|
من سيقود هجومنا بعد ياسر؟؟؟ مسائكم فل ايها الزعماء وان شاء الله نبارك لبعضنا اتمام صفقة ياسر اولا ونجاحها وهي الاهم ثانيا لكن السؤال الاهم يبقى في حال اتمام صفقة ياسر ينبغي على ادارة الهلال ان تأتي بمهاجم في مستوى ياسر لأن هجومنا مع احترامي للجميع باستثناء الصويلح ليس في مستوى الطموحات بتقولون لي ليلو اقول تونا 3 مباريات مو مقياس وان شاء الله انه يعوضنا خير الاهم تجهيز مهاجم فذ لكي لايبان النقص نعم الهلال لايتأثر بغياب احد لكن ياسر لاعب رائع وغيابه يترك بصمه باتأكيد وفق الله ياسر في احترافه ووفق الله الزعيم في مشواره |
اي والله انا معك لازم الاداره تتحرك الحين وتشوف مهاجم بدل ياسر ياسر الله يوفقه ويسهل له دربه خلاص راح |
تبي الصدق مافي مهاجم ممكن يسد مكان ياسر حتى لو كانوا ثنين بالهجوم لا بالهلال ولا بالسعوديه حتى ياسر مافي مثله مع احترامي للجميع :) |
عندك العنبرررررررررررر خوش مهاجم قناص ^^ والله يـ ان بيجيلي الضغط والسكر منه.بس بنتحمل |
هذا السؤال موجـه لـ ابو سلطـان .. ! يستغني عن لاعب بحجم ياسر في نص الموسم ومافي اي بديل له .. ؟! في السعوديه حالياً لا يوجد مهاجم بـ نصف مستوى ياسر .. ! وبخصوص الأجانب ( خلاص فترة الانتقالاات انتهت ) .. وحتى لو انها للحين مفتوحه .. بالله وين نلاقي لاعب بـ مستوى ياسر ؟! اذا عشان ( ليلو ) جلسنا 5 شهور .. فما بـالك بـ لاعب بمستوى ياسر !! :sick: |
عندكم و الصويلح و العنبر ... وعلى فكره الكلثم كان يلعب السنه اللي راحة راس حربه (( هجوم )) ... والله الموفق ,, |
إقتباس:
ياخذ فرصته ونشوف انا اقول لو نفاوض محمد السهلاوي لاعب القادسيه... |
أشكر الجميع على التفاعل بمهاجمينا الحاليين الصويلح هو الأمل القادم مع انتضار ماذا يبدر من ليلو اما العنبر مع احترامي له بدأ من القمه ولكنه للأسف مدري وش حصله هل دب الى نفسه الغرور ام ماذا لا ادري والخراشي ماتابعناه بصراحه خلال المواسم اللي فاتت الا نادر جدا قد يمر اكثر من موسم لايشارك فيه والسعود ما ادري عن مستواه بصراحه الكلثم نعم الموسم الفائت كان يلعب مهاجما لكن اعتقد ان مكانه الحالي ممتاز جدا خصوصا انه لايوجد الان اي لاعب بالمملكه يلعب في نفس مركزه اشكركم جميعا الان فرصتك يالصويلح نعم نحن نعرف ان كفؤا لسد خانة الهجوم نعم انت املنا والعشم فيك خصوصا انك لاعب ممتاز سريع مشلغب جدا رأسك ممتازه قدمك قويه لكن يعيبك الرعونه والتسرع احيانا وهنا تكمن المشكله والتغلب عليها بتوجيهات المدربين ولاعبي الخبره انت املنا يالصويلح |
ياناس ياعالم ليه الادارة تتحرك ؟؟ ودور مهاجمين ؟؟ ياناس ..: الصويلح والعنبر السلطان وفهد المبارك .. والنجم احمد الفريدي .. وين ؟؟ عطو اللاعبين الموجودين فرصه .. يعني الصويلح وليلو .. هجوم عادي ؟؟ لا خطير جدا .. يعني فهد المبارك وليلو .. هجوم ضعيف؟؟ لا هجوم ممتاز .. وقسم على البقيه .. كما قست وستعرفون لماذا لا نحتاج الى مهاجمين .. المشكله اللي عندنا في الدفاع .. مستوى تفاريس انخفض شوي .. ونامي والزوري 10 على 10 بس نامي القوه الجسمانيه ..هي مشكلته .. الخثران والمفرج .. الله يستر .. من الاغلاط .. .. |
البركه ان شاء الله في ليلو والصويلح او الخراشي |
عبدالعزيز الكلثم وين راح هو أصلا مهاجم رأس حربه |
blou chip انا اتفق معك في ان يجب اعطاء الفرصه للشباب باستثناء العنبر مع حبي وتقديري له لأنه اعطي الفرصه وللأسف فرط بها ولغيره الاحقيه في استغلالها الصويلح ليلو الخراشي السعود هم املنا عطوهم وخصوصا الشباب عطوهم فرصه خلهم يثبتون وجودهم والدفاااع لاادري بعد تيفا ماذا يحصل |
| الوقت المعتمد في المنتدى بتوقيت جرينتش +3.
الوقت الان » 12:35 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd