#1  
قديم 18/12/2007, 02:17 PM
عضو سابق بلجنة الفيديو والصوتيات
تاريخ التسجيل: 19/09/2005
المكان: ღ نواف التمياط ღ
مشاركات: 3,714
Icon17 أنت ( مطوع ) ولابس عقال !!! كـــــبــــيــــرة !!





هل الدين أو الإلتزام أو بالعامية ( علشان تصير مطوع ) مرتبط بلبس معين أو فعل معين !!

الجواب نعم , وهي من الواجبات , تقصير الثوب , إعفاء اللحية , المحافظة على أركان الإسلام بر الوالدين ..... الخ

إذا توافرت فيك هذه الشروط حتماً أنت ( مطوع )


لنتجاوز لفظ ( مطوع ) , ولنقل ( ملتزم )

كنت في طلعة برية ( كشتة ) مع بعض (الملتزمين )

فحكوا لي قصص غريبة لم أتوقعها تحدث في هذا العصر مع لبس العقال للـ(ـملتزم )

,,,

ومن هذه القصص :-

واحد سأل خويه ( الملتزم ) ليه ما تلبس عقال ؟؟

جاوب (الملتزم ) : أعوذ بالله أن أكون من الجاهلين !!



بالله عليكم هذا كلام ؟؟

جاهل بمجرد أنك لبست عقال ؟؟

و أخر يروي لي قصة مع حلقة تحفيظ في أحد جوامع شرق الرياض ويقول :-

نزلت من السيارة وانا لابس عقال -طبعاً خويي هذا إداري في مكتبة المسجد- ويشوفه أحد المشرفين قبل لا يدخل المسجد و قاله المشرف : رح رح ود عقالك للسيارة و تعال !!

يعني هل محرم الدخول لمكتبة المسجد أو ان تشرف على مكتبة المسجد و انت لابس العقال ؟؟

وقصة اخرى يرويها أحد (الملتزمين ):-

قابلت شخص كنت أنا وياه في حلقة تحفيظ , لما شافني قال : الله يهديك أنت قدوة للشباب الي في الحلقة , ليش تسوي كذا !!

ليش لابس عقال الله يصلحك !!

خويي يقول ( بلمت ) مدري وش اجاوب !!

,,,

لكن تصوروا أين وصل التفكير في من يلبس العقال من ( بعض الملتزمين ) في نظر ( الملتزمين )

لكن لو إنتقلنا لمسألة مناقضة مع ( غير المتزمين ) , شاهد شخص ( ملتزم ) , وحكمان عليه أنه ( ملتزم ) بمجرد وجود ( اللحية ) ونحن لا نعلم هل هو (ملتزم ) ام لا ؟

يصلي أم لا ؟؟

يصوم ام لا ؟؟

وكان هذا الشخص ( يدخن )

ماذا سيقول ( الغير ملتزمين ) عن ( المتزمين ) ؟؟

إذا العقال صار جهل في نظرة ( الملتزم ) الدخان يصير كفر في نظر (غير الملتزم ) ؟؟

لكن صاحبنا مربي ( لحية ) لوجود حساسية في جلده او مظهر .. إلخ

وكان مدخن , والي يشوفه يقول ( مطوع ) يدخن ,,,

وهو مهب ( مطوع ) أساساً ,,

لكن ( الغير ملتزم ) حكم عليه -الي يدخن- انه ( ملتزم ) لوجود ( اللحية )

لكن ( بعض الملتزمين ) لو شاف ( مطوع ) و لابس عقال هذي مصيبة !!

قد يقول البعض هذي أفكر من زمااااان يفكر فيها الناس ,,

لكن للأسف القصص الي ذكرتها حقيقة و صارت في هذا الزمان ..

طبعاً جبت سالفة ( المطوع المدخن ) علشان نشوف كيف نظرة الناس ( الغير ملتزمين ) في الجوانب السلبية لـ(ـمطاوعة المظهر )

فما بالك بنظرتهم للـ(ـملتزمين) الحقيقيين من الجوانب السلبية, وانهم يدورون عليهم الزلة !!

لكن انت يا ( ملتزم ) إرتقي بفكرك قليلاً ,,

إذا هذا رأيك يا ( الملتزم ) وش بقيت لغيرك !!

ومن الأراء المناقضة في لبس العقال من قبل ( الملتزمين والمشايخ ) ,,

كنت مرة في محاضرة للشيخ العريفي ,,

سأله واحد عن حكم لبس العقال ,,

قال العريفي : والله ما مثلها لبس العقال ..

وموقف اخر للشيخ محمد بن عثيمين رحمه الله ,,

جالس في مجلس و سأله أحد الأشخاص عن حكم لبس العقال ,,

وش سوا الشيخ ؟؟

أخذ عقال واحد جالس جنبه و لبسه ,,

يعني الشيخ بن عثيمين مهب بس بيقولك العقال حلال , يقول شف حتى أنا لبسته ,,


صحيح أن المجتمع أخذ فكرة أو عرف عن ( الملتزم ) انه ما يلبس عقال ,,

لكن نخليها مصيبة لو لبس ( المتزم ) عقال !!


وطبعاً هذا رأي نسبة من ( الملتزمين ) , أي أنه يوجد (ملتزم) يؤيد لبس العقال ...


أترك لكم التعليق
اضافة رد مع اقتباس
  #2  
قديم 18/12/2007, 02:25 PM
زعيــم مميــز
تاريخ التسجيل: 22/04/2007
مشاركات: 2,804
تصدق مدري شسالفه قريت ولا فهمت

بس حسيت اني فهمت

لي رجعه ..!!

^^^^^^^^^^^^
أبشركم فهمت

يعني وشلون .

_________________

كلامك صحيح أخوي ابو سعود الهلالي ..

بس خويك اللي بالكشته قاله مزحه ..!! ربما ..

وعلى فكره سألت ملتزمين ليش ما تلبس عقال .؟؟ الاغلب قال يشغل الواحد فالصلاه ..!!

طيب البسه برى المسجد واذا جيت تصلي حطها بالسياره ..!!

موضوعك جميل صراحه ..

لاهنت وان شاء الله أستفيد من بعض الاخوان في أرائهم ..

لاهنت وتقبل مروري
اضافة رد مع اقتباس
  #3  
قديم 18/12/2007, 02:32 PM
زعيــم مميــز
تاريخ التسجيل: 08/09/2005
المكان: آلريـ k.s.a ـآض~..
مشاركات: 5,634
العقال مافيه اي شي وكذا شيخ لبس عقال


واذكر في مقابلة مع شيخ ماادري من هو اتوقع انه ابن باز الله يرحمه سألوه ماحكم العقال ياشيخ قال عطوني عقال يوم عطوه عقال لبسه وقال كملوا اسالتكم



انا ماادري ليش بعض الملتزمين شايل فكرة عن العقال مع انه مافيه لا حديث ولا فتوى ولا حتى فعل من الصحابة ان العقال فيه اثر بالدين
اضافة رد مع اقتباس
  #4  
قديم 18/12/2007, 03:01 PM
الصورة الرمزية الخاصة بـ أول العنقود
زعيــم مميــز
تاريخ التسجيل: 29/04/2005
المكان: ســـــواح ...!!
مشاركات: 2,869
لا أعتقد أن هناك سبب حقيقي غير بعض جهلهم , و لكن لنفترض أن هناك سبب و الأقرب أن يكون لـ عدم التكبر و في نظرهم أن من يلبس عقال متكبر و فيه من الخيلاء .



يعطيك العافية يا أبو سعود على هالطرح لالمفيد و لا تترك مجلسنا
اضافة رد مع اقتباس
  #5  
قديم 18/12/2007, 03:15 PM
زعيــم متألــق
تاريخ التسجيل: 25/04/2005
المكان: ح ــائــل
مشاركات: 1,191


و أنا أقرأ موضوعك ][ المميز ][ مر ببالي واجد من أخوياي مطاوعة و يلبسون عقال و عادي ما فيها شيء أبد ..

حتى مدرس حلقه أعرفه شخصيا يلبس العقال و ما طق بباله عنه شيء !

لكن هذي ممكن تكون حساسية زايدة أو جهل مقذع أو تزمت مرفوض من البعض ..



اضافة رد مع اقتباس
  #6  
قديم 18/12/2007, 03:23 PM
الصورة الرمزية الخاصة بـ كونتراتاك
زعيــم مميــز
تاريخ التسجيل: 06/09/2006
المكان: رياض العز (L)
مشاركات: 7,891
لا تعليق ..

الصراحة موضوع عادي ولا يستحق القراءة ..
وتقبل مروري بصدر رحب ورده
اضافة رد مع اقتباس
  #7  
قديم 18/12/2007, 03:27 PM
زعيــم فعــال
تاريخ التسجيل: 12/03/2006
المكان: الرياض
مشاركات: 347
السلام عليكم ورحمة الله وبركاته

تحيه طيبه



بالنسبه للموضوع والشواهد

فأرى ان تلك الشواهد تمثل قله من طلبة العلم والملتزمين


بصراحه اجهل عدم لبس العقال بالنسبه للملتزم لذا لن اخوض في التفاصيل ..


سئل الشيخ ابن باز رحمة الله عليه

ما حكم لبس العقال ..؟

لم يقل رحمه الله حرام ولا مكروه

بل قال لا يليق بطالب العلم..

وليس كما ذكر الاخ يا قاهرهم يالهلال


هذا والله اعلم


كل الشكر
اضافة رد مع اقتباس
  #8  
قديم 18/12/2007, 03:45 PM
الصورة الرمزية الخاصة بـ AL PACINO
موقوف
تاريخ التسجيل: 09/07/2005
المكان: الرياض
مشاركات: 2,941
والله العقال يقال انه وضعوه الروم في اسبانيا على المسلمين لاذلالهم لان العقال ينزل الرأس
والله اعلم
اما بخصوص الملتزمين اصحاب العقال فهم كثر ولكن بعضهم لا يريده
اضافة رد مع اقتباس
  #9  
قديم 18/12/2007, 03:59 PM
زعيــم مميــز
تاريخ التسجيل: 22/11/2006
المكان: شاطئ الخليج العربي (L)
مشاركات: 2,669
وعليكم السلام ورحمة الله وبركاته ..

اول مابديت أقرا الموضوع طرى على بالي موقف الشيخ ابن عثيمين مع العقال ولقيته بآخر الموضوع ..

شخصيا مادري ليه المطوع مايلبس العقال!! أكيد فيه سبب يمنعه ،،

وبالنسبة للشخص الملتحي ومقصر ثوبه يعطيني انطباع 99% أنه مطوع ،، لان هالمظهراصلا يفرض على صاحبه يصير مطوع


تقبل مروري السريع وتشكر على الطرح المميز
اضافة رد مع اقتباس
  #10  
قديم 18/12/2007, 04:20 PM
زعيــم مميــز
تاريخ التسجيل: 17/03/2006
المكان: آحلى الريـآض
مشاركات: 3,480
موضوع مميز
يعطيك العافيه
اضافة رد مع اقتباس
  #11  
قديم 18/12/2007, 06:26 PM
زعيــم مميــز
تاريخ التسجيل: 06/05/2005
المكان: الريـــــــاض
مشاركات: 5,459
إقتباس
ومن هذه القصص :-

واحد سأل خويه ( الملتزم ) ليه ما تلبس عقال ؟؟

جاوب (الملتزم ) : أعوذ بالله أن أكون من الجاهلين !!



هذا جاهل ... مهب شيخ ,,


المشكلة إن كثير يحسبون إن كل من قصر ثوبه وأطال لحيته صار شيخ ويمثل الدين ..
وكثيرين استغلوا هالنقطة ...
فاللي قام يقصر الثو ويطول رياء ً .. واللي قام يسغل المرائين ويسيء للمشايخ ..

للأسف يجب على المجتمع أن تكون نظرته لرجل الدين ( الشيخ ) أفضل من كذا
اضافة رد مع اقتباس
  #12  
قديم 18/12/2007, 08:38 PM
زعيــم مميــز
تاريخ التسجيل: 31/07/2007
المكان: الشرقية
مشاركات: 5,433
الاول انا كنت احكم بالشكل انه ملتزم ام لا

اما الحين لاااااااا ,,, الشكل ماعمره يعطي حقيقة هالشخص

بعضهم اخذ اللحية وتقصير الثوب كوسيله للوصول الى مآربه ..

اهم شي جوف الانسان صفاء قلبه اخلاقه تعامله مع الغير ...ثم الشكل ..

مشكووووووووووور ..
اضافة رد مع اقتباس
  #13  
قديم 18/12/2007, 08:58 PM
زعيــم متألــق
تاريخ التسجيل: 13/04/2007
المكان: في قلب سآمي
مشاركات: 1,414
موضوع رائع ومعك حق أخوي وصراحة العقال اذا لبسته يشغلني باالصلاة قد يكون من الاسباب وواحد قالي أنه من أسباب ماليبسون الملتزمين العقال بسبب الزهد وياخوي الواحد مو من مظهره الواحد من محافظته على صلواته وأخلاقه وأسجل أعجابي باالموضوع
اضافة رد مع اقتباس
  #14  
قديم 18/12/2007, 11:00 PM
الصورة الرمزية الخاصة بـ ڪـيــف الـζــآل ؟
زعيــم مميــز
تاريخ التسجيل: 03/11/2005
مشاركات: 5,656
لا اعتقد انه من باب جهلهم ,
بل يمكن ان يكون من باب عدم الاعتياد عليه ..

يعطيك العافية
اضافة رد مع اقتباس
  #15  
قديم 18/12/2007, 11:29 PM
عضو سابق بلجنة الفيديو والصوتيات
تاريخ التسجيل: 19/09/2005
المكان: ღ نواف التمياط ღ
مشاركات: 3,714
أول شي مشكورين على تفاعلكم

طبعاً زي ما قلت مهب كل الملتزمين رافضين فكرة العقال

لكن بعض الإخوان أشارو إنه العقال يشغل الواحد وقت الصلاة ,,

أنا عن نفسي بالعكس بدون عقال يشغلني أكثر عن الصلاة
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:30 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube