بداية <<<<< مو قناة بداية أقصد بداية موضوعنا

أنا من الأعضاء الكثير تواجدهم القليل مشاركتهم وأرجو قبول عذري لأشتراكي في مواقع عديده والأسهام في كل موقع بقدر ما أستطيع



موضوعنا هو لكل شخص منا ذكرى قد تكون رائعة وقد تكون مره في أول يوم جامعي له أو أول يوم عمل له من ناحيه :
التوقيت

معرفه المكان

الرغبة في الشيئ

احساسك انك شخص وحيد

احساس بكبر السالفه وهي ماتستاهل

ودك ترجع بسرعه لبيتكم

الجو يبشر بالخير داخل المكان الجديد



وغيرها من الأمور التي لاتغيب عن ذهنك حتى وقتنا الحاضر


فنرجو كل عضو سواء كنت موظفا أو من أخواتنا الموظفات أو طالبا جامعيا أو طالبه جامعيه

أن تذكر لنا أول موقف مر عليك في بدايه دخولك لعالم الجامعه أو الوظيفه وكانت ذكرى لاتنسى

باذن االله في المستقبل القريب راح اقولكم موقفي اول مادخلت الجامعه بس ادعولي

إقتباس باذن االله في المستقبل القريب راح اقولكم موقفي اول مادخلت الجامعه بس ادعولي

حياكِ اختي هلاليه والله يوفقك


بانتظار عودتك للموضوع ان شاء الله والله يوفقك

للأسف وأنا أخوك
مانيب موظف ولانيب طالب جامعي
توي ثانوي

انا موقفي أول يوم دخلت الجامعه كنت لابسه كعب على بالي الجامعه كلها سراميك وأتفجأ بالمطبات والحفريات كل ما مشيت خطوتين طحت ,,

وجلست على هالحال اسبوع مكسره وحالتي حاله ,,

يعطيك العافيه ,,

إقتباس للأسف وأنا أخوك مانيب موظف ولانيب طالب جامعي توي ثانوي

حياك الل هاخوي هلالي الرس

إقتباس انا موقفي أول يوم دخلت الجامعه كنت لابسه كعب على بالي الجامعه كلها سراميك وأتفجأ بالمطبات والحفريات كل ما مشيت خطوتين طحت ,, وجلست على هالحال اسبوع مكسره وحالتي حاله ,, يعطيك العافيه ,,

أجل مطبات الله يعينك

عمر هالدنيا ماتجينا على الكيف


مشكورة على مشاركتك هلاليه أنا والله يعافيكي

باأقولك موقف بداية العام الدراس الماضـي وكنت ببداية الصف الاول الثانوي كنت قبل ماأدخل المدرسة مرتبك وحالتي حاله أتسأل كيف بدبر عمري ياربيه وبعد مادخلت الحمدلله هانت علي وكنت من الخوف ماأكلم أي واحد أعرفه فهذا شي طبيعي أن كنت داخل مكان بتجيك مثل هذه الاشياء ثم بتروح اذا تعودت على المكان نفسه

أخوي موضوعك رهيب والله ... يعطيك العافية

عالعمووم انا عندي موقف صغنون...

هذا الموقف اول م دخلت الكلية ....

من أول يوم استلمت الجدول وأحسب نظام ثانوي خذ الجدول ورح البيت ..

قالوا ياللله محاضرة ..
من اول يوم

قلنا معليش..

اكيد محاضرة تعريفية ويمشونا ...

ولطعونا هذاك اليوم من الساعة 8 الصبح الين الساعة 4 العصر ...


من عقبها عرفت ان هالكلية م تمزح ابد ابد...

الموقف موب هنا

الموقف بعد نهاية المحاضرة الأولى..

قالوا يالله انزلوا تحت .. قلنا وين قالوا المشرحة ..

طبعا أنا طالب بكلية الطب ...

ويوم قالوا المشرحة جتني أم الركب ...

قلت طيب ... أمرنا لله

نزلنا ...

فتحوا باب المشرحة .... وأول م فتحوا الباب ... جتنا ريحة الفورمالين (( المادة الي يحفظون فيها فيها الجثث ))


أنا ابي اشوف شي من بعيد عشان اقرر اخش ول لا ...

شوي إلا شفت جثث مغطينها بشراشف بيض...!!!

وهياكل عظمية معلقة ..!!!

^^^^^

كيف الرعب بس

الموهيم مالكم بالطويلة..

قالوا يالله كل واحد يشوف له جثة ويجلس عندها

الموهيم جلست عند اقرب وحده للباب ... عشان يمديني اهج

اول م جلسنا جا الدكتور..

قال شباب شوفوا الشرشف هذا ...يسمونه الــ ((bed sheet))

واول م ناظرنا .... فجأة وبسرعة شال الشرشف عن الجثة ..!!!!


طبعا الحمدلله التلفيات كانت بسيطة ,,,

واحد جنبي كنت أسمعه ينكت على خويه ... يوم ناظرته بعد م شال الدكتور الشرشف شفت رجوله فوق

طلع أخونا في الله أغمى عليه وطاح عالأرض...

بيني وبينكم كان موقف يخوف م أنساه ..

بس الحين تعودنا صارت المشرحة شي عادي


ويعطيك العافية عالموضوع