السلام عليكم ورحمة الله وبركاته

وبعد حبيت انقل لكم ما قالة الاعب الرائع تفاريس بعد الديربي ولكن قبل ذلك اسمحوا لي

اذكر لكم الي حصل (قبل و بعد الديربي ) فقبل الديربي كالعاده طلع سلمان النمشان

بالقنوات يشرح المداخل والمخارج في استاد الملك فهد الدولي

ومن وين يدخل جمهور الهلال ومن وين يدخل جمهور النصر والرجال شغال بين القنوات

بعد ما خلص من القنوات دق على مدير استاد الملز وقالة الله لا يهينك ابي سيارة

علاج الاعبين لان السيارة الي عندي بستخدمها اثناء المباراة بالتنقل في الملعب

طبعا مدير استاد الامير فيصل بن فهد (الملز) الاستاد محمد العتيبي ارسل السيارة

للنمشان لاكن ارسل معها نكبة للنمشان ونقل المباراة عنده

ثم دق على النمشان لانه يبي سيارتة + سيارة النمشان لاكن

طلع النمشان مقفل جوالة مر على الاستاد و دق الجرس محد فتح له

مشى وهو زعلاااااان وعلى طول مر على محل بيت الرياضة الفالح

علشان يشري نقالة من عندهم لان سيارة مع النمشان

قبل المباراة رحت للملعب علشان اتفرج من قرب مليت من الشاشة

اثناء دخولي للاستاد مريت على رجال الامن ولقيت انواع اقلام الليزر سألتهم عن مصدرها

قالوا مع الجماهير النصراوية قلت عادتهم ودخلت للملعب

تمشيت بالملعب لقيت مدرب النصر يررررررجف قلت هالمسكين ذبحة برد الرياض

جبت له بطنية مرقطة على شكل نمر وغطيتة ( ابي الاجر) وانا ماشي لقيت ادارة النصر

متجمعة قلت سبحان الله غريبه رحت يمهم ابي اعرف وش سر هالتجمع طبعا

اول شي لقيت رئيس النادي فيصل بن عبدالرحمن وبجنبه الدغيثر

والدغيثر يسولف عليه وهذاك مو يمه الدغيثر انتبه وصار يسولف وهو وجهه للملعب

كأنه ما هو شايف الطنش من رئيسة كملت

وانا اشوف عماد جالس بجنب الامير ممدوح بن عبدالرحمن ويضحك معه

وهم يتناقشون في امور الاصفر المهم قلت ابي امر على آخر شخصيه نصراوية

الوليد بن بدر بصراحة كنت ناوي اسولف معه لاكن لقيته يسولف بسماعة البلوتوث

قلت خله على راحته

رحت بسررررعة لمدرج الهلال

والقى كوزمين معصب جدا وبالكرسي الي بجنبة عادل البطي سلمت

على عادل و جلست بجنبه (بينه وبين المدرب) وقلت للبطي تبي شاي قال ايه

لو سمحت طلعت مع مخباي براد شاي واحطه على راس المدرب لانه كان يغلي

شربنا الشاي انا والبطي بعدين قلت له اي خدمات ابو بطي قال سلامتك

ومشكور على الشاي قلت اشكر كوزمين مشيت بالمدرجات

وانا القى عبد الرحمن الزيد جلست بجنبه ما سلمت الا والبلني محتسب

قلت وش رايك ابو زيد قال لا تعليق قلت افا خفت منهم عصب الرجال

وقال (يعقبون) انا ما اخاف الا من الي خلقني قلت طيب رايك قال

مو بلنتي وشوي الا ويجي الناصر داق لطمه قلت هلا بالناصر وش رايك

في البلنتي قال الله يرحم والديك مابي احد يدري اني بالملعب

انا متلطم كني من البرد مو من هالبلنتي قلت ليه؟

قال الهلالي مظلوم والنصراوي شين وقوي عين

مشيت بعد المباراة لتفاريس لقيته متأثر كثير قلت شفيك

قال كل لاعبين الدفاع سجلوا والسبب ان لاعبي الهجوم ماخذين اجازه

لاكن انا ما سجلت ولازم اسجل قلت له طيب البطولات كثيرة

الحين تقدر تسجل فيهم قال تظمن ان النصر يتأهل في ولي العهد

قلت لا قال علشان كذا انا زعلان على نفسي

قلت يارجال جماهير الهلال كلهم يحبونك ويقولون يكفي انه ماسك الدفاع

تركت تفاريس ورحت اتمشي بالملعب لقيت الدغيثر يسولف لحاله

ووجهه للملعب رحت له وقلت هيه تكلم مين طالع يمينه يدور رئيس النصر

والا الرجال رايح له ربع ساعة طبعا طاح وجهه وقام يرقع مشيت عنه وهو يرقع

لقيت مدرب النصر مره ثانيه قبل ما يركب الباص وانطلق على يبي يحب راسي

قلت خير وش فيك قال اشكر عني الهلال الي انقذني من الاقالة

المهم رحت لاستديو ار تي واقى الفوده يبي يتكلم عن البلنتي

واقتحم لك الاستديو قبل ما يقول رأيه قلت لحظه بالله

لو سمحت وليد اطلع المهم بالقوه طلع وليد وصرت انا المقدم

وفي لحظه عرض اللقطة( قلت لعبتك يا فودة )كلنا سكتنا

نبي رايه وهو يسوي المهم تركت الاستديو ورجع الفراج

وقال الي صار بسبب الليزر واما انا رحت للبيت

اتمنى ان الموضوع قصيييييير

وشكرآ

محبكم/ انتراوي الهلال