مهما أختلافنا سنتفق على حب أعضاء الشرف للنادي .. - نادي الهلال السعودي - شبكة الزعيم

سور الهلال العظيم · #1 27/12/2007, 01:42 AM

بصراحه استغرب الجمهور والطعن في أعضاء الشرف بانهم السبب أعضاء الشرف سنين مع النادي

والكلام الي نشوفه غريب جداً ول نفرض عضو شرف تدخل بالصفقه (اكيد فيها مصلحه لزعيم) أو

مصلحة ياسر اهم من الهلال؟؟ انا كنت حزين وسعيد بنفس الوقت لياسر ولكن اتمنى من الجمهور عدم

الطعن في اعضاء الشرف لانهم يهمهم الكيان العظيم هذا وياسر كبير بالخارج او بالداخل فلا ننسى

سنة 94 كان منتخبنا قوي ولا لاعب محترف ؟؟ من اين القوه؟؟ الاحتراف بالخارج ليس كل شي

واتمنى من جميع الاعضاء الكثير من العقلانيه واستقبال الكاسر في المطار بالورود وان شاء الله

نهاية الموسم يجيله عرض اقوى والي بيقول حسبي الله عليهم ومدري وشو هذا واحد غريب بصراحه

صدقوني اعضاء الشرف عارفين امور النادي اكثر مني ومنك ومن الجميع فهم تهمهم مصلحة الزعيم

واتمنى اني ماطولت عليكم وقليل من العقلانيه في الطرح

اعشق 11الهلال · #2 27/12/2007, 01:45 AM

من ينظر لمصلحة الهلال سيفرح لهذا الخبر

نونـي والهلال بعيوني · #3 27/12/2007, 01:46 AM

صح لسانك

والله يوفق ياسر وين ما راح ... بس لازم نعرف سبب فشل الصفقه !!!

ابوريناد · #4 27/12/2007, 01:46 AM

يعطيك العافيــــــــــــــة...

وكلام سليم ...

بالتوفيق للجميـــــــــــــــــع

هلالي في جده · #5 27/12/2007, 01:46 AM

صـح لسـانك .. ! ورده

ويـا حبـي لكـم يا أعضاء الشـرف .. !

بيض الله وجيهـكم !

وفعـلاً " من ينظر لمصلحة الهلال سيفرح لهذا الخبر " !

والله يعيـن على جمـاهير الاعبيـن !

سور الهلال العظيم · #6 27/12/2007, 01:48 AM

إقتباس

الرسالة الأصلية كتبت بواسطة نونـي والهلال بعيوني


	صح لسانك والله يوفق ياسر وين ما راح ... بس لازم نعرف سبب فشل الصفقه !!!

اكيد راح نعرف كل شي يوم السبت موعد المؤتمر الصحفي

حتى لو كان مو صدق راح نعرف مع باقي الايام

Ƭ έ ν ά ツ · #7 27/12/2007, 01:49 AM

اذا احترف لاعب سعودي برى قسم اني لاحلق شنبي وانزل صورتي هناا بالمنتدى

عقلياات متخلفه متخلفه

ALAMEER 14 · #8 27/12/2007, 01:50 AM

راح نعرف كل شي من وجه ياسر لما يجي .,.,

زعيم حساس · #9 27/12/2007, 01:50 AM

عزيزي مع احترامي لك ولموضوعك الجميل..
ولكن انت مشرف..وأي كلمة على الادارة محسوبة عليك

mohanad.o · #10 27/12/2007, 01:51 AM

تبي اسلوب عقلاني في الطرح
روح يابابا صل ركعتين وادع الله يخليك لهلك ..
اسلوبك العقلاني ..
استصغار الغير ..!! فهي عوايدك ياخي العزيز .. هنين لعقليتك

aziz 115 · #11 27/12/2007, 01:51 AM

أخوي سور الهلال

أنت تتكلم عن نقلة نوعية للكرة السعودية بحيث أن احتراف لاعب سعودي خارجيا بيفتح الباب للباقي ورااح تتطور الكرة السعودية لكن يجيك بعض أعضاااء الشرف وكأنهم شااارين النادي ولا تهمهم إلا المصلحة الخاااصة وبس

وخييير دليل الموضوع المنزل للعضو الشرف فهد بن سعيد واللي اتوقعه أن إدارة الاخبار عارف الخبر من زمن بس تنتظر الوقت المناسب (طابختها) ولا كان لم تضع هالموضوع ولم تثبته

سور الهلال العظيم · #12 27/12/2007, 01:52 AM

إقتباس

الرسالة الأصلية كتبت بواسطة تفاريس14


	اذا احترف لاعب سعودي برى قسم اني لاحلق شنبي وانزل صورتي هناا بالمنتدى عقلياات متخلفه متخلفه

يالغالي وش التخلف في احد قال ياسر لايحترف !!

ياخوي الوقت مو مناسب ابداً والخبر الي سمعنا مو عضو شرف

اختلاف بالبند ولا بس تسمع كلام الناس ومع الخيل ياشقرا!!

إقتباس

الرسالة الأصلية كتبت بواسطة زعيم حساس


	عزيزي مع احترامي لك ولموضوعك الجميل.. ولكن انت مشرف..وأي كلمة على الادارة محسوبة عليك

ماني مشرف وخذ راحتك قل كلي اذن صاغيه

أحبك مووووت يا هلال · #13 27/12/2007, 01:52 AM

شف الموضوع المثبت عن عضو الشرف: فهد بن سعيد

وتعرف من السبب في فشل انتقال ياسر......

إقتباس


	ولكن اتمنى من الجمهور عدم الطعن في اعضاء الشرف لانهم يهمهم الكيان العظيم

تقصد يهم بعضهم,,أما أغلبهم والله ما يدري وين الله حاطه

وأعضاء الشرف الداعمين معروفين وينعدون على الأصابع.....

أما البقيه يناقزون وقت المباريات والأحداث المهمه,,واذا جا الجد أو مر النادي بضائقة ماديه

ما تشوف إلا غبارهم......

تحياتي لك أخوي

هلالي الرياض · #14 27/12/2007, 01:53 AM

مصلحة الهلال اولا

تحياتي لك يالغالي

المغيري 1412 · #15 27/12/2007, 01:54 AM

صراحه شي طبيعي أن يكون هناك زوبعه إعلاميه وجماهيريه