أبغى كل عضو يدخل .. يقول من اللاعبين الهلاليين أو غيرهم اللي شافهم في حياتـــــــــه ووين شافهـــم ؟؟؟؟؟!!!! - صفحة رقم 12 - نادي الهلال السعودي - شبكة الزعيم

ذيـــب بـــس حبــيـب · #166 21/12/2007, 11:39 PM

أناشفت ياسر نهاية السنه الماضيه كان موقف عند مدرستنا

يبي يجيب ولد اخته

و كان موقف قدام سيارتي و كل الطلاب ياخذون توقيعه و يصورون معاه

%مخلص للزعيم% · #167 21/12/2007, 11:40 PM

أنا ياخوي شفت كل لاعبي الهلال الحاليين عدا طارق وليليو
كنت معهم بالباص في مكة
وشفت يوسف الثنيان في مرسى الأحلام بجدة وكان يشيش وسلمت عليه
شفت ناصر الشمراني يلعب ف أم الجود بمكة قبل يومين

سعد الصباح · #168 21/12/2007, 11:48 PM

شكــــــــــــرا علــــــــــــــــــــــى
الموضوع الشيق
والفكرة المسلية
والمشاركات الممتعة
مـــــــــــــــــــــن زمـــــــــــــــــــــــــان
ماقرأت موضوع كامل مع الردود كاملة ومع المتابعة على الرجوع للموضوع
مشاهداتي للاعبين قليلة ولا تذكر
شكرا للجميع على التفاعل مع موضوع الزعيم الرائع
( حيادي بطبعي ) لك احترامي وتقديري الكبير

أبو هلول · #169 21/12/2007, 11:52 PM

انا مسكين ماشفة احد

س ا م ي ا ل ج ا ب ر · #170 21/12/2007, 11:56 PM

شفت يوسف في مغاسل يقول كثر نشأههههههههههههههه

A.B.A.Q · #171 21/12/2007, 11:59 PM

يوسف الثنيان
نواف التمياط
محمد الدعيع
محمد الشلهوب
^^
هذولا كلهم شفتهم في الريـاض
سامي الجابر < شفته في البحرين مع اخووووه عبدالعزيز بالتحديد في فندق حياة ريجنسي قبل حوالي 6 سنين
ياسر القحطاني < ايام ماكان بالقادسيـه وقابلته في الخبر . تحديدا مجمع الراشد كان معه سعود كريري
....
لاعبين الاندية الثانيه
خوجه
حسين عبدالغني
مالك معاذ
عبدالرحمن القحطاني
----
من المدربين : خليل الزياني

والمدرررررب باكيتاااا

الذيب الصغير9 · #172 22/12/2007, 12:01 AM

أخوي انا شفت ياسر مره عند مدرستنا جا عشان ولد اخته .. والطلاب كانو ملتفين حول سيارته .. لدرجة انه اغلب السيارات وقفو يناظرون وش السالفه !! وشفت مره طارق التايب بمطعم ماكدونالدز الي قدام قصور العويضه بعد مباراة الهلال والوطني اول مباراة لنا بالدوري والتي انتصر فيها الهلال بــ 3 اهداف مقابل لا شيئ سجلت جميعها عن طريق طارق التايب .. حتى انا كنت داخل المطعم وهو كان بطلبات السيارات واشرت له قلت له مبروك الــهاتريك .

النقيب الهلالي · #173 22/12/2007, 12:01 AM

انا شفت يوسف في صلاة الجمعه قبل 5 سنوات في جامع في حي الملك فهد
كان قدامي بيني وبينه صفين المهم يوم سلم الامام قام عشان يطلع ويم التفت الخمت تقول كني شايف الملك طلع وطلعت معه ولحقته وكان يمشي على رجليه اتوقع بيتهم قريب من المسجد او بيت والدته

المهم سلمت وعزمني على القهوه لكني رفضت

والله اني تندمت اني ما قلطت ليتني قالط كان الحين يصير ابو يعقوب صديقي

المرسوم · #174 22/12/2007, 12:04 AM

انا بعيد عن الرياض
وماشفت من لاعبين الهلال الا عبدالطيف الغنام والله والله في الحج قبل ثلاث سنوات وتحديدااا في منى وسلمت عليه من بعيد<<<<<<<<<<يعني صوته ورفع يده
وبعد شفت الاعب محمدخوجه في مطار الملك خالد وقف عند البوابه الخارجيه قبل النهائي الشهيررر 3.0 وقلت ياويلك بس الرجل حبيب وخل ولد اخوي يتصور معه ...

رامـ 4 ـوس · #175 22/12/2007, 12:05 AM

انا شفت ياسر المسيليم بمقهى في حايل

و كان فريق الاهلي جاي يلعب مع الطائي

و بعد شفت كديش النصر ايام محسن الحارثي و علي يزيد و الخ

القهر اني ما اشوف الا الكديش

أبوشلاخ الهلالي · #176 22/12/2007, 12:08 AM

يوسف الثنيان بمخرج خمسه ..!!
وعبد اللطيف الغنام في حفل الدرعية ............ نعم تستطيع .

هلاليه كووووووول · #177 22/12/2007, 12:12 AM

أنا شفت لاعبين الأهلي في مطار جده

saja · #178 22/12/2007, 12:13 AM

مشالله ابو يعقوب في كل مكان

White Blue · #179 22/12/2007, 12:19 AM

طبعاً أغلب لاعبين الهلال شفتهم من بعيد في الملعب .

اما اللي سلمت عليهم احمد الصويلح لانه ساكن قريب من عند البيت ودايم اشوفه في الاجازات ..

ومشكور على موضوعك ..

mmsn888 · #180 22/12/2007, 12:23 AM

انا شفت سامي بمطار الملك خالد وسولفت معه يمكن خمس دقايق وشوي الا العالم محاصرينا من كل مكان عاد هو استاذن من الجميع ولحق الطياره وشفت نواف عند صراف الاهلي اللي بشارع ام الحمام وسلمت عليه من بعيد
وقابلت المنتشري قبل شهرين في جده في احد المنتزهات وسئلته قلت بتروح الهلال قال ان مابدل الذهب بالفضه
قلت الطيور على اشكالها تقع وتنرفز وجلس يسب بالهلال ويانا ومعي شباب غسلنا شراعه الين بغى يبكي