نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   أبغى كل عضو يدخل .. يقول من اللاعبين الهلاليين أو غيرهم اللي شافهم في حياتـــــــــه ووين شافهـــم ؟؟؟؟؟!!!! (http://vb.alhilal.com/t508837.html)

حيادي بطبعي 21/12/2007 11:17 AM

أبغى كل عضو يدخل .. يقول من اللاعبين الهلاليين أو غيرهم اللي شافهم في حياتـــــــــه ووين شافهـــم ؟؟؟؟؟!!!!
 
نعيش في هذه الأياام فترة من انتعاااش الأخبار !!!!!!!
تطورات ياسر في مانسشتر سيتي ... رفع الإيقاف عن عزيز .... الهلال في الدوري .. المبايات المقبلة وصعوبتها ... هذا غير ما يحدث في الكورة العالمية .. يوم الأحد ديربي إيطاليا .. ديربي الغضب بين الإنتر وميلان .. وكلاسيكو الليغا الإسبانية بين برشلونة والرياااال ... في خضم هالأحداااااث ووسط هالمعمعة أقترحت هالموضوع الخفيف واللي اعتبره ترفيه .. ونوع من ((( الترويق )) .. خلونا نبعد عن هالأحداث شوي .. وندردش بهالموضوع ...

أبغى من كل عضو يدخل على هالموضوع يقول منهم اللاعبين السعودين أو غيرهم اللي شافهم في حياته ووين ( طبعا بعيد عن التدريبات والمباريات .. لا يجي أحد الأعضاء ويقول لي شفته بالتدريب الفلاني أو بالمباريات الفلانية ) أبغى ... تكوون شفته شخصيا مثلا عند إشااارة أو بأحد المحلات .. أو غيره ....
خلوني أبدأ بنفسي :
أنا مثلا شفت من لعيبة الهلال الملك .... الفيلسووووف يوسف الثنيان ... ولم أشاهده في الراياااض وإنما شاهدته في القصيم وفي بريدة تحديدا ...
قبل 7 سنوووااات .. يوم لن ينسى في حياتي .... فقد دخلت أحد محلات الرياضة هنااااك وصدفة وجدت يوسف أمامي :bigeek::bigeek::bigeek::bigeek::bigeek::bigeek::bigeek::bigeek: ... أنا ويوسف بالمحل بس ... يا جماعة قسم بالله إلى الهندي حق المحل عرفه والله ... المهم ارتبكت شوي لكني سلمت عليه وسألته وجلست معه قرابة الــ 10 دقايق لا يمكن أن أنساها في حياااااتي .. وذيك الأيام ما كان فيه جوااااااال أبو كاميرا ولا والله كنت أخذت معه 100 صورة !!!
من اللاعبين اللي شفتهم كذلك خااالد التيماوي ... كا في سيارته في أحد شوااارع الراياااااض وذلك كان قبل 5 سنوااااااات .. كذلك شاهدت فهد الغشيان تقريبا قبل سنتين في مطعم صيني في الرياااض حق العليا ....
أما من لعيبة الأندية الأخرى شفت رضا تكر بأحد محلات الفول بالرياااض ( البابصيل ) ههههههه :clapping::clapping::clapping::clapping: وكان يضرب من هالفووول هو وخويه .. وكان في أحد مباريات الاتهاااااد في الريااض العااام ..
أيضا شفت حسين عبدالغني بالحج قبل سنتين ......... شفت كامل الموسى وأحمد الموسى وطلال خيبري لاعبين الوحدة في مطعم البيك في مكة اللي بشاارع الستين ...
كذلك شفت وليد عبدالله هالأيااام وكان لابس كااااب وكان طويل طويل طويل بشكل غير طبيعي ...

هاه يا جماهير فيه أحد قد شاااف لاعب ووده يقول منهو ؟؟؟ ووين شاافه ؟؟؟

هلالي ورااسي عاالي.. 21/12/2007 12:02 PM

انا شفت التيماوي قبل خمس سنوات بالحرم بس القهر اني ما سلمت عليه

آسر ياقلبي 21/12/2007 12:03 PM

أنا شفت نواف التمياط وطلعت معاه وتمينا ساعه كامله نتمشى بالسياره انا وهو وعمي

هلالى طرابلسى 21/12/2007 12:05 PM

طاااااااااااارق التائب...............وفى داخل وخارج ليبيا

تحياتى

أكبر مجنون هلالي 21/12/2007 12:08 PM

إقتباس:

الرسالة الأصلية كتبت بواسطة حيادي بطبعي (مشاركة 7227070)
كذلك شفت وليد عبدالله هالأيااام وكان لابس كااااب وكان طويل طويل طويل بشكل غير طبيعي ...

يا أخي أذكر الله طيب !!! طويل طويل طويل طيب قول ماشاء الله صدق عيون الناس هالأيام ما ترحم

لا تزعل مني بس هذا شي يزعل ...

وبالنسبه لسؤالك ...

قابلت لاعبين ...

محمد خوجه بأحد مقاهي المدينة ...

و ياسر القحطاني عند إشاره بالرياض الساعه 10 الصبح وسلمت عليه و سرت آخذ معاه وياخذ معي

وماشاء الله عليه أخلاق ياخذ ويعطي مع الجماهير ...

الله يوفقه ...

الـ@ـلال 21/12/2007 12:12 PM

انا شفت جميع لاعبين الهلال بمطار الملك خالد الدولي

عاشق زماني وزمانك 21/12/2007 12:17 PM

انا شفت يوسف في الحرم

النجوم الزرق 21/12/2007 12:20 PM

أنا بشكل شبه أسبوعي أشوف الثنيان أنواع الهجوله أبويعقوب خخخخ والجمعان قبل سنتين كان كل يوم أربعاء أخر اللي يجي للدمشقيه بحي الملك فهد ويتعشى وسلااااااااام

ابو هلالي 21/12/2007 12:30 PM

انا شفت حمد المنتشري واسامه المولد في صراف الراجحي الي في العليا يوم المباراة النهائية
بين الهلال والاتشاد

عزتي في سمو ذاتي 21/12/2007 12:34 PM

والله وانا اخوك ..
انا شفت الثنيان كذا مره ..
طبعا شفت أبو عبدالله ( سامي ) .. عند حلاق في البديعه ..
ياسر برضوا كذا مره شفته .. واخر مره شفته .. قبل مايروح لدبي .. عند النادي ..
طارق التائب .. في مركز سليمان الحبيب ..
برضوا حسين عبد الغني .. في احد منتزهات جده ..
عبدالله الجمعان .. برضوا في منتزه في الرياض ..
سعد الحارثي .. بس مااذكر وين .. المهم يعني انه من فتره طويله ..
الحقباني .. ونشأت .. في غرناطه ..
أحمد الصويلح .. في غرناطه .. ومقهى القرش ..
عبدالله مضواح والبريهي الله يذكرهم بالخير .. شفتهم في الفانتزي لاند ..والله لاعبين كثير ..
بس هذا اللي اذكر ..

ENG.tareq 21/12/2007 12:34 PM

أنــــا دايــــما أشـــــوف طــــارق التايب في أحـــد المقاهي دايما متكي فيه :)

حمد الاحبابي 21/12/2007 12:40 PM

شفت سامي الجابر أكثر من مرة في مدينة العين

في فندق روتانا العين وفي بركنج ملعب القطارة

بس للاسف لم اشوف يلعب

مفلوق ببلوكهـ 21/12/2007 12:44 PM

انــا شـفــت ((ســامــي الــجــابــر)) وكاان قدامي طووول الطياره كاان رايح لباريس وكان معي بنفس الطياره الله يوووم لا ينسى بحيااااتــي
ووشفت ياسـر القحطانـي بالمطار هو وجمييع اللاعبين بعد مباراة الكويت الكويتي باستقبال المطار

منيف الزناتي 21/12/2007 12:46 PM

انا ماشفت احد لأني بعيد عن الرياض والدمام وجده

!!*^*Bo0o0oRy*^*!! 21/12/2007 12:49 PM

انا شفت ماجد عبدالله بأحد منتزهات جده .. ومحيسن الجمعان بصحارى ..!

وحسين عبدالغني وياسر المسيليم وتركي الثقفي ومالك معاذ بجده ..!

وشفت سياره سامي عند ستاربكس اللي بطريق الملك عبدالله بس ماشفته هو قهر خخخخخخخخخخخخخخخ


الوقت المعتمد في المنتدى بتوقيت جرينتش +3.
الوقت الان » 12:29 PM.

Powered by: vBulletin Version 3.8.7
Copyright ©2000 - 2017, Jelsoft Enterprises Ltd