(( أعضــــــــــــاء الشرف بيضيعون يــاســــــر )) - نادي الهلال السعودي - شبكة الزعيم

هلالي سبيعي · #1 25/12/2007, 01:27 PM

كفااااااااااااااية يا أعضاء الشرف الوقوف ضد لاعبين الهلال نواف والصويلح وآخرتهاياسر انتم تعرفون
ان الهلال كبير ولا يقف على لاعب واحد
مانشستر سيتي رابع الدوري الأنجليزي وربا يشارك في دوري الأبطال السنه القادمه في حال نجاح ياسر باذن الله
وهذي فرصه ياسر
ربما لن يصبر النادي الأنجليزي ويتعاقد مع لاعب آخر بدل من ياسر ويصرف النظر عن القناص

أعضاء شرف أعضاء شرف أعضاء شرف
الله يصبرنا عليكم

لبـى قلبك · #2 25/12/2007, 01:32 PM

كلام سليم

ياناس عطوه فرصة والهلال باقي بنجومه

al9yyad · #3 25/12/2007, 01:35 PM

عاد لاتصدق كلام الجرايد

الكل يبغى يتمنى لياسر التوفيق والاحتراف

المندسين هم الي اطلقوا هذي الشائعات باعتبار الدوري متوقف ومافي اخبار عن الاندية

ونادي الهلال نادي جماهيري ولاعبينه مادة دسمة للشائعات والناس في اجازة والجرايد اذا ماباعت في الاجازة بتقفل

انا مثلك كنت مصدق ان اعضاء الشرف بعضهم معارض لاحتراف ياسر

ولكن الكلام هذا غير صحيح لان رئيس النادي بنفسه ومعاه تركي المقيرن الي متوجهين لانجلترا

معناته مافي احد معارض ....
وشفت ايضا في قناة Lbc برنامج يلا قول مسترسلين في هذي لاشائعة وكانهم هم الي على حق وادارة واعضاء شرف الهلال على باطل!!!

IأبْرَأهِيمٌوْفِتَشI · #4 25/12/2007, 02:02 PM

إقتباس

الرسالة الأصلية كتبت بواسطة * أبونواف *


	كلام سليم ياناس عطوه فرصة والهلال باقي بنجومه

كلام صح100%

وفي من اعضاءالشرف الحين تحسهوم نصراوين ولا اتشادين قسم بالله

((وانا اقول بعضهم بس مو كلهم))

الزعيـم الهلالـي · #5 25/12/2007, 03:50 PM

الرئيس رئيس نادي الهلال وليس رئيس ياسر القحطاني
أعضاء الشرف لنادي الهلال وليس لياسر القحطاني
مهمتهم البحث عن الأفضل للهلال وليس لياسر القحطاني

أفضل الظروف إذا اتفقت المصالح

ولكن إذا كان هناك ضرر للهلال في احتراف ياسر فالهلال أولى.

وليس من العقل التفريط في منافسة سانحة هذه السنة على بطولة الدوري من خلال التفريط بياسر بدون القدرة على الحصول على بديل مناسب -

ولم أر في حياتي فريق يفرط في أفضل لاعبيه في وسط الموسم وبعد انتهاء فترة التسجيل بحيث لا يستطيع تعويضه - لأجل خاطر اللاعب.

وإذا كان ياسر متفهم للأمور فيعرف إن كان مانشستر راغب في التعاقد معه سينتظر بداية الموسم القادم. مانشستر كان يحاول التعاقد مع نيري كاستيو من ستة أشهر.

أنا أرغب في تعاقد مانشستر ستي مع ياسر - لكن عن قناعة من النادي أي رغبة قوية ومقنعة وليس عن طريق محاولات اقناع النادي - وفي ظروف لا يتضرر منها الهلال.

تحيااتي

الســـ الهلالي ـــهم · #6 25/12/2007, 04:01 PM

إقتباس


	(( أعضــــــــــــاء الشرف بيضيعون يــاســــــر ))

وجمهور ياسر بيضيع الهلال

الزعيم في الصميم · #7 25/12/2007, 04:09 PM

أعضاء شرف ميين

وربي ماعندهم سالفة

وين الوطنية الي يتكلمون عنها ومزعجينا فيهاا ؟؟

لعب بزران يبون يأجلون إحترافة

مانشسر بينتظرونك لـ الموسم الجاي ؟؟!!

يحسبونه الدوري السعودي مافيه إلا يااسر ميتين عليه

الآن وقت الوطنية والتضحية لو فيهم ذرة وطنية

يااسر بيمثل الوطن في أقوى دوري والموسم الجاي راح يلعب في الشامبيز

يكفي بيكون إسم سعودي في أقوى بطوله

y7y7 · #8 25/12/2007, 04:10 PM

يا اعضاء الشرف .. !!

حراامـ عليكمـ .. !!

اولا :: يااااااسر ليس الهلال ... وفيه غيرهـ مهاجمين كثاار .. امثال الصويلح والعنبر و الخراشي .. هذولا شباب لازم نستغل مهارات ومواهبهمـ .. وعندنا ليلو بعد ..!!

يعني خلوا ياسر يروووح .. !!

ولو ما راح بيرجع مكسوور الخاطر .. وما اتوقع يصير مثل مستواهـ الاول ..!!

اعيدها :: ياسر ليس الهلال ...

قبل لا يجي ياسر للهلال من كان يجيب لنا الاهدافـ ..؟

صح ياسر لاعب كبيرر ... واتمنى احترافه ... لكن مو كذا .. تعطل احتراف لاعب .. علشان يجيب لنا اهداف .. !!

شي غريب .. !!

اخووكمـ//y7y7

انترميلان · #9 25/12/2007, 04:17 PM

اتمنى له الاحتراف بغض النظر عن اي اعتبارات اخرى

$هلالي والراس عالي$ · #10 25/12/2007, 04:17 PM

مالنا طريق للتطور الا الاحتراف لكن وش تسوي ببعض الناس اللي راكبه راسها
الله يهدي نفوسهم علينا بس
وانشاء الله ان ياسر طالع طالع لانجلترا الله لا يعوق بشر امين
تقبل مروري

هلالي في جده · #11 25/12/2007, 04:20 PM

لا يكثـر .. !

أعضاء الشرف خايفين على مصلحة الهلال ..

مو مثلكم مشجعين ( لاعبين ) ,,

والله محد بيضيع الفريق الا أمثالكم اللي ما دروا عن الهلال الا يوم جا ياسر !

وبارك الله فيكم يا اعضاء الشرف .. !

أملنـا فـيكم انكم توقفون المهزله هذي !

هلاليه لاخر قطره · #12 25/12/2007, 04:22 PM

اللي يقولون مصلحة الهلال أهم ,,! الهلال على العين والراس بس احتراف ياسر ماهو تشجيعا لياسر بس

هو تشجيع للكرة السعودية والله اللي يقولون الهلال اهم ماعندهم تخطيط للمدى البعيد ,,

احتراف ياسر واستمراره هناك على الاقل لو نص موسم صدقوني بيفتح تاريخ جديد للاعبين السعوديين

يعني مب كله تشجيعا لياسر لا,,

ارجو منكم تفهم الوضع ,,

y7y7 · #13 25/12/2007, 04:24 PM

إقتباس


	لا يكثـر .. ! أعضاء الشرف خايفين على مصلحة الهلال .. مو مثلكم مشجعين ( لاعبين ) ,, والله محد بيضيع الهلال الا جمهورهـ .. ! وبارك الله فيكم يا اعضاء الشرف .. !

اخوووي ...

إقتباس


	عرفنا الزعيم منذ عرفناه أنه الفريق الذي لايعتمد على لاعب واحد رحل الإمبراطور (( النعيمة )) رحل الفيلسوف ((يوسف )) رحل الذئب (( سامي )) وبقي الزعيم لنفكر بنفسية ياسر دائماً يتكلم عن الإحتراف وجاءت الفرصة على طبق من ذهب رابع الدوري الإنجليزي ونحرمه ما أقسى قلوبنا لا نكن سذج غداً سيقال ( إن بقي ياسر ) هذا الهلال يعتمد على ياسر كلمتي لأعضاء الشرف : بكم الهلال هل . أنتم خير من عرف أن الهلال لا يقف على لاعب . فدعوا ياسر يذهب . رجاء من قلوبنا.

من موضوع الاخـ الغالي .. // مبدع الوسط

h_s y t_2008 · #14 25/12/2007, 04:24 PM

هم بالفعل بحرقون المريرة لأعرف مادخلهم بياسر مستقبل وهو حر به

mmsn888 · #15 25/12/2007, 04:30 PM

اعضاء الشرف غلطوا غلطه العمر يوم رشحوا محمد بن فيصل