15/01/2001, 03:51 AM
|
| زعيــم متألــق | | تاريخ التسجيل: 28/08/2000 المكان: هلالي وأعشق سامي
مشاركات: 1,169
| |
والله يا شباب صار علي موقف غريب ومدهش يدل على شيء واحد راح تعرفونه في نهاية هالسالفة الي صارت ...
كنت في مطار الملك خالد الدولي انتظر وصول رحلة أحد أصدقائي وكان واقف جنبي ثلاث أخوان يشجعون فيما أظن نادي اللا هلال ...!! المهم الشباب يسولفون في المنتخب ... وبعد شوي رجعوا على سامي ( قاهرهم طبعاً ) وهاتك سب وحش فيه ... اللي يقول مافي راسه واللي يقول والله انه لاعب حواري ومن هالكلام وأنا والله ساكت قلت خلهم مساكين محروقين ...
وبعد شوية راحوا يتكلمون في إحترافه ... وإذا واحد فيهم يقول : ( أصلاً سامي ما أحترف هو راح هناك للنادي الإنجليزي ولا لعب ولا مباراة ولا حتى إحتياط وكل كلام هالجرايد خرطي في خرطي .... ّ!! أنا ولد عمي في إنجلترا وقالي هالكلام ...!! ( والله من النصب ** إنجلترا مرة وحده ) .. قال خوية والله أنك صادق وصحافة الهلال تقول يلعب وتضحك على جمهورهم المسكين ...!!
بصراحة أنا في هاللحظة تدخلت قلت يالغالي سامي لعب هناك ... قال لا والله أسألني أنا ( أخس يا كولن لي ..!! ) ... قلت وش رايك تبي شريط فيديو مباراة ولفر هامبتون ونوريش سيتي ... قال مستحيل ... قلت تبي قل ايه ... لحظتها وجهه صار ** ..!! ... وأصحابه هاتك يا ضحك وبالذات الثالث الي ماتكلم أظنه هلالي وصار يضحك ويقوله .. أحسن يا ولد عمي ....!!
بصراحة هالموقف يمكن يكون يتكرر كثير وخصوصاً مع صحافة اللا هلال اللي مالها هم إلا سامي وين راح وين جا ...
وأنا في البداية قلت أن هالقصة تدل على شيء واحد أظنكم عرفتوه ؟؟؟
ولكم تحياتي ..
أخوكم / سفر المرزوقي .
------------------
سأل وش رايك بسامي ... سؤال أهبل !!! ... أحد يسأل بعز القيظ ... هو الماء زين يالظامي ........... صنع وأبدع ... ضرب وأوجع ... شبع وأشبع ... ومخلابه قبل دامي ... ولا يغرس هزيل الصيد ... ولا يهرول عبث سامي |
الوضع العادي
