السلام عليكم
دغري للموضوع
انا مستهتر بالبرد من زمان وكل سنة يجي الشتاء
ماالبس ثياب شتوية ولا اشتري ملابس شتوية
كل وقتي فصل صيف × فصل صيف
اهلي دايم ينصحوني انتبه لايجيك شي
انواع النصايح وانواع الزعاق الا يبوني اتدفى
صحيح انا بردان بس مااحب شي اسمه حر ودفى
احب البـرااد
’’’’’’’’’’’’
الين جاء وقت الصـدزز <----- وش عنده فلم امريكي خخخخخخخخخخخخخخ
ثاني ايام عيد الاضحى المبارك كنت مسافر لمملكة قريبة (خليجية)
<----- وش بقى الله يصلحك خخخخخخخ
واتسبح واطلع بالبرد (برضو بلبس صيفي)
ورجعنا نمت وقمت دخلت دورة المياة وانتو بكرامه ابي اتمضمض ماعرفت . قلت فترة وتروح
عيني صارت تدمع بقوه ومقدر اتمضمض
شوي حسيت بفمي تغير وانا اكل
احساس غريب بوجهي مدري وش جاني والله خفت
وانا راجع للرياض نسيت المشكلة بس برضو عيني تدمع
قلت يمكن حساسية من البرد او دخلها براد او او قمت اوسوس
يوم وصلنا الرياض بالسلامة نمت وقمت لقيت وجهي مايل لليسار
جاني
( ابو الوجيه )
اللي يخلي وجهك يروح لجهة معينة
صرت اضحك تروح شفايفي يساار
افتح خشمي تنفتح الجهه اليسار واليمين ماتنفتح
ارفع عيوني تنرفع عيني اليسار وعيني اليمين ماتنرفع
ارمش عيوني بس العين اليمين ماترمش مفتوحه مااقدر اتحكم فيها (شفتوا وشلون)
صرت اتحكم بجهة وثاني مشلولة
اكتشفت ان عيني تدمع لاني مقدر ارمش
(جربو لاترمشون لمدة 10 ثواني) على طول عينك تدمع
وهذا اللي صار
على طول طرت اليوم الصبح للمستشفى
دخلت الدكتور يوم قلتله تغير وجهه
بيني وبينكم بلعت العافية قلت اللــــه يستر
قالي شوف حبيبي
عندك التهاب اعصاب
واعصابك شبه مشلولة
بعطيك ادوية تاكلها
(عشر حبات ورا بعض كل يوم لمدة خمس ايام)
(قطرة عين كانها كريم , تنظف العين وترطبها لاني ماارمش واحتمال تجف العدسة وتروح عيني تميس
)
وعطاني موعد علاج طبيعي (تدليك بالكهرب للوجه)
وعقبها حرمت البس صيفي حتى بفصل الربيع والخريف خخخخخخخخ
على طول اول ماطلعت من المستشفى مريت السوق شريت لي اغراض شتوية(بدري<--
)
والحين اكتب الموضوع وانا لاف عيني بشاش عشان ماتجف العدسه واكلها خابور
ووجهي كله زيت ( ياربييييييييه اكره شي اسمه زيوت وكريمات بالوجه قسم بالله تجيني كئابة
)
ولاف راسي بشال تقول عجيز واللــه
الله الله باللبس الشتوي ونصيحة وانتبهوا من ابو الوجيه والله انه يضيق الصدر ويخرب وجهك(وجهتس)
الله اني بلغت اللهم فاشهد
الوضع المتطور
