23/12/2007, 10:54 AM
|
| زعيــم جديــد | | تاريخ التسجيل: 10/07/2007
مشاركات: 19
| |
| @فرانشيسكو توتي@
اولا حياك ياغالي وانورت الموضوع ......
حبيت اعلق على ماطرحت ......
واذكرك بشيء يثبتلك انه مهما كان تبقى وطنيتنا فوق كل شيء ......
تذكر الكابتن سامي يوم احترف بالدوري الانجليزي ....؟؟
اكيد كلنا نذكر ......
طيب تقدر تنكر انه مقاهي الرياض واستراحات الرياض وغيرها من المدن ماكانت مزحومه من الشباب الي يتابعون الدوري الانلجيزي عشان يشوفون سامي لانه لاعب سعودي قبل يكون هلالي ؟؟؟؟؟؟
انا اذكرها صدقني ياغالي جلست بجلسه وعلى يميني وعلى يساري جلسات وكلها مليانه ولا فيها واحد هلالي ؟
مهما كان الوطنيه مزروعه فينا وحبنا للوطن يخلينا نوقف مع اي لاعب سعودي وقبل كل شيء ديننا يعلمنا كذا ...
انا ابي منك خدمه وياليت تسويها ياغالي ,
ان شاء الله بعد مايوقع ياسر ابيك تشوف احد اقاربك اتحادي او نصراوي او غير كذا .
ومن الناس الي تشوفه انت متعصب .....
وتكون متابعه انت او تتصل عليه لحظة اول مباراه لياسر واسأله وقول له وين انت .. او وش تتابع ....
او تقابله انت شخصيا وتشوف بعينك .......
صدقني يهمه امر ياسر ويهمه يكون ياسر في احسن حالاته ......
ياعزيزي مشكلتنا في إعلامنا .....
صنع فينا احزاب وشللية مهما فعلنا ماراح نقدر نكسر اسوارها ....
ولو شفت شخص ميوله نصراويه او اتحاديه او اهلاويه . يتكلم بكلامي لاتستغرب .
الوعي مطلب ياغالي .....
ويوم تقول تكلم عن حالك ... ذكرت لك بالموضوع اني اتكلم عن العقلاء والنابذين للتعصب .
يابن الحلال شف الشيبان عندنا .. من يوم يشوف الواحد فينا قدام الشاشه وبس يحرق اعصابه وش يقولون
يقولون لك ...( تراهم مادروا عنك اركد بس )
مشكلتنا ياغالي وزي ماذكرت لك الإعلام .....
لأنه صار احزاب ...
الهلالي مايشتري الرياضي وشمس ....
النصراوي والاتحادي مايشترون الجزيره والرياض ....
الهلالي مايستمع لتعليق فلان وفلان
النصراوي مايستمع لتعليق فلان
مادري ماتشوف انها حالة سٌقم عايشينها ......؟؟
مثلا الي ذكرته انت بأنه طرح لقطه ضياع البلنتي لياسر في موقع المان ستي .....
بالله عليك انت من جدك تتحامل عليه ؟
يعني اسالك بالله تتوقع الانجليز اغبياء الى درجه انهم يقيمون لاعب من ضربة جزاء .؟؟
الدوري الانجليزي من اعرق الدوريات بالعالم .. ولا اعتقد ان لقطة فيديو لضياع بلنتي تتحكم في صفقه ؟؟؟
والي طرح هاللقطه صدقني مع احترامي لشخصه لكنه غبي كرويا وعديم وطنيه ..
والمفروض ماتزعل لا انت ولا اي شخص ..
لأن اعظم لاعبي الكره ضيعوا بلنتيات وماتوقع انك تحتاج لقائمة اسماء .....
عشان كذا وسع صدرك ..
ياسر بيحترف ان شاء الله ويصير فاتحة خير لنجوم المنتخب .. وللدوري السعودي ...
بكره اوروبا تاخذ فكره ممتازه عن اللاعبين السعوديين ونشوف بكره اربعه خمس لاعبين محترفين في اوروبا
واربع سنوات او خمس سنوات بالكثير ننافس على مراكز متقدمه بكأس العالم ليه لا .؟
حسين ياسر وميدو افضل من ياسر ؟؟؟؟؟
صدقني فرق شاسع مع احترامي الشديد لأمكانياتهم .....
خذها مني ياغالي ياسر اذا شاء الله واحترف ....
راح يمشي بدربه اقل شيء خمسه او سته من لاعبين المنتخب ......
واشكر كل من اضاف تعقيبه هنا ... ودمتم بصحه وعافيه |
الوضع العادي
