ريال معقولة لحد ما , صح غالية بس لعيون سامي ترخص . ولكن تكون الشنطة ومحتوياتها بهذا السوء التصنيعي وقيمتها 500 ريال , والله حرام يا اصحاب الفكرة سامي يستاهل كل خير , سامي معدن اصيل تمنيت ان تكون الهدية مثلة اصيلة لنا و للزمن . ولكن للاسف خاب ظني لا جودة و اسعار مدروسة . وبالختام.. يا جماهير الزعيم الشكوى لله , تذكروا ان كل شئ لعيون سامي يرخص . تقبلوا تحياتي

ويعلم الله ما شريتها ياسامي إلا لحبي لك وبإذن الله راح احضر مهرجان إعتزالك بطقم المباراة الأصلي رقم9 واسمك وشعارك ومنب لابس فوقه شي وبتحمل البرد وبأدفع قيمة التذكره العاليه

وبطق مشوار من الشرقيه لأنه ماعندنا احد يبيع التذاكر للأسف الشديد بالشرقيه وكل هذا لعيونك يابو عبدالله

وأتمنى إن تكون الردود هادئه وتبتعد عن التجريح والكلام البذيء وشكرا

ملاحظه / هناك رد كبير للعضو القدير ( مغاط ) في هذا الموضوع في الصفحه رقم 3
أتمنى إنكم تشاهدونه