المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 31/12/2007, 02:31 AM
زعيــم متألــق
تاريخ التسجيل: 12/12/2005
المكان: مدري
مشاركات: 1,176
سامي حرمتنا من ابداعك لسنه واحده فقط ليش تحرمنا من حضور اعتزالك!!!!؟؟؟ تكفون اخروها ثلاثه ايام بس!!!!!!!!!!!!

بســـــ الله الرحمن الرحيم ـــــــم

لاحد يلومني ولاحد يقول سامي موب فاضي لك ومن هالكلام , لاني وباختصار شديد اعشق سامي حتى الثماله, سامي عشانه خسرت اصدقاء ,, سامي عشانه سحبت على اختبارات ولعيونه احضر ولعيون الهلال ,, سامي عشانه اكتب الآن ومعظم اللي يقرون هالحين يقولون وش دخل هالموضوع!!!!!!!


انا كنت متردد من كتابة هالموضوع , لكن لعلي اطلع اللي بقلبي شوي اللي من يوم ما اعلن سامي اعتزاله وانا كاتمه بصدري لكن كنت اهدي النفس وامنيها بشوفته قدام محبيه وجمهور وعشاقه في درة الملاعب وانا احد هالمعجبين والعاشقين ...



ولكن المفاجأه باني لن اشاهد سامي بلباس الهلال ولاخر مره في الملاعب بسبب الموعد الغير مناسب ابداً,فهل يعقل ان يحرم الذيب عشاقه من وداعه , انا هنا لا اقصد عشاقه من من يسكنون بالرياض واللي حولها انا اقصد عشاقه من جميع انحاء المملكه ومن جميع انحاء الوطن العربي ...!!!!

للتوضيح فقط :: لو كنت ادرس في الرياض علي بالحرام لاسنتر عند باب الملعب مو بس في اعتزال سامي حتى في اي مباراه للهلال لكن الشكوى لله اذا كنت ادرس في جامعة الملك خالد في ابها ومع ذلك احضر لعيون الهلال هذا التوضيح للي يقول في رده ذاكر وتعال للمعلب والله لو اني في الرياض كان من غير مايقول !!!!!!!!!!!!

حاولت ارتب وضعي لكن الشكوى لله اذا كان جدول اختباراتي برضه مايساعد ,اقسم بالله اني كرهت المواد اللي نشبت لي , والمشكله ان اعتزال سامي منصف الاختبارات وهذا هو جدولي
11\1\1429 يوم السبت مادة الثقافه الاسلاميه من 1الى3
13|1|1429 يوم الاثنين مادة مدخل الى نظم المعلومات من 9الى11
14|1|1429 يوم الثلاثاء مادة الفيزياء من 1الى3(على فكره حملت الماده بسبب نهائي الهلال والشباب اللي خسره الهلال السنه اللي قبل الي طافت)
18|1|1429 يوم الاحد مادة الهندسه الحاسوبيه من9الى11 ومادة برمجة الحاسب من 1الى3


ومازاد الطين بله ان اعتزال سامي يوم الاحد يعني لو كان يوم اربعاء او خميس كان يمديها نزرق ونرجع لكن الشكوى لله ,,,


انا ادري ان بعض الاخوان بيقول وش تبينا نسوي لك ومن هالكلام وبرضه متوقع حذف موضوعي , لكن انا كتبت هالموضوع عشان اشوف هو ممكن يؤجلون المباراه الى يوم الاربعاء ويكون فرصه لمن هم يسكنون خارج مدينة الرياض ان يودعون نجمهم الاسطوري , والله حرام انهم ينحرمون من توديعه ..!!!



شباب هالصوره كنت اتمنى مشاهدتها في ارض درة الملاعب بعد تسجيل سامي لاخر اهدافه في مشواره واتمنى ان يكون ذلك سواءاً حضرت ام لم احضر ..




ختاماً عندما حضرت اعتزال الفيلسوف يوسف الثنيان كنت اقول في نفسي هو انا بعيش لين احضر اعتزال سامي !!!!!!!!!!!!!!!!!!!!!!!!!!!!




اتمنى من الجميع المطالبه بتاخير موعد الاعتزال لثلاثة ايام فقط , لان سامي يستحق ان نسافر لتوديعه .....

اخر تعديل كان بواسطة » هلالي تندحاوي في يوم » 01/01/2008 عند الساعة » 02:01 AM
اضافة رد مع اقتباس
  #2  
قديم 31/12/2007, 02:45 AM
مندس تم طرده
تاريخ التسجيل: 14/01/2005
مشاركات: 381
أتوقع صعبه لإن المانشستر عندهم جدول منظم ما يقدرون يغيرونه
بعدين أنت أهتم من دراستك مو فايدتك الا دراستك
اضافة رد مع اقتباس
  #3  
قديم 31/12/2007, 02:50 AM
زعيــم متألــق
تاريخ التسجيل: 12/12/2005
المكان: مدري
مشاركات: 1,176
اذاً على قولة المري

ماللي الا الصبر ’’’’’وش وداني له
اضافة رد مع اقتباس
  #4  
قديم 31/12/2007, 02:56 AM
زعيــم متواصــل
تاريخ التسجيل: 02/03/2006
مشاركات: 159
الله يعين على الدنيا،،،،،،،،،،،،
اذا شكيت انت فأنا بأبكيلك،،،،،،،،،،،،،،،
اضافة رد مع اقتباس
  #5  
قديم 31/12/2007, 02:56 AM
زعيــم فعــال
تاريخ التسجيل: 23/02/2007
المكان: هــناك ..!
مشاركات: 416
اهتم في دراستك وأنا أخوك

والأعتزال شفه بالتلفزيون
اضافة رد مع اقتباس
  #6  
قديم 31/12/2007, 03:06 AM
زعيــم متألــق
تاريخ التسجيل: 12/12/2005
المكان: مدري
مشاركات: 1,176
اقول اللي برد يرد زين ويخلي عنه النصايح رجاءاً!!!!!!!!!!!!!!!
اضافة رد مع اقتباس
  #7  
قديم 31/12/2007, 03:12 AM
زعيــم فعــال
تاريخ التسجيل: 15/06/2004
المكان: الرياض الحبيبة
مشاركات: 273
هلالي تندحاوي الحال من بعضه وانا اخوك

اختبار يوم 11و12و13و15

لاني من عرفت هالجامعة وأنا ماشفت خير

حتى جدول مايعرفون ينظمونه (خريج وهذا جدولي)

وترى معك بنفس الجامعة

وكنت مستعد للمباراة وحاجز اوكيه للرياض

لكن كلها تكنسلت من بعد الجدول

وعلى قولت ظافر (اذا شكيت أنت فأنا بأبكيلك )

والأعتزال مالنا الا التلفزيون

تحياتي لك
اضافة رد مع اقتباس
  #8  
قديم 31/12/2007, 03:16 AM
زعيــم فعــال
تاريخ التسجيل: 13/08/2007
المكان: الرياض
مشاركات: 398
الله يوفقك اخوي هلالي تندحاوي
وخيرها في غيرها
اضافة رد مع اقتباس
  #9  
قديم 31/12/2007, 03:30 AM
زعيــم متواصــل
تاريخ التسجيل: 18/08/2007
المكان: ألمانيا - فرانكفورت
مشاركات: 108
بصراحة مستقبلك الأهم وسامي مش رايح ينفعك مع إحترامي الشديد لسامي
أنا بصراحة إذا كان عندي إختبار وفي مباراة أفضل الإختبار ولا أشغل التلفاز وبعد الإختبار أسمع النتيجة حتى لاتؤثر علي نفسيا
ذاكر أفضلك والمباراة ملحق عليها لو يوم الخميس تشوفها إعادة
وشكرا
فرانكفورت - ألمانيا
اضافة رد مع اقتباس
  #10  
قديم 31/12/2007, 03:43 AM
زعيــم مميــز
تاريخ التسجيل: 03/05/2005
المكان: الرياض
مشاركات: 2,741
والله هذا المفروووض وقت المبآرآة بآآآآيخ وبقووووة ...!!
اضافة رد مع اقتباس
  #11  
قديم 31/12/2007, 03:47 AM
الصورة الرمزية الخاصة بـ أنا الهلالي والنعم
زعيــم مميــز
تاريخ التسجيل: 08/02/2005
المكان: فـي الـطائرة .
مشاركات: 16,010
صعب أخوي تغيير الموعد.
اضافة رد مع اقتباس
  #12  
قديم 31/12/2007, 03:58 AM
الصورة الرمزية الخاصة بـ تفاريس الشمري
زعيــم مميــز
تاريخ التسجيل: 25/05/2007
المكان: الرياض / حائل
مشاركات: 2,803
مالك الا تقرير طبي !!!
اضافة رد مع اقتباس
  #13  
قديم 31/12/2007, 04:12 AM
زعيــم متألــق
تاريخ التسجيل: 16/05/2007
المكان: خرجاوي يجرح ويداوي
مشاركات: 1,214
حلتك محيرة جداَ الله يعينك
اضافة رد مع اقتباس
  #14  
قديم 31/12/2007, 04:27 AM
زعيــم نشيــط
تاريخ التسجيل: 16/01/2006
المكان: المنطقة الشرقية
مشاركات: 992
يليت والله
اضافة رد مع اقتباس
  #15  
قديم 31/12/2007, 04:43 AM
زعيــم متألــق
تاريخ التسجيل: 28/05/2007
مشاركات: 1,167
انا اقوول انك تذاااكر من الحين وتضبط اموووورك .. ذاكر حق يوم الثلاثاء ...
علشان تصير يوم الاثنين تراجع مراجعه بسيطه وتحضر المباراه وتشوف سامي الجابر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:27 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube