|
عرس في .. ( وال مارت ) ..! سلام من الرحمن عليكم موصول بالرحمة.. ..، هذا الموضوع إهداء لكل من عاتبني على طول مواضيعي :D ..، http://blogs.business2.com/greenwomb...upercenter.jpg كنت أتصفح أخبار ياهو ذات يوم لتقع عيني على الخبر التالي: زفاف في وال مارت وال مارت هو مركز تجاري كبير - أشبه بكارفور وجيان لكنه أكبر من اللي عندنا - منتشر في أنحاء أمريكا والخبر الملفت للانتباه يقول: أن رجلا يعمل مديرا لقسم مستلزمات السيارات في المركز يدعى "إلدريدج" التقى يوم التعريف للموظفين الجدد "هورنباك" وهي تعمل مساعدة للفنون وتطورت علاقتهما ليقام أول موعد لهما في قسم المفروشات بالمركز! وتطورت علاقتهما مع الزمن في نفس المركز ليأتي اليوم الذي اتفقا فيه على إقامة زواجهما في المركز! تقول هورنباك: "التقينا هنا.. خرجنا هنا.. وطلب يدي للزواج هنا.. لم لا؟" وطريف في الاحتفال أنه وفي وسط لحظات الفرح والسعادة قاطعهم صوت الميكروفون: "نرجو الانتباه.. متسوقي وال مارت....." وكان نداء تنبيهيا موقوتا للمتسوقين :stoned: هذا وقد سمعت أهازيج الفرح وصرخات السعادة في جميع أنحاء مركز وال مارت ..، دنيا عجيبة قال الإمام محمد عبده رحمه الله عندما زار أوروبا: "لقد وجدت مسلمين بلا إسلام وهنا وجدت إسلاما بلا مسلمين" فهم يطبقون مبادئ وأحكاما أعطيت لنا منذ أكثر من 1400 عام! يقول رسول الله صلى الله عليه وسلم: (( إن أعظم النكاح بركة أيسره مؤونة )) صدقوني البكاء أولى على حالنا عندما نعرف أن (عائلة سعودية) عند زواج (كل) ابن من أبنائها تقيم احتفالا لمدة (خمس) ليال وكل ليلة يحييها الفنان الفلاني والفنانة الفلانية تكلفهم الليلة مبلغا (مليونيا) وقدره! أو نسمع عن ذاك الرجل (وهو سعودي أيضا يمكن أن نسميه معالي المفكر أو معالي الحرامي!) الذي غير بعض (ديكورات) مداخل أحد اشهر الفنادق العالمية من أجل أن يحتفي بابنته عروسا وقد كلفه ما لا يقل عن (ثلاثة ملايين) ريال! وقد سمعنا عن الـ 14 مليونا وسمعنا وسمعنا! فنسأل: لماذا؟ هم في وال مارت.. ونحن حتى (نيارة) ما عادت قد المقام! قد لا تكون هذه كل الصورة.. ولكنها تمثل جزءا..! والساكت عن الحق شيطان أخرس..! (( إن المبذرين كانوا إخوان الشياطين )) دمتم في رعاية المولى |
يشرفني ان اكون اول من رد على موضوعك تسلم اخو abo sager . وفقت بالطرح وسويت مدخل حللو للموضوع وان اجيزه :d ولي عوده |
طيب أنت وش حارق رزك ناس ربي رازقهم قروش زياده يبون يسوون إن شاء الله عرسهم في المسسيبي <<< يعني مثقف انا وجهي :D أنت وش عليك وشكرا أستاذ فيصل ورده |
وعليكم السلام ورحمة الله ,, هلا وسهلا أبو صقر , و حضور متواصل كـ العادة منك ,, طرحـت موضوع رائــع , وجميل في مضمونه , وأتفق في جل ما تكلمت عنه عن ما يفعله البعض من أشيــاء لا تعقل , وومثل حادثة وال مارت المركز التجاري تعطي لنا أمور ونتائج تنوقف عندها ..!؟ .. إقتباس:
/ \ أبو صقر .. موضوع تشكر على طرحه , وأعذرني على ردي القليل في محتواه ,, يعيطك العافية .. دمت بخير ,, ورده |
قد يكون أصحاب الأموال هم على الأرجح من يختص بهذه الظاهرة , غير ذلك تكمن مشكلة أخرى في المبالغة من بعض أسر العرائس فيما يطلبونه .. حتى كثر العانسون :d والعوانس .. أبا فالكون :stoned: الروعة لا تفارق قلمك أيّاً وكيف كان موضوعك :) هذا .. والسلام سكب الهلال |
وعليكم السلام ورحمه الله وبركااته التكلف والمباهاة اصبح شيئ طبيعي بمجتمعنا للاسف ما اعرف ايش الفايده من كل هالتكلف:surprised: ..!! ويمكن ينرد مردود عكسي عالعروسين كونه تسلف عشان يقيم زواجه بالمكان الفلاني :yes: وخاصه اذا كان ميسور الحال :stoned: اما اذا كان مقتدر فالبشيئ المعقول مو اسراف ..!! والشخص يقدر يسوي زواج حلوو وبتكاليف بسيطه لكن للاسف اللي يمنعه العادات والتقاليد السائده ..!! ونقدر نسميها مشكلة اجتماعيه اكثر من كونها مغالاه سواء بالمصاريف او المهور ..!! ابو صقر موضوع راائع كما عودتنا s60s الف شكر لك عالطرح المميز:) دمت بود عاشقة الزعيم15 |
أهلا بكـ أخي العزيز أبو صقر ..!! موضوعكـ جميل في محتواهـ بل أن كلمة جميل لاتوفيه حقه ..!! الأعراس عندنا اذا ما كان فيه تبذير فهو لايسمى عرس :d:d ولا أضيف على الأسراف الذي طرحته في موضوعكـ لاني لو ( أتكلم ) من الأن الى غداً لما انتهيت ..!! الدين لاينهاهم أن يفرحوا ولاكن أفرح بدون اسراف ..!! أبو صقر الله يجزاكـ خير ..!! وتقبل مروري .. أبو شلاخ الهلالي ..!! |
بعد التحيه ,, أعتقد ان مظاهر البذخ والمباهاه في مجتمعنا أصبحت منتشره جداً ,, فتجد حتى محدودي الحال قد مدوا أرجلهم بعيداً عن الألحفه المتاحه من أجل المباهاه والغلو في التقليد من خلال اللجوء الى قصور الأفراح الفخمه التي قد تكلفهم عشرات الألاف ,, وتصوروا الإنفاق البذخي المنجرف على الولائم التي يذهب غالبها للأسف الى حاوية البلديه ,, فالأرقام التي يتم دفعها في ليلة واحده مفارقه تجعل كل عاقل يفكر جدياً في العواقب قبل الإنجراف في أحلام العوائد !! لا مانع من أن يجعل كل شخص حفل زواجه ليله من ليالي ألف ليله وليله ولكن بكثير من الذكاء وقليل من التكاليف ,, تقبل تحياتي ,, |
أبو صقر تصدق أنا بغيت أتزوج بعد ما خلصت المتوسطة بس الغلاء ذابحنا :d يا أبو صقر و أنا أخوك الصغير ترى العرس ذي الأيام لابد من الإسراف فيها لـ كي تسر الناظرين !! أحد أقاربي تزوج قبل 4 سنوات و قد بلغت تكاليف زواجه 250 ألف ريال , أعتقد أنه مبلغ كبير , طبعا غير المهر !! قرينا الخبر الموجود بـ أخبار المجلس العام عن الذي زوّج ابنته بـ مهر لا يتجاوز 100 ريال !! أبو صقر دام إبداعك و دام قلمك و دام قلبك طيبا و دام عشقك للهلال و سامي الجابر s45s ورده << شطحاات :d |
هلا بالغالي ابوصقر .. ياخي اللي يقهرك صرااحه اللي يتدين علشاان يحط زواجه بفندق مشهور ولا قصر فخم ولا اي شئ يبي يسوي انه بزنس .. ويبي النااس يقولون ماشاء الله زواجه بالفندق الفلاني .. والله مره اسمع شريط لاحد المشائخ عن تكاليف الزواج .. وذكر قصه لاحد المتزوجين يقول يسدد ديون زواجه الى الان وولده وصل 6 ابتدائي ؟:bigeek: هذي المشكله والله s16s.. بس اللي غنى بالعكس بس اهم شئ لا يسرف .. والاسراف اقصد بالمأكولات وغيره :) وخله ان بغى بكل مدينه حفله زواج له بس اهم شئ يكون هو غنى وقااادر عالتكااليف :yes: إقتباس:
خير ان شاء الله :d عسااهم طول اعمارهم حزينين اذا كان سرورهم محدود بالهطريقه :laugh::d إقتباس:
تعتقد يعني ماجزمت انه مبلغ كبير :d الا المبلغ هذا ازوج فيه 5 شباب ياربي لك الحمد :) اذا كان لكل مهر 50 الف :) لكن الشكوى لله :cry: ياشيخ فيه ناس وخاصه القبائل وعاداتهم مسويين فيها بزنس والله يعينهم على الديون :) تكاليف فوق اللزوم علشاان يقولون ولد القبيله الفلانيه مزوج ولده بفندق الفلاني وسيااره وغيره وهو حيااته ضيق وهموم بسبب تراكم الديون ؟ s13s مامثل والله استراحه حلوه بمبلغ 7000 الى 10000 والحمدلله وباقي المبلغ تكااليف السفر وغيره s60s والناس ماهب نافعينك لامنك حطيته بقصر فخم تتحمل ديونه بكرى :stoned: بس المشكله يقولون مره بالحياة خل نحطوه بقصر فخم :razz: في امان الله وادري اني طولتهاا لكن معااليش :) ، |
وعليك السلام وأزكى التحايا والبركات لا جديد .. كبيرٌ أباصقرٍ إن المبذرين كانوا إخوان الشياطين وما أجمل البساطة .. والسجية البشرية !! {النمر15} |
أبوصقر أنا مستعد أتزوج ( بالحياله ) :d اللي ما يعرف مسمى ( الحياله ) مسمى قديم للأرض الفاضيه :d بس وين اللي ترضى !!!!!!! كل وحده تبي ما لا يقل عن 100 ألف ريال مصروف علشان تتفشخر عند صديقاتها موضوعك هذا صرخه بوجه عضوات المجلس :d أبوصقر دمت للصقر أبا :d |
هلا وغلا والله ابو فالكون :d اول شي تراك مدعو لحفل لزواجي الكائن في قصر ابو كريستوفر:d بعد تقاطع شلالات نياجرا على اليمين تجيك بوفيه كبده هو قبالها على طول:d :d خخخخخخخخخخخخخخخخخخخـ :d بصراحه يبو صقر موضوعك حلو وهالظاهرة الحين منتشرة حتى المطفرين او ذوي الدخل المحدود تحصلهم لازم يتكلفون في زواجاتهم عشان محد يقول عرسهم ناقص ..!! اما اللي معهم فلوس اكيد ماطقوا خبر للملايين اللي يخسرونها كل واحد يبي عرسه مختلف وافضل من الاخر ..!! إقتباس:
يعطيك العافية ياغااااااااالي على الموضوع الرااااائع ..!! |
ياحلوك وانت صغير << يعني موضوعك :razz: وصراحة صعبه المقارنه بين زواجاتنا و زواجات هذوليك الحمر :stoned: ينعي تخيل اسوي زواجي في ( مـيد ) وكل واحد ياخذ له علبة بيبسي << اذا اخذنا بالاعتبار ان البيبسي صار بـ 2 ريال :d يعني هم زواجاتهم على المـاشي وزياده على كذا حريم ورجال مع بعض مب مثلنا كلن يبي من يتكلف له :yes: << تحسون اني فاهمة الموضوع غلط :surprised: ابـو صـقر دامت مواضيعك صغنـونـه s13s |
وعليكم السلام ورحمة الله وبركاته (( إن أعظم النكاح بركة أيسره مؤونة )) الكل يتشدق بهذا الحديث ولا تنفيذ..!! الأدهى والأمر اني اعرف الكثير من المتباهين والمتكلفين لا يكتمل زواجهم فيأتي الطلاق سريعاً حتى العروسين غير راضين ولا متفاهمين وكل الأبهة من أجل الناس فقط بدون فرحة حقيقية.. والمساكين ممن لاحيلة لهم يقلدون حتى يُشار لهم بالبنان لاحفلة عرس ولا قاعة تهم ممكن تفرح بطرق أجمل وببساطة بدون مظاهر كذابة يعطيك العافية على الموضوع القيم في محتواه والجميل في طرحه دمت على طاعة الله وتوفيقه |
| الوقت المعتمد في المنتدى بتوقيت جرينتش +3.
الوقت الان » 09:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd