شرح برنامج الستوف بلوق stuffplug 3 ( شرح كامل مع التفاصيل والمميزات والتعريب) (ارجو التثبيت) - نادي الهلال السعودي - شبكة الزعيم

حموديفيتش · #1 15/12/2007, 02:29 PM

بسم الله الرحمن الرحيم

السلام عليكم ورحمة الله وبركاتة
يالله حيهم أخباركم . !
المهم اليوم شرحي عن برنامج الستوف بلوق stuffplug 3
من اطلق البرامج التابعه للماسن
يعني تقدرون تقولون زي البلس والدسكوفري والشيل وهالبرامج

وانا اعتبره من البرامج اللي لازم تكون عندك بالماسن .. جنب البلس والدسكوفري

:: معلومات عن البرنامج ::

اسم البرنامج : stuffplug 3
حجم البرنامج : اقل من 1 ميقا ..
رقم الاصدار : 3.0.0387 BETA
تصريح البرنامج : مجاني

:: اهم مميزات البرنامج ::

بحط لكم هنا اهم المميزات اللي فيه .. وباقي المميزات بذكرها بالشرح

1- يسرق جهات الاتصال اللي عندك .. صور العرض - الابتسامات - الصور المتحركة - الاشكال الصوتيه ..

2- يخليك تفتح مليون ماسنجر ..

3- تقدر تسوي لك نكين نك يكون بواجهة الماسن .. ونك ثاني ما يطلع الا بصفحة المحادثه .. يعني اذا انك من الناس اللي تحب تحط توبيكات واجده هالخاصيه بتجوز لك

4- يخلي كلامك يجي على شكل تعذر تسليم الرسالة التاليه ..

5- يخليك تكلم اللي انت صاقعهم بلوك من دون ما تفك البلوك عنهم .. تنفع اذا عندك واحد بثر وما تبيه يكلمك يصير ما يقدر يكلمك الا اذا انت كلمته

6- يخليك تزيد عدد الحروف المسموحة لك بالمحادثة ..

7- يعرض لك حالة اللي انت قاعد تكلمة .. هذي من اطلق المميزات اللي فيه .. مثلا انت قاعد تكلم واحد وكان متصل تجيك صفحة المحادثة تحت وعليها ايقونة متصل .. اذا غير حالته الى بالخارج ولا مشغول تتغير الايقونة للخارج او ل مشغول .. طبعا هذي تفيدك اذا كنت مخلي ماسنك مفتوح وجا احد كلمك تقدر تشوف وش حالته علشان ترد عليه

8- يخليك تقدر تغير اختصارات الماسن العاديه لاي اختصار انت تبيه ..

9- يخليك تقدر ترسل اكثر من 5 ابتسامات بالرد الواحد ..

10 - يخليك تقدر ترسل اكثر من 3 ملفات بوقت واحد ..

11 - تقدر تشيل خاصية جاري كتابة الرسالة بواسطة .. يعني لما تكلم احد تخليه ما يدري انت قاعد تكتب ولا لا ..

12- يخليك تقدر تغير النك حقك من واجهة الماسن .. من دون ما تدخل على الاعدادت ..

13- يخليك تقدر تضيف اي احد تبيه من قائمة البحث .. يعني اذا بحثت عن واحد وما لقيته تقدر تضيفه من دون ما تضغط على ايقونة الاضافة ..

:: شرح البرنامج ::

اول شيء حملوا البرنامج من الرابط اللي تحت ..

هناا
اول ما تفك الضغط عن البرنامج .. بتلقى ملفين اضغط على هالايقونة اللي هي ايقونة الستوب

اضغط next

من هنا لو ضغطت على Browse تختار المكان اللي تبي تحفظ البرنامج فيه ..
بس نصيحة خله زي ما هو اصرف لك .. وعقبها اضغط Next

من هنا تختار اللغات اللي تبي تضيفها .. انت حددها كلها وارعص على Next
وتراها ما تاخذ حجم واجد كلها كم كيلو .. بس احتياطن وعلشان يفتح لك ملف للغات

اذا جتك هذي اضغط على Install علشان يثبت لك البرنامج ..

اللحين اضغط فينش .. وخلاص كذا تثبت البرنامج عندك وضبط وضعك ..

:: خصائص البرنامج ::

شرح النقاط على الصورة ..
وبنشرحها بالتفصيل وحدة وحدة ..

:: welcome screen ::

نضغط اول شيء عليها من هنا ..

فبتطلع لنا هالصفحة .. والخيارات مشروحة بالصورة ..
كلمة language هذي تضغط عليها اذا تبي تغير لغة البرنامج ..

:: Options ::

ندخل عليها من هنا ..

هذا صفحت الاعدادات العامه .. وكل خيار مشروح بجنبه وش معناه ..
اذا عدلت شيء وخلصت اضغط على اوكي ..

هذي صفحت الاعدادات حقت صفحة المحادثة .. وكل خيار مشروح بجنبه وظيفته ..
لا عدلت فيها شيء وخلصت اضغط على اوكي وبس ..

هذي صفحة اعدادات جهات الاتصال .. وكل خيار مشروح بجنبه وظيفته ..
خلص تغيراتك وارعص على اوكي ..

:: Stealer ::

هذا حرامي جهات الاتصال .. تدخل عليه من هنا ..

اول خيار هذا الخيار اللي تسرق منه صور العرض حقت اللي عندك ..

شرح النقاط اللي على الصورة :

1- علشان تقفل النافذه ..
2- علشان تسوي للصور تحديث كود انها طلعت صورة جديدة

3- علشان تحفظ الصورة عندك على الجهاز ..
4- علشان تثبتها بماسنجرك يعني تخليها موجوده بقائمة صور العرض اللي عندك ..

فيذا بتلقى الايقونات حقت ربعك ..

شرح النقاط اللي على الصورة :
1- علشان تقفل النافذه ..
2- علشان تسوي للابتسامات تحديث كود انها طلعت ابتسامه جديدة ..
3- علشان تحفظ الابتسامه عندك على الجهاز ..
4- علشان تثبتها بماسنجرك يعني تخليها موجوده بقائمة الابتسامات اللي عندك ..

هنا بتلقى الصور المتحركة اللي عند ربعك ..

شرح النقاط اللي على الصورة :

1- علشان تقفل النافذه ..
2- علشان تسوي للصور تحديث كود انها طلعت صورة جديدة ..
3- علشان تحفظ الصورة عندك على الجهاز ..
4- علشان تثبتها بماسنجرك..

هنا بتلقى قائمة الاشكال الصوتية اللي عند اخوياك ..

شرح النقاط اللي على الصورة :

1- علشان تقفل النافذه ..
2- علشان تسوي للاشكال تحديث كود انها طلعت اشكال جديدة ..
3- علشان تحفظ الاشكال الصوتيه عندك على الجهاز ..
4- علشان تثبتها عندك بالماسن ..

:: Abuot ::

من هنا تدخل على معلومات البرنامج ..

هذي خرابيط البرنامج .. وفيها رقم النسخة اللي انا شارحها ..

:: طريقة التعريب ::

داخل ملف البرنامج اللي حملتوه .. فيه ملف حجمه 6 كيلو بايت
هذا ملف الترجمه .. سوله نسخ ..

ورح للمسار اللي انت حفظت فيه البرنامج .. وغالبا يكون مثل المسار اللي انا داخله ..
وبعد ما تدخل على ملف البرنامج ادخل على ملف اسمه Languages ولصق ملف الترجمه اللي نسخته فيه ..
وبكذا بيصير ركب عندك البرنامج .. وما عليك الا تروح تضغط على مكان تغير اللغة زي ما شرحتها اول الموضوع وتختار اللغة العربيه ويصير البرنامج معرب عندك ..

:: مشاكل يمكن تواجهها ::

احيانن ممكن لما تفتح الماسن بيجيك بمثل هالشكل

حلها انك تقفل الماسن وتسوي له انهاء من شريط المهام .. وعقبها تفتحه ثانيه وبيضبط معك زي الحلاوة

هالخيار حدد عليه اذا ما كنت تبي البرنامج يشتغل مع الماسن ..
بس حط ببالك انك اذا اخترته معد تقدر تشغله الا اذا سويت خروج من الماسن .. وتشغله وبعدها ترجع تسجل دخولك مره ثانيه ..

أنا حملت البرنآمج وشغال

نبى ردود وتقييمآت

تقبلوا تحياتي

محب ياسر الكاسر.... · #2 15/12/2007, 06:05 PM

مشكور وما قصرت شرح كافي ووافي

حموديفيتش · #3 15/12/2007, 07:39 PM

إقتباس

الرسالة الأصلية كتبت بواسطة محب ياسر الكاسر....


	مشكور وما قصرت شرح كافي ووافي

مشكووووووووووور على المرور

حموديفيتش · #4 16/12/2007, 06:24 PM

وييييييييين الردوووووووووووووووووووووووووود

عاشق سام9 · #5 17/12/2007, 12:16 AM

اقول بيض الله وجهك على الشرح

حموديفيتش · #6 17/12/2007, 11:00 AM

إقتباس

الرسالة الأصلية كتبت بواسطة عاشق سام9


	اقول بيض الله وجهك على الشرح

الف شكر على مرورك

9هلالي قصيمي9 · #7 17/12/2007, 03:38 PM

ما اقول غير الله يجزاااااااك كل خير ان شاء الله شرح ولا احلى مشكوووووووووووووور

تقبل مروري اخوك/9هلالي قصيمي9

حموديفيتش · #8 18/12/2007, 09:59 PM

إقتباس

الرسالة الأصلية كتبت بواسطة 9هلالي قصيمي9


	ما اقول غير الله يجزاااااااك كل خير ان شاء الله شرح ولا احلى مشكوووووووووووووور تقبل مروري اخوك/9هلالي قصيمي9

مشكور اخوي على مرورك العطر

D.Beck23ham · #9 17/12/2007, 07:07 PM

يعطيك العافيه على الشرح

لبـى قلبك · #10 17/12/2007, 07:53 PM

مشكور يالغالي على البرنامج الحلو وشرح وااافي وووالله ماقصرت وتلسم يمينك

وكل عام وانت بخير

حموديفيتش · #11 18/12/2007, 10:01 PM

إقتباس

الرسالة الأصلية كتبت بواسطة * أبونواف *


	مشكور يالغالي على البرنامج الحلو وشرح وااافي وووالله ماقصرت وتلسم يمينك وكل عام وانت بخير

مشكووووووووووووووور على المروووووووووور

وانت بخير

حموديفيتش · #12 18/12/2007, 10:30 PM

إقتباس

الرسالة الأصلية كتبت بواسطة D.Beck23ham


	يعطيك العافيه على الشرح

ويعافيك انشاء الله

ومشكور على المرور