20/12/2007, 12:25 PM
|
زعيــم متواصــل | | تاريخ التسجيل: 17/01/2007
مشاركات: 70
| |
## حســــآفـــه أيـهــا الزعـمــآء ## الســلآم عليكم وصبــآحكم \ مســآئكـم ورد وريحــآن كـلـنـا سـمـعنـا وقـريـنـا اللي انكتب بموضوع انتقال ياسر القحطاني وعلى ما أعتقد ان كلكم شاركتوا بآرائكم ، ولكن المصيبه والطــآمه إن أغلبكم عـآرض إنتـقـال يـاسـر القـحـطـآني ومـادري وش السـر رغم إدعــائـكـم بأنه حـب وطـرب في الهـلآل انـا ( والعـيـاذ بالله مـن كلمـة أنـا ) راح أمــاشـيـكم باللي تقـولـونهـ ولكن ودي اسـألكم سـؤال حـط مـكـــانــك بدل ( يــاسـر القـحـطــآنـي ) وش راح تسـوي؟ 1- تضحي بإحترافك بأقوى وأغنى دوري عالمي وبالدوي اللي كنت تحلم ويحلم فيه كل اللاعبين . 2- تقعد بالهلال وبعد سنوات يصير مصيرك مصير الفتى الذهبي ( التمياط ) . واقصد بمصير التمياط مناداة اغلب الأعضـاء الموقرين محبين الهلال على حد زعمهم بتنسيق التمياط او مطالبته بالاعتزال . مــاتـذكــرون يــاسـر يوم قــال يا الـهــلآل أو الإعــتــزال مع انه البلوي عرض ضعف مبلغ الهلال المعروض الهلال عرض 25 مليون ، والإتحـــاد 50 مليون ؟ مع ثقتي التامه بان اخلص مشجع هلالي سيجري خلف هالمبلغ ويوقع للإتحاد وهو مغمض لظروف الحيـآه يـآسر ضحى بملايين لعيون الهلال وجماهيره واحنا مانبي نضحي ونقول خلوا ياسر يقعد بالدوري عشان نادي الاتحاد مايفوز علينا او ياخذ بطولات احنا نبيها . والأدهـى والأمـر اللي ينادي بان انتقال ياسر يكون إعــارهـ == (( اللي فهمته يمكن يبون الرجال يوريهم مهاراته وانهم مو كفو يلعب لهم ويرجع يلعب ضد الوطني والحزم مع احترامي لهالأنديه ))== ياجماهير الزعيم هل تعلمون بانه كاستيلو اللي تعاقد معاه مانشستر سيتي ىدفع من جيبه عشان ينتقل للمانشيستر سيتي ؟ يا إخــــوان كم كنت اتمنى انه يكون لكم من اسمكم نصيب كزعمــآء تـقـدر تضحيـات الآخرين ماذا إستـفــاد منكم التمياط حين ضحى بطريقة مباشرة او غير مباشرة باحترافه بهولندا ؟ غير الجحـود والمطالبه بالإعتزال ؟ هل سيكون هذا مصير يـــاسـر ؟؟ ومثل مـاقالـوا الإخــوان اللي قـبـلي اذا مــاراح يـاسر الحـيـن وخلال الانتقالات القـادمهـ فعلى مـا أعتقد انه ماراح يطلع من الدوري السعودي . ولا تنسوون انه الهلال عمره ماوقف على لاعب مع حبي واحترامي الشديد لملك آسيـــا وانتقال ياسر راح يمهد الطريق لانتقال لاعبين آخرين لدوريات مختلفه %%%هـــــمــــــــســـــــهـ %%% يامن إدعــى حب الهــلآل هل تحبون الهلال ام الوطـــن ؟ من مصلحة الوطن والكرهـ المحليه انتقال ياسر لان في هذا الانتقال احتكاك لياسر بلاعبين عالميين واكتساب مهارات وتطور مستوى وبالتالي يعود بالنفع على منتخب بلاده اذا ماستحق ياسر التضحيه رغم انه ضحى عشانكم وعشان الهــــلال هل سيتحق الوطن تضحيتكم ام لا ؟
اخر تعديل كان بواسطة » دنص في يوم » 20/12/2007 عند الساعة » 01:52 PM |