بعد حكاية ياسر لن يحترف لاعب سعودي من نجد أحتراف حقيقي بعد المؤتمر الصحفي للاعب ياسر القحطاني بخصوص الاحتراف في نادي منشستر ستيي والرد الصاعقة عن رفظة للاحتراف بالرغم من موافقة النادي على شروطة ارجع واقول نفس الكلام السابق.....!!! سبق ان قلت وكررت ان موضوع عاداتنا وطريقة حيتنا وتعاملنا مع الامور بالاضافة الي الدخل المادي المرتفع وتدليل اعضاء مجلس الادارة للاعب والعيشة الرغدة اللي ينعم بها اللاعب السعودي في بلدة و سياسة الدفع من تحت الطاولة... وكاش.... لكل لاعب حسب ميول العضو من الاسباب الحقيقية لعدم نجاحنا في الاحتراف الخارجي. ياخوان اللاعب السعودي ليس بحاجة للمادة ابداً وليس بحاجة للأمان فهو غني بكلا الميزتين في بلدة وضعف هذه الميزتين عند اللاعب الافريقي والامريكي الجنوبي سبب نجاحهم في اوروبا منهو اللي عنده استعداد يطلع ويترك اهله واقاربه واصحابة واصدقاء طفولته وحياته واستقرارة الاجتماعي والحياة الرغيدة والاهتمام العالي ويروح يعيش غربة 5 او 10 سنوات بالخارج...؟؟ سبق ان احترف سامي الجابر وفؤاد انور وفهد الغشيان بالأعارة ودققو على الأعارة وتدرون ليش بس عشان يجرب الأحتراف زي اي تجربة في الدنيا يعني كأنك جربت لعبة مرعبة في مدينة الاعب وقلت خلاص جربتها خلوني ادور غيرها وهذي الصراحة. وسبب تردد كلمة الأعارة لأن اللاعب السعودي بالاخص من نجد وما حولها لا يستطيع ان يعيش خارج بلدة أكثر من سنتين عشان كورة ( نستثني الدراسة والاعمال الدبلوماسية وهذه سببها واضح النجاح والمادة الغير متوفرة للشخص في هذا المجال) بس اللاعب عنده كلش في ديرته........ ناجح مشهور غني مرتاح مبسوط ليش الغربة والمرمطة وكل يامر عليك ويضغط عليك. بتقولون الشهره....؟؟ اتحدى في احد من لاعبينا يفكر ان يوصل لشهره زيدان وهو خارج ارضة....!! يبي يصير اشهر من كرستيانو رونالدو وهو في العريجا.........!! في رأي الشخصي ارى ان لاعبين المنطقة الغربية بحكم اختلاف عاداتهم الاجتماعية وتفكيرهم وبعض لاعبين المنطقة الشرقية هم من تعول عليهم بأحتراف كامل ... اما احنا يأهل نجد والقصيم وحائل والشمال والجنوب فأقول معليش مافي احتراف بس احتمال يكون هناك اعارة ترزز وفترة نقاهه وتجربة اوروبا وغيرها اما احتراف حقيقي فهو غير متوفر. للأسف ياسر القحطاني صدمنا جميعاُ لأننا توقعنا وقلنا ان لم يحترف هذا اللاعب فمن يحترف..!! آسف على الأطالة |
طيب اللاعبين العالميين ما عندهم أهل ما عندهم أقرباء ما عندهم أصدقاء ... و لا هو كلهم ما عندهم أمان.. فيه بلاد فيها أمان و مع ذلك يخرجون اللاعبين منها ... . . . |
لـذهـ لاعـــــــب كره القدم هو احتـــــــرافه .. مالها دخل في الأمان أو أنه غنــــــــي او او او ... الأحتــراف قبل ما تستفيـد منه مادي وإعلاميـا راح تستفيــــــد منه الإنضبـــــــاط والإحتــــــــــرام في الدوله الي راح تحتـرف فيـــــــها ... وانا متأكد دام يـاسر ما احترف السنه هاذي قدامه سنتـــــين وراح يحترف فيــها ان شالله .... والبتوفيق |
إقتباس:
وحتى اذا ما عندك فلوس عندك ربعك وارتباطك الاجتماعي... والمشكلة تكمن في التنشأة الاجتماعية واسلوب الحياة.... |
إقتباس:
ليش ,, ياخووي ,, يعني اهل الغربية ماعندهم ,, اهل ولاعادات ولاتقاليد !!...؟؟؟ غريب صراحة !!! |
تعبت من هالموضوع بشأن احترف ياسر القحطاني !! |
إقتباس:
الطموح يجعل الشخص يترك اهله وجماعته "لفترة مؤقتة" اهل نجد هاجرو الى سوريا والعراق وانقطعت صلاتهم بنجد تقريبا والان هناك من سافر الى دبي "اقامة دائمة" والالاف يعيشون في امريكا رغم الظروف الامنية بالنسبة للسعوديين وايضا في اوربا الالاف من السعوديين , فشل صفقة ياسر هو احد امرين اما ان العرض لا يرقى لطموح النادي او ان اعضاء الشرف يرون ان الهلال اكثر حاجة لوجود ياسر , طموح اي لاعب سعودي ان يلعب في اوربا , ولكن ما يعيب اللاعب السعودي انه مازال هاوي , ويعيش اسوأ انواع الهواية , في اوربا التدريبات شاقة جدا جدا والنظام صارم والضغوط كبيرة , ومافي شي اسمه النجم الاوحد وهبات وعطايا , على قد ما تعطي تاخذ , المجهود الذي يبذله اللاعب هناك يعادل 3 اضعاف ما يبذله في مباراة في الدوري السعودي مافي سهر مافي تدخين مافي لخبطة في الاكل , عندما لا تقدم المأمول فالنادي سيستغني عنك هذه هي اسباب عدم احتراف اللاعب السعودي , اضف الى ذلك السعر المبالغ فيه للاعبين هواة من دولة تعتبر متخلفة كرويا مقارنة بامريكا اللاتينية وافريقيا وحتى بعض الدول الاسيوية .. |
موضوع سئ بكل صراحه لا افكار حقيقه فيه سوى شخبطه مراهق |
إقتباس:
انا ماقلتـ انه عائق بس استثناءهـ لمنطقة معينة هو الى اجبرني على التعليق !! يعني المنفتحين الى في الغربية في بالشمالية والجنوبية والوسطى هاذا الى استغربت منهــ! معرووف كل مكان فيه منفتحين وفيه ملتزمين يعني تخصيصه لمنطقة معينة دوون الأخرى شي غريب !! |
انا لا اتكلم عن الكل ولكن الغالب |
إقتباس:
السبب اللي ذكرتة داخل من ضمن اسباب تمسك اللاعب السعودي في بيئتة وعدم تقبلة لأي بيئة اخرى |
ما اوافقك في الكلام اللاعب اللي يبي يحترف يحترف مو تقلي منطقته غربية او شرقية او نجدية |
إقتباس:
شكراً على مشاركتك |
إقتباس:
|
صراحة ماعندك سالفة بداية كان منطقك سليم نوعاً ما بس يوم دخلت نجد والحجاز وقمت تخور بان اهل الغربية ليس لهم عادات وتقاليد وحدة (لسان حالك يقول انهم خليط من مجموعة دول) هنا حدك اعرف ان اهل الغربية (الخليط)ينعدون على الاصابع مقارنة بقبائل الحجاز وعلى رأسهم قبيلة حرب وعتيبة وجهينة وبلي والحارث والمالكي ووووو الخ ليس انتساب اللاعبين لاندية الحجاز تعكس مضمون السكان بمعنى تسمع بزبرناوي وهوساوي وتكر والمولد بأندية الاهلي والاتحاد والوحدة والانصار واحد تحسب ان سكان مكة والطائف وجدة والمدينة كلهم من هذه القبائل الافرقية المتواجدة من آلاف السنين بهذه المناطق بالعكس نسبتهم (19%) فقط لاغير اما سكان اهل الحجاز الاصليين وهم القبائل المذكورة اعلاه يمثلون النسبة العظمى (81%) لذلك هذه النسبة لديهم عادات وتقاليد وترابط اسري قوي ويكفي طاش ماطاش وضح هذه النقطة عندما اقاموا حفل الزواج بالرياض وكأنه عزا وبجدة بان العرس بالفرح لذلك !!!!!!!!!!!!! لا تتطرق لكتاباتك بالتفريق بين العادات والتقاليد لمناطق المملكة مابنجد هو ذاك مابالحجاز والشرقية والشمال والجنوب مع اختلاف اللهجات وليس العادات |
الوقت المعتمد في المنتدى بتوقيت جرينتش +3.
الوقت الان » 08:54 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd