انا شفت احمد الصويلح يتابع مباراه لفريق بحارته في احدى دورات الاحساء
ولعبت ضد سعد الذياب يوم كان كابتن لناديه الطرف
احمد المبارك كنت معه بنفس النادي اللي هو العداله
وقابلت محمد بوعذاب لاعب الحزم بجلسة ساااامري وكان لابس شعار ناديه
عبدالعزيز الكلثم يوم كان بنادي الجيل لاعب ضده

والله ردووووووووود راااائعة

انا قابلت كل من
الثنيان : وكان بسامبا فرع العليا يومها كنت سكيورتي وابو يعقوب منبلش بسيارتة بطاريتها فاضية وما مشت الا باشتراك وفي نفس المكان فرناندو اخصائي العلاج
سامي والمسعري: كانوا بسيارة كشف بطريق خريص في عز القايلة
الدوخي : ببقالة في الجرادية يوم كان مع الهلال
ليتانا : عند اول اشارة بعد اشارة ميد اللي باول العريجا ( الدخل المحدود) كان طويل ومعاة سيارة هاتشباك(الظاهر كان راكب ورا وهو يسوق)
اسامة المولد: بمزمار في جدة
الغنام : بمجمع التخصصي بالرياض مو المستشفى لا تبع الجوالات شمال يورومارشية كنت شغال في محل يومها وقابلت هناك بندر المطيري - عبدالله الجمعان - باكيتا - احمد العجلاني
التمياط: يوم اعرس كنت معزوم ( واسطة قوية ) وبطريق الملك فهد كمان مرة
محمد بن فيصل - والصويلح وما اذكر من معاهم : يوم زيارتهم بمستشفى الامل يومها كنت مصور العلاقات العامة وقاعد اقول لابو سلطان : طال عمرك ابيه يركز عشان اخذله صورة
كريري والصادق والنتيف : بمطار جدة ومسلم عليهم شرقي كنهم يعرفوني بس للامانه اخلاق
فهد الخطيب : لاعب الاتحاد وكابتن الاولمبي سابقا : كان زميل دراسة بجدة بمتوسطة المامون ومعانا ماجد الجهني لاعب طائرة الاهلي وعيال حارة وحدة
فوزي الشهري وعبيد الدوسري : كانوا اصحاب ابو نسب وياما تكينا مع بعض وبلايستيشن 1 الدوري الياباني 3 و 4
هذولا اللي اذكرهم
وشكرا لك صاحب الموضوع

عمر الغامدي عند نادي ارامكو اخذتله صوره معي اخوي الصغير
وماجد المرشدي في البر بالثمامه معه ربع وقاعد يدور هههههه

انا شفت لاعب نادي الاتفاق وليد الرجاء بشارع الرياضة بالدمام عند الاشارة راكب سيارتة افلون ابيض

ونقز واحد من اخوياي قام يجاملة وقالة انت ياوليد والله انك لعيب ووليد يرد علية الله يسلمك

وجيك انا وقولة وليد قال هلا قلتلة والله ماعندك الا الدجة <<<< مسوي زاحف ذاك اليوم بس اهم شي قلت الصدق

ومرة شفت صالح بشير جاء يسلم كاس بطولة في حواري الدمام ويوم انتهت المباراة قام يبي يسلم الفريقين

تدري وش سوو الكابتن حقين الفريقين كل واحد منهم راح وخذ مداليات فريقة وراحو خلوه وهو يطالع يبي

احد يجي يتصور معه وسيفون

وشفت مرة عبدالعزيز الهليل قاعد ينكتون على بعض هو وواحد اتحادي

ياسر المسيليم 24ساعه اشوفه تدرون الجار بالجار
هو جارنا
وكذا مره يجي يزورنا في المدرسة

وكذلك واصل الحيز لاعب القادسية سايقا ولد عمي

انا شفت ،، نواف التمياااط ،،

وكاان معه لكزس ،، الكلام هذا مدري متى بس من زمان على ايامه

وناظرت فيه \ وهو يبتسيم يالبه قلبه \، / بس ما امداني ، اسلم عليه

انا شفت يوسف ايام شبابه يعني قبل 16 - 17 سنه

وعطاني هديه كانت كتيب صغير فيه جدول الدوري

وشف الحقباني 4 ايام عيد الفطر في مطعم زيت وزعتر الي عند العزيزيه

وشف كل لاعبين الهلال في استاد الملك فهد يلعبون

ههههههههههههههههههه


ديو

انا شفت عبدالله الواكد وسامي الجابر في باريس في الشانز

شفت ياسر القحطاني في زارا في الرياض
وشفت الثنيان في عزيمه

انا شفت عبدالله الجمعااان من زمااان في الحديقه الجميله

وشفت احمد الصويلح مرتين في المملكه ..

ومرره برضو شفت يااسر في المملكه ..

وشفت كل لاعبين الهلال في المطاار

-انا قد مرة شفت نواف التمياط بمسجد بحي ام الحمام جنب مدرسة كنت ادرس فيها
كان نشاط عندنا مسائي وشفته بعد صلاة المغرب وكان يتسنن ..

-وقبل ماينتقل الدوخي للاتحاد شفته بالرياض بطريق التخصصي كنت منزل اهلي مشغل نسائي هناك
وفجأة لقيته شورت وكاب وحالته غريبة وكأنه محشش .. كان معه جيب بورش ابيض وفقع بوجهي

- فهد الغنام بعد شفته بمقهى بحي المروج اسمه الكهف كان يتابع مباراة للهلال وفريق سوري
نسيت اسم الفريق بس كانت في بطولة دوري ابطال العرب .. كنت على بعد كرسيين منه
خويي فكها ميانه معه قاعد يسولف هو وياه .. بس انا كنت مسوي ثقل هههههه

-الأمير بند بن محمد في فترة رئاسته الذهبية شفته في فندق الشيراتون بالرياض برمضان
شفته عالافطار كان بوفيه مفتوح .. بصراحة كان يفتح النفس عالأكل .. وبعد صليت جنبه بالصف الأول
بعد الافطار .. الغريب انه جاي هو وخويه بس مامعهم احد ..

- ناجي مجرشي لاعب الشباب والمنتخب اشوفه غالبا عند صديق لي يجيبه ونطقطق بلايستيشن
بس والله خلووق وماشاء الله عليه سريع سريع في الركض ماقد شفت لاعب سعودي اسرع منه


ثانكس عالموضوع ورده

مره شفت احمد الصويلح بكوفي بشارع التحليه برياض

ومره شفت يوسف الثنيان قبل يمكن 9 سنوات ...

انا شفت عمي سامي الجابر
وشفت النعيمه