الزملاء / الأخوة الأفاضل / حبايبي
بعد التحية و السلام

كلنا فرحانين بأن المنتدى مفتوح و حرية التعبير عن الرأي مكفولة للجميع .. و كلنا مستائين من بعض المواضيع إللي تستهدف لاعب معين بشكل سلبي ( ما فيه من الفايدة شعرة )

و أنا أول الغلطانين .. و سبق وأبديت رأيي بكل صراحة عن كابتن من كباتنة الهلال ظناً مني أن مشاركتي هدفها مصلحة عشقي القديم الزعيم .. و لكن .. يبدو أن مثل هذه الطروحات خلقت جواً مناسباً و بيئة مناسبة لبعض المندسين ليدسوا السم في العسل من خلال مشاركات يتم فيها نقد اللاعب بشكل مؤذي و بطريقة لا يستسيغها أي هلالي .. و هذا شيء ما أظن أحد يتمنى إسمراره خاصة و نحن نقترب من مراحل الحسم و المباريات الهامة.

و هذا ما جعلني أتقدم بإقتراح : ( الصيغة المقترحة )

إما أن تحذف كل المواضيع التي تـنـتـقد لاعب لمجرد غلطة و يحذف معها معرف كاتبها أو أن يتم إفتتاح منتدى مغلق لا يشاهده إلا أعضاء المنتدى.

و بذلك لا يحظى أي مندس بأن ينشر غسيله المتسخ على صفحات المنتدى علانية.

و قبل ما أتقدم بإقتراحي لإدارة المنتدى .. أرجو من الجميع المشاركة في تعديل و إعادة صيغة هذا الإقتراح بما ترونه مناسباً

و الله يوفق الجميع

الرسالة الأصلية كتبت بواسطة romeo (مشاركة 7320751) اخوي يا ليت توضح اكثر من فضلك

أبشر طال عمرك ..

الإقتراح الأساسي هو حذف أي موضوع يسب لاعب هلالي لمجرد إنه تسبب في هدف أو أضاع ضربة جزاء .. و إذا قلنا لازم كل واحد يعبر عن رأيه فإدارة المنتدى تقدر تنشئ منتدى جديد و يكون مغلق و مخفي .. يعني ما يشوفه و لا يشارك فيه إلا أعضاء المنتدى.

و بالتالي يتم السيطرة على المشاركات السلبية .. و المحافظة على واجهت المنتدى من المواضيع التعبانة.

وضحت ؟؟ .. قل :yes:

على كذا ما راح يبقى احد بالمنتدا اي واحد منا يكون عنده ردت فعل بعض الاحيان تكون غريبه او مثل ما نقول لحظية وبعدين يقتنع انها خطأ فحذف المعرف صعب اما حذف الموضوع انا معك وبالنسبه ان الي مو مشترك ما يشوف المواضيع برضو صعبه لان تفعيل المعرف في شبكة الزعيم ياخذ وقت كبير فلو صار كذا راح تلقا شبكة الزعيم تقل بكثير لكن انا اعتقد لو كان فيه منتدا لأخبار الصحف واخبار التمارين للغير مشتركين او غير مفعلين وباقي المنتديات محجوبه اتوقع ان يكون افضل

الرسالة الأصلية كتبت بواسطة سمسم999 (مشاركة 7320807) يعني امدح بس لاتنتقد......وش دعوه غلطان يالطيب

لالا ياخوي ماهوب كذا ..

إذا كان فيه منتدى لنا كأعضاء ما يشوفونه الزوار .. أنـتـقد أي لاعب على كيفك و أنت و ضميرك

لكن بالوضع هذا .. المنتدى مفتوح لكل العالم و كل الزوار .. صدقني ماهو من مصلحة الهلال و لا من مصلحة المنتدى.

يعني البارح كان فيه موضوع (أتمنى إنك ما إطلعت عليه) طرح في المنتدى يبي يثبت فيه صاحب الموضوع إن هدف الكابتن فهد المفرج كان بسبب سقوط الناهض حارس الطائي !!

بالله عليك إضافة موضوع مثل هذا ,, وش فيه من فايدة ؟؟ .. و بيني و بينك الأقتراح عشان نحمي المنتدى من زيادة هالنوعية من المواضيع

الرسالة الأصلية كتبت بواسطة منقع الطيب (مشاركة 7320815) أنا أويد هذا الطرح .. لكن لابد من الانتقاد ويكون بعيداً عن التجريح

أشكر لك تأييدك .. و أتمنى منك التكرم بإضافة للمقترح تساعدنا على التحكم في جعل الإنتقاد بعيد عن التجريح بطريقة أتوماتيكية.

يعني في صفحة http://vb.alhilal.com/faq.php الضوابط و الشروط الخاصة بالمنتدى فيه مادة تمنع التجريح و الإساءة الألفاظ اللي تخدش الذوق العام و مع ذلك نبقى بشر و السيطرة على منتدى جماهيره نصف سكان المملكة s13s صعبة صعبة صعبة ..

أشكرك مرة أخرى و في إنتظار المزيد s60s

الرسالة الأصلية كتبت بواسطة w i t (مشاركة 7320859) على كذا ما راح يبقى احد بالمنتدا اي واحد منا يكون عنده ردت فعل بعض الاحيان تكون غريبه او مثل ما نقول لحظية وبعدين يقتنع انها خطأ فحذف المعرف صعب اما حذف الموضوع انا معك وبالنسبه ان الي مو مشترك ما يشوف المواضيع برضو صعبه لان تفعيل المعرف في شبكة الزعيم ياخذ وقت كبير فلو صار كذا راح تلقا شبكة الزعيم تقل بكثير لكن انا اعتقد لو كان فيه منتدا لأخبار الصحف واخبار التمارين للغير مشتركين او غير مفعلين وباقي المنتديات محجوبه اتوقع ان يكون افضل

أخوي الفاضل / w i t

هذاهي ياخوي .. الإقتراح يجعل ردات الفعل اللحظية الإنفعالية في منتدى خاص ما يشوفونه إلا الأعضاء ..

أخوي .. نحن هنا نقترح إنشاء منتدى إضافي تابع لمنتدى الجمهور الهلالي بس يكون خاص بالأعضاء .. أما المنتدى الأساسي فسيبقى كما هو للأعضاء و الزوار .

فرحت بمشاركتك جداً لإيجابيتها .. شكراً لك

الرسالة الأصلية كتبت بواسطة عنبرالكل (مشاركة 7321106) بلعكس ياالحبيب انا ما اشوف خطاء في بعض الانتقادات فهد المفرج هاذا كل الي انتقدوه يثنون عليه اللحين والمفرج تطور مستواه من النقد اما النقد المسئ اتمنى حذفه المسئ يعني الي يمس اللاعب خارج طور الرياضه

أخوي "عنبر الكل" أنا مانب ضد الإنتقاد الهادف .. أنا كل إللي ودي إن تكون الإنتقادات الهادفة و الغير هادفة و ردات الفعل السريعة و الإنفعالات تكون في منتدى إضافي خاص بالأعضاء .. و لا يشوفها كل من هب و دب و يفرح بها أعداء الزعيم.

أنت تذكر عقب مباراة الوحدة الإماراتي .. كانت نصف المواضيع إنتقادات للكابتن فهد ما بين نقد هادف و نقد جارح و الإدارة شغالة تقفيل و حذف .. المنظر كان سيئ .. منظر المنتدى كان أسوأ من نتيجة المباراة.

شكراً لمداخلتك و أتمنى إن الصورة وضحت أكثر .. و ياليت تشارك في تعديل الإقتراح ( أيقونة بوسة زرقاء )

الرسالة الأصلية كتبت بواسطة ولدك يا زعيم الكل (مشاركة 7321803) ________________________________

أخوي (ولدك يا زعيم الكل) .. إذا كان الهدف من مشاركتك رفع الموضوع فالله يرفع قدرك قل آمين ..

بس برضه يهمني رأيك بخصوص الإقتراح و أي إضافة أو تعديل أكون لك من الشاكرين

كلام ممتاز