وش السالفه يالربع - نادي الهلال السعودي - شبكة الزعيم

poet · #1 23/02/2002, 11:25 PM

السلا م عليكم جميعا وكل عام وانتم بخير ياحلى أعضاء في أحلى منتدى:

بعد أنقطاع لأغراض الدراسه ولأسباب شخصيه هاأنا أسل قلمي "قصدي الكي بورد والفاره" وأعود لكم من جديد...وعسى ان شاء الله يدوم التواصل والمحبه يارب....الله يعين على الغربه ويلهمنا الصبر....

وش السالفه اشوف الاخوان طايحين نقد على الرايحه والجايه وكل اشاعه وهم وراها "مع الخيل يابلوند". قبل فتره نواف وهالحين عودنا على طيري اللي وقضبنا فهد وماادري من التالي "يمكن انا"؟؟؟
ياحبايبنا انتم محسودين وفيه بيننا مفرقين جماعات من الحالمي وطقة عبي حجر ياواد فلا تعطوهم الفرصه وتأكدوا من الخبر اولا. مهو بس كذا ونبغى الدليل بعد لأن هذا مهو لعب نتكلم على الناس ونتهمهم. يااخي\اختي افرض انهم مظلومين... بتتحمل\بتتحملي الدعوه لو طلعت عليك من واحد منهم. الله يهدينا واياكم ويرشدنا للحق ويرزفنا اتباعه ويرينا الباطل ويرزقنا اجتنابه ...ودمتم...

العيد عيدي بس جيتك أعايد .... عجزت أخبي داخلي سر الأعجاب
أحمل عبير الورد وأحلى القصايد ... وأمني بشوفتك عيني والأهداب

محبكم\ شاعر المنتدى

famous822 · #2 23/02/2002, 11:40 PM

والله يا اخويpoet ترانا ضعنا ولا احد ينقذنا الا تصريح من احد المسؤولين يوضح فيه كل شي

poet · #3 24/02/2002, 12:02 AM

السلام عليك أخوي famous822 وعيدك مبارك:

التصريح يمكن مايكون صريح...والشي الوحيد هو الأدعاء بالدليل لنتثبت من التهم الموجهه...ونحن نغلب حسن النيه ونقول ماصار شىء الى ان يثبت العكس...ولا نزكي على الله أحد فالأنسان خطأ كما تعلم أخي ...وشكرا لك على الرد السريع...

والله جميله والحلى فيك زايد ... ومهما أبالغ لاتقولين كذاب
شبت بقلبي من عرفتك وقايد... ياويل منهو صابته سود الأهداب

اخوكم\ شاعر المنتدى

سيف الزعيم · #4 24/02/2002, 01:04 AM

هلا اخوي بويت (شاعر المنتدى) وين الغيبات
حمد الله ع السلامه
بصراحه اشتقت لاشعارك الجميله مثلك
وينك تركتني لحالي مع الشعر ابي شاعر يشاركني في المنتدى مالقيت
###########
وانا بعودة صاحبي قمت اعايـد#### يامرحبا بك بين ربعــك والاحـباب
من غبت مالي شف فنظم القصايد#### و اليوم عدت وقمت اشرع له الباب

poet · #5 24/02/2002, 02:19 AM

عيدك مبارك أخوي سيف الزعيم:

والله أني أشتقت لك ولمحبي الشعر في منتدانا "شاعر الهلال والشويعر"

سيف الزعيم الشوق جابن أعايد ... الشوق ياشاعر لمثلك وشرواك

ولكن الله العالم وش الموانع "الدراسه الله يعيننا عليها والغربه تزيدها على النفس هموم" الحكي كثير واللي بالقلب من الغلى أكثر والأعذار ماتكفي لكن الطمع في عفوك أكبر...وعلى هالمسحوب تبدأ قصايد الحزن على فراق الديار والأهل والأحباب- شروى من في منتدانا- وعسى الله يهونها ويرد غربتنا ....أمين....

يابنت ياللي ساكنه دار زايد .... يفداك قلب ماعرف قبلك أحباب
كل العذاب يهون لو كان كايد .... الا عذاب اللي يجافي بلا أسباب

شاعر المنتدى