المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #421  
قديم 24/12/2007, 10:20 AM
زعيــم متواصــل
تاريخ التسجيل: 05/11/2006
مشاركات: 52
السلام عليكم جميعااااا

يعطيك العافيه على الموضوع الرايق ياحلوووو،،،

**
*


اللي قابلتهم هم ،،


تذكرون اللاعب الاهلاوي ، اللي كان برضو مع منتخب الناشئين اللي خذو كاس العالم؟

اذا ماخانتني الذاكره اسمه ،، خالد الرويحي ،،
هذا اللاعب،الله يرحمه، سلمت عليه ولعبت معه كوره ( طقطقه ) لمدة عشر دقايق تقريبا
وكان وقتها عمري 10نوات تقريبا ، وكان خلوووق جدا ويعاملنا ( الأطفال )
بكل ذووق وحنـيـّـه ،، الله يغفر له ويرحمه
وطبعا ، قابلته في دوري حواري في جده ، وكان معه أكثر من لاعب أهلاوي بس ما أذكرهم بصراحه


** تذكرون تلفون الـ(عمله) اللي كان بالشوارع واذا حبيت تكلم تحط فيه قروش وتكلم؟؟
تدرون من شفته يكلم بهالتلفون؟؟؟

لاعب الهلال الكبير


طارق العواضي خخخخخخخخخخخخخ <<< أبيض وأسود قدييييييييييييييييييييم

ومن زود الحلا بعد، كان لابس شورت هع هع هع هع هع هع


** شفت الامير بندر بن محمد في فترة رئاسته للنادي ، عند الاشاره وكانت قبل مباراة الهلال والنصر
بيوم واحد ،اللي تعادلنا فيها ( بلنتي الكاتو يوم خوجلي يشقل الكاتو داخل الثمانطعش )
وسلمت عليه وكنت متحمس ، والامير بندر ماقصر بعد زودني حماس خلاني اتحنط بالمدرجات من قبل صلاة العصر خخخخخخخخ


**شفت لاعبين الاتحاد كلهم في الطياره من الرياض الى جده بس ماسلمت عليهم لانهم كانو تعبانين ،


*** قابلت حمد المنتشري و مناف ابو شقير و حمد الصنيع في فندق بـ دبي
سلمت على منتشري وسألته وش عندك هنا قال انه جاي يصور اعلان تجاري، و شطفت مناف ابو شقير بطريقه
رهيييبه سحبته فيها على وجهه لانه كان يعتقد اني بسلم عليه بس ماحصل له الشرف خخخخخخخخ
ياكرهي له مناف ولا يهون حمد الصنيع هع هع هع هع

** قابلت خالد قهوجي في الرياض ايام عزه بالاهلي ، وكان على لكزس 400 والمشكله ان فريقه الاهلي كان عنده مباراه في نفس اليوم في جده بس الظاهر انه كان معطيهم الخامس وساحب عليهم ،


** محمد خوجلي شفته في مطعم بخاري بعد هزيمة النصر من الاتحاد خمسه صفر
وماكان ودي ابد اني اسولف معه ، ولكن قلت ياولد خلني أضيق خلقه شوي ،
ناديته: كابتن محمد ، التفت علي وهو متحمس وقال ، هلا والله،، أشرت له أنا بيدي ورافع اصابعي الخمسه
وقاعد اضحك عليه ، قالي ، تبيني اطقك؟( قالها وهو يمزح )، طبعا عقب هالكلمه
ندمت اني عطيته وجه ، و وعدت نفسي اني ماعودها خخخخخخ

** قابلت ماجد عبدالله مرتين وبصراحه هالنجم محترم وخلوق جدا


** قابلت ياسر الياس في مطعم ( جمبري ) قريب من التخصصي
وكان معه اثنين ماعرفتهم ، اخصائيين لياقه او شي مثل كذا




واللي من جد بخاااطري اقابلهم ، واقعد معهم واسولف هم ،،

الذيب سامي الجابر

يوسف الثنيان

فهد الغشيان









آسف جدا على الاطاله ، ولكن بصراحه انا مستمتع جدا بالموضوع
اضافة رد مع اقتباس
  #422  
قديم 24/12/2007, 10:30 AM
زعيــم متواصــل
تاريخ التسجيل: 05/11/2006
مشاركات: 52
نسيت اذكر بعد


*** خالد عزيز ، لعبت معه كثير وكانت تجمعني فيه علاقه طيبه جدا قبل مايدخل النادي ، ولكن الان انقطعت العلاقه واتمنى انها ترجع
وعلى فكره ،، اللي مايعرف خالد عزيز من زمان ،، خالد كان يلعب خلف المهاجمين ، وكان لاعب مهاري جدا جدا جدا جدا جدا ، وأول ماسجل للزعيم
لعب في مركز الظهير الايمن ، وشفته بعدها بفتره وقلت له وش هالمركز االبايخ هههههههه قالي وبالحرف والاحد ، قناعات مدرب خخخخخ
والحين ماشاء الله عليه افضل محور موجود


*** لعبت ضد ناصر حلوي مباراه ،، ناصر أيامها كان لاعب بالنصر ،،لاعب فاشل مهارة و اخلاق


** لعبت ضد بندر المطيري اكثر من مره ، برضو لاعب فاشل مهارة و أخلاق

** لاعب النصر المحترف ، خوليو سيزار ، كانت تجمعني فيه صداقه جميله ،


** لاعب الهلال السابق ، قلب الدفاع ، خالد القاسم ، لعبت معه و ضده اكثر من مره ( مافي راسه كوره ) خخخخخخخخ

** طبعا ، قائد دفاع المنتخب والهلال سابقا ، القيصر ، صالح النعيمه ، قابلت وااااجد


** خخخخخ والله كنت راح انسى،، لعبت ضد زين الدين نزهان خخخخخخخخخ تذكرونه؟؟

ياحليله النزهان ، من ايامه بالهلال ، لعبت ضده هو واخوه، طبعا مباراة حواري، المهم
ثاني يوم لقيت بجريدة الرياضيه ان ادارة الهلال تخصم من راتب محمد النزهان لانه لعب بالحاره خخخخخخخخخ




زورونا ، مرة أخرى

اخر تعديل كان بواسطة » عـبـاشـي الـهـلالـي في يوم » 24/12/2007 عند الساعة » 10:38 AM السبب: تعديل
اضافة رد مع اقتباس
  #423  
قديم 24/12/2007, 10:31 AM
زعيــم متألــق
تاريخ التسجيل: 07/08/2007
مشاركات: 1,143
اللي قابلتهم جميع لا عبين الهلال وصورت مع ياسر القحطاني قبل سنتين

وصورت مع اللتون لاعب نادي النصر هذي السنة
اضافة رد مع اقتباس
  #424  
قديم 24/12/2007, 10:37 AM
الصورة الرمزية الخاصة بـ The Big Blue
زعيــم نشيــط
تاريخ التسجيل: 07/10/2004
المكان: الرياض
مشاركات: 663



أنـا أشوفنـي كل يـوم
اضافة رد مع اقتباس
  #425  
قديم 24/12/2007, 11:02 AM
زعيــم متواصــل
تاريخ التسجيل: 25/07/2007
مشاركات: 60
انا شفت أبو عبد الله ( سامي ) في النادي ،، حتى اني حبيت راسه
( ياسر ) في النادي بس ما قدرت اتكلم معه لان كان زحمه
( خالد عزيز ) في النادي ،، ( عمر الغامدي ) في النادي ،، ( الخثران ) في النادي
( المفرج ) في النادي ،، ( العتيبي ) في النادي ،، ( رود ريقاو ) في النادي
( تفاريس ) في النادي ،، ( طارق التائب ) في النادي ،، ( نواف التمياط ) في النادي
اضافة رد مع اقتباس
  #426  
قديم 24/12/2007, 11:50 AM
زعيــم مميــز
تاريخ التسجيل: 09/03/2007
المكان: جوكر....في كل مكان
مشاركات: 1,551
للأسف
ما شفت الا يوسف الثنيان في صيدليه النهدي في حي الملك فهد
اضافة رد مع اقتباس
  #427  
قديم 24/12/2007, 12:00 PM
زعيــم متألــق
تاريخ التسجيل: 04/12/2006
مشاركات: 1,437
انا عني شفت الاسطوره سامي الجابر عند حلاق في البديعه بالتحيد في شارع الجيل ...

وفي رمضان اللي فات شفت الاخطبوط محمد الدعيع واقف ومعه بناته عند محل العاب بلاي ستيشن ...

وبعد شفت اللاعب الخلوق فهد المفرج في مسجد حارتنا صلاة المغرب
هذاك اليوم مانيب ناسيه بزارين الحاره سوو جمهره عنده وهو انحرج من شياب المسجد

ومره شفت الموهوب محمد الشلهوب وكان راكب معه اللاعب احمد الدوخي (قبل لاينتقل) عند مطعم الشراع اللي في البديعه...


ومن اللاعبين غير الهلاليين مره شفت حارس النصر السابق محمد خوجلي في مطعم ماكدونالدز
كان لابس تي شيرت برشلونه وعليها رقم عشره(مسوي راس حربه الله يهديه)
اضافة رد مع اقتباس
  #428  
قديم 24/12/2007, 12:14 PM
زعيــم فعــال
تاريخ التسجيل: 22/10/2007
مشاركات: 201
أنا شفت لاعبين كثير قدامى وبعضهم مازال يلعب للآن منهم (محمد الطعيمي لاعب وسط الهلال السابق) وعبد الرحمن بن عمر(الله يرحمه) واخوه عبد الله(بن عمر الصغيرمهاجم الهلال السابق)وسلطان بن نصيب ومحسن بخيت وكنت اتابع تمارين الهلال قرب وزارة العمل بالملز وشفت مرشد العتيبي وشفت حسن النمشان والبيشي والموينع في معرض سيارات يدورون سيارة وسامي الجابر مرتين يعرض سيارات هدايا للبيع وآخر من شفت الثنيان بالقاهره جاي لمطعم مندي بالمهندسين
اضافة رد مع اقتباس
  #429  
قديم 24/12/2007, 02:18 PM
الصورة الرمزية الخاصة بـ AC هلال
زعيــم نشيــط
تاريخ التسجيل: 10/02/2007
المكان: نصف الأرض الهلالي
مشاركات: 945
أنا بصراحه شفت أربع لاعيبه، اثنين من الهلال وواحد من النصر وواحد من الشباب، نبدأ بالهلال (طبعاً لأنه صاحب الأولوية في كل شي) المهم ، شفت التيماوي قبل ثلاث سنوات في مدرسة اليرموك عندنا في جنوب الرياض قاعد يتكلم عن الرياضة والفائدة منها وبصراحه كانت القاعه مليانة على آخرها وشفت عبدالله الجمعان في خبيتي في أحد الاستراحات برضوا عندنا في جنوب الرياض وشفت محيسن الجمعان قاعد يغسل سيارته مع أولاده الصغار (بصراحه سمعته يركز على أن الهندي يحط ستوب )هههههه وشفت بدر الحقباني لاعب نادي النصر سابقا ولاعب نادي الشباب حاليا في العليا في مقهى القرش للبلياردو أكيد الكثير يعرف هالمقهى .
اضافة رد مع اقتباس
  #430  
قديم 24/12/2007, 03:04 PM
زعيــم نشيــط
تاريخ التسجيل: 05/11/2004
مشاركات: 715
موضوعك جميل

الصراحه انا كنت اقابل ياسر دايم وبالذات في مجمع الراشد

وكنا جيران مع لاعب الاتحاد سعود كريري قبل ينتقل للاتحاد

بس كان اسمه عندنا في الحاره مسعود !!
اضافة رد مع اقتباس
  #431  
قديم 24/12/2007, 03:13 PM
زعيــم فعــال
تاريخ التسجيل: 07/07/2005
المكان: ماتيلدا
مشاركات: 498
Talking

شفت فيصل ابو اثنين في مستشفى الملك فيصل التخصصي ....

شفت ياسر بالطيارة كان حولي طول السفر الى فرنسا وماصدقت حتى الان وكان معه سامي ...

شفت عمر الغامد بمسجد الراجحي بصلاه العيد ......

وبس ......


.

.

.
اضافة رد مع اقتباس
  #432  
قديم 24/12/2007, 03:16 PM
زعيــم نشيــط
تاريخ التسجيل: 05/08/2007
مشاركات: 753
موضوع جميل للاسف انا ماشفتهم الا بالملعب.
اضافة رد مع اقتباس
  #433  
قديم 24/12/2007, 03:21 PM
الصورة الرمزية الخاصة بـ abo arab
زعيــم نشيــط
تاريخ التسجيل: 04/09/2007
المكان: في قلب الزعيم
مشاركات: 767
انافهدالمفرج بحارتناوشفت الخثران بصلاة العيد
اضافة رد مع اقتباس
  #434  
قديم 24/12/2007, 03:57 PM
الصورة الرمزية الخاصة بـ عاشقة سهم القناص
زعيــم فعــال
تاريخ التسجيل: 25/12/2006
المكان: إْلـهلآإل إْلنـآبض
مشاركات: 383
_^_

آللهـ يآحظكم مآودي لآسلم عليهم ولآ آسولف معهم >][ عآرفه آنهآ مآتقدر ههههههههههه

بس ودي آشوفهم قهر صدق آلنآس حظوظ مآلت علي بس
اضافة رد مع اقتباس
  #435  
قديم 24/12/2007, 05:02 PM
زعيــم متواصــل
تاريخ التسجيل: 11/09/2006
مشاركات: 140
انا شفت الدعيع في بيت اهلة يوم وفاة امة اللة يرحمها بالعزاء
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:08 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube