بسم اللهـ الرحمن الرحيم ..
السلام عليكم ورحمة الله وبركاته ..
أولا الحمد لله على سلامة وصولي للاراضي السعودية
وتراني كنت محترف هناك قبل ياسر
المهم انه توني جاي من بريطانيا مالي يومين الا والاخبار الحلوة تجيني زي البقلاوة
اولهم العفو عن عزيز واهمهم احتراف ياسر وتراني يمكن اكثر من ياسر فرحان << مكثر حمص
يعني اخيرا باشوف لاعب سعودي على الطبيعة بالملعب هناكـ بديارنا
<< متبري منكمـ
ووعد مني اني ان شاء الله احضر كل مباريات ياسر بمدينة مانشستر ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نادي الليزر لطب الاسنان
والله لو يسمون ناديهم كذا يمكن اصرفلهم
والله جمهور اغلبه مايستحي يعني بالله جابوا الليزر بالمباراة الاولى واكلوها ثلاثـ
ويجبونه بعد بالمباراة الثانية
بس صراحة عاجبني لاعبهم ضياء هارون تحس له هيبة بالملعب
الا وينه من زمان ماشفته
لايكون محترف بالدرك الجيبوتي لاني من بعد مباراتنا معهم ماعاد شفته
انا سمعت من مصادري بأسطنبول انه صاحب الليزر دكتور من صبيا وانه مجنون شي اسمه نصر
وماسوى بالدعيع كذا الا لانه يبيه يراجع مستوصفه بنجران اللي ورى مخبز فتاح
بس تكفون اذا بتنشرون الخبر اذكرو المصدر لا يزعلون علينا الشباب باسطنبول
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وصراحة احب اهني نادي الاتحاد بانجازين ..
الاول حصولهم على افضل نادي بالعالم
والثاني وصولهم لمنتديات مانشستر ستي
وماشاء الله عليهم يتكلمون انجليزي احسن من الانجليز نفسهم . وكله كوم و(محمد نور از لاعب كبير مرة) كوم
وش اخبار وليد عبدربه لاني قبل ما اسافر كتبت موضوع انه لو جاء الهلال انا باشجع الاهلي
الزبدة سمعت انه كان متوقف مع ابو عزيز يقولون كان قاطع اشارة .
لا من جد وش كان مسوي قلب الاسد ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعلى طاري صندوق التفاح شفت اليوم مباراة للنصر مع عيال حارتنا
اقصد مع كورنثيانز البرازيلي وشفت لاعب ما شاء الله يقاله موسى صايب .
اعتقد ان الكل يعرفه كان كابتن منتخب الجزائر في التسعينات مو في الثمانيات
يقولون جمهور الليزر انه احسن من التايب ..
والله انهم مريضين من جد طيب كان يقارنونه بابراهيم هزازي يمكن تنبلع
لكن وش نسوي هذي عادات جمهور صندوق التفاح مدري الليزر ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
معليش اني طولت عليكم بس تعرفون جاي من سفر وغربة وطفش قلت خاني افضفض شوي
مع كامل احترامي لجمهور الاهلي العزيز
سي يو <<< عل باله انقلش