وش افضل بليستيشن 3 او اكس بوكس - نادي الهلال السعودي - شبكة الزعيم

السعو20دية · #1 20/12/2007, 02:08 PM

اخووواني بغيت بس سؤال

وش افضل بليستيشن 3 او اكس بوكس الجديد (العصري)

وش مميزات بليستيشن 3 والاكس بوكس

ووش العيوووب

ومشكووورين

abudy999 · #2 20/12/2007, 02:59 PM

ابتفلسف عليك شوي ..

وبسوي لك مقارنه بسيطه ..

.. مزايا البلاي ستيشن 3 ..

البلاي ستيشن 3 مايحتاج محول كبير مثل الإكس بوكس .. ,
على طول تشبكه بالكهرب وبس .. ,

البلاي ستيشن 3 يده ماتحتاج بطاريه .. ,
الإكس بوكس كل ماخصلت البطاريه تروح تشتري .. ,

البلاي ستيشن فيه متصفح وتقدر تدخل نت .. وتفتنح مواقع
الإكس بوكس مافيه متصفح .. ,

البلاي ستيشن تلعب فيه أون لاين ببلاش .. ,
الإكس بوكس لازم إشتراك سنوي .. ,

البلاي ستيشن فيه وايرلس وبلوتوث جاهز .. ,
الإكس بوكس لازم تشتري قطعه .. ,

.. عيوبـه ..

طبعاً البلاي ستيشن فيه عيوب ..
مثلاً سعره الغالي ..
وألعابه قليله ..
أزرار الـ L2 والـ R2 غبيه !!
نظام الأونلاين فيه سيء ..
لكن الإكس بوكس قوي !

ونصيحتي لك تشتري البلاي ستيشن 3 لأنه بيتطور ..
وبتنزل عليه العاب كثيره ..

السعو20دية · #3 20/12/2007, 08:23 PM

شكراً على مروركabudy999

barca-inter · #4 22/12/2007, 03:47 AM

انا من تجربتي الشخصيه انصحك اذا كنت تبي العاب كثيرة وحلوه الاكس بوكس افضل اما اذا كنت تحب كورة وبس افضل لك انك تاخذ البليستيشن وترا في العاب حصريه على الاكس بوكس والاون لاين بالبليستيشن لازم السرعه الدي سي ال اكثر من 500 وعلى فكرة اليد للاكس بوكس في لها اكثر من شاحن

ميلاني @ هلالي · #5 22/12/2007, 03:04 PM

انا مجرب بلاستيشن3 بس اكس بوكس ماجربتة ابد يقولون ان بلاستيشن 3 افضل من اكس بوكس بس انا ماعندي خبرة لي اكس بوكس

الموهوب الإنتراوي · #6 22/12/2007, 03:22 PM

أنصحك بالأكس بوكس

جاكم الهلالي · #7 22/12/2007, 09:39 PM

اسمعو يالربع البليستشن3 سعره نااار بس الأكس بوكس360 سعره وكاله 1760 والأسود1999 وكاله والبليستشن3 الألعاب كلها اصليه سعر الواحد250وفوق بس الكس بوكس 360 سعر الأصلي 100اوفوق والأسود ماعندي خبره عنه والمشكله الأخو الي فوق فوق فوق فوقي يقوا الأون لاين مهب زين ونت وش تبي باالأولاين بتلعب بالنت وش الفايده اهم شي الألعاب والجرافيكس الي فيه وسعر الأكس بوكس 360بالسوق بالخرج1300 وتكاسره لاكن بالبطحاء 900ولا850 واليد وايرلس والشريط 10 والبطحاء5ريال وابغاكم تنصحوني وش اشتري واحد توه شاريه يقول خيال يليت تفيدوني على [email protected] وارجو الأفاده لاني ابي اشتري

الكاتب الذهبي · #8 23/12/2007, 01:08 AM

قبل لا تفكر تشتري سوني 3 ولا إكس بوكس إشتر شاشة قوية ...

لأنك تبي تلعب في جرافكس خيالي ... لانها متطوره ...

عندك الإكس بوكس على خبري إذا ركبت القطعة (( اللي تشغل الأشرط الكوبي )) ما تقدر تلعب أون لاين لأن مايكروسوفت تكشفك ... وتقفل الجهاز عليك ...

أما السوني 3 إلى ألحين ما طلعوا قطعة تشغل الكوبي ...

أنصحك إنك تصبر ولا تستعجل ... وأنا من وجهة نضري أفضل الإمس بوكس ... وشكراً ’’

@الاعصار الازرق@ · #9 23/12/2007, 02:26 AM

والله نصيحه لك أشتر بلايستيشن 3 لانه فيه ألعآب بالمستقبل بتكون حصريه عليه مثل قراند ويقولون راح ينزل كوبي ع السوني فأنتظر شوي وقرر ..!!