الـهـلال سـيــخــســر يــاســر فــي الـحـــالتـيــن ..!! - نادي الهلال السعودي - شبكة الزعيم

عاشق بويعقوب · #1 25/12/2007, 05:54 PM

بسم الله الرحمن الرحيم

السلام عليكم ياأعضاء وزوار شبكة زعيم نصف الكره الأرضيه ..

عارف أنه صار عندكم تشبع من موضوع ياسر لكن هذا اللي رافع أسهم المواضيع في المنتديات الهلالية

, ياسر بصراحة يستاهل لأنه مؤثر بشكل كبير جداً على أي فريق أو منتخب ..

اختلفت آراءنا جميعا بخصوص انتقاله من عدمه ولكن هل فكرتم بايجابيات وسلبيات انتقال ياسر من عدمها ؟
أنا سأطرحها هنا ليكون لكم الاختيار :

فلنفرض أن ياسر احترف فالايجابيه الوحيده ( الفعليه ) لنادي الهلال هي المبلغ المادي ..

أما السلبيه فهي خسارة نجم من أعمدة الفريق في وسط موسم مع عدم وجود البديل ..

أما إذا بقي ياسر في الهلال فالأمور كلها سلبيه وسيكون ياسر مجرد اسم في الملعب كـ( نواف التمياط ) الذي صور لنا الإعلام بأنه لايرغب في الاحتراف وأن المبلغ لايكفي ..!!

مادري وش الأفضل بالنسبة لكم ذهاب ياسر والاستفاده من المبلغ أو بقاء ياسر و ( ذهاب ) مستواه ..؟!

لايلدغ المؤمن من جحر مرتين ..!!

هلالي توب · #2 25/12/2007, 05:59 PM

السلام عليكم ورحمة الله وبركاتة

أهلا بالغالي عاشق بويعقوب , بأطلالهـ ـ رائعه مع تلك الأحداث الساخنهـ ـ

بالفعل ( أختر الحل الصعب ) والاجابهـ ـ صعب اختيارها فـ أحلاهما ( مـ ـر)

لكن نتمنى للكابتن ياسر القحطاني التوفيق في اي خطوهـ ـ يقررها سواء كانت البقاء او الذهاب

اللهم وفق الزعيم فوق كل أرض وتحت كل سـ ـماء

رقصه الموت · #3 25/12/2007, 06:01 PM

بسم الله الرحمن الرحيم
ياسر بن سعيد القحطاني
اسم كبير في عالم كرة القدم
ضحى بمبلغ 25 مليون ريال من
اجل وعد قطعه على نفسه
وهو حبه لنادي الهلال وعشقه لجمهوره
فرفض امول البلوي من اجلكم واليوم الدور
عليكم فضحوا من اجله ودعوه يرحل لكي يرفع
رؤوسنا في الملاعب العالميه لا اريد الاطاله ولكن اتمنى التوفيق
لكل رياضي عادل وناجح ومبتعد عن التعصب الاعمى

0الساحر القناص2 · #4 25/12/2007, 06:05 PM

كلام ينقط من ذهب

يا ذهــــــــ

ـــــــــب

لكن اتمنى ان يكون

ذهاب ياسر والاستفادة من المبلغ

افضل من ان ينزل مستواهــ

وما يستفيد المنتخب منة

شكراا

’,،،,’

MiSs ReRe · #5 25/12/2007, 06:05 PM

السلاام عليكم

خبر رايح خبر جاي مصادر موثوقه اخبار حصريه ... والطريق واحد <<< كل الطرق تؤدي الى روما

يـــــــــــــــــــــــــــــــاســـــر ما رح يحترف .... وانا متاكده من هالشي وهاذا وجهي اذا احترف

بالله عليكم عندكم اداره مثل كذا واعضاء شرف وتبون لاعبينا يوصلون لـ اوروبا ويتطورون ( ايهـ هين بـس )

ضيعو نــــــــــــــو11ف وشوفو الحين ايش صار فيه ... وضيعو الصويلـــــــــــح بعد والله يستر عليه ,, والباقي على يـــــــــــــــــــاسر بـ يضيعونه مثل ما ضيعو التمياط والصويلح

ايش بيستفيد الهلال لو ترك ياسر هالموسم يروح يحترف لـ مانشستر سيتي في الدوري الانجليزي في اقوى دوري في العالم ؟؟؟؟؟؟ خايفين على مصلحة الهلال ؟ قولو لي اول ايش هي البطولات اللي مشارك فيها الهلال هالموسوم عشان يحتاجونه ؟؟؟؟؟

الدوري ولي العهد وووو........ وغيره اذا راحت علينا هالمره تجينا المره الجايه يعني ورانا ورانا في كل موسم ( ما لنا غنا عنها )

ولا يجيني الحين احد ويقولي حفل اعتزال سااامي ... سامي على العين والراس بس اننا نعطل مستقبل ياسر بس عشان مباراة وحده

!!!!! ياما بيلعب مع مانشستر هناك مرتين وقابله للزياده مو بس مررره بعد

وصحيح اني انا ضاااق صدري عشان بس انه مارح يلعب في حفل اعتزال سامي واكذب عليكم اذا قلت ان دمعتي ما خانتي يوم تذكرت هالطاري ..... بس ايش نسوي ( ما باليد حيله ) مثل ما يقولون

وسامي وياسر اعرف لنا بهالشي مني ومنكم كلكم ... ومقدرين هالشي ومحبتهم ما راح تقل لانه ما لعب في حفل اعتزاله يكفي لياسر يدعم سامي لو حتى يكون في بلاد الغرب .... اجل انا احب سامي اروح العب في اعتزاله عشان يعرف قدر محبتي له ؟؟؟؟ :خلوه يحترف والباقي على ربكم وهاذا نصيب ياسر ( واللي كاتبه ربي بيصير )

مو من مصلحة الاعضاء الشرفيين - يماطلون - في احتراف ياسر لان هاذا الشي ما رح ينفعه ولا ينفعهم ولا ينفع المنتخب ولا الكره السعوديه عموما ...... لازم يحطون ببالهم نفسية اللاعب فووق كل شي وحرام يضيعون ياسر كل السنوات الجايه عشان ما يبون يستغنون عنه سنه وحده <<< يعني اختارو تستغنون عنه سنه وحده والا سبع سنوات ؟؟؟؟؟

على كذا اذا كان نظامنا في الاحتراف ما اقول الا عزائي للكره السعوديه وليست فقط الهلاليه .. وشوفو اكبر دليل نشات اكرم - يطحس - سنين عندنا وماحد فكر فيه او بالاصح ( ما عطوهم وجه )

ومن راح للامارات على طوووول طار لاوروبا حتى ما كمل ولا موسم له مع العين والكل يبيه وشوفو نهايته وين بتكون وياسر وين بيكون .....!!!!!!!!!!

~| A z ! z |~ · #6 25/12/2007, 06:06 PM

إقتباس


	أما إذا بقي ياسر في الهلال فالأمور كلها سلبيه وسيكون ياسر مجرد اسم في الملعب كـ( نواف التمياط ) الذي صور لنا الإعلام بأنه لايرغب في الاحتراف وأن المبلغ لايكفي ..!!

كلامك صحيح أخوي ..

وهذا اللي مانبيهـ ..

أبو جنا · #7 25/12/2007, 06:07 PM

أنا أقول إن الهلال رابح باحتراف ياسر مادياً ومعنوياً بحكم ان لاعبنا يلعب بالدوري الانجليزي ويكون لنا الفخر وفائدة للمنتخب وخصوصاً اذا رجع بعد الاعارة بعد احتكاكه بالانجليز بيكون مستواه افضل..

لكن موضوع ان مافيه بديل له قبل لا يجي ياسر حققنا 4 بطولات بوجود الشباب (الصويلح-العنبر) اللي يبيلهم فرصة بس..

مع ارتجالية التايب وليلو..

نايس موضوع

ســـــــــــام9 · #8 25/12/2007, 06:08 PM

لاتعليق

حسبي الله على كل من وقف بوجه احتراف ياسر

حسبي الله
حسبي الله
حسبي الله

فيلسوف · #9 25/12/2007, 06:09 PM

والله من رأيـي الإحتـراف أفضـل له ,,

عندنا الصـويلح ماشاء الله مستـواه في الـتوب وكذلك ليلـو مستـواه جيـد جداً ,,

وارى الإعـارة لموسم أو موسمين بالكثـير , لكـن ياخوفـي يبيعـون بطاقتـه الدوليـة ,,!

مولع مرات · #10 25/12/2007, 06:09 PM

صادق ومشكور على هالكلام المنطقي ..
بس اعتقد علة نواف الاصابات ..

إعلامي معتزل! · #11 25/12/2007, 06:10 PM

أنا اؤؤيد احتراف ياسر بمانشستر سيتي لكن ليس حاليا،، بل اعتبارا من الموسم القادم ويكون التوقيع معه حاليا حتى يرتاح نفسيا ياسر بمستقبله بالوقت الحالي
ويقدم مستواه مع زعيمنا بالفتره الحاليه

رائع · #12 25/12/2007, 06:11 PM

لي عودة على الموضوع

بدر الطويلعي · #13 25/12/2007, 06:11 PM

على الأقل

يحترف خارجيا ياسر ويكسب الهلال ماديا وأيضا معنويا لياسر نفسه

ولو أنه ما أحترف راح يقعد زي ماتقول نفسيته راح تتعب مرررررررة ويندمر في الهلال

نواف في قلوبنا · #14 25/12/2007, 06:17 PM

إقتباس

الرسالة الأصلية كتبت بواسطة أبو جنا


	أنا أقول إن الهلال رابح باحتراف ياسر مادياً ومعنوياً بحكم ان لاعبنا يلعب بالدوري الانجليزي ويكون لنا الفخر وفائدة للمنتخب وخصوصاً اذا رجع بعد الاعارة بعد احتكاكه بالانجليز بيكون مستواه افضل.. لكن موضوع ان مافيه بديل له قبل لا يجي ياسر حققنا 4 بطولات بوجود الشباب (الصويلح-العنبر) اللي يبيلهم فرصة بس.. مع ارتجالية التايب وليلو.. نايس موضوع

اخوي

الهلال حقق 4 بطولات قبل ياسر صح, لكن اللي كان مو جود مو العنبر ولا الصويلح اللي كان موجود المقام السامي(سامي الجابر)

كاكا الناصر · #15 25/12/2007, 06:18 PM

حنا نبيه يروح لأنه بإذن الله يبي يرجع أحسن من أول