سلام عليكم ورحمة الله وبركاته ..
مسيكم بالخير جميعا .. ومبروك النقاط الثلاث من صائد الكبار ( الطائي ) وسط مستوى فني متواضع بالنسبة لفريق كسمعة ( زعيم آسيا ) ..

ماودي أقرق واجد وعلى قولة الأخوة المصريين (هات من الآخر) ..
هذا اول موضوع لي ... بتكلم فيه عن نظرتي للهلال كمشجع عاشق للكيان الأزرق ..

أولا ( التايب ) :
والله العظيم ما اتخيل هلالنا بالموسم هذا ولا المقبل بدون ( باص عيون ) التايب .. فعلا دينمو ماشاء الله .. لاعب بمهارات عالية ودقة تمرير تنافس الكبار ( بيرلو , جنينو , رونالدينهو , كرستيانو ) لا أبالغ ياجماعة .. فعلا نحن نملك لاعب بمهارة هؤلاء وفكرهم .. اسمه ( طارق التايب ) الله يفكه من كل عين وحاسد ..
أنا سمعت من مصادري ان التايب واحد من أول اللاعبين الأجانب المغادرين .. فانا اتمنى أنه يبقى مازال التايب يقدم .. والهلال بحاجة له ...

ثانيا ( المدرب يالإداراة ) :
صحيح نمشي بكل المباريات .. لكن مع إحترامي ( بالبركة ) .. مدرب ( جبان ) بكل ماتعنيه هالكلمة من معنى .. تغييرات فاشلة دائما وأبدا .. الفريق يمشي بتوفيق الله وثم ببركة اللاعبين ..
حلوله الفنية معروفة .. مدرب أقل من عادي .. مباريات كثيرة سلمانها للخصوم .. ببركات ( كوزمين )
لا أريد تقليب الأوجاع .. ومراجعة مباريات مضت .. خلاص اللي فات مات .. لكن يجب على الإداراة تصحى للمدرب ..

ثالثا ( العنبر والخراشي شتان مابين .... ) :
ياجماعة عندنا لاعب ( قناص ) .. ههه لا مب ياسر واحد ثاني شباب اسمه ( بدر الخراشي ) لاعب رشيق لديه بعض المهارت .. يضرب راس .. سريع بعض الشي .. قناص في منطقة الـ18 لا أعرف لماذا نراه فقط على دكة البدلاء كلاعب متفرج ( بالمجان ) ... إلى متى ؟؟؟؟؟؟؟؟؟؟؟؟؟؟؟

رابعا ( انتبهوا لياسر ) :
ياسر والله العظيم مع كل هاللجة والصجة بيجيه اللي جاء نواف عام 2002 من تشتت مستوى وذهن .. والتفكير بالإحتراف ... اتمنى من الإداراة الهلالية عدم التلاعب بنفسية اللاعب وتهيئته لكي يمضي بقية الموسم كلاعب هلالي .. اما قضية جيبوه ... خلوه يتدرب .. نبي نشوف .. ماينفع هالكلام
إما عرض رسمي .. أو بأمان الله ..


شكرا لكم .. ادري اني بثر .. ههي لكن لعيون الزعيم .. بالتوفيق دائما وأبدا