|
أنا كاتلوني انا مدريدي أنا فرنسي لا أنا إيطالي (هل نحن نعرف كيف نشجع عالميا؟؟) بسم الله الرحمن الرحيم . السلام عليكم ورحمة الله وبركاته. أحبتي عشاق الزعيم أعضاء المنتدى العالمي ومشرفيه . صباحكم حب وصدق ونقاء صباحكم مليء بالأخوه الصادقه . يشرفني أن يكون هذا أول مواضيعي في المنتدى العالمي رغم ان الموضوع قد يغضب البعض ولكن هي الحقيقه الواضحه التي إبتلينا بها. أنا كاتلوني لا أنا مدريدي لا أنا ميلاني أقولك طس أنا يوفونتيسي لا مانشستراوي لا تشيلساوي ولا أقولك انا أرسنالي :bigeek:. هذا حالنا كمجتمع متابع للرياضه العالميه وأنا أولكم. للأسف تعصبنا محليا أثر على فكرنا وتشجعينا عالميا حتى في إختلافنا حول اللاعبين العالميين. نعم هنالك فرق يطربنا أدائها بل نشجعها ولكن لانعرف كيف نشجعها . ما أعنيه أخوتي الكرام لماذا هذا التعصب حتى فيمن نشجعهم عالميا . قبل فتره أحد الأخوان أعطاني رابط لأعضاء إختلفوا حول منتخبي إيطاليا وفرنسا رأيت كلاما وإتهامات ودفاع مستميت لدرجة شكيت أنا داخل منتدى سعودي والأعضاء سعوديين ولا فرنسيين أو إيطاليين:d. تخيلوا أنني رأيتهم فرنسيين أكثر من الفرنسيين أنفسهم وإيطاليين أكثر من الإيطاليين أنفسهم ياعيني عليكم يا عيال ديرتي<===شطحه:d. نحن كمجتمع للأسف لم نتعلم ثقافة الحوار وثقافة إختلاف الرأي لا يفسد للود قضيه بل تعلمنا أن من يختلف معنا أنه على غلط ونحن الصح. والله أعرف لك زملاء متقاطعين من مباراة البرشا والريال الشهيره التي فاز فيها برشلونه في البيرنابيو 3/0 :bigeek:. لجل الريال والبرشا تتزاعلون والله ما دروا عنكم وإنتوا متقاطعين وإثنين كذلك متزاعلين بعد نطحة زيدان لماتيراتزي :d. ما أريد الوصول له ياخي شجع من تريد وحب من تريد ولكن بعقلانيه للأسف وصل الحال ببعضهم أن يحب بعض النجوم لدرجة الجنون ولا يعرف أن في يوم القيامه كلن يحشرمع من يحب . لن أدخل في المسألة الدينيه ولكن تخيلوا هنالك من يدافع عن لاعب معين أكثر ممن أن يدافع عن نفسه أو دينه أو وطنه .... وبعضهم يدخل الدين ويجعله له ذريعه لدفاعه في موضوع معين وسأضرب مثال. تخيلوا لوإنتقد أحد زيدان يأتي أحد مشجعي زيدان ويقول ياخي تراه مسلم ما يصير هالكلام:bigeek:. على عيني وراسي بس ترا محمد نور مسلم ترا سعد الحارثي مسلم ومن بلدك والكل عارف وش أقصد :d. يعني حنا شعب نجيد بإختصار ثقافة التبرير فمتى ما أردنا أن ندافع عن لاعب ندافع بكل الأساليب حتى لو ندخل الدين بالموضوع ولو أردنا ان نشتم أو نسب لاعب بنلغي كل الأمور الحياتيه والدينيه لجل نثبت صحة كلامنا حتى وحنا غلطانين فيما نقول. أخواني ربما شطحت بكم يمينا ويسارا ولكن المناقشات التي تحصل بين الفتره والأخرى والله تحز بالنفس وعلى فكره ربماأن أكثركم خطأ فأنا أعشق فريق أوربي لدرجة الجنون ووالله عندما يخسر أحزن وكأن الهلال خسر بطوله ولكن هذا غلط وخطأ كبير. شجع إستمتع ولا تتعصب فالإنجليز والإسبان والطليان والفرنسيين لا يعرفون عنك شيئا وللأسف أقولها والله صادقا فقد قال أحد الدعاه في خطبه مشهور. الصلاه ياهؤلاء عباده وليست عباده ولكن البعض إتخذ الصلاه عاده والكوره عباده فالحذر أخواني من هذا الأمر <=== اليوم جمعه :d. والله صادق الشيخ فيما قال الحذر من هذا الموضوع فالأمر الحاصل هذا الزمن خطير جدا والعذر على الموضوع الي مدري شيبي ولكن أحببت أن أتكلم عن ممارسات خاطئه يمارسها الكل في التشجيع الرياضي العالمي. مـــن هنـــا وهــنـــاك. *ليس خطأ أن تشجع فريق عالمي أو منتخب ولكن الغلط هو في كيفية التشجيع وما يحلق هذا التشجيع من أثر سلبي في حاية الشخص. *نعم أكثر ما يستفزني أن البعض نصب نفسه محاميا عن أنديه ومنتخبات أكثر من أهل البلد أو النادي أنفسهم :d. *البعض يستغرب عدم كتابتي في المنتدى العالمي رغم متابعتي القديمه للكثير من الدوريات الأوربيه وتقريبا من موسم 94/95 ولكن ما منعني عن الكتابه هو درجة الإختلاف الحاصله في المنتديات والروابط العالميه أدخل بعض الروابط وأضحك وصدق من قال شر البليه ما يضحك. *قد يقول البعض أنني أحب النصح وأنني شخص مثالي لا والله ولكن ظاهره بدت تتنشر بكثره وخاصة في الصغار وهذا غلط فمتى نتعلم ثقافة الحوار. *أمر آخر يستفزني كثيرا هنالك الكثيرمن المبدعين والمثقفين رياضيا ومعلوماتيا في هذا المنتدى ولكن للأسف يمحو كل هذا الكنز المعلوماتي التعصب الغير مبرر. *لكي نبعد عن التعصب أحببت اضع شعارات بعض الأنديه العالميه سويا والجمل التي تقال تحت شعار كل نادي لكي نقول نحن سعوديين هلاليين وليس كاتلونيين أومدريديين نعم تخلصوا من هذه المسميات وقل أنا أشجع فريق البرشا أو الريال ولا تقل أنا كاتلوني يالإسباني إنت وهو والموضوع للنقاش المفتوح وليس للشتشته:d. أشجع برشلونه أفضل من أنا كاتلوني :d http://graphicslib.viator.com/graphi...adrid_Logo.jpg أشجع الريال أفضل من أنا مدريدي أعشق المان أحسن من أنا مانشيستراوي أحب الليفر وأستمتع بلعبه أفضل من أنا ليفربولي متيم بفريق الأرسنال كفريق أجمل من انا أرسنالي أميل إنجليزيا للبلوز أفضل من أنا تشيلساوي في إيطاليا أشجع الإنتر أفضل من أنا إنتراوي http://uefaclubs.com/images/AC-Milan.png أنا أشجع ميلان أحسن من أنا ميلاني أعشق السيده العجوز أفضل من أنا يوفونتوسي . آسف على الإطاله ولكن أحببت أن آتي بشعار جميع الأنديه الكبيره أوربيا لكي لا يقول أحدهم أنني متعصب وكيف تنصح وإنت أول المتعصبين :d. ودمتم معشر الزعماء على عرش الزعامة والإنتصارات متربعين ورده . |
محجوز للشايب فيَّاض :d << :cool: الله يخليكم يالعالمية :) ============== ويدوم العشق المتناهي للمقالات من خالي من الهم :d والآن مع أوروبا :yes: صادق فـ كلامك عبدالوهاب في ناس متعصبين للفرق الأوروبية تعصب شديد جدا جداً لدرجة ينسى نفسه ويتلفظ أبشع الألفاظ :surprised::razz: لأجل اثبات محبته المتناهية للنادي أو اللاعب للي والله ما طقلك خبر :d وخله فـ فلوسه يلعب :razz: [ كل شي وله حدود ] :yes: عبدالوهاب أنا مانشستراوي قديم أيام ما كانت المباريات تجي فـ الـ MBC كل أربعاء وأيام بيكهام والموزة الركنية حقته :d بس بيني وبينك تركت الرياضة أو انشغلت عنها :) بمناسبةهالموضوع تحية لرابطة المان كلها :d:d:clap::stoned: :: فتكـ بـ ع ــافيــة :: s34s |
هلا وغلا خيووو ... صباح الخير والاحساس والتيبه..:d:d لو تخلي عنك المثاليه اصرف لك انت وجهك ...نسيت بعد الكلاسيكو وش جلست تقول عن مهجدكم بابتيستا..:surprised::d:d والا الانتر اللي فضحتني فيه انت وجهك .. لكن ننتفق انا واياك على حب المان يونايتد ..:stoned::d:d <<<<كأنه قال جميع الانديه اللي يشجعها وهاب..:d:d والله يا طويل العمر ان كلامك صحيح انا واحد من اخوياي نصراوي جلس يستني بطوله وحس انها ما هي بقريبه فسحب على الدوري السعودي عن بكرة ابيه لكن قلب كاتلوني من قلب ...لو اقول عن بويول شيء قام البقس بيننا:bigeek: دايما متحفنا بماوضيعك الجميلك خيوووو... سلاااااااااااااام |
صدقت اخوي عبدالوهاب .. ورده لا والف لا للتعصب .. ورده لنشجع بذوق ورده .. لك تحياتي |
رائـع أخـوي عبدالوهـاب ,, موضوع أقـل مايقـال عنه " رائـع " :) مثـل ماقلت التعصـب طغـى علينا كمشجعين , لدرجة ان فيه واحد قبل كل " كلاسيكو " بيوم مايكلم احد من اهله وبعده بيوم بعد " يوم قبله ويوم بعده " :biggrin2: الله يهدي الجميع ان شاء الله ,, |
,, عداك العيب عبدالوهاب :) إقتباس:
فعلا أنا ممن كانوا يتأسفون على حال المنتدى في الأسابيع الماضيه بعد مباره الريال والبرشا , اذا ماخاب ظني جأ واحد قال من الحره ما قدرت انام , :razz: ! واللي يزيد الطين بله بعد موضوع ثامر في العالميه , انقلب الموضوع مساره 180 درجه :d المهم وسع صدرك :) , وبالتوفيق للريال , :d |
كلامك صحيح انا اعرف واحد من الشباب يوم خسر البرشا لقب الدوري الاسباني العام الماضي لمصلحة الريال قام مايرد على جواله اسبوع كامل,, |
السلام عليكم :) أشوفك من تالي مدهر مواضيع يا عبدالوهاب :D أشوفك في الجمهور وأقول بس متى يغلط ويدخل عندنا ويكتب موضوع :D لا حديث بعد حديثك عبدالوهاب s45s عوافي s45s تعليق بسيط فقط في التعصب .. مو مشكلة اللي بيتعصب يتعصب لكن بحدود وبأدب .. شجع وبحرارة وسب الحكم وسفل في اللاعبين .. لكن مو إلى انها أحيانا ً تصير شخصية بين المشجعين يا أخي صار فيه ناس يكرهون بعض إلى حد الحقد والعياذ بالله بسبب التعصب للأندية .. أو أقول التعصب الزائد أحيانا ً الشخص تغلبه عواطفه .. ولكن تذكروا أنكم تملكون عقولا ً تحكمون أنفسكم بها .. فلا تجعلوا العواطف تغلب على عقولكم :) تصدق عبود وقلتها قبل لكذا واحد .. زملائي في الجامعة بعضهم مدريديين وبعضهم برشلونيين .. قدام بعض عادي ويضحكون .. واذا طلعت مع أحد البرشلونيين بين لي حقده على المدريديين والعكس صحيح للآسف وصل بنا الحال إلى هذا الحد .. المشكلة انك اذا تناقشت مع شخص في مسألة معينة إما تقنعه أو يقنعك وهذا الطبيعي .. لكن في المنتدى وخارج المنتدى يتحول النقاش إلى جدال ولا أحد يقبل أن يتنازل عن رأيه ..!! بل والمصيبة الأعظم انك لو تناقشت معه مرتين وثلاث يقول لا هذا حاقد علي .. لا هذا يكرهني .. لا هذا يستقصد انه يخالفني .. ومن الممكن أن من قال كل هالكلام يكون هو صاحب وجهة النظر الخاطئة ..!! تناقشوا وتذكروا أن النقاشات تبدأ وتنتهي في مكانها ( الموضوع ) .. وتذكروا أننا جميعنا نملك أفكار خاطئة و وجهات نظر غير صحيحة وفائدة أي نقاش هي تعديل هذه الأخطاء والله ودي أكتب وأزيد .. كن حزة الغدا :D تحيتي للجميع ؛ ؛ ؛ |
ولـك يسلـم يـديك على هيـك مواضيـع :d ورده وقسـم أنـك جبتهـا ع الجـرح يا عبدالوهـاب ,, :) صراحـه موضوع جـا بوقتـه :surprised: خاصـه بعد الديربيات اللي صارت الاسابيع اللي راحت !! :stoned: أنا صراحـه أقولكـم وبكل صراحـه !! يمكني أحـب ميلان أكثر من الهلال بنسبة 1 % :d لكن التعصـب طغـى علـي بشكل ما تتوقعـون !! لدرجـة أني والله العظيـم واحد من أعز أعز أخوياي تفرًقـت أنا وياه بسبب انه هو مدريدي وانا ميلاني وصارت مشكله بيني وبينه !! بسبـب الفريقين !! و تفرقنـا !! :( يعني شوفوا كيف وصـل التعصب فينـا !! أنه يفرق بين أعز أثنين !! من أجل فريقين والله ما طقوا لي خبر !! :wallbash: لكـن الآن ولله الحمـد تركــت التعصـب قليـلاً !! <<<< أمحـق قليـلاً :d لكـن هنـاك من هـم من الفئـة العمريـه الصغيرة !! بدأت تشجع وتآتز وتحب الأندية العالميه ! أعظـم من حبها للأندية السعوديه !! وهم لا يعون ما يفعلون الآن !! لأنهم صغار في السن !! ولكن تجدهم متعصبين !! ويسب هذا ويشتم هذا !! ويوجد من هؤلاء الفئـة الكثييييير منهم في منتدانا هنا بالعالميه !! وأقولهـا (( للأسـف )) !! التعصـب عالم واسـع !! يميـت قلـب الإنسـان !! ويعميـه !! لا أريـد أن أطيـل عليكـم ,, بهنـاك المبدعون الكثيرون هنـا يريدون أن ( يفضفضوا :d ) ما بي جعبتهم :d ,, ومثل ما قال أبو عابد تسن الغدا جـا :d عبدالوهـاب ,, s45s أبدعــت الصراحـه في طـرح الموضوع ,, ورده وياليت على الأقل نشوفك كل أسبوع ولا أسبوعين بموضوع هنا ورده يعطيك العافيــه s45s ][ دمتـم بـود ][ |
بس اخوي وين علم روما !! لا استهبل اصلا التعصب للاندية الاروبية والسعودية ايضا غير مطلوب والتشجيع فن وذق واخلاق |
يعطيك العافية موضوع رائع بمعنى الكلمة ,, والله التعصب وصل الى حد الطقاق والمزاعل ,, على شي تافه مايستاهل |
تصدق عاد يا عبدالوهاب . . . . ياخي أنا أحس أن ملح الكورة هو التعصب :d . . . . يعني بالإنقليزي الفصيح :d : ( كورة بدون تعصب . . ما تسوى شيء ) . . :stoned: . . مثلآ . . تخيل لو كان كل مشجعين الأندية الأوربية الكبيرة مثاليين . . وقتها هل بيكون في الكورة حماس و نقاشات و مناوشات و مهاوشات :d >> أعجبتني الشات شات :d . . لا . . وقتها كان بتكون الكورة كآبة و لافيها حماس و تصير الكورة مالها أي داعي . . ! ! . . عمومآ . . أنا مع التعصب . . ولكن بحدود . .:yes: يعني مو مثل أخوياك إلي تهاوشوا و صاروا ما يشوفون بعض عشان مباراة البرشا والريال:nono: . . . . لا حنا مانبي تعصب مبالغ فية مثل كذا . . حنا تعصب بس على خفيف :laugh: . . تبقى هذه وجهة نظري الخاصة . . وتقبل مروري بصدر رحب . . وشكرآ . . أخوك / القيصر بكنباور وردهs45s |
وش تبي يا برشلوني حاط فريقك أول واحد وهو مهزوم من الريال <<< ما شاف إلا الصور:stoned: جميل إننا نتابع الكورة الأوربية ونستمتع وما فيه مانع لو نميل ونحب نادي معين شخصيا أتمنى لو كنت كما في بداية متابعتي للكرة الأوربية أتابع كمحايد وعاشق للعب الجميل s60s لكن الله بلاني بحب زلايب ميلان :d تناقشوا وتهاوشوا على خفيف وخلوكم مثلي مع عيال عمي واخواني نتناقش ونتهاوش وإذا تعبنا من النقاش نقول كل فريق أشين من الثاني ويا زين الهلال:d يعطيك العافية يا عبدالوهاب و نبي نشوفك هنا دايمs60s برايفت بالله ما عانيت وأنت تقول يوفنتسيني ويوفنتيني:d تراها تكتب يوفاوي أو يوفنتساوي |
الله يعطيك العافيه .. للأسف كلامك كله واقعي .. عالم تحسب التعصب شيء جيد ولا المشكله فيه بعض الشباب غير متعصب نهائياً ولكن يدّعي التعصب .. ليش ما ادري ! إقتباس:
اذا كان الحديث عن الكالتشيو وتلقى ما احد يسلم منه .. وكأنه مابينه وبين السانسيرو إلا شارعين :yes: .. الله يهدي جميع بس .. خالي من الهم s45s .. مبدع بالطرح وبالاختيار خاصه s60s |
و عليكـم السـلام و رحمة الله و بركاته ليش تحط علم برشلونة اول و هو مهزوم و ليش ماحطيت علم فالنسيا و روما .. ! << بتقول ذا ما قرى الموضوع بكبره :d [ خـالي من الهـم ] ( الشيء اذا زاد عن حده انقلب ضده ) ترى الكـورة مثل ما قال الأخ القيصر .. التعصب له طعم .. :d تخيل تناظر مباراة الهلال و النصر و تطلع تلقى نصراوي يقول لك مبرووك ياخي هدف ياسر حقكم رهيب استحقيتوا الفوز .. الا اقول ليش ما حسب لكم بلنتي :d بتلقاها ملل .. انا مع التعصب لكن بحد معين .. مثل ظاهرة تلقى الشوارع مطهبلة و مدري ايش اصلا موب فايدك و تضييع وقتك الثمين P: اما بالدوريات الأوروبية هي صح أفل من الدوري السعودي و فن و موب مثل لعيبتنا و لو اقول تستاهل التعصب أكثر من دوريّنا الحبيب s45s لكن الغرب تلقاهم فاهمين و ما يعطون الكورة اكثر من حقها بحيث اعطوها انها لعبة و تسلية .. :d فلسفتـي كثيرة .. لكن حبيت اختصرها << امحق اختصار :d كل الشكـر لك ،، ورده .. |
| الوقت المعتمد في المنتدى بتوقيت جرينتش +3.
الوقت الان » 12:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd